മെട്രോ തൃശൂരിലേക്ക് നീട്ടാന്‍ ശ്രമം നടത്തുമെന്ന് സുരേഷ് ഗോപി

കൊച്ചി മെട്രോ MD ലോക്നാഥ് ബെഹ്റയുമായി കഴിഞ്ഞ കുറച്ച് വര്‍ഷങ്ങളായി ഇക്കാര്യം സംസാരിക്കുന്നുണ്ടെന്നും സുരേഷ് ഗോപി പറഞ്ഞു. തൃശൂര്‍ പൂരം നടത്തുന്നതിന് പുതിയ മാര്‍ഗനിര്‍ദേശങ്ങളുണ്ടാക്കുമെന്നും ജനങ്ങളുടെ ആരാധനയിലും ആസ്വാദനത്തിലും വീണ മാലിന്യം ശുദ്ധീകരിക്കുമെന്നും സുരേഷ് ഗോപി വ്യക്തമാക്കി. മണ്ണുത്തിയില്‍ നിന്ന് ചങ്ങരംകുളം അല്ലെങ്കില്‍ പൊന്നാനി റൂട്ടിലേക്ക് ബന്ധിപ്പിക്കുന്ന ഒരു ക്രോസ് കട്ട് റോഡ് എന്നത് സ്വപ്നപദ്ധതിയാണെന്നും അദ്ദേഹം കൂട്ടിച്ചേര്‍ത്തു.

Kerala318 days ago

തൃശൂര്‍ പൂരത്തിനിടെ ആംബുലന്‍സ് ദുരുപയോഗം ചെയ്തു; സുരേഷ് ഗോപിക്കെതിരെ പരാതി

തൃശൂര്‍ പൂരം നിര്‍ത്തിവെച്ചതിന് പിന്നാലെ സുരേഷ് ഗോപി ആംബുലന്‍സില്‍ വന്നതിനെതിരെ അഭിഭാഷകനായ അഡ്വക്കേറ്റ് കെ സന്തോഷ് കുമാര്‍ മോട്ടോര്‍ വാഹന വകുപ്പിനും മുഖ്യമന്ത്രിക്കും പരാതി നല്‍കി. ചികിത്സ സംബന്ധമായ ആവശ്യങ്ങള്‍ക്ക് ഉപയോഗിക്കേണ്ട ആംബുലന്‍സ് ദുരുപയോഗം ചെയ്തുവെന്ന് ചൂണ്ടിക്കാണിച്ചാണ് പരാതി. പൂരം നിര്‍ത്തിവച്ചതിന് പിന്നാലെ, മറ്റു വാഹനങ്ങള്‍ക്കു പ്രവേശനമില്ലാതെ അടച്ചിട്ട മേഖലയിലേക്ക് സുരേഷ് ഗോപി ആംബുലന്‍സില്‍ എത്തിയതിന് പിന്നില്‍ ദുരൂഹതയുണ്ടെന്ന് ആരോപണം ഉയര്‍ന്നിരുന്നു.

Kerala206 days ago

മാധ്യമപ്രവര്‍ത്തകരെ കയ്യേറ്റം ചെയ്‌തെന്ന പരാതി; സുരേഷ് ഗോപിക്കെതിരെ കേസെടുക്കില്ല

കേന്ദ്രമന്ത്രി സുരേഷ് ഗോപിക്കെതിരെ കോണ്‍ഗ്രസ് നേതാവ് അനില്‍ അക്കര നല്‍കിയ പരാതിയാണ് തള്ളിയത്. മാധ്യമപ്രവര്‍ത്തകരെ കയ്യേറ്റം ചെയ്‌തെന്ന പരാതിയില്‍ നിയമ നടപടികള്‍ സ്വീകരിക്കാന്‍ വകുപ്പില്ലെന്ന് പോലീസ് അനില്‍ അക്കരയെ അറിയിച്ചു. മാധ്യമപ്രവര്‍ത്തകരുടെ മൊഴിയെടുക്കുകയും തൃശൂര്‍ രാമനിലയത്തിലെ CCTV ദൃശ്യങ്ങള്‍ പരിശോധിക്കുകയും ചെയ്തിരുന്നു. തുടര്‍ന്നാണ് കേസെടുക്കേണ്ടതില്ലെന്ന തീരുമാനത്തിലെത്തിയതെന്ന് പോലീസ് അറിയിച്ചു.

Kerala207 days ago

ISL: അധിക സർവീസ് ഒരുക്കി കൊച്ചി മെട്രോ

കൊച്ചി ജവഹർലാൽ നെഹ്‌റു സ്റ്റേഡിയത്തിൽ ISL മത്സരം നടക്കുന്ന ദിവസങ്ങളിൽ JLN മെട്രോ സ്റ്റേഷനിൽ നിന്നും കൊച്ചി മെട്രോ അധിക സർവീസ് നടത്തും. രാത്രി 11 മണിക്കായിരിക്കും JLN മെട്രോ സ്റ്റേഷനിൽ നിന്നും ആലുവയിലേക്കും തൃപ്പൂണിത്തുറ ടെർമിനൽ സ്റ്റേഷനിലേക്കുമുള്ള അവസാന ട്രെയിൻ സർവീസ്.

Kerala212 days ago

ശക്തന്‍ പ്രതിമ പുനര്‍നിര്‍മ്മാണം വൈകുന്നു; പ്രതിഷേധിച്ച് സുരേഷ്‌ഗോപി

KSRTC ബസിടിച്ച് തകര്‍ന്നുവീണ ശക്തന്‍ തമ്പുരാന്റെ പ്രതിമ 14 ദിവസത്തിനകം പുനസ്ഥാപിച്ചില്ലെങ്കില്‍ ശക്തന്റെ വെങ്കല പ്രതിമ താന്‍ പണിതു നല്‍കുമെന്ന് MP സുരേഷ് ഗോപി. പ്രതിമ 2 മാസം കൊണ്ട് പുനര്‍നിര്‍മ്മിക്കുമെന്ന് സര്‍ക്കാര്‍ ഉറപ്പ് നല്‍കിയിരുന്നു. ഇത് പാലിക്കാത്തതില്‍ പ്രതിഷേധിച്ചാണ് സുരേഷ് ഗോപിയുടെ പ്രതികരണം. ജൂണ്‍ 9നാണ് ശക്തന്‍ തമ്പുരാന്റെ പ്രതിമ KSRTC ബസ് ഇടിച്ച് തകര്‍ന്നു വീണത്. പ്രതിമയുടെ പുനര്‍നിര്‍മ്മാണത്തിന് വേണ്ടിയുള്ള ചെലവ് KSRTC വഹിക്കുമെന്ന് ഗതാഗത മന്ത്രി പറഞ്ഞിരുന്നു.

Kerala225 days ago

UPSC പരീക്ഷ; ഞായറാഴ്ച്ച അധിക സര്‍വീസുമായി കൊച്ചി മെട്രോ

UPSC പരീക്ഷ നടക്കുന്ന സെപ്റ്റംബര്‍ ഒന്നിന് അധിക സര്‍വീസുകളൊരുക്കി കൊച്ചി മെട്രോ. ഉദ്യോഗാര്‍ത്ഥികള്‍ക്ക് കൃത്യസമയത്ത് തന്നെ പരീക്ഷ സെന്ററില്‍ എത്തുന്നതുള്‍പ്പെടെയുളള യാത്രാസൗകര്യം ഒരുക്കുന്നതിന്റെ ഭാഗമായാണ് നടപടി. ഞായറാഴ്ച്ച രാവിലെ 7 മണി മുതല്‍ കൊച്ചി മെട്രോ സര്‍വീസ് ആലുവ, തൃപ്പൂണിത്തുറ ടെര്‍മിനല്‍ സ്റ്റേഷനുകളില്‍ നിന്ന് ആരംഭിക്കും. നിലവില്‍ രാവിലെ 7.30നാണ് ഞായറാഴ്ച്ചകളില്‍ സര്‍വ്വീസ് ആരംഭിച്ചിരുന്നത്. സമയം ദീര്‍ഘിപ്പിച്ചതിനാല്‍ സര്‍വീസുകളുടെ എണ്ണവും വര്‍ധിക്കും. ഇത് ഉദ്യോഗാര്‍ത്ഥികള്‍ക്ക് ഗുണകരമാകും.

Kerala234 days ago

മാര്‍ഗതടസമുണ്ടാക്കി; സുരേഷ് ഗോപിയുടെ പരാതിയില്‍ മാധ്യമങ്ങള്‍ക്കെതിരെ കേസെടുത്തു

തൃശൂര്‍ രാമനിലയത്തില്‍ വെച്ച് മാധ്യമപ്രവര്‍ത്തകര്‍ തന്റെ വഴി തടസപ്പെടുത്തിയെന്ന കേന്ദ്രമന്ത്രി സുരേഷ് ഗോപിയുടെ പരാതിയില്‍ തൃശൂര്‍ ഈസ്റ്റ് പോലീസ് കേസെടുത്തു. മൂന്നു ചാനലുകള്‍ ഉള്‍പ്പടെയുള്ള മാധ്യമങ്ങള്‍ക്കെതിരെയാണ് കേസ്. കേന്ദ്രമന്ത്രിയെ കാറില്‍ കയറാന്‍ സമ്മതിക്കാതെ മാധ്യമപ്രവര്‍ത്തകര്‍ തടഞ്ഞെന്നും സുരക്ഷാ ഉദ്യോഗസ്ഥന്റെ കൃത്യനിര്‍വഹണം തടസപ്പെടുത്തിയെന്നുമാണ് FIR ല്‍ പറയുന്നത്. അതേസമയം മാധ്യമപ്രവര്‍ത്തകരെ തള്ളിമാറ്റിയെന്ന പരാതിയില്‍ സുരേഷ് ഗോപിക്കെതിരെയും അന്വേഷണം ആരംഭിച്ചിട്ടുണ്ട്.

Kerala234 days ago

മാധ്യമപ്രവര്‍ത്തകരെ തള്ളിമാറ്റിയ സംഭവം; സുരേഷ് ഗോപിക്കെതിരെ അന്വേഷണം

തൃശൂരില്‍ മാധ്യമപ്രവര്‍ത്തകരെ കേന്ദ്ര മന്ത്രി സുരേഷ് ഗോപി തള്ളിമാറ്റിയ സംഭവത്തില്‍ അനില്‍ അക്കര MLAയുടെ പരാതിയില്‍ പ്രാഥമികാന്വേഷണത്തിന് നിര്‍ദേശം നല്‍കി. തൃശൂര്‍ സിറ്റി SPയ്ക്കാണ് കമ്മീഷണര്‍ നിര്‍ദേശം നല്‍കിയത്. പരാതിക്കാരനില്‍ നിന്നും മാധ്യമപ്രവര്‍ത്തകരില്‍ നിന്നും വേണ്ടി വന്നാല്‍ മൊഴിയെടുക്കുമെന്ന് SP അറിയിച്ചു. MLA മുകേഷിന്റെ രാജിയുമായി ബന്ധപ്പെട്ട ചോദ്യങ്ങളോടായിരുന്നു സുരേഷ് ഗോപിയുടെ പ്രകോപനം.

Kerala235 days ago

പ്രതികരിക്കാന്‍ സൗകര്യമില്ല; മാധ്യമപ്രവര്‍ത്തകരെ തള്ളിമാറ്റി സുരേഷ് ഗോപി

തൃശൂരിലെ രാമനിലയത്തിലെത്തിയ കേന്ദ്ര മന്ത്രിയും നടനുമായ സുരേഷ് ഗോപിയോട് മുകേഷിന്റെ രാജിയുമായി ബന്ധപ്പെട്ട് പ്രതികരണം ചോദിച്ചപ്പോഴാണ് പ്രതികരിക്കാന്‍ സൗകര്യമില്ലെന്ന് പറഞ്ഞ് മാധ്യമപ്രവര്‍ത്തകരെ തള്ളിമാറ്റിയത്. എന്റെ വഴി എന്റെ അവകാശമാണെന്നും പ്രതികരിക്കാന്‍ സൗകര്യമില്ലെന്നും സുരേഷ് ഗോപി പറഞ്ഞു. ഈ വിഷയവുമായി ബന്ധപ്പെട്ട് അദ്ദേഹം രാവിലെ നടത്തിയ പ്രതികരണവും വിവാദമായിരുന്നു. മുകേഷിന്റെ കാര്യം കോടതി തീരുമാനിക്കുമെന്നും വിവാദങ്ങള്‍ മാധ്യമങ്ങളുടെ തീറ്റയാണെന്നുമായിരുന്നു രാവിലെ നടത്തിയ പ്രതികരണം.

Kerala236 days ago

ഉയര്‍ന്നു വരുന്ന ആരോപണങ്ങള്‍ മാധ്യമങ്ങള്‍ക്കുള്ള തീറ്റ: സുരേഷ് ഗോപി

മലയാള സിനിമയില്‍ ഉയര്‍ന്നു വരുന്ന ലൈംഗികാരോപണങ്ങളെ സംബന്ധിച്ചുള്ള ചോദ്യങ്ങളോട് ക്ഷുഭിതനായി കേന്ദ്ര മന്ത്രിയും നടനുമായ സുരേഷ് ഗോപി. പുതിയ ആരോപണങ്ങള്‍ ഉയര്‍ന്നുവരുന്നുണ്ടല്ലോ എന്ന ചോദ്യത്തിന് എല്ലാത്തിനും കോടതി ഉത്തരം പറയുമെന്നായിരുന്നു സുരേഷ് ഗോപി പറഞ്ഞത്. ഉയര്‍ന്നു വരുന്ന ആരോപണങ്ങള്‍ മാധ്യമങ്ങള്‍ക്കുള്ള ഒരു തീറ്റയാണെന്നും നിങ്ങള്‍ അതുവെച്ച് കാശുണ്ടിക്കിക്കോളുവെന്നും നടന്‍ പറഞ്ഞു. ഒരു വലിയ സംവിധാനത്തെ നിങ്ങള്‍ തകിടം മറിക്കുകയാണ്. ആടിനെ തമ്മില്‍ തല്ലിച്ച് ചോര കുടിക്കുകയാണ് നിങ്ങള്‍. മാധ്യമങ്ങള്‍ സമൂഹത്തിന്റെ മാനസികാവസ്ഥയെ വഴി തെറ്റിക്കുകയാണെന്നും സുരേഷ് ഗോപി കൂട്ടിച്ചേര്‍ത്തു.

Kerala236 days ago

ഹേമ കമ്മിറ്റി റിപ്പോര്‍ട്ട് പുറത്ത് വിടണമെന്ന് സുരേഷ് ഗോപി

സിനിമാ മേഖലയില്‍ നവീകരണം ആവശ്യമാണെന്നും പുതുതലമുറയ്ക്കും ഇത്തരം കമ്മറ്റിയുടെ ശുപാര്‍ശകള്‍ നല്ലതാണെന്നും സുരേഷ് ഗോപി പറഞ്ഞു. ഇനി വരുന്ന തലമുറയ്ക്ക് നിര്‍ഭയമായി തൊഴില്‍ ചെയ്യാനുള്ള സാഹചര്യം ഉണ്ടാവണമെന്നും അദ്ദേഹം കൂട്ടിച്ചേര്‍ത്തു. ജനപ്രതിനിധി ആയതിനാല്‍ പഠിച്ചതിന് ശേഷം മാത്രമേ കൂടുതല്‍ പ്രതികരിക്കാനാകൂവെന്നും സുരേഷ് ഗോപി പറഞ്ഞു.

Kerala245 days ago