ഇറ്റലിയിൽ മഹാത്മാഗാന്ധിയുടെ പ്രതിമ ഖാലിസ്ഥാൻവാദികൾ തകർത്തു

ഇറ്റലിയിലെ മഹാത്മാഗാന്ധി പ്രതിമ ഖാലിസ്ഥാൻ അനുകൂല സംഘം തകർത്തു. G7 ഉച്ചകോടിക്കായി പ്രധാനമന്ത്രി നരേന്ദ്ര മോദിയുടെ ഇറ്റലി സന്ദർശന വേളയിൽ ഇത് ഉദ്ഘാടനം ചെയ്യാനായിരുന്നു തീരുമാനിച്ചിരുന്നത്. കൊല്ലപ്പെട്ട ഖാലിസ്ഥാൻ ഭീകരൻ ഹർദീപ് സിംഗ് നിജ്ജാറുമായി ബന്ധപ്പെട്ട വിവാദ മുദ്രാവാക്യങ്ങളും പ്രതികൾ പ്രതിമയുടെ ചുവട്ടിൽ എഴുതിയിട്ടുണ്ട്. വിഷയം ബന്ധപ്പെട്ട ഇറ്റാലിയൻ അധികൃതരുമായി ഇന്ത്യ ചർച്ച ചെയ്തിട്ടുണ്ടെന്ന് വിദേശകാര്യ സെക്രട്ടറി വിനയ് മോഹൻ ക്വാത്ര പറഞ്ഞു.

World312 days ago

പാര്‍ലമെന്റിലും ചെങ്കോട്ടയിലും ബോംബിടുമെന്ന് ഖലിസ്ഥാന്‍ ഭീഷണി

പാര്‍ലമെന്റിന്റെ വര്‍ഷകാല സമ്മേളനം ഇന്ന് തുടങ്ങാനിരിക്കെ പാര്‍ലമെന്റിലും ചെങ്കോട്ടയിലും ബോംബ് സ്‌ഫോടനം നടത്തുമെന്ന് ഖലിസ്ഥാന്‍ ഭീഷണി. മലയാളി രാജ്യസഭാ MPമാരായ വി.ശിവദാസിനും എ.എ. റഹീമിനും ഇന്നലെ രാത്രി 11.30 ഓടെയാണ് ഖലിസ്ഥാന്‍ തീവ്രവാദ സംഘടനയായ സിഖ് ഫോര്‍ ജസ്റ്റിസിന്റെ പേരിലുള്ള പേരിലുള്ള ഭീഷണി സന്ദേശം ലഭിച്ചത്. MPമാര്‍ ഉടന്‍ തന്നെ ഡല്‍ഹി പോലീസിന് വിവരം കൈമാറി. ഭീഷണിയെത്തുടര്‍ന്ന് പാര്‍ലമെന്റില്‍ സുരക്ഷ ശക്തമാക്കി.

National273 days ago

യൂറോ കപ്പ്: ഇറ്റലിയെ തോല്‍പ്പിച്ച് സ്വിറ്റ്‌സര്‍ലന്റ് ക്വാര്‍ട്ടറില്‍

പ്രീ ക്വാര്‍ട്ടര്‍ മത്സരത്തില്‍ നിലവിലെ ചാമ്പ്യന്മാരായ ഇറ്റലിയെ എതിരില്ലാത്ത രണ്ട് ഗോളിന് പുറത്താക്കിയാണ് സ്വിറ്റ്‌സര്‍ലന്റ് ക്വാര്‍ട്ടറിലെത്തിയത്. ആദ്യ പകുതിയില്‍ റെമോ ഫ്രൂലറും രണ്ടാം പകുതിയില്‍ റുബന്‍ വര്‍ഗാസുമാണ് സ്വിറ്റ്‌സര്‍ലന്റിനായി ഗോള്‍ നേടിയത്. 37ാം മിനിറ്റിലാണ് ആദ്യ ഗോള്‍ പിറന്നത്.

Sports295 days ago

യൂറോ കപ്പ്: ക്രൊയേഷ്യയോട് സമനില; ഇറ്റലി പ്രീക്വാര്‍ട്ടറില്‍

ഗ്രൂപ്പ് ഘട്ടത്തിലെ അവസാന മത്സരത്തില്‍ ക്രൊയേഷ്യയോട് സമനിലയിലെത്തിയാണ് (1-1) ഇറ്റലി പ്രീക്വാര്‍ട്ടറുറപ്പിച്ചത്. നാല് പോയിന്റോടെ ബി ഗ്രൂപ്പ് രണ്ടാം സ്ഥാനത്താണ് ഇറ്റലി. രണ്ടാം പകുതിയിലാണ് ഇറ്റലി-ക്രൊയേഷ്യ മത്സരം സംഭവബഹുലമായത്. ക്യാപ്റ്റനും സൂപ്പര്‍ താരവുമായ ലൂക്കാ മോഡ്രിച്ച് നേടിയ ഗോളില്‍ ക്രൊയേഷ്യ 1-0ന്റെ വിജയം ഉറപ്പിച്ചതായിരുന്നു. 54ാം മിനിറ്റില്‍ ക്രൊയേഷ്യയ്ക്കു പെനാല്‍റ്റി. അധിക സമയമായി 10 മിനിറ്റാണ് കളിയില്‍ അനുവദിക്കപ്പെട്ടത്. മത്സരം ക്രൊയേഷ്യ 1-0നു ജയിക്കുമെന്നിരിക്കെ എട്ടാം മിനിറ്റില്‍ സക്കാനിയുടെ കിടിലന്‍ ഗോളാണ് ഇറ്റലിയെ രക്ഷിച്ചത്.

Sports300 days ago

ഇറ്റലി തീരത്ത് രണ്ട് ബോട്ട് അപകടങ്ങളിലായി 11 പേര്‍ കൊല്ലപ്പെട്ടു

കുടിയേറ്റക്കാര്‍ യാത്ര ചെയ്തിരുന്ന ബോട്ടുകളാണ് അപകടത്തില്‍പ്പെട്ടത്. അപകടങ്ങളില്‍ 64 പേരെ കാണാതായി. ലിബിയയില്‍നിന്ന് കുടിയേറ്റക്കാരുമായി പുറപ്പെട്ട ബോട്ടാണ് ഇറ്റാലിയന്‍ ദ്വീപായ ലാംപെഡൂസയ്ക്ക് അടുത്തുവെച്ച് ആദ്യം അപകടത്തില്‍പ്പെട്ടത്. അതേസമയം തുര്‍ക്കിയില്‍ നിന്ന് പുറപ്പെട്ട ബോട്ടാണ് തെക്കന്‍ ഇറ്റലിയിലെ കാലാബ്രിയന്‍ തീരത്തുനിന്ന് 100 മൈല്‍ അകലെ അപകടത്തില്‍പ്പെട്ടത്.

World307 days ago

G7 ഉച്ചകോടി: പ്രധാനമന്ത്രി ഇറ്റലിയിലെത്തി

G7 ഉച്ചക്കോടിയുടെ ഭാഗമായി പ്രധാനമന്ത്രി നിരവധി നേതാക്കളുമായി കൂടിക്കാഴ്ച നടത്തുമെന്നാണ് സൂചന. പ്രധാനമന്ത്രിയായി മൂന്നാം തവണ അധികാരമേറ്റതിന് ശേഷമുള്ള നരേന്ദ്ര മോദിയുടെ ആദ്യ വിദേശയാത്രയാണിത്. ലോക നേതാക്കളുമായി ഉല്‍പ്പാദനപരമായ ചര്‍ച്ചകളില്‍ ഏര്‍പ്പെടാന്‍ കാത്തിരിക്കുകയാണെന്നും ആഗോള വെല്ലുവിളികളെ അഭിമുഖീകരിക്കാനും ശോഭനമായ ഭാവിക്കായി അന്താരാഷ്ട്ര സഹകരണം പ്രോത്സാഹിപ്പിക്കാനും ലക്ഷ്യമിടുന്നതായി അദ്ദേഹം എക്‌സില്‍ കുറിച്ചു.

National311 days ago

ജസ്റ്റിന്‍ ട്രൂഡോ പങ്കെടുത്ത ചടങ്ങിലെ ഖലിസ്ഥാൻ അനുകൂല മുദ്രാവാക്യം: ഇന്ത്യ കാനഡയെ പ്രതിഷേധം അറിയിച്ചു

ടൊറൻ്റോയിൽ കനേഡിയൻ പ്രധാനമന്ത്രി ജസ്റ്റിൻ ട്രൂഡോയും മറ്റ് രാഷ്ട്രീയ നേതാക്കളും ഖാലിസ്ഥാൻ അനുകൂല പരിപാടിയിൽ പങ്കെടുത്തതിലും ചടങ്ങിൽ ഖാലിസ്ഥാൻ അനുകൂല മുദ്രാവാക്യങ്ങൾ മുഴങ്ങിയതിലും ഇന്ത്യ ശക്തമായ പ്രതിഷേധം രേഖപ്പെടുത്തി. ഇന്ത്യയിലെ കനേഡിയൻ ഹൈക്കമ്മിഷണറെ വിളിച്ചു വരുത്തിയാണ് ഇന്ത്യ പ്രതിഷേധം അറിയിച്ചത്. വിഘടനവാദത്തിനും തീവ്രവാദത്തിനും അക്രമത്തിനും കാനഡയിൽ വീണ്ടും രാഷ്ട്രീയ ഇടം നൽകുന്നു എന്ന് വ്യക്തമാക്കുന്നതാണ് ഈ സംഭവമെന്ന് ഇന്ത്യൻ വിദേശകാര്യ മന്ത്രാലയം പ്രസ്താവനയിൽ അറിയിച്ചു.

National356 days ago

ജസ്റ്റിന്‍ ട്രൂഡോയുടെ പ്രസംഗത്തിനിടെ ഖാലിസ്ഥാന്‍ അനുകൂല മുദ്രാവാക്യങ്ങള്‍ ഉയര്‍ത്തി ജനക്കൂട്ടം

ടൊറന്റോയില്‍ നടന്ന ഒരു പരിപാടിയില്‍ പ്രധാനമന്ത്രി ജസ്റ്റിന്‍ ട്രൂഡോ സിഖ് സമൂഹത്തെ അഭിസംബോധന ചെയ്യവെയാണ് ജനക്കൂട്ടം ഖാലിസ്ഥാന്‍ അനുകൂല മുദ്രാവാക്യങ്ങള്‍ ഉയര്‍ത്തിയത്. രാജ്യത്തെ സിഖ് സമുദായത്തിന്റെ അവകാശങ്ങളും സ്വാതന്ത്ര്യവും സംരക്ഷിക്കാന്‍ തന്റെ സര്‍ക്കാര്‍ എല്ലായ്പ്പോഴും പ്രതിജ്ഞാബദ്ധമാണ്. വിദ്വേഷത്തിനും വിവേചനത്തിനുമെതിരെ സിഖ് സമൂഹത്തെ സംരക്ഷിക്കുമെന്നും ഗുരുദ്വാരകള്‍ ഉള്‍പ്പെടെയുള്ള കമ്മ്യൂണിറ്റി സെന്ററുകളിലും ആരാധനാലയങ്ങളിലും കൂടുതല്‍ സുരക്ഷ നല്‍കുമെന്നും അദ്ദേഹം ഉറപ്പ് നല്‍കി.

World357 days ago

പഞ്ചാബ് മുഖ്യമന്ത്രിക്കെതിരെ വധ ഭീഷണിയുമായി ഖാലിസ്ഥാനി ഭീകരൻ

റിപ്പബ്ലിക് ദിനത്തിൽ പഞ്ചാബ് മുഖ്യമന്ത്രി ഭഗവന്ത് മാനെതിരെ സംഘടിത ആക്രമണം നടത്താൻ ഗുണ്ടാസംഘങ്ങളോട് ഖാലിസ്ഥാനി ഭീകരൻ ഗുർപത്വന്ത് സിംഗ് പന്നൂൻ ഭീഷണി സന്ദേശത്തിൽ ആവശ്യപ്പെടുന്നുണ്ട്. ഇതേതുടര്‍ന്ന് പഞ്ചാബ് മുഖ്യമന്ത്രിയുടെ സുരക്ഷ കൂട്ടിയിട്ടുണ്ട്. ഗുണ്ടകള്‍ക്കെതിരെ സീറോ ടോളറൻസ് പോളിസി ആയിരിക്കുമെന്ന് പഞ്ചാബിലെ ഉന്നത പോലീസ് ഉദ്യോഗസ്ഥൻ ഗൗരവ് യാദവ് പറഞ്ഞു.

World460 days ago

ഖലിസ്താന്‍ നേതാവിന് നേരെയുളള വധശ്രമക്കേസില്‍ തെളിവ് ആവശ്യപ്പെട്ട് US കോടതി

US, കാനഡ രാജ്യങ്ങളില്‍ പൗരത്വമുളള ഖലിസ്താന്‍ വിഘടനവാദി നേതാവ് ഗുര്‍പത്വന്ത് സിങ് പന്നൂനെ വധിക്കാനായി വാടകക്കൊലയാളിയെ ഏര്‍പ്പെടുത്തി എന്നാരോപിച്ച് ഇന്ത്യന്‍ പൗരനായ നിഖില്‍ ഗുപ്തയെ US ല്‍ അറസ്റ്റ് ചെയ്തിരുന്നു. ഈ കേസില്‍ നിഖില്‍ ഗുപ്തയുടെ അഭിഭാഷകര്‍ നല്‍കിയ ഹര്‍ജിയിലാണ് ഫെഡറല്‍ സര്‍ക്കാരിനോട് കോടതി തെളിവ് ആരാഞ്ഞത്.

World466 days ago

പാര്‍ലമെന്റ് ആക്രമിക്കുമെന്ന ഭീഷണിയുമായി ഖലിസ്താന്‍ ഭീകരന്‍

ഡിസംബര്‍ 13ന് മുമ്പ് പാര്‍ലമെന്‍റിന് നേര്‍ക്ക് ആക്രമണം നടത്തുമെന്ന ഭീഷണിയുമായി ഖലിസ്താന്‍ വിഘടനവാദി നേതാവ് ഗുര്‍പത്വന്ദ് സിങ് പുന്നൂന്‍. 2001 ല്‍ ഭീകരര്‍ നടത്തിയ പാര്‍ലമെന്‍റ് ആക്രമണത്തിന് 22 വര്‍ഷം തികയുന്ന ദിവസമാണ് ഡിസംബര്‍ 13.

World502 days ago