തൃശൂര്‍ പൂരത്തിനിടെ ആംബുലന്‍സ് ദുരുപയോഗം ചെയ്തു; സുരേഷ് ഗോപിക്കെതിരെ പരാതി

തൃശൂര്‍ പൂരം നിര്‍ത്തിവെച്ചതിന് പിന്നാലെ സുരേഷ് ഗോപി ആംബുലന്‍സില്‍ വന്നതിനെതിരെ അഭിഭാഷകനായ അഡ്വക്കേറ്റ് കെ സന്തോഷ് കുമാര്‍ മോട്ടോര്‍ വാഹന വകുപ്പിനും മുഖ്യമന്ത്രിക്കും പരാതി നല്‍കി. ചികിത്സ സംബന്ധമായ ആവശ്യങ്ങള്‍ക്ക് ഉപയോഗിക്കേണ്ട ആംബുലന്‍സ് ദുരുപയോഗം ചെയ്തുവെന്ന് ചൂണ്ടിക്കാണിച്ചാണ് പരാതി. പൂരം നിര്‍ത്തിവച്ചതിന് പിന്നാലെ, മറ്റു വാഹനങ്ങള്‍ക്കു പ്രവേശനമില്ലാതെ അടച്ചിട്ട മേഖലയിലേക്ക് സുരേഷ് ഗോപി ആംബുലന്‍സില്‍ എത്തിയതിന് പിന്നില്‍ ദുരൂഹതയുണ്ടെന്ന് ആരോപണം ഉയര്‍ന്നിരുന്നു.

Kerala88 days ago

തൃശൂര്‍ പൂരം കലക്കല്‍; അന്വേഷണ റിപ്പോര്‍ട്ട് തളളി സര്‍ക്കാര്‍

തൃശൂര്‍ പൂരം അലങ്കോലപ്പെടുത്തിയതിനെ കുറിച്ചുളള ADGP എം.ആര്‍. അജിത് കുമാറിന്റെ അന്വേഷണ റിപ്പോര്‍ട്ട് തള്ളി സര്‍ക്കാര്‍. പൂരം കലക്കിയതിന് പിന്നില്‍ ബാഹ്യ ഇടപെലില്ലെന്ന റിപ്പോര്‍ട്ടാണ് ആഭ്യന്തര സെക്രട്ടറി തളളിയത്. സംഭവത്തില്‍ വീണ്ടും അന്വേഷണം വേണമെന്നും ADGPക്കെതിരെയും അന്വേഷണം വേണമെന്നും ആഭ്യന്തര സെക്രട്ടറി നിര്‍ദേശിച്ചു. പൂരം കലക്കലില്‍ ക്രൈം ബ്രാഞ്ച് മേധാവിയുടെ നേതൃത്വത്തില്‍ അന്വേഷണം വന്നേക്കുമെന്നും സൂചനയുണ്ട്.

Kerala88 days ago

മാധ്യമപ്രവര്‍ത്തകരെ കയ്യേറ്റം ചെയ്‌തെന്ന പരാതി; സുരേഷ് ഗോപിക്കെതിരെ കേസെടുക്കില്ല

കേന്ദ്രമന്ത്രി സുരേഷ് ഗോപിക്കെതിരെ കോണ്‍ഗ്രസ് നേതാവ് അനില്‍ അക്കര നല്‍കിയ പരാതിയാണ് തള്ളിയത്. മാധ്യമപ്രവര്‍ത്തകരെ കയ്യേറ്റം ചെയ്‌തെന്ന പരാതിയില്‍ നിയമ നടപടികള്‍ സ്വീകരിക്കാന്‍ വകുപ്പില്ലെന്ന് പോലീസ് അനില്‍ അക്കരയെ അറിയിച്ചു. മാധ്യമപ്രവര്‍ത്തകരുടെ മൊഴിയെടുക്കുകയും തൃശൂര്‍ രാമനിലയത്തിലെ CCTV ദൃശ്യങ്ങള്‍ പരിശോധിക്കുകയും ചെയ്തിരുന്നു. തുടര്‍ന്നാണ് കേസെടുക്കേണ്ടതില്ലെന്ന തീരുമാനത്തിലെത്തിയതെന്ന് പോലീസ് അറിയിച്ചു.

Kerala89 days ago

തൃശൂർ പൂരം അലങ്കോലപ്പെട്ട സംഭവത്തിൽ ജുഡീഷ്യൽ അന്വേഷണം വേണം: വി.ഡി. സതീശൻ

തൃശൂർ പൂരം അലങ്കോലപ്പെട്ട സംഭവത്തിൽ ADGP എം.ആർ. അജിത് കുമാറിന്റെ അന്വേഷണ റിപ്പോർട്ട് തള്ളി പ്രതിപക്ഷം. ആരോപണ വിധേയനായ വ്യക്തി തന്നെയാണ് അന്വേഷണം നടത്തിയതെന്നും അന്വേഷണം പ്രഹസനമായിരുന്നുവെന്നും പ്രതിപക്ഷ നേതാവ് വി.ഡി. സതീശൻ വിമർശിച്ചു. മുഖ്യമന്ത്രിയുടെയും ADGP യുടെയും അറിവോടെയാണ് പൂരം കലക്കാൻ ഗൂഢാലോചന നടന്നതെന്ന് ആരോപിച്ച വി.ഡി. സതീശന്‍ തൃശൂര്‍ പൂരം അലങ്കോലപ്പെട്ട സംഭവത്തില്‍ ജുഡീഷ്യല്‍ അന്വേഷണം ആവശ്യപ്പെട്ടു.

Kerala92 days ago

തൃശൂർ പൂരം അലങ്കോലമാക്കിയ സംഭവം; അന്വേഷണ റിപ്പോർട്ട് തള്ളി വി.എസ്. സുനിൽകുമാർ

പൂരം കലക്കിയതിൽ ബാഹ്യ ഇടപെടൽ ഇല്ലെന്ന ADGP യുടെ അന്വേഷണ റിപ്പോർട്ട് അംഗീകരിക്കാനാവില്ലെന്ന് തൃശൂരിൽ LDF സ്ഥാനാർത്ഥിയായിരുന്ന വി.എസ്. സുനിൽകുമാർ. ഒരു കമ്മീഷണർ മാത്രം വിചാരിച്ചാൽ പൂരം കലക്കാനാവില്ലെന്നും ഇതിന് പിന്നിൽ വ്യക്തമായ ഗൂഢാലോചനയുണ്ടെന്നും വി.എസ്. സുനിൽകുമാർ പ്രതികരിച്ചു. കമ്മീഷണർ പരിചയക്കുറവുള്ള ആളാണെന്ന് കരുതാനാവില്ലെന്ന് പറഞ്ഞ സുനിൽകുമാർ അന്വേഷണ റിപ്പോർട്ടിന്റെ വിശദാംശങ്ങൾ ലഭിച്ച ശേഷം വിശദമായി പ്രതികരിക്കാമെന്നും പറഞ്ഞു.

Kerala92 days ago

തൃശൂർ പൂരം അലങ്കോലമായ സംഭവം; ബാഹ്യ ഇടപെടൽ ഉണ്ടായിട്ടില്ലെന്ന് ADGP യുടെ അന്വേഷണ റിപ്പോർട്ട്

തൃശൂര്‍ പൂരം അലങ്കോലപ്പെടുത്തിയതിന് പിന്നിൽ ഗൂഢാലോചനയ്ക്ക് തെളിവില്ലെന്നും ബാഹ്യ ഇടപെടല്‍ ഉണ്ടായിട്ടില്ലെന്നും ADGP എം.ആര്‍. അജിത് കുമാറിന്റെ അന്വേഷണ റിപ്പോര്‍ട്ട്. പൂരം ഏകോപനത്തിൽ അന്നത്തെ കമ്മീഷണർ അങ്കിത് അശോകന് വീഴ്ച പറ്റിയെന്നും റിപ്പോർട്ടിൽ പറയുന്നു. പൂരം നടത്തിപ്പുമായി ബന്ധപ്പെട്ട് ചില വിട്ടുവീഴ്ചയ്ക്ക് തയ്യാറാകാതിരുന്നത് ചില പ്രശ്നങ്ങൾക്ക് കാരണമായി എന്നാണ് റിപ്പോർട്ടിലെ കണ്ടെത്തൽ. കമ്മീഷണറുടെ പരിചയക്കുറവ് കാരണമാണ് പ്രശ്നങ്ങൾ ഉണ്ടായപ്പോൾ കാരണക്കാരെ അനുനയിപ്പിക്കാൻ കഴിയാതെ വന്നതും പ്രശ്‌നം കൂടുതൽ സങ്കീർണമാക്കിയതെന്നും റിപ്പോർട്ടിൽ പറയുന്നു. 1300 പേജുള്ള റിപ്പോർട്ട് മുഖ്യമന്ത്രി ഉടൻ പരിശോധിക്കും.

Kerala92 days ago

തൃശൂര്‍ പൂരം കലക്കിയത് രാഷ്ട്രീയ ലക്ഷ്യത്തോടെ: വി.എസ്. സുനില്‍കുമാര്‍

തൃശൂര്‍ പൂരം കലക്കിയത് യാദൃശ്ചികം എന്ന് പറയാനാവില്ലെന്നും, രാഷ്ട്രീയ ലക്ഷ്യത്തോടെ ആസൂത്രിത ഗൂഢാലോചന നടന്നുവെന്നും CPI നേതാവ് വി.എസ്. സുനില്‍കുമാര്‍. സംഭവത്തില്‍ അന്വേഷണമേ ഉണ്ടായിട്ടില്ല എന്ന റിപ്പോര്‍ട്ട് അംഗീകരിക്കാന്‍ ആവില്ല. പൂരം കലക്കയതിനു പിന്നില്‍ ആരൊക്കെയെന്നറിയാന്‍ ചീഫ് സെക്രട്ടറിക്കും ഡിജിപിക്കും വിവരാവകാശ അപേക്ഷ നല്‍കുമെന്നും അദ്ദേഹം പറഞ്ഞു. ഇക്കഴിഞ്ഞ ലോക്‌സഭാ തിരഞ്ഞെടുപ്പില്‍ തൃശൂരിലെ LDF സ്ഥാനാര്‍ത്ഥിയായിരുന്നു സുനില്‍ കുമാര്‍.

Kerala94 days ago

തൃശൂര്‍ പൂരം വിവാദത്തിൽ സര്‍ക്കാരിന്റെ അന്വേഷണ റിപ്പോര്‍ട്ട് പുറത്തുവിടണം: CPI

തൃശൂർ പൂരം വിവാദത്തിൽ സർക്കാർ നടത്തിയ അന്വേഷണത്തിന്റെ റിപ്പോർട്ട് പ്രസിദ്ധീകരിക്കണമെന്ന് CPI. പൂരം നിര്‍ത്തിവെക്കാനും അലങ്കോലപ്പെടുത്താനും നടന്ന ഗൂഢാലോചന പുറത്തു വരണമെന്ന് CPI ആവശ്യപ്പെട്ടു. ADGP എം.ആര്‍. അജിത് കുമാർ RSS നേതാക്കളുമായി നടത്തിയ കൂടിക്കാഴ്ചയുടെ വസ്തുതകൾ പുറത്തുകൊണ്ടുവരണം. ഇന്ന് ചേർന്ന തൃശൂർ ജില്ലാ എക്‌സിക്യൂട്ടിവ് യോഗത്തിലാണ് CPI ഇക്കാര്യം ആവശ്യപ്പെട്ടത്. തൃശൂർ പൂരം അലങ്കോലപ്പെടുത്താൻ ശ്രമിച്ചെന്ന വെളിപ്പെടുത്തൽ ഗൗരവമുള്ളതാണെന്നും അന്വേഷണം വേണമെന്നും ലോക്സഭാ തിരഞ്ഞെടുപ്പിൽ തൃശൂരിൽ CPI സ്ഥാനാർത്ഥിയായിരുന്ന സുനിൽകുമാറും, CPI സംസ്ഥാന സെക്രട്ടറി ബിനോയ് വിശ്വവും നേരത്തെ ആവശ്യപ്പെട്ടിരുന്നു.

Kerala105 days ago

തൃശൂര്‍ പൂരം കലക്കിയതില്‍ ജുഡീഷ്യല്‍ അന്വേഷണം വേണം: വി.ഡി. സതീശന്‍

പോലീസ് തൃശൂര്‍ പൂരം കലക്കിയത് BJPക്ക് കേരളത്തില്‍ അക്കൗണ്ട് തുറക്കാനുള്ള പ്ലാനിന്റെ ഭാഗമായിരുന്നെന്ന് പ്രതിപക്ഷ നേതാവ് വി.ഡി. സതീശന്‍. തൃശൂരില്‍ സഹായിക്കാം. അതിന് പകരം ഞങ്ങളെ ഉപദ്രവിക്കരുത് എന്നായിരുന്നു BJPയോടുളള CPIMന്റെ ഡിമാന്‍ഡ്. പൂരം കലക്കിയത് നിസാര കാര്യമല്ലെന്നും ഇക്കാര്യത്തില്‍ ജുഡീഷ്യല്‍ അന്വേഷണം വേണമെന്നും സതീശന്‍ പറഞ്ഞു. RSS നേതാവ് റാം മാധവും ADGP എം.ആര്‍. അജിത് കുമാറുമായുള്ള കൂടിക്കാഴ്ചയില്‍ അദ്ദേഹത്തിനൊപ്പം ഉണ്ടായിരുന്നവരുടെ പേരുകള്‍ പുറത്തുവന്നാല്‍ കേരളം ഞെട്ടുമെന്നും പ്രതിപക്ഷ നേതാവ് കൂട്ടിച്ചേര്‍ത്തു.

Kerala105 days ago

ശക്തന്‍ പ്രതിമ പുനര്‍നിര്‍മ്മാണം വൈകുന്നു; പ്രതിഷേധിച്ച് സുരേഷ്‌ഗോപി

KSRTC ബസിടിച്ച് തകര്‍ന്നുവീണ ശക്തന്‍ തമ്പുരാന്റെ പ്രതിമ 14 ദിവസത്തിനകം പുനസ്ഥാപിച്ചില്ലെങ്കില്‍ ശക്തന്റെ വെങ്കല പ്രതിമ താന്‍ പണിതു നല്‍കുമെന്ന് MP സുരേഷ് ഗോപി. പ്രതിമ 2 മാസം കൊണ്ട് പുനര്‍നിര്‍മ്മിക്കുമെന്ന് സര്‍ക്കാര്‍ ഉറപ്പ് നല്‍കിയിരുന്നു. ഇത് പാലിക്കാത്തതില്‍ പ്രതിഷേധിച്ചാണ് സുരേഷ് ഗോപിയുടെ പ്രതികരണം. ജൂണ്‍ 9നാണ് ശക്തന്‍ തമ്പുരാന്റെ പ്രതിമ KSRTC ബസ് ഇടിച്ച് തകര്‍ന്നു വീണത്. പ്രതിമയുടെ പുനര്‍നിര്‍മ്മാണത്തിന് വേണ്ടിയുള്ള ചെലവ് KSRTC വഹിക്കുമെന്ന് ഗതാഗത മന്ത്രി പറഞ്ഞിരുന്നു.

Kerala107 days ago

തൃശൂര്‍ പൂരം അലങ്കോലമായതില്‍ പോലീസിന് വീഴ്ച സംഭവിച്ചു: വി. എസ്. സുനില്‍ കുമാര്‍

തൃശൂര്‍ പൂരം നടത്തിപ്പ് അലങ്കോലമാക്കാന്‍ ഗൂഢാലോചന നടന്നതായി മുന്‍ മന്ത്രിയും തൃശൂര്‍ ലോക്‌സഭാ മണ്ഡലം LDF സ്ഥാനാര്‍ത്ഥിയായിരുന്ന CPI നേതാവ് വി. എസ്. സുനില്‍ കുമാര്‍. രാഷ്ട്രീയ ലക്ഷ്യത്തോടെയാണ് അലങ്കോലമാക്കിയതെന്നും പകല്‍ ഒരു പ്രശ്‌നവുമില്ലായിരുന്നെന്നും രാത്രി പൂരമാണ് നിര്‍ത്തിയതെന്നും സുനില്‍ കുമാര്‍ പറഞ്ഞു. പൂരം നടത്തിപ്പുമായി ബന്ധപ്പെട്ട് പോലീസിന് സംഭവിച്ച വീഴ്ചയെക്കുറിച്ച് അന്നു തന്നെ അന്വേഷണം നടത്തിയിരുന്നു. ഒരു മാസത്തിനകം അന്വേഷണ റിപ്പോര്‍ട്ട് പുറത്തുവിടുമെന്നാണ് പറഞ്ഞതെങ്കിലും ഇതുവരെ പുറത്തുവന്നിട്ടില്ലെന്നും അദ്ദേഹം കൂട്ടിച്ചേര്‍ത്തു.Read More

Kerala111 days ago