തദ്ദേശ തിരഞ്ഞെടുപ്പിൽ മത്സരിക്കില്ല: തമിഴക വെട്രി കഴകം

തദ്ദേശ തിരഞ്ഞെടുപ്പിൽ മത്സരിക്കില്ലെന്ന് നടൻ വിജയിയുടെ രാഷ്ട്രീയ പാർട്ടിയായ തമിഴക വെട്രി കഴകം. 2026 ലെ നിയമസഭ തിരഞ്ഞെടുപ്പാണ് ലക്ഷ്യമെന്ന് പാർട്ടി ജനറൽ സെക്രട്ടറി എൻ. ആനന്ദ് വ്യക്തമാക്കി. വിക്രവണ്ടി മണ്ഡലത്തിലാണ് ഉപതിരഞ്ഞെടുപ്പ് നടക്കുന്നത്. DMK യുടെ പുഗഴേന്തി മരിച്ചതിനെ തുടർന്നാണ് മണ്ഡലത്തിൽ ഉപതിരഞ്ഞെടുപ്പ്. ജൂലൈ 10നാണ് തിരഞ്ഞെടുപ്പ്.

National306 days ago

തമിഴക വെട്രി കഴകത്തിന്റെ ആദ്യ പൊതുസമ്മേളനം പ്രഖ്യാപിച്ചു

നടന്‍ വിജയ്‌യുടെ രാഷ്ട്രീട പാര്‍ട്ടി തമിഴക വെട്രി കഴകത്തിന്റെ ആദ്യ സംസ്ഥാന തല പൊതുസമ്മേളനം ഒക്ടോബര്‍ 27ന് നടക്കും. വില്ലുപുറത്ത് വൈകിട്ട് നാല് മണിക്കാണ് സമ്മേളനം. സമ്മേളനത്തില്‍ സംസ്ഥാനത്തിനായുളള പദ്ധതികളും പാര്‍ട്ടി നയവും പ്രഖ്യാപിക്കുമെന്ന് വിജയ് വ്യക്തമാക്കി. ഓഗസ്റ്റ് 22 ന് ചൈന്നൈയിലെ പനൈയൂരിലെ പാര്‍ട്ടി ആസ്ഥാനത്ത് വിജയ് പാര്‍ട്ടി പതാക അനാച്ഛാദനം ചെയ്യുകയും ഉയര്‍ത്തുകയും ചെയ്തിരുന്നു.

National213 days ago

നിപ: അതിർത്തികളിൽ നിരീക്ഷണം ശക്തമാക്കി തമിഴ്നാട്

മലപ്പുറത്ത് നിപ ബാധിച്ച് യുവാവ് മരിച്ച സാഹചര്യത്തിൽ അതിര്‍ത്തികളില്‍ കര്‍ശന പരിശോധന നടത്താനൊരുങ്ങി തമിഴ്‌നാട് സര്‍ക്കാര്‍. 24 മണിക്കൂറും ആരോഗ്യപ്രവര്‍ത്തകര്‍ അതിര്‍ത്തികളില്‍ പരിശോധന നടത്തും. നീലഗിരി, കോയമ്പത്തൂര്‍, തിരുപ്പൂര്‍ , തേനി, തെങ്കാശി, കന്യാകുമാരി അതിര്‍ത്തികളിലാണ് പരിശോധന നടത്തുക. മലപ്പുറത്തിന്റെ അതിർത്തി ജില്ലകളായ കോഴിക്കോടും, പാലക്കാടും ജാഗ്രതാ നിർദേശം നൽകാൻ സംസ്ഥാന ആരോഗ്യവകുപ്പ് തീരുമാനിച്ചിട്ടുണ്ട്.

Health215 days ago

അമേരിക്കന്‍ കമ്പനികളുമായി 2,666 കോടി രൂപയുടെ കരാര്‍ ഒപ്പിട്ട് തമിഴ്‌നാട് സര്‍ക്കാര്‍

തമിഴ്‌നാട് മുഖ്യമന്ത്രി എം.കെ. സ്റ്റാലിന്റെ അമേരിക്കന്‍ സന്ദര്‍ശനത്തിനിടെയാണ് സംസ്ഥാനത്തിന്റെ വ്യാവസായിക-സാമ്പത്തിക മേഖലയുടെ ഉന്നമനം ലക്ഷ്യമിട്ടുള്ള കരാറുകള്‍ ഒപ്പുവെച്ചത്. ഇലക്ട്രോണിക്സ് നിര്‍മ്മാണ സേവനങ്ങളിലെ മുന്‍നിരക്കാരായ ജാബിലുമായും ലോകത്തിലെ തന്നെ ഏറ്റവും വലിയ വ്യാവസായിക ഓട്ടോമേഷന്‍ കമ്പനിയായ റോക്ക്വെല്‍ ഓട്ടോമേഷനുമായാണ് തമിഴ്‌നാട് ധാരണാപത്രങ്ങള്‍ ഒപ്പുവെച്ചത്. ഈ കരാറുകള്‍ സംസ്ഥാനത്ത് 2,666 കോടി രൂപയുടെ നിക്ഷേപം കൊണ്ടുവരുമെന്നും 5,365 തൊഴിലവസരങ്ങള്‍ സൃഷ്ടിക്കുമെന്നും തമിഴ്നാട് സര്‍ക്കാരിന്റെ പ്രസ്താവനയില്‍ പറയുന്നു.

National222 days ago

വിജയിയുടെ TVKയ്ക്ക് തിരഞ്ഞെടുപ്പ് കമ്മീഷന്റെ അംഗീകാരം

TVK ഇനി തിരഞ്ഞെടുപ്പ് രാഷ്ട്രീയത്തിലേക്കെന്നും ആദ്യ വാതില്‍ തുറന്നുവെന്നും വിജയ് പറഞ്ഞു. എല്ലാവരും സമന്മാരെന്ന തത്വത്തില്‍ മുന്നോട്ട് പോകുമെന്നും വിജയ് പുറത്തുവിട്ട വാര്‍ത്താക്കുറിപ്പില്‍ വ്യക്തമാക്കി. പാര്‍ട്ടിയുടെ ആദ്യ സമ്മേളനം ഉടന്‍ പ്രഖ്യാപിക്കുമെന്നാണ് റിപ്പോര്‍ട്ട്. പോലീസ് അനുമതി കിട്ടാത്തതിനാലാണ് TVKയുടെ സംസ്ഥാന സമ്മേളനം വൈകുന്നത്.

National225 days ago

ആദ്യം ദിനം തന്നെ 100 കോടി ക്ലബ്ലില്‍ ഇടം നേടി ‘ഗോട്ട്’

റിലീസ് ചെയ്ത ആദ്യ ദിനം തന്നെ ആഗോളതലത്തില്‍ 100 കോടി ക്ലബ്ബില്‍ ഇടം നേടി വിജയ് ചിത്രം ദ ഗ്രേറ്റസ്റ്റ് ഓഫ് ഓള്‍ ടൈം (ദ ഗോട്ട്). കേരളത്തില്‍ നിന്ന് മാത്രം ചിത്രം 5 കോടിയിലേറെ രൂപ നേടി. വെങ്കട്ട് പ്രഭു സംവിധാനം ചെയ്ത ആക്ഷന്‍ ചിത്രം തിയേറ്ററുകളില്‍ നിറഞ്ഞ സദസില്‍ പ്രദര്‍ശനം തുടരുകയാണ്. അച്ഛനും മകനുമായി വിജയ് ഡബിള്‍ റോളില്‍ എത്തിയ ചിത്രത്തില്‍ മീനാക്ഷി ചൗധരിയാണ് നായിക. പ്രശാന്ത്, പ്രഭുദേവ, ജയറാം, സ്നേഹ തുടങ്ങിയവരും ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നുണ്ട്.

Entertainment225 days ago

വിജയ് ചിത്രം ‘ദ ഗോട്ട്’ സെപ്റ്റംബര്‍ അഞ്ചിന് തിയേറ്ററുകളില്‍ എത്തും

ആരാധകര്‍ ഏറെ പ്രതീക്ഷയോടെ കാത്തിരിക്കുന്ന വിജയ് ചിത്രമാണ് ദ ഗ്രേറ്റസ്റ്റ് ഓഫ് ഓള്‍ ടൈം (ദ ഗോട്ട്). വെങ്കട്ട് പ്രഭു സംവിധാനം ചെയ്യുന്ന ആക്ഷന്‍ ചിത്രം സെപ്റ്റംബര്‍ അഞ്ചിന് ആഗോളതലത്തില്‍ പ്രദര്‍ശനത്തിനെത്തും. അച്ഛനും മകനുമായി വിജയ് ഡബിള്‍ റോളില്‍ എത്തുന്ന ചിത്രത്തില്‍ മീനാക്ഷി ചൗധരിയാണ് നായിക. പ്രശാന്ത്, പ്രഭുദേവ, ജയറാം, സ്‌നേഹ തുടങ്ങിയവരും ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നു. ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ചിത്രം കേരളത്തില്‍ വിതരണത്തിനെത്തിക്കുന്നത്.

Entertainment234 days ago

പാർട്ടി പതാക പുറത്തിറക്കി നടൻ വിജയ്

തമിഴക വെട്രി കഴകം രാഷ്ട്രീയ പാർട്ടിയുടെ പതാക അവതരിപ്പിച്ച് സൂപ്പർതാരം വിജയ്. പാർട്ടി പതാകയോടൊപ്പം ഗാനവും പുറത്തിറക്കി. ചെന്നൈ പനയൂരിലെ പാർട്ടി ആസ്ഥാനത്ത് നടന്ന ചടങ്ങിലാണ് പതാകയും ഗാനവും പുറത്തിറക്കിയത്. ചുവപ്പും മഞ്ഞയും നിറങ്ങൾ ചേർന്ന പതാകയിൽ വാകപ്പൂവിൻ്റെ ഇരുവശങ്ങളിലുമായി രണ്ട് ആനകൾ നിൽക്കുന്ന ചിഹ്നവുമുണ്ട്. അടുത്തമാസം പൊതുസമ്മേളനം നടത്തി രാഷ്ട്രീയ പ്രവർത്തനം ആരംഭിക്കാൻ ഒരുങ്ങുന്നതിനു മുന്നോടിയായി ആണ് നടൻ വിജയ് പാർട്ടി പതാക പുറത്തിറക്കിയിരിക്കുന്നത്.

National242 days ago

വ്യാജ NCC ക്യാംപില്‍ 13 പെണ്‍കുട്ടികള്‍ ലൈംഗിക പീഡനത്തിനിരയായി; ഇടപെട്ട് വനിതാ കമ്മീഷന്‍

ഓഗസ്റ്റ് ആദ്യ വാരം തമിഴ്‌നാട്ടിലെ കൃഷ്ണഗിരിയിലെ സ്വകാര്യ സ്‌കൂള്‍ പരിസരത്ത് സംഘടിപ്പിച്ച NCC ക്യാംപില്‍ വച്ചാണ് അതിക്രമം നടന്നത്. ക്യാംപ് സംഘടിപ്പിച്ചവര്‍ അടക്കമുള്ള 11 പേരെ പോലീസ് അറസ്റ്റ് ചെയ്തിട്ടുണ്ട്. പോക്‌സോ അടക്കമുള്ള വകുപ്പുകള്‍ ചുമത്തിയാണ് അറസ്റ്റ്. സ്‌കൂള്‍ പ്രിന്‍സിപ്പലും അധ്യാപകരും അടക്കമുള്ളവരാണ് അറസ്റ്റിലായിട്ടുള്ളത്. 41 വിദ്യാര്‍ത്ഥികളാണ് ക്യാംപില്‍ പങ്കെടുത്തത്. ക്യാംപിലുണ്ടായ അതിക്രമത്തേക്കുറിച്ച് വീട്ടിലെത്തിയ ഒരു പെണ്‍കുട്ടി രക്ഷിതാക്കളോട് പറഞ്ഞതോടെയാണ് സംഭവം പുറത്ത് വരുന്നത്.

National243 days ago

വ്യാജ NCC ക്യാമ്പ് സംഘടിപ്പിച്ച് 13 പെണ്‍കുട്ടികളെ ലൈംഗികമായി പീഡിപ്പിച്ചു

തമിഴ്‌നാട് കൃഷ്ണഗിരിയിലാണ് വ്യാജ NCC ക്യാമ്പ് സംഘടിപ്പിച്ച് പെണ്‍കുട്ടികളെ ലൈംഗികമായി പീഡിപ്പിച്ചത്. ഒരു പെണ്‍കുട്ടിയെ ലൈംഗികമായി പീഡനത്തിനിരയാക്കുകയും 12 പേരെ ലൈംഗികമയി ദുരുപയോഗം ചെയ്തതായും പോലീസ് അറിയിച്ചു.സംഭവത്തില്‍ ക്യാമ്പ് സംഘാടകര്‍, സ്‌കൂള്‍ പ്രിന്‍സിപ്പല്‍, രണ്ട് അധ്യാപകര്‍ എന്നിവരുള്‍പ്പടെ 11 പേര്‍ അറസ്റ്റിലായിട്ടുണ്ട്. സ്വകാര്യ സ്‌കൂളിന് NCC യൂണിറ്റില്ലെന്ന് അന്വേഷണത്തില്‍ കണ്ടെത്തി. ഈ മാസം ആദ്യം നടന്ന ത്രിദിന ക്യാമ്പില്‍ 17 പെണ്‍കുട്ടികള്‍ ഉള്‍പ്പെടെ 41 വിദ്യാര്‍ത്ഥികള്‍ പങ്കെടുത്തു.

National245 days ago

നിപ: കേരളാ അതിർത്തിയിൽ തമിഴ്നാട് ആരോഗ്യവകുപ്പ് പരിശോധന നടത്തുന്നു

താളൂരിലാണ് ആരോഗ്യവകുപ്പിൻ്റെ പരിശോധന. കേരളത്തിൽ നിന്ന് തമിഴ്‌നാട്ടിലേക്ക് യാത്ര ചെയ്യുന്നവരുടെ ശരീര താപനില പരിശോധിക്കുന്നുണ്ട്. യാത്രക്കാരോട് മാസ്ക് ധരിക്കാനും ഉദ്യോഗസ്ഥർ ആവശ്യപ്പെടുന്നുണ്ട്. തമിഴ്‌നാട്ടിൽ നിന്ന് കേരളത്തിലേക്ക് വരുന്നവരും മാസ്‌ക് ധരിക്കണമെന്നും ആരോഗ്യവകുപ്പ് നിർദേശിച്ചിട്ടുണ്ട്. അതേസമയം യാത്രാ നിയന്ത്രണങ്ങളൊന്നും ഏർപ്പെടുത്തിയിട്ടില്ല. അതേസമയം മലപ്പുറം പാണ്ടിക്കാട്ടിൽ നിപ വൈറസ് ബാധയെ തുടർന്നുള്ള ആശങ്ക ക്രമേണ ശമിക്കുന്നുണ്ട്. കുട്ടിയുടെ മാതാപിതാക്കളുടെ ഉൾപ്പെടെ ഇന്നലെ വരെ വന്ന എല്ലാ പരിശോധനാ ഫലങ്ങളും നെഗറ്റീവാണ്.

Kerala270 days ago