തമിഴക വെട്രി കഴകത്തിന്റെ ആദ്യ സംസ്ഥാന സമ്മേളനം വിജയ്യുടെ ജന്മദിനത്തിന് നടത്താന്‍ ആലോചന

നടന്‍ വിജയ്യുടെ ജന്മദിനമായ ജൂണ്‍ 22-ന് മധുരയില്‍ സമ്മേളനം നടത്താനാണ് ആലോചന. ഈ വര്‍ഷം ഫെബ്രുവരിയില്‍ രാഷ്ട്രീയത്തില്‍ പ്രവേശിച്ച വിജയ് ഈ ലോക്സഭാ തിരഞ്ഞെടുപ്പില്‍ മത്സരിക്കില്ലെന്നും 2026-ലെ നിയമസഭാ തിരഞ്ഞെടുപ്പാണ് ലക്ഷ്യമെന്നും വ്യക്തമാക്കിയിരുന്നു. തമിഴക വെട്രി കഴകം ഈ തിരഞ്ഞെടുപ്പില്‍ ആര്‍ക്കും പിന്തുണ പ്രഖ്യാപിച്ചിട്ടില്ല. പാര്‍ട്ടിയുടെ കര്‍മപദ്ധതി സംസ്ഥാന സമ്മേളനത്തില്‍ വച്ച് വിജയ് പ്രഖ്യാപിക്കും.

National229 days ago

തമിഴക വെട്രി കഴകത്തിന്റെ ആദ്യ പൊതുസമ്മേളനം പ്രഖ്യാപിച്ചു

നടന്‍ വിജയ്‌യുടെ രാഷ്ട്രീട പാര്‍ട്ടി തമിഴക വെട്രി കഴകത്തിന്റെ ആദ്യ സംസ്ഥാന തല പൊതുസമ്മേളനം ഒക്ടോബര്‍ 27ന് നടക്കും. വില്ലുപുറത്ത് വൈകിട്ട് നാല് മണിക്കാണ് സമ്മേളനം. സമ്മേളനത്തില്‍ സംസ്ഥാനത്തിനായുളള പദ്ധതികളും പാര്‍ട്ടി നയവും പ്രഖ്യാപിക്കുമെന്ന് വിജയ് വ്യക്തമാക്കി. ഓഗസ്റ്റ് 22 ന് ചൈന്നൈയിലെ പനൈയൂരിലെ പാര്‍ട്ടി ആസ്ഥാനത്ത് വിജയ് പാര്‍ട്ടി പതാക അനാച്ഛാദനം ചെയ്യുകയും ഉയര്‍ത്തുകയും ചെയ്തിരുന്നു.

National97 days ago

വിജയിയുടെ TVKയ്ക്ക് തിരഞ്ഞെടുപ്പ് കമ്മീഷന്റെ അംഗീകാരം

TVK ഇനി തിരഞ്ഞെടുപ്പ് രാഷ്ട്രീയത്തിലേക്കെന്നും ആദ്യ വാതില്‍ തുറന്നുവെന്നും വിജയ് പറഞ്ഞു. എല്ലാവരും സമന്മാരെന്ന തത്വത്തില്‍ മുന്നോട്ട് പോകുമെന്നും വിജയ് പുറത്തുവിട്ട വാര്‍ത്താക്കുറിപ്പില്‍ വ്യക്തമാക്കി. പാര്‍ട്ടിയുടെ ആദ്യ സമ്മേളനം ഉടന്‍ പ്രഖ്യാപിക്കുമെന്നാണ് റിപ്പോര്‍ട്ട്. പോലീസ് അനുമതി കിട്ടാത്തതിനാലാണ് TVKയുടെ സംസ്ഥാന സമ്മേളനം വൈകുന്നത്.

National109 days ago

ആദ്യം ദിനം തന്നെ 100 കോടി ക്ലബ്ലില്‍ ഇടം നേടി ‘ഗോട്ട്’

റിലീസ് ചെയ്ത ആദ്യ ദിനം തന്നെ ആഗോളതലത്തില്‍ 100 കോടി ക്ലബ്ബില്‍ ഇടം നേടി വിജയ് ചിത്രം ദ ഗ്രേറ്റസ്റ്റ് ഓഫ് ഓള്‍ ടൈം (ദ ഗോട്ട്). കേരളത്തില്‍ നിന്ന് മാത്രം ചിത്രം 5 കോടിയിലേറെ രൂപ നേടി. വെങ്കട്ട് പ്രഭു സംവിധാനം ചെയ്ത ആക്ഷന്‍ ചിത്രം തിയേറ്ററുകളില്‍ നിറഞ്ഞ സദസില്‍ പ്രദര്‍ശനം തുടരുകയാണ്. അച്ഛനും മകനുമായി വിജയ് ഡബിള്‍ റോളില്‍ എത്തിയ ചിത്രത്തില്‍ മീനാക്ഷി ചൗധരിയാണ് നായിക. പ്രശാന്ത്, പ്രഭുദേവ, ജയറാം, സ്നേഹ തുടങ്ങിയവരും ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നുണ്ട്.

Entertainment110 days ago

വിജയ് ചിത്രം ‘ദ ഗോട്ട്’ സെപ്റ്റംബര്‍ അഞ്ചിന് തിയേറ്ററുകളില്‍ എത്തും

ആരാധകര്‍ ഏറെ പ്രതീക്ഷയോടെ കാത്തിരിക്കുന്ന വിജയ് ചിത്രമാണ് ദ ഗ്രേറ്റസ്റ്റ് ഓഫ് ഓള്‍ ടൈം (ദ ഗോട്ട്). വെങ്കട്ട് പ്രഭു സംവിധാനം ചെയ്യുന്ന ആക്ഷന്‍ ചിത്രം സെപ്റ്റംബര്‍ അഞ്ചിന് ആഗോളതലത്തില്‍ പ്രദര്‍ശനത്തിനെത്തും. അച്ഛനും മകനുമായി വിജയ് ഡബിള്‍ റോളില്‍ എത്തുന്ന ചിത്രത്തില്‍ മീനാക്ഷി ചൗധരിയാണ് നായിക. പ്രശാന്ത്, പ്രഭുദേവ, ജയറാം, സ്‌നേഹ തുടങ്ങിയവരും ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നു. ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ചിത്രം കേരളത്തില്‍ വിതരണത്തിനെത്തിക്കുന്നത്.

Entertainment119 days ago

പാർട്ടി പതാക പുറത്തിറക്കി നടൻ വിജയ്

തമിഴക വെട്രി കഴകം രാഷ്ട്രീയ പാർട്ടിയുടെ പതാക അവതരിപ്പിച്ച് സൂപ്പർതാരം വിജയ്. പാർട്ടി പതാകയോടൊപ്പം ഗാനവും പുറത്തിറക്കി. ചെന്നൈ പനയൂരിലെ പാർട്ടി ആസ്ഥാനത്ത് നടന്ന ചടങ്ങിലാണ് പതാകയും ഗാനവും പുറത്തിറക്കിയത്. ചുവപ്പും മഞ്ഞയും നിറങ്ങൾ ചേർന്ന പതാകയിൽ വാകപ്പൂവിൻ്റെ ഇരുവശങ്ങളിലുമായി രണ്ട് ആനകൾ നിൽക്കുന്ന ചിഹ്നവുമുണ്ട്. അടുത്തമാസം പൊതുസമ്മേളനം നടത്തി രാഷ്ട്രീയ പ്രവർത്തനം ആരംഭിക്കാൻ ഒരുങ്ങുന്നതിനു മുന്നോടിയായി ആണ് നടൻ വിജയ് പാർട്ടി പതാക പുറത്തിറക്കിയിരിക്കുന്നത്.

National126 days ago

നീറ്റ് പരീക്ഷയില്‍ ജനങ്ങള്‍ക്ക് വിശ്വാസം നഷ്ടപ്പെട്ടു: വിജയ്

നീറ്റ് പരീക്ഷാ വിവാദത്തില്‍ പ്രതികരണവുമായി നടനും തമിഴക വെട്രികഴകം അധ്യക്ഷനുമായ വിജയ്. നീറ്റ് പരീക്ഷയില്‍ ജനങ്ങള്‍ക്ക് വിശ്വാസം നഷ്ടപ്പെട്ടു. രാജ്യത്തിന് നീറ്റ് ആവശ്യമില്ല. സംസ്ഥാന നിയമസഭയില്‍ പാസാക്കിയ നീറ്റിനെതിരായ പ്രമേയത്തെ പൂര്‍ണഹൃദയത്തോടെ സ്വാഗതം ചെയ്യുന്നുവെന്നും വിജയ് പറഞ്ഞു. തമിഴ്‌നാട്ടിലെ ജനങ്ങളുടെ വികാരങ്ങളെ മാനിക്കണമെന്ന് കേന്ദ്ര സര്‍ക്കാരിനോട് അഭ്യര്‍ത്ഥിക്കുന്നു. വിദ്യാഭ്യാസത്തെ കണ്‍കറന്റ് ലിസ്റ്റില്‍ നിന്ന് സംസ്ഥാന ലിസ്റ്റിലേക്ക് കൊണ്ടുവരണമെന്നും അദ്ദേഹം പറഞ്ഞു.

National176 days ago

തദ്ദേശ തിരഞ്ഞെടുപ്പിൽ മത്സരിക്കില്ല: തമിഴക വെട്രി കഴകം

തദ്ദേശ തിരഞ്ഞെടുപ്പിൽ മത്സരിക്കില്ലെന്ന് നടൻ വിജയിയുടെ രാഷ്ട്രീയ പാർട്ടിയായ തമിഴക വെട്രി കഴകം. 2026 ലെ നിയമസഭ തിരഞ്ഞെടുപ്പാണ് ലക്ഷ്യമെന്ന് പാർട്ടി ജനറൽ സെക്രട്ടറി എൻ. ആനന്ദ് വ്യക്തമാക്കി. വിക്രവണ്ടി മണ്ഡലത്തിലാണ് ഉപതിരഞ്ഞെടുപ്പ് നടക്കുന്നത്. DMK യുടെ പുഗഴേന്തി മരിച്ചതിനെ തുടർന്നാണ് മണ്ഡലത്തിൽ ഉപതിരഞ്ഞെടുപ്പ്. ജൂലൈ 10നാണ് തിരഞ്ഞെടുപ്പ്.

National191 days ago

റീ റിലീസിലും ബോക്‌സോഫീസില്‍ ആവേശമായി വിജയ് ചിത്രം ‘ഗില്ലി’

'ഗില്ലി'യുടെ റിലീസിന്റെ 20-ാം വാര്‍ഷികം ആഘോഷിക്കുന്നതിന്റെ ഭാഗമായാണ് ചിത്രം റീ റിലീസ് ചെയ്തത്. റി റിലീസിന്റെ ആദ്യദിനം 11 കോടിയോളം രൂപയാണ് ചിത്രം നേടിയത്. തമിഴ്‌നാടിന് പുറമെ കേരളത്തിലും യുകെ, ഫ്രാന്‍സ്, അയര്‍ലണ്ട് എന്നിവിടങ്ങളിലും ചിത്രം റിലീസ് ചെയ്തിരുന്നു. 2004-ല്‍ എട്ട് കോടി രൂപയ്ക്ക് ഒരുക്കിയ ഗില്ലി 50 കോടി ക്ലബ്ബില്‍ ഇടം നേടിയിരുന്നു.

Entertainment248 days ago

പോളിങ് ചട്ടങ്ങള്‍ ലംഘിച്ചതിന് വിജയ്‌ക്കെതിരെ കേസ്

വോട്ടെടുപ്പ് ദിനത്തില്‍ ആള്‍ക്കൂട്ടത്തിനൊപ്പം പോളിങ് സ്റ്റേഷനിലെത്തിയതിനാണ് നടനും തമിഴക വെട്രി കഴകം അധ്യക്ഷനുമായ വിജയ്‌ക്കെതിരെ കേസ്. ചെന്നൈയിലെ നീലാംഗരൈ പോളിംഗ് ബൂത്തില്‍ ഇരുനൂറിലധികം ആളുകളെ ഒപ്പം കൂട്ടി വോട്ട് ചെയ്യാനെത്തി പൊതുശല്യമുണ്ടാക്കിയെന്ന് ചെന്നൈ സിറ്റി പോലീസ് കമ്മീഷ്ണര്‍ക്ക് ലഭിച്ച പരാതിയിലാണ് കേസെടുത്തത്. ബൂത്തിലെത്തിയ താരത്തെ കാണാന്‍ ഇരച്ചുകയറിയ ആരാധകരെ പോലീസ് എത്തിയാണ് നിയന്ത്രിച്ചത്.

National250 days ago

‘ദി ഗ്രേറ്റസ്റ്റ് ഓഫ് ഓള്‍ ടൈം’ എന്ന വിജയ്- വെങ്കട്ട് പ്രഭു ചിത്രത്തിന്റെ റിലീസ് പ്രഖ്യാപിച്ചു

സെപ്തംബര്‍ 5 നാണ് 'ദ ഗോട്ട്' ലോകവ്യാപകമായി പ്രദര്‍ശനത്തിനെത്തുന്നത്. വിനായക ചതുര്‍ഥിയോട് അനുബന്ധിച്ചാണ് റിലീസ്. എജിസ് എന്റര്‍ടൈന്‍മെന്റ് റിലീസ് ചെയ്യുന്ന ചിത്രത്തിന്റെ സംഗീതം യുവന്‍ ശങ്കര്‍രാജയാണ്. പ്രശാന്ത്, പ്രഭുദേവ, ജയറാം, സ്‌നേഹ, മീനാക്ഷി ചൗധരി തുടങ്ങിയവരും ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നു. 'ഗോട്ടി'ന് ശേഷം ഒരു സിനിമ കൂടി ചെയ്ത് അഭിനയം അവസാനിപ്പിക്കുമെന്നാണ് വിജയ് പ്രഖ്യാപിച്ചിരുന്നത്.

Entertainment259 days ago