സംസ്ഥാനത്ത് ഈ മാസം എട്ട് ദിവസം ബാങ്ക് അവധി

കേരളത്തില്‍ ബക്രീദ്, ഞായറാഴ്ചകള്‍, രണ്ടാമത്തെ ശനിയാഴ്ചയും നാലാമത്തെ ശനിയാഴ്ചയും അടക്കം എട്ടു ദിവസമാണ് ബാങ്കിന് അവധിയുള്ളൂ. പ്രാദേശിക, ദേശീയ അവധികള്‍ അടക്കം ജൂണ്‍ മാസത്തില്‍ രാജ്യത്ത് മൊത്തം 12 ദിവസം ബാങ്കുകള്‍ പ്രവര്‍ത്തിക്കില്ല. RBI പുറത്തിറക്കുന്ന ഹോളിഡേ കലണ്ടര്‍ അനുസരിച്ചാണ് ജൂണ്‍ മാസത്തില്‍ മൊത്തം 12 അവധികള്‍ വരുന്നത്.

Kerala205 days ago

സെപ്റ്റംബര്‍ മുതല്‍ ബാങ്കുകളില്‍ നിന്നുള്ള സന്ദേശങ്ങള്‍ തടസ്സപ്പെട്ടേക്കാം; നിര്‍ദേശവുമായി ട്രായ്

സെപ്റ്റംബര്‍ 1 മുതല്‍ ഉപഭോക്താക്കള്‍ക്ക് അവരുടെ മൊബൈല്‍ ഫോണുകളില്‍ ബാങ്കുകള്‍, ധനകാര്യ സ്ഥാപനങ്ങള്‍, ഇ-കൊമേഴ്‌സ് സ്ഥാപനങ്ങള്‍ എന്നിവയില്‍ നിന്നുള്ള സേവനങ്ങളും ഇടപാട് സന്ദേശങ്ങളും സ്വീകരിക്കുന്നതില്‍ തടസ്സങ്ങള്‍ നേരിട്ടേക്കാമെന്നാണ് റിപ്പോര്‍ട്ട്. വൈറ്റ് ലിസ്റ്റില്‍ ഉള്‍പ്പെടാത്ത URL, OTT ലിങ്കുകള്‍, ആന്‍ഡ്രോയിഡ് ആപ്ലിക്കേഷന്‍ പാക്കേജുകള്‍ (apks), കോള്‍ ബാക്ക് നമ്പറുകള്‍ എന്നിവ അടങ്ങുന്ന സന്ദേശങ്ങള്‍ അയക്കുന്നത് സെപ്റ്റംബര്‍ 1 മുതല്‍ നിര്‍ത്താനാണ് ട്രായ് ടെലികോം കമ്പനികള്‍ക്ക് നിര്‍ദേശം നല്‍കിയത്.Read More

Business120 days ago

ദുരന്തബാധിതരുടെ ബാങ്ക് അക്കൗണ്ടുകളില്‍ നിന്ന് EMI പിടിച്ച തുക തിരികെ നല്‍കി ബാങ്കുകള്‍

വയനാട്ടിലെ ഉരുള്‍പൊട്ടല്‍ ദുരന്തബാധിതരുടെ ബാങ്ക് അക്കൗണ്ടുകളില്‍ നിന്ന് EMI ആയി പിടിച്ച പണം തിരികെ നല്‍കാന്‍ കളക്ടര്‍ ഉത്തരവിട്ടതിനെ തുടര്‍ന്നാണ് ബാങ്കുകള്‍ പണം തിരികെ നല്‍കി തുടങ്ങിയത്. അടിയന്തര ദുരിതാശ്വാസ ഫണ്ട് EMI അടയ്ക്കാനുള്ളതല്ലെന്ന് വയനാട് കളക്ടര്‍ മേഘശ്രീ പറഞ്ഞു. ദുരിതാശ്വാസ ക്യാമ്പുകളില്‍ കഴിയുന്ന എല്ലാ കുടുംബങ്ങള്‍ക്കും അടിയന്തര സഹായമായി സംസ്ഥാന സര്‍ക്കാര്‍ 10,000 രൂപ നല്‍കിയിരുന്നു. എന്നാല്‍ ഫണ്ട് ഗുണഭോക്താക്കളുടെ അക്കൗണ്ടിലെത്തിയപ്പോഴേക്കും ബാങ്കുകള്‍ EMIകള്‍ ഡെബിറ്റ് ചെയ്യുകയായിരുന്നു.

Kerala127 days ago

ഉരുള്‍പൊട്ടല്‍ ദുരിത ബാധിതരുടെ ധനസഹായത്തില്‍നിന്ന് EMI പിടിച്ചു; തിരികെ നല്‍കാന്‍ നിര്‍ദേശിച്ച് ജില്ലാ ഭരണകൂടം

മുണ്ടക്കൈ-ചൂരല്‍മല മേഖലയിലുണ്ടായ ഉരുള്‍പൊട്ടല്‍ ദുരന്തത്തിന്റെ ഇരകള്‍ക്ക് അടിയന്തര സഹായമായി ലഭിച്ച തുകയില്‍ നിന്ന് ബാങ്കുകള്‍ EMI പിടിച്ചുവെന്ന് ദുരിതബാധിതര്‍ ആരോപിച്ചു. സംഭവം വിവാദമായതോടെ പിടിച്ച EMI തുക ഉടന്‍ തിരികെ നല്‍കണമെന്ന് ജില്ലാ ദുരന്ത നിവാരണ അതോറിറ്റി CEO കൂടിയായ വയനാട് ഡെപ്യൂട്ടി കളക്ടര്‍ ഉത്തരവിറക്കി. തിങ്കളാഴ്ച നടക്കുന്ന ബാങ്കിങ് അവലോകന യോഗത്തില്‍ അന്തിമ തീരുമാനമുണ്ടാകും.

Kerala127 days ago

രാജ്യത്തുടനീളമുള്ള ബാങ്കുകള്‍ക്ക് സൈബര്‍ ആക്രമണ മുന്നറിയിപ്പുമായി RBI

ഇന്റലിജന്‍സ് റിപ്പോര്‍ട്ടുകളുടെ അടിസ്ഥാനത്തിലാണ് ബാങ്കുകള്‍ക്ക് സൈബര്‍ ആക്രമണ മുന്നറിയിപ്പ് നല്‍കിയിരിക്കുന്നത്. അപകടം ഒഴിവാക്കുന്നതിനായി സജീവമായ സംവിധാനങ്ങളെല്ലാം നിരീക്ഷിക്കാനും നിര്‍ദേശം നല്‍കിയിട്ടുണ്ട്. നിരവധി സൈബര്‍ ആക്രമണങ്ങള്‍ക്ക് പേരുകേട്ട ലുല്‍സെക് ഗ്രൂപ്പാണ് ഇന്ത്യന്‍ ബാങ്കുകളെ ലക്ഷ്യമിടുന്നതെന്നാണ് RBI പറയുന്നത്.

Business177 days ago

RBIയുടെ ബാലന്‍സ് ഷീറ്റില്‍ 11.08 ശതമാനം വര്‍ധന

2023-24ല്‍ ഇന്ത്യന്‍ സമ്പദ് വ്യവസ്ഥ കാര്യമായ വളര്‍ച്ച കൈവരിച്ചതായി RBI. വാര്‍ഷിക റിപ്പോര്‍ട്ട് പ്രകാരം 70.48 ലക്ഷം കോടിയാണ് ബാലന്‍സ് ഷീറ്റ്. ബാങ്കുകളുടെയും കോര്‍പ്പറേറ്റുകളുടെയും മെച്ചപ്പെട്ട ബാലന്‍സ് ഷീറ്റ് വളര്‍ച്ചയില്‍ നിര്‍ണായക ഘടകമായെന്നും RBI വ്യക്തമാക്കി. തുടര്‍ച്ചയായ മൂന്നാം വര്‍ഷവും ജിഡിപി വളര്‍ച്ച ഏഴു ശതമാനത്തിന് മുകളിലായി.

Business208 days ago

സേവിംഗ്‌സ്, സാലറി അക്കൗണ്ട് സേവനങ്ങള്‍ക്കുള്ള ഫീസുകള്‍ വര്‍ധിപ്പിച്ച് കൊട്ടക് മഹീന്ദ്ര

ഫീസുകള്‍ വര്‍ധിപ്പിച്ചതിന് പിന്നാലെ സേവിംഗ്‌സ് അക്കൗണ്ടിലെ മിനിമം ബാലന്‍സ്, സൗജന്യ ഇടപാട് പരിധി, ATM ഇടപാട് പരിധി, സ്റ്റാന്‍ഡിംഗ് ഇന്‍സ്ട്രക്ഷന്‍ പരാജയ പരിധി, ചെക്ക് ബുക്ക് പരിധി എന്നിവയും പരിഷ്‌കരിച്ചിട്ടുണ്ട്. സേവിംഗ്‌സ് അക്കൗണ്ട് ഉള്ളവര്‍ക്ക് നല്‍കുന്ന 25 സൗജന്യ ചെക്ക് ബുക്ക് പേജുകള്‍ പ്രതിവര്‍ഷം 5 ആയി കുറച്ചു. ഫണ്ട് ട്രാന്‍സ്ഫര്‍ ചെയ്യുന്നതിന് പ്രതിമാസം അഞ്ച് സൗജന്യ ഇടപാടുകള്‍ക്ക് ശേഷം നിരക്കുകള്‍ ബാധകമാകും.

Business212 days ago

1070.08 കോടി രൂപയുടെ റെക്കോഡ് അറ്റാദായവുമായി സൗത്ത് ഇന്ത്യൻ ബാങ്ക്

മൊത്തം ബിസിനസ് എക്കാലത്തേയും ഉയർന്ന നേട്ടമായ 1,82,346 കോടി രൂപയിലെത്തി. പ്രവർത്തന ലാഭത്തിൽ 23.91 ശതമാനമാണ് വാർഷിക വർധന ഉണ്ടായിരിക്കുന്നത്. ഇത് മുൻവർഷത്തെ 1,507.33 കോടി രൂപയിൽ നിന്നും 2023-24 സാമ്പത്തിക വർഷം 1,867.67 കോടി രൂപയിലെത്തി. NRI നിക്ഷേപങ്ങൾ 28,159 കോടി രൂപയിൽ നിന്നും 29,697 കോടി രൂപയായി വർധിച്ചു. കോർപ്പറേറ്റ്, SME, ഓട്ടോ ലോൺ, ക്രെഡിറ്റ് കാർഡ്, പേഴ്‌സണൽ ലോൺ, ഗോൾഡ് ലോൺ തുടങ്ങി എല്ലാ മേഖലയിലും മികച്ച വളർച്ചയാണ് സൗത്ത് ഇന്ത്യൻ ബാങ്ക് രേഖപ്പെടുത്തിയതെന്ന് എംഡി പി.ആര്‍. ശേഷാദ്രി പറഞ്ഞു.

Business234 days ago

ATM കളില്‍ നിന്നുള്ള പണം പിന്‍വലിക്കലുകളിൽ 5.51 ശതമാനം വര്‍ധന

2022-23ല്‍ ATMല്‍ നിന്നുള്ള ശരാശരി പിന്‍വലിക്കല്‍ 1.35 കോടി രൂപയായിരുന്നെങ്കില്‍ 2023-24ല്‍ ഇത് 1.43 കോടി രൂപയായി ഉയര്‍ന്നതായി കാഷ് ലോജിസ്റ്റിക്‌സ് സ്ഥാപനമായ CMS ഇന്‍ഫോസിസ്റ്റംസിന്റെ റിപ്പോര്‍ട്ടില്‍ പറയുന്നു. രാജ്യത്ത് ATM പണം പിന്‍വലിക്കലില്‍ ഏറ്റവും മുന്നില്‍ കര്‍ണാടകയാണ്, കഴിഞ്ഞ സാമ്പത്തിക വര്‍ഷം കര്‍ണാടകയുടെ വാര്‍ഷിക ശരാശരി പണം പിന്‍വലിക്കല്‍ 1.83 കോടി രൂപയാണ്. അതേസമയം മാര്‍ച്ചില്‍ UPI ഇടപാടുകള്‍ 1,340 കോടിയായിരുന്നു എങ്കില്‍ 1,330 കോടിയുടെ ഇടപാടുകള്‍ ആയി ഏപ്രിലില്‍ കുറവ് രേഖപ്പെടുത്തി.

Business235 days ago

1,654 കോടി രൂപ അറ്റാദായവുമായി യൂക്കോ ബാങ്ക്

ബാങ്കിന്റെ ആകെ ബിസിനസ് 9.5 ശതമാനം ഉയർന്ന് 4,50,007 കോടി രൂപയിലെത്തി. അറ്റപലിശ വരുമാനം, പലിശയിതര വരുമാനം എന്നിവയിൽ ഉണ്ടായ ഗണ്യമായ വർദ്ധനയാണ് അറ്റാദായം ഉയരാൻ കാരണമെന്ന് ബാങ്കിന്റെ എംഡി അഷ്വനി കുമാർ പറഞ്ഞു. പ്രവര്‍ത്തന ലാഭം 4,576 കോടി രൂപയിലെത്തി. ആകെ നിഷ്‌ക്രിയ ആസ്തി മുൻ വർഷത്തെ 1.29 ശതമാനത്തില്‍ നിന്ന് 0.89 ശതമാനമായും കുറഞ്ഞു.

Business235 days ago

യെസ് ബാങ്കിന്റെ അറ്റാദായം 451 കോടി രൂപയിലെത്തി

ജനുവരി മുതൽ മാർച്ച് വരെയുള്ള കാലയളവില്‍ ഇന്ത്യയിലെ പ്രമുഖ സ്വകാര്യ ബാങ്കായ യെസ് ബാങ്കിന്റെ അറ്റാദായത്തില്‍ 123 ശതമാനത്തിന്‍റെ വര്‍ധന രേഖപ്പെടുത്തി. ബാങ്കിന്‍റെ ആകെ വരുമാനം രണ്ട് ശതമാനം ഉയര്‍ന്ന് 2,105 കോടി രൂപയിലെത്തി. 2.27 ലക്ഷം കോടി രൂപയുടെ വായ്പകളാണ് ബാങ്ക് നല്‍കിയിരിക്കുന്നത്. കിട്ടാക്കടങ്ങൾ കുതിച്ചുയർന്ന് കടുത്ത പ്രതിസന്ധിയിലേക്ക് വീണിരുന്ന യെസ് ബാങ്ക് മികച്ച വളർച്ചയിലേക്ക് മടങ്ങിയെത്തുന്ന പ്രവർത്തന ഫലമാണ് പുറത്തു വന്നിരിക്കുന്നത്.

Business239 days ago