RBIയുടെ ബാലന്‍സ് ഷീറ്റില്‍ 11.08 ശതമാനം വര്‍ധന

2023-24ല്‍ ഇന്ത്യന്‍ സമ്പദ് വ്യവസ്ഥ കാര്യമായ വളര്‍ച്ച കൈവരിച്ചതായി RBI. വാര്‍ഷിക റിപ്പോര്‍ട്ട് പ്രകാരം 70.48 ലക്ഷം കോടിയാണ് ബാലന്‍സ് ഷീറ്റ്. ബാങ്കുകളുടെയും കോര്‍പ്പറേറ്റുകളുടെയും മെച്ചപ്പെട്ട ബാലന്‍സ് ഷീറ്റ് വളര്‍ച്ചയില്‍ നിര്‍ണായക ഘടകമായെന്നും RBI വ്യക്തമാക്കി. തുടര്‍ച്ചയായ മൂന്നാം വര്‍ഷവും ജിഡിപി വളര്‍ച്ച ഏഴു ശതമാനത്തിന് മുകളിലായി.

Business325 days ago

LGBTQ വ്യക്തികള്‍ക്ക് ഇനി ജോയിന്റ് ബാങ്ക് അക്കൗണ്ടുകള്‍ തുറക്കാം

LGBTQ കമ്മ്യൂണിറ്റിയില്‍ ഉള്‍പ്പെട്ട ആളുകള്‍ക്ക് ജോയിന്റ് ബാങ്ക് അക്കൗണ്ട് തുറക്കുന്നതിന് ഇനി മുതല്‍ നിയന്ത്രണങ്ങളൊന്നുമില്ലെന്ന് ധനമന്ത്രാലയം അറിയിച്ചു. അക്കൗണ്ട് ഉടമ മരണപ്പെടുന്ന സാഹചര്യത്തില്‍ അക്കൗണ്ടിലെ ബാക്കി തുക സ്വീകരിക്കുന്നതിന് ക്വിയര്‍ റിലേഷന്‍ഷിപ്പിലുള്ള വ്യക്തിയെ നാമനിര്‍ദ്ദേശം ചെയ്യുന്നതിനും നിയന്ത്രണമുണ്ടാകില്ല. എല്ലാ വാണിജ്യ ബാങ്കുകള്‍ക്കും റിസര്‍വ് ബാങ്ക് ഓഫ് ഇന്ത്യ ഇതുമായി ബന്ധപ്പെട്ട് വ്യക്തത നല്‍കിയിട്ടുണ്ടെന്നും ധനമന്ത്രാലയം അറിയിച്ചു.

National233 days ago

സെപ്റ്റംബര്‍ മുതല്‍ ബാങ്കുകളില്‍ നിന്നുള്ള സന്ദേശങ്ങള്‍ തടസ്സപ്പെട്ടേക്കാം; നിര്‍ദേശവുമായി ട്രായ്

സെപ്റ്റംബര്‍ 1 മുതല്‍ ഉപഭോക്താക്കള്‍ക്ക് അവരുടെ മൊബൈല്‍ ഫോണുകളില്‍ ബാങ്കുകള്‍, ധനകാര്യ സ്ഥാപനങ്ങള്‍, ഇ-കൊമേഴ്‌സ് സ്ഥാപനങ്ങള്‍ എന്നിവയില്‍ നിന്നുള്ള സേവനങ്ങളും ഇടപാട് സന്ദേശങ്ങളും സ്വീകരിക്കുന്നതില്‍ തടസ്സങ്ങള്‍ നേരിട്ടേക്കാമെന്നാണ് റിപ്പോര്‍ട്ട്. വൈറ്റ് ലിസ്റ്റില്‍ ഉള്‍പ്പെടാത്ത URL, OTT ലിങ്കുകള്‍, ആന്‍ഡ്രോയിഡ് ആപ്ലിക്കേഷന്‍ പാക്കേജുകള്‍ (apks), കോള്‍ ബാക്ക് നമ്പറുകള്‍ എന്നിവ അടങ്ങുന്ന സന്ദേശങ്ങള്‍ അയക്കുന്നത് സെപ്റ്റംബര്‍ 1 മുതല്‍ നിര്‍ത്താനാണ് ട്രായ് ടെലികോം കമ്പനികള്‍ക്ക് നിര്‍ദേശം നല്‍കിയത്.Read More

Business237 days ago

കോളേജ് വിദ്യാര്‍ത്ഥികള്‍ക്ക് ക്വിസ് മത്സരവുമായി RBI ; സമ്മാനമായി 10 ലക്ഷം രൂപ നേടാം

ബിരുദതലത്തിലുള്ള കോളേജ് വിദ്യാര്‍ത്ഥികള്‍ക്കായാണ് RBI ക്വിസ് മത്സരം സംഘടിപ്പിക്കുന്നത്. RBIയുടെ 90ാം വാര്‍ഷികാഘോഷത്തിന്റെ ഭാഗമായി ദേശീയ തലത്തില്‍ നടക്കുന്ന മത്സരമാണിത്. പൊതുവിജ്ഞാനവുമായി ബന്ധപ്പെട്ട ചോദ്യങ്ങള്‍ ആയിരിക്കും മത്സരത്തില്‍ ഉണ്ടാകുക. ജില്ലാതലത്തിലും സംസ്ഥാനതലത്തിലും പിന്നീട് ദേശീയ തലത്തിലും മത്സരങ്ങള്‍ നടക്കും. ഓണ്‍ലൈനായാണ് മത്സരങ്ങള്‍ നടക്കുക.

National242 days ago

ദുരന്തബാധിതരുടെ ബാങ്ക് അക്കൗണ്ടുകളില്‍ നിന്ന് EMI പിടിച്ച തുക തിരികെ നല്‍കി ബാങ്കുകള്‍

വയനാട്ടിലെ ഉരുള്‍പൊട്ടല്‍ ദുരന്തബാധിതരുടെ ബാങ്ക് അക്കൗണ്ടുകളില്‍ നിന്ന് EMI ആയി പിടിച്ച പണം തിരികെ നല്‍കാന്‍ കളക്ടര്‍ ഉത്തരവിട്ടതിനെ തുടര്‍ന്നാണ് ബാങ്കുകള്‍ പണം തിരികെ നല്‍കി തുടങ്ങിയത്. അടിയന്തര ദുരിതാശ്വാസ ഫണ്ട് EMI അടയ്ക്കാനുള്ളതല്ലെന്ന് വയനാട് കളക്ടര്‍ മേഘശ്രീ പറഞ്ഞു. ദുരിതാശ്വാസ ക്യാമ്പുകളില്‍ കഴിയുന്ന എല്ലാ കുടുംബങ്ങള്‍ക്കും അടിയന്തര സഹായമായി സംസ്ഥാന സര്‍ക്കാര്‍ 10,000 രൂപ നല്‍കിയിരുന്നു. എന്നാല്‍ ഫണ്ട് ഗുണഭോക്താക്കളുടെ അക്കൗണ്ടിലെത്തിയപ്പോഴേക്കും ബാങ്കുകള്‍ EMIകള്‍ ഡെബിറ്റ് ചെയ്യുകയായിരുന്നു.

Kerala244 days ago

ഉരുള്‍പൊട്ടല്‍ ദുരിത ബാധിതരുടെ ധനസഹായത്തില്‍നിന്ന് EMI പിടിച്ചു; തിരികെ നല്‍കാന്‍ നിര്‍ദേശിച്ച് ജില്ലാ ഭരണകൂടം

മുണ്ടക്കൈ-ചൂരല്‍മല മേഖലയിലുണ്ടായ ഉരുള്‍പൊട്ടല്‍ ദുരന്തത്തിന്റെ ഇരകള്‍ക്ക് അടിയന്തര സഹായമായി ലഭിച്ച തുകയില്‍ നിന്ന് ബാങ്കുകള്‍ EMI പിടിച്ചുവെന്ന് ദുരിതബാധിതര്‍ ആരോപിച്ചു. സംഭവം വിവാദമായതോടെ പിടിച്ച EMI തുക ഉടന്‍ തിരികെ നല്‍കണമെന്ന് ജില്ലാ ദുരന്ത നിവാരണ അതോറിറ്റി CEO കൂടിയായ വയനാട് ഡെപ്യൂട്ടി കളക്ടര്‍ ഉത്തരവിറക്കി. തിങ്കളാഴ്ച നടക്കുന്ന ബാങ്കിങ് അവലോകന യോഗത്തില്‍ അന്തിമ തീരുമാനമുണ്ടാകും.

Kerala245 days ago

ആശ്വാസം; റിപ്പോ നിരക്കില്‍ മാറ്റം വരുത്താതെ റിസര്‍വ് ബാങ്ക്

റിസര്‍വ് ബാങ്ക് ഓഫ് ഇന്ത്യയുടെ മോണിറ്ററി പോളിസി കമ്മിറ്റിയാണ് റിപ്പോ നിരക്ക് 6.5% ആയി തുടരാന്‍ തീരുമാനിച്ചത്. ആറംഗ കമ്മിറ്റിയില്‍ നാല് പേരും തീരുമാനത്തെ അനുകൂലിച്ച് വോട്ടു ചെയ്തു. വാണിജ്യ ബാങ്കുകള്‍ റിസര്‍വ് ബാങ്കില്‍ നിന്ന് വായ്പയെടുക്കുന്ന നിരക്കാണ് റിപ്പോ നിരക്ക്. റിപ്പോ നിരക്ക് വര്‍ധിച്ചാല്‍ ബാങ്കുകളില്‍ നിന്ന് ലഭിക്കുന്ന വായ്പകളുടെ പലിശ നിരക്ക് വര്‍ധിക്കും. തുടര്‍ച്ചയായ ഒന്‍പതാം തവണയാണ് റിപ്പോ നിരക്ക് മാറ്റമില്ലാതെ തുടരുന്നത്.

Business255 days ago

രാജ്യത്തുടനീളമുള്ള ബാങ്കുകള്‍ക്ക് സൈബര്‍ ആക്രമണ മുന്നറിയിപ്പുമായി RBI

ഇന്റലിജന്‍സ് റിപ്പോര്‍ട്ടുകളുടെ അടിസ്ഥാനത്തിലാണ് ബാങ്കുകള്‍ക്ക് സൈബര്‍ ആക്രമണ മുന്നറിയിപ്പ് നല്‍കിയിരിക്കുന്നത്. അപകടം ഒഴിവാക്കുന്നതിനായി സജീവമായ സംവിധാനങ്ങളെല്ലാം നിരീക്ഷിക്കാനും നിര്‍ദേശം നല്‍കിയിട്ടുണ്ട്. നിരവധി സൈബര്‍ ആക്രമണങ്ങള്‍ക്ക് പേരുകേട്ട ലുല്‍സെക് ഗ്രൂപ്പാണ് ഇന്ത്യന്‍ ബാങ്കുകളെ ലക്ഷ്യമിടുന്നതെന്നാണ് RBI പറയുന്നത്.

Business294 days ago

കേരള ബാങ്കിനെ റിസർവ് ബാങ്ക് തരംതാഴ്ത്തി

റിസർവ് ബാങ്ക് കേരള ബാങ്കിനെ സി ക്ലാസ് പട്ടികയിലേക്ക് തരംതാഴ്ത്തി. നബാർഡ് റിപ്പോർട്ടിന്റെ അടിസ്ഥാനത്തിലാണ് റിസർവ് ബാങ്കിൻ്റെ നടപടി. വായ്പ നൽകുന്നതിനും നിയന്ത്രണങ്ങൾ ഏർപ്പെടുത്തിയിട്ടുണ്ട്. കേരള ബാങ്കിന് ഇനിമുതൽ 25 ലക്ഷത്തിനു മുകളിൽ വ്യക്തിഗത വായ്പ നൽകാൻ കഴിയില്ല. കേരള ബാങ്കിന്റെ റാങ്കിംഗ് മാനദണ്ഡങ്ങൾ വിലയിരുത്താൻ റിസർബാങ്ക് ഏർപ്പെടുത്തിയ അതോറിറ്റിയാണ് നബാർഡ്. ഭരണസമിതിയിൽ രാഷ്ട്രീയ നോമിനികൾക്ക് പുറമെ ആവശ്യത്തിന് പ്രൊഫഷണലുകൾ ഇല്ലാതിരുന്നതും ആണ് കേരള ബാങ്കിന് തിരിച്ചടിയായത്.

Kerala299 days ago

UPI ലൈറ്റ് വാലറ്റ് പരിഷ്‌കരിച്ച് RBI

ബാലന്‍സ് നിശ്ചിത പരിധിയില്‍ താഴെ പോവുകയാണെങ്കില്‍ ഓട്ടോമാറ്റിക്കായി പണം വരവുവെച്ച് UPI ലൈറ്റില്‍ പണം നിറയ്ക്കാനുള്ള സൗകര്യമാണ് RBI ഏര്‍പ്പെടുത്തിയിരിക്കുന്നത്. UPI ലൈറ്റില്‍ ബാലന്‍സ് നിശ്ചയിക്കാന്‍ ഉപഭോക്താവിന് സൗകര്യം ഏര്‍പ്പെടുത്തിയിട്ടുണ്ട്. ഉപയോക്താക്കള്‍ക്ക് മെച്ചപ്പെട്ട സേവനം നല്‍കുന്നതിനും UPI ലൈറ്റ് കൂടുതല്‍ ആളുകളിലേക്ക് എത്തിക്കുന്നതിനും വേണ്ടിയാണ് പുതിയ സംവിധാനം കൊണ്ടുവന്നതെന്ന് RBI അറിയിച്ചു. ഇ-മാന്‍ഡേറ്റ് ചട്ടക്കൂടിന് കീഴില്‍ കൊണ്ടുവന്നാണ് പുതിയ സംവിധാനം അവതരിപ്പിച്ചത്.

Business317 days ago

പണ, വായ്പാനയം പ്രഖ്യാപിച്ച് RBI

മുഖ്യ പലിശനിരക്കില്‍ വീണ്ടും മാറ്റം വരുത്താതെയാണ് RBI പണനയം പ്രഖ്യാപിച്ചത്. ബാങ്കുകള്‍ക്ക് RBI നല്‍കുന്ന വായ്പയുടെ നിരക്കായ റിപ്പോ 6.5 ശതമാനമായി തുടരും. പണപ്പെരുപ്പനിരക്ക് നാലുശതമാനത്തില്‍ എത്തിക്കുക എന്ന ലക്ഷ്യത്തില്‍ ഉറച്ചു നില്‍ക്കുകയാണെന്ന് RBI ഗവര്‍ണര്‍ ശക്തികാന്ത ദാസ് അറിയിച്ചു. ഭക്ഷ്യവിലക്കയറ്റം ഉയര്‍ന്നുനില്‍ക്കുന്നതിലും RBI ആശങ്ക രേഖപ്പെടുത്തി.

Business317 days ago