ദിമിത്രിയോസ് ഡയമന്‍റകോസ് ബ്ലാസ്റ്റേഴ്‌സ് വിട്ടു

കഴിഞ്ഞ രണ്ട് സീസണുകളിലായി കേരള ബ്ലാസ്റ്റേഴ്സിനൊപ്പമുണ്ടായിരുന്ന ഗ്രീക്ക് സ്‌ട്രൈക്കർ ദിമിത്രിയോസ് ഡയമന്‍റകോസ് ക്ലബ് വിട്ടു. ദിമി തന്നെയാണ് ഇക്കാര്യം ഇൻസ്റ്റഗ്രാമിലൂടെ പങ്കുവെച്ചത്. ബ്ലാസ്റ്റേഴ്സിനായി രണ്ട് സീസണുകളിലായി 38 മത്സരങ്ങൾ കളിച്ച ദിമി 23 ഗോളുകളാണ് നേടിയത്. ഈ സീസണിൽ 13 ഗോളുകൾ നേടിയ ദിമി ISL ൽ ടോപ് സ്കോറർക്കുള്ള ഗോൾഡൻ ബൂട്ട് സ്വന്തമാക്കിയിരുന്നു.

Sports333 days ago

ISL: ഈസ്റ്റ് ബംഗാളിനെതിരെ കേരള ബ്ലാസ്റ്റേഴ്സിന് തകര്‍പ്പന്‍ ജയം

ഈസ്റ്റ് ബംഗാളിനെതിരെ ഒന്നിനെതിരെ രണ്ട് ഗോളുകള്‍ക്കാണ് കേരള ബ്ലാസ്റ്റേഴ്സ് വിജയം ഉറപ്പിച്ചത്. മത്സരത്തിന്റെ രണ്ടാം പകുതിയില്‍ 63ാം മിനിറ്റില്‍ നോഹ സദൂയി, 88ാം മിനിറ്റില്‍ ക്വാമി പെപ്ര എന്നിവരാണ് ബ്ലാസ്റ്റേഴ്സിനായി ഗോള്‍ നേടിയത്. ഈസ്റ്റ് ബംഗാളിനായി മലയാളി താരം പി.വി. വിഷ്ണുവാണ് ഗോള്‍ നേടിയത്.

Sports208 days ago

ISL ൽ ഇന്ന് കേരള ബ്ലാസ്റ്റേഴ്‌സ് ഈസ്റ്റ് ബംഗാളിനെ നേരിടും

ISL ൽ കേരള ബ്ലാസ്റ്റേഴ്സ് ഇന്ന് രണ്ടാം മല്‍സരത്തിന് ഇറങ്ങും. കൊച്ചി ജവഹർലാൽ നെഹ്‌റു സ്റ്റേഡിയത്തിൽ നടക്കുന്ന മത്സരത്തിൽ ഈസ്റ്റ് ബംഗാളാണ് ബ്ലാസ്റ്റേഴ്സിന്റെ എതിരാളികൾ. ഇരു ടീമുകളും ആദ്യ മത്സരത്തിൽ പരാജയപ്പെട്ടിരുന്നു. ആദ്യകളിയിൽ പഞ്ചാബ് FC യോട് 2-1നായിരുന്നു ബ്ലാസ്റ്റേഴ്‌സ് പരാജയപ്പെട്ടത്. അസുഖം കാരണം ബ്ലാസ്റ്റേഴ്സ് ക്യാപ്റ്റൻ അഡ്രിയൻ ലൂണയ്ക്ക് ഇന്നത്തെ മത്സരവും നഷ്ടമാകും. ലൂണയുടെ അഭാവത്തിൽ പ്രതിരോധ താരം മിലോസ് ഡ്രിൻസിച്ചാകും ഇന്നും ടീമിനെ നയിക്കുക.

Sports208 days ago

ISL: കേരള ബ്ലാസ്റ്റേഴ്സിന് തോൽവി

ISL പതിനൊന്നാം സീസണിലെ ആദ്യ മത്സരത്തിൽ കേരള ബ്ലാസ്റ്റേഴ്സിന് തോൽവി. കൊച്ചി കലൂർ ജവഹർലാൽ നെഹ്റു സ്റ്റേഡിയത്തിൽ നടന്ന മത്സരത്തിൽ പഞ്ചാബ് എഫ്സിയോട് രണ്ടിനെതിരെ ഒരു ഗോളിനാണ് ബ്ലാസ്റ്റേഴ്സ് പരാജയപ്പെട്ടത്. ആദ്യപകുതി ഗോൾ രഹിത സമനിലയിലാണ് പിരിഞ്ഞത്. രണ്ടാം പകുതിയിലാണ് 3 ഗോളുകളും പിറന്നത്. 85-ാം മിനിറ്റിൽ ലഭിച്ച പെനാൽറ്റി യിലൂടെ ലൂക്കയാണ് പഞ്ചാബിനെ മുന്നിലെത്തിച്ചത്. എന്നാൽ 91-ാം മിനിറ്റിൽ ബ്ലാസ്റ്റേഴ്സ് ജീസസിലൂടെ മറുപടി ഗോൾ കണ്ടെത്തി. സമനിലയിൽ എത്തിയ മത്സരത്തിൽ ഇഞ്ചുറി ടൈമിൽ ആയിരുന്നു പഞ്ചാബിന്റെ വിജയഗോൾ. 95-ാം മിനിറ്റിൽ നോവാ സിലീചാണ് പഞ്ചാബിൻ്റെ വിജയ ഗോൾ നേടിയത്.

Sports214 days ago

ഡ്യൂറന്റ് കപ്പ് ക്വാർട്ടർ ഫൈനലിൽ നാളെ കേരള ബ്ലാസ്റ്റേഴ്സ് – ബെംഗളൂരു പോരാട്ടം

പുതിയ കോച്ച് മൈക്കൽ സ്റ്റോറെയുടെ കീ‍ഴിൽ ഡ്യൂറന്റ് കപ്പ് കിരീടം ലക്ഷ്യമിട്ട് ഇറങ്ങുന്ന ബ്ലാസ്റ്റേഴ്സിന് നാളെ ക്വാർട്ടർ ഫൈനലിൽ ബെംഗളൂരു FC യാണ് എതിരാളികൾ. കൊൽക്കത്തയിലെ സാൾട്ട്‌ലേക്ക്‌ സ്‌റ്റേഡിയത്തിൽ നാളെ രാത്രി 7 മണിക്കാണ് മത്സരം. ക്യാപ്റ്റൻ അഡ്രിയാൻ ലൂണയുടെ മടങ്ങി വരവാണ് ബ്ലാസ്റ്റേഴ്സിന് പ്രതീക്ഷയേകുന്നത്. ഓഗസ്റ്റ് 25നും 27നുമാണ്‌ സെമിഫൈനൽ മത്സരങ്ങൾ. ഓഗസ്റ്റ് 31 നാണ് ഫൈനൽ.

Sports239 days ago

കേരള ബ്ലാസ്റ്റേഴ്സ് ഡ്യൂറണ്ട് കപ്പ് ക്വാർട്ടർ ഫൈനലിൽ

ഗ്രൂപ്പ് ജേതാക്കളായി കേരള ബ്ലാസ്റ്റേഴ്സ് ഡ്യൂറണ്ട് കപ്പ് ക്വാർട്ടർ ഫൈനലിൽ പ്രവേശിച്ചു. ഇന്ന് പഞ്ചാബ് FC യും മുംബൈ സിറ്റിയും തമ്മിലുള്ള മത്സരം അവസാനിച്ചതോടെയാണ് കേരള ബ്ലാസ്റ്റേഴ്സ് ഒന്നാം സ്ഥാനം ഉറപ്പിച്ചത്. പഞ്ചാബ് FC ക്കും കേരള ബ്ലാസ്റ്റേഴ്സിനും ഏഴ് പോയിൻ്റ് വീതമാണുള്ളത്. എന്നാൽ മികച്ച ഗോൾ ഡിഫ്രൻസാണ് ബ്ലാസ്റ്റേഴ്സിന് തുണയായത്. മൂന്നു മത്സരങ്ങളിൽ നിന്ന് 16 ഗോളുകളാണ് ബ്ലാസ്റ്റേഴ്സ് നേടിയത്.

Sports249 days ago

മിക്കേൽ സ്റ്റാറേ കേരള ബ്ലാസ്റ്റേഴ്സിന്റെ പുതിയ പരിശീലകൻ

കേരള ബ്ലാസ്റ്റേഴ്‌സിന്റെ മുഖ്യ പരിശീലകനായി മിക്കേൽ സ്റ്റാറേയെ നിയമിച്ചു. 48 കാരനായ സ്വീഡിഷ് പരിശീലകൻ രണ്ടു വർഷത്തെ കരാറിലാണ് ഒപ്പുവെച്ചത്. പരിശീലകനായി രണ്ടു പതിറ്റാണ്ടിന്റെ അനുഭവ സമ്പത്താണ് ഇവാൻ വുക്കൊമാനോവിച്ചിന് പകരക്കാരനായി എത്തിയ മിക്കേൽ സ്റ്റാറേക്കുള്ളത്. സ്വീഡൻ, ഗ്രീസ്, ചൈന, നോർവെ, യുഎസ്, തായ്‍ലൻഡ് തുടങ്ങിയ രാജ്യങ്ങളിലെ ലീഗുകളിലുള്ള ടീമുകളെയാണ് സ്റ്റാറെ മുമ്പ് പരിശീലിപ്പിച്ചിട്ടുള്ളത്.

Sports330 days ago

ഇവാന്‍ വുകോമനോവിച് ബ്ലാസ്റ്റേഴ്സിന്റെ പരിശീലക സ്ഥാനം രാജിവെച്ചു

കേരള ബ്ലാസ്റ്റേഴ്സിന്റെ മുഖ്യ പരിശീലകൻ ഇവാന്‍ വുകോമനോവിച്ചും ക്ലബും പരസ്പര ധാരണയോടെ വേർപിരിയാൻ തീരുമാനിച്ചതായി ക്ലബ് അധികൃതർ ഔദ്യോഗിക പ്രസ്താവനയിലൂടെ അറിയിച്ചു. 2021 ൽ ബ്ലാസ്റ്റേഴ്‌സ് പരിശീലകനായി ചുമതലയേറ്റ ഇവാൻ ആദ്യ സീസണിൽ തന്നെ ടീമിനെ ഫൈനലിൽ എത്തിച്ചു. തുടർച്ചയായ മൂന്ന് സീസണുകളിലും ഇവാന്റെ കീഴിൽ ബ്ലാസ്റ്റേഴ്‌സ് പ്ലേ ഓഫിൽ എത്തിയിരുന്നു.

Sports357 days ago

ISLല്‍ ഇന്ന് ബ്ലാസ്റ്റേഴ്‌സ് ഒഡീഷ എഫ്‌സി പോരാട്ടം

ഒഡീഷയിലെ കലിംഗ സ്റ്റേഡിയത്തില്‍ രാത്രി 7.30നാണ് മത്സരം. ഒഡീഷ എഫ്‌സിക്കെതിരായ ഇന്നത്തെ മത്സരം കേരള ബ്ലാസ്റ്റേഴ്‌സിന് ഏറെ നിര്‍ണായകമാണ്. മത്സരം വിജയിച്ചാല്‍ ബ്ലാസ്റ്റേഴ്‌സ് സെമിയില്‍ പ്രവേശിക്കും. പരിക്കേറ്റ് പുറത്തായിരുന്ന സ്റ്റാര്‍ പ്ലയര്‍ അഡ്രിയാന്‍ ലൂണ ഇന്ന് കളിക്കാനിടയുണ്ട്. പോയിന്റ് പട്ടികയില്‍ ഒഡീഷ എഫ്‌സി നാലാമതും ബ്ലാസ്റ്റേഴ്‌സ് അഞ്ചാമതുമാണുളളത്.

Sports364 days ago

ISL ൽ ഇന്ന് കേരള ബ്ലാസ്റ്റേഴ്‌സ് – ഹൈദരബാദ് FC പോരാട്ടം

ISL ലെ അവസാന ലീഗ് മത്സരത്തിനായി കേരള ബ്ലാസ്റ്റേഴ്‌സ് ഇന്നിറങ്ങും. എവേ മത്സരത്തിൽ ഹൈദരാബാദാണ് ബ്ലാസ്റ്റേഴ്സിന്റെ എതിരാളികൾ. നേരത്തെ തന്നെ പ്ലേ ഓഫ് ഉറപ്പിച്ച ബ്ലാസ്റ്റേഴ്‌സ് തുടർച്ചയായ രണ്ട് മത്സരങ്ങളിൽ പരാജയപ്പെട്ടിരുന്നു. അതിനാൽ പ്ലേ ഓഫിന് മുമ്പ് ഒരു മത്സരം വിജയിക്കുക എന്ന ലക്ഷ്യത്തോടെയാകും ബ്ലാസ്റ്റേഴ്‌സ് ഇന്നിറങ്ങുക. പരുക്കിൽ നിന്ന് മുക്തനായ സൂപ്പർ താരം അഡ്രിയൻ ലൂണ ഇന്ന് കളിച്ചേക്കും.

Sports371 days ago

ISL ൽ വിജയവഴിയിൽ തിരിച്ചെത്താൻ കേരള ബ്ലാസ്റ്റേഴ്‌സ് ഇന്നിറങ്ങും

ISL ഫുട്ബോളിൽ ഇന്ന് കേരള ബ്ലാസ്റ്റേഴ്‌സ് നോർത്ത് ഈസ്റ്റ് യൂണൈറ്റഡിനെ നേരിടും. ഗുവാഹത്തിയിൽ ഇന്ന് രാത്രി 7:30 നാണ് മത്സരം. പ്ലേ ഓഫ് ഉറപ്പിച്ച ബ്ലാസ്റ്റേഴ്‌സ് 20 മത്സരങ്ങളിൽ നിന്ന് 30 പോയിന്റുമായി അഞ്ചാം സ്ഥാനത്താണുള്ളത്. കഴിഞ്ഞ മത്സരത്തിൽ ചുവപ്പ് കാർഡ് കണ്ട് പുറത്തായ ജിക്സൺ സിങ്, നവോച്ച സിങ് എന്നിവർ ഇന്ന് കളിക്കില്ല. ഫെഡർ സെർനിച്ച്, ദിമിത്രിയോസ് ഡയമന്റക്കോസ് എന്നിവരെ കഴിഞ്ഞ കളിയിൽ പരിക്കിനെ തുടർന്ന് പിൻവലിച്ചിരുന്നു. ഇവരും ഇന്ന് മത്സരത്തിനിറങ്ങില്ല.

Sports377 days ago