ആദ്യം ദിനം തന്നെ 100 കോടി ക്ലബ്ലില്‍ ഇടം നേടി ‘ഗോട്ട്’

റിലീസ് ചെയ്ത ആദ്യ ദിനം തന്നെ ആഗോളതലത്തില്‍ 100 കോടി ക്ലബ്ബില്‍ ഇടം നേടി വിജയ് ചിത്രം ദ ഗ്രേറ്റസ്റ്റ് ഓഫ് ഓള്‍ ടൈം (ദ ഗോട്ട്). കേരളത്തില്‍ നിന്ന് മാത്രം ചിത്രം 5 കോടിയിലേറെ രൂപ നേടി. വെങ്കട്ട് പ്രഭു സംവിധാനം ചെയ്ത ആക്ഷന്‍ ചിത്രം തിയേറ്ററുകളില്‍ നിറഞ്ഞ സദസില്‍ പ്രദര്‍ശനം തുടരുകയാണ്. അച്ഛനും മകനുമായി വിജയ് ഡബിള്‍ റോളില്‍ എത്തിയ ചിത്രത്തില്‍ മീനാക്ഷി ചൗധരിയാണ് നായിക. പ്രശാന്ത്, പ്രഭുദേവ, ജയറാം, സ്നേഹ തുടങ്ങിയവരും ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നുണ്ട്.

Entertainment225 days ago

തമിഴക വെട്രി കഴകത്തിന്റെ ആദ്യ പൊതുസമ്മേളനം പ്രഖ്യാപിച്ചു

നടന്‍ വിജയ്‌യുടെ രാഷ്ട്രീട പാര്‍ട്ടി തമിഴക വെട്രി കഴകത്തിന്റെ ആദ്യ സംസ്ഥാന തല പൊതുസമ്മേളനം ഒക്ടോബര്‍ 27ന് നടക്കും. വില്ലുപുറത്ത് വൈകിട്ട് നാല് മണിക്കാണ് സമ്മേളനം. സമ്മേളനത്തില്‍ സംസ്ഥാനത്തിനായുളള പദ്ധതികളും പാര്‍ട്ടി നയവും പ്രഖ്യാപിക്കുമെന്ന് വിജയ് വ്യക്തമാക്കി. ഓഗസ്റ്റ് 22 ന് ചൈന്നൈയിലെ പനൈയൂരിലെ പാര്‍ട്ടി ആസ്ഥാനത്ത് വിജയ് പാര്‍ട്ടി പതാക അനാച്ഛാദനം ചെയ്യുകയും ഉയര്‍ത്തുകയും ചെയ്തിരുന്നു.

National213 days ago

വിജയിയുടെ TVKയ്ക്ക് തിരഞ്ഞെടുപ്പ് കമ്മീഷന്റെ അംഗീകാരം

TVK ഇനി തിരഞ്ഞെടുപ്പ് രാഷ്ട്രീയത്തിലേക്കെന്നും ആദ്യ വാതില്‍ തുറന്നുവെന്നും വിജയ് പറഞ്ഞു. എല്ലാവരും സമന്മാരെന്ന തത്വത്തില്‍ മുന്നോട്ട് പോകുമെന്നും വിജയ് പുറത്തുവിട്ട വാര്‍ത്താക്കുറിപ്പില്‍ വ്യക്തമാക്കി. പാര്‍ട്ടിയുടെ ആദ്യ സമ്മേളനം ഉടന്‍ പ്രഖ്യാപിക്കുമെന്നാണ് റിപ്പോര്‍ട്ട്. പോലീസ് അനുമതി കിട്ടാത്തതിനാലാണ് TVKയുടെ സംസ്ഥാന സമ്മേളനം വൈകുന്നത്.

National225 days ago

വിജയ് ചിത്രം ‘ദ ഗോട്ട്’ സെപ്റ്റംബര്‍ അഞ്ചിന് തിയേറ്ററുകളില്‍ എത്തും

ആരാധകര്‍ ഏറെ പ്രതീക്ഷയോടെ കാത്തിരിക്കുന്ന വിജയ് ചിത്രമാണ് ദ ഗ്രേറ്റസ്റ്റ് ഓഫ് ഓള്‍ ടൈം (ദ ഗോട്ട്). വെങ്കട്ട് പ്രഭു സംവിധാനം ചെയ്യുന്ന ആക്ഷന്‍ ചിത്രം സെപ്റ്റംബര്‍ അഞ്ചിന് ആഗോളതലത്തില്‍ പ്രദര്‍ശനത്തിനെത്തും. അച്ഛനും മകനുമായി വിജയ് ഡബിള്‍ റോളില്‍ എത്തുന്ന ചിത്രത്തില്‍ മീനാക്ഷി ചൗധരിയാണ് നായിക. പ്രശാന്ത്, പ്രഭുദേവ, ജയറാം, സ്‌നേഹ തുടങ്ങിയവരും ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നു. ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ചിത്രം കേരളത്തില്‍ വിതരണത്തിനെത്തിക്കുന്നത്.

Entertainment234 days ago

പാർട്ടി പതാക പുറത്തിറക്കി നടൻ വിജയ്

തമിഴക വെട്രി കഴകം രാഷ്ട്രീയ പാർട്ടിയുടെ പതാക അവതരിപ്പിച്ച് സൂപ്പർതാരം വിജയ്. പാർട്ടി പതാകയോടൊപ്പം ഗാനവും പുറത്തിറക്കി. ചെന്നൈ പനയൂരിലെ പാർട്ടി ആസ്ഥാനത്ത് നടന്ന ചടങ്ങിലാണ് പതാകയും ഗാനവും പുറത്തിറക്കിയത്. ചുവപ്പും മഞ്ഞയും നിറങ്ങൾ ചേർന്ന പതാകയിൽ വാകപ്പൂവിൻ്റെ ഇരുവശങ്ങളിലുമായി രണ്ട് ആനകൾ നിൽക്കുന്ന ചിഹ്നവുമുണ്ട്. അടുത്തമാസം പൊതുസമ്മേളനം നടത്തി രാഷ്ട്രീയ പ്രവർത്തനം ആരംഭിക്കാൻ ഒരുങ്ങുന്നതിനു മുന്നോടിയായി ആണ് നടൻ വിജയ് പാർട്ടി പതാക പുറത്തിറക്കിയിരിക്കുന്നത്.

National242 days ago

1000 കോടി ക്ലബില്‍ ഇടം നേടി കല്‍ക്കി

ബോക്‌സോഫീസില്‍ റെക്കോര്‍ഡ് നേട്ടവുമായി പ്രഭാസ് ചിത്രം കല്‍ക്കി 2898 എഡി. ആഗോളതലത്തില്‍ 1000 കോടിയിലധികം രൂപയാണ് ചിത്രം നേടിയിരിക്കുന്നത്. ചിത്രത്തിന്റെ നിര്‍മാതാക്കളായ വൈജയന്തി മൂവീസ് ആണ് ഇക്കാര്യം ഔദ്യോഗികമായി അറിയിച്ചിരിക്കുന്നത്. നാഗ് അശ്വിന്‍ സംവിധാനം ചെയ്തിരിക്കുന്ന ചിത്രത്തില്‍ പ്രഭാസിന് പുറമെ, കമല്‍ ഹസന്‍, അമിതാഭ് ബച്ചന്‍, ദീപിക പദുക്കോണ്‍, ദുല്‍ഖര്‍ സല്‍മാന്‍, ശോഭന, അന്ന ബെന്‍ തുടങ്ങി വമ്പന്‍ താരനിരയാണ് അണിനിരന്നിരിക്കുന്നത്.

Entertainment281 days ago

നീറ്റ് പരീക്ഷയില്‍ ജനങ്ങള്‍ക്ക് വിശ്വാസം നഷ്ടപ്പെട്ടു: വിജയ്

നീറ്റ് പരീക്ഷാ വിവാദത്തില്‍ പ്രതികരണവുമായി നടനും തമിഴക വെട്രികഴകം അധ്യക്ഷനുമായ വിജയ്. നീറ്റ് പരീക്ഷയില്‍ ജനങ്ങള്‍ക്ക് വിശ്വാസം നഷ്ടപ്പെട്ടു. രാജ്യത്തിന് നീറ്റ് ആവശ്യമില്ല. സംസ്ഥാന നിയമസഭയില്‍ പാസാക്കിയ നീറ്റിനെതിരായ പ്രമേയത്തെ പൂര്‍ണഹൃദയത്തോടെ സ്വാഗതം ചെയ്യുന്നുവെന്നും വിജയ് പറഞ്ഞു. തമിഴ്‌നാട്ടിലെ ജനങ്ങളുടെ വികാരങ്ങളെ മാനിക്കണമെന്ന് കേന്ദ്ര സര്‍ക്കാരിനോട് അഭ്യര്‍ത്ഥിക്കുന്നു. വിദ്യാഭ്യാസത്തെ കണ്‍കറന്റ് ലിസ്റ്റില്‍ നിന്ന് സംസ്ഥാന ലിസ്റ്റിലേക്ക് കൊണ്ടുവരണമെന്നും അദ്ദേഹം പറഞ്ഞു.

National292 days ago

നാലു ദിവസത്തില്‍ 500 കോടി; ഞെട്ടിക്കുന്ന കളക്ഷനുമായി കല്‍ക്കി

ബോക്സോഫീസ് തൂത്തുവാരി പ്രഭാസ് ചിത്രം കല്‍ക്കി 2898 എഡി. വെറും നാല് ദിവസം കൊണ്ട് ആഗോളതലത്തില്‍ 500 കോടിയിലധികം രൂപയാണ് ചിത്രം നേടിയിരിക്കുന്നത്. ഇന്ത്യയിലെ അടുത്ത 1000 കോടി ചിത്രമായിരിക്കും കല്‍ക്കി എന്നാണ് ഈ കളക്ഷന്‍ റിപ്പോര്‍ട്ടുകള്‍ സൂചിപ്പിക്കുന്നത്. നാഗ് അശ്വിന്‍ സംവിധാനം ചെയ്തിരിക്കുന്ന ചിത്രത്തില്‍ പ്രഭാസിന് പുറമെ, കമല്‍ ഹസന്‍, അമിതാഭ് ബച്ചന്‍, ദീപിക പദുക്കോണ്‍, ദുല്‍ഖര്‍ സല്‍മാന്‍, ശോഭന, അന്ന ബെന്‍ തുടങ്ങി വമ്പന്‍ താരനിരയാണ് അണിനിരന്നിരിക്കുന്നത്.

Entertainment293 days ago

തദ്ദേശ തിരഞ്ഞെടുപ്പിൽ മത്സരിക്കില്ല: തമിഴക വെട്രി കഴകം

തദ്ദേശ തിരഞ്ഞെടുപ്പിൽ മത്സരിക്കില്ലെന്ന് നടൻ വിജയിയുടെ രാഷ്ട്രീയ പാർട്ടിയായ തമിഴക വെട്രി കഴകം. 2026 ലെ നിയമസഭ തിരഞ്ഞെടുപ്പാണ് ലക്ഷ്യമെന്ന് പാർട്ടി ജനറൽ സെക്രട്ടറി എൻ. ആനന്ദ് വ്യക്തമാക്കി. വിക്രവണ്ടി മണ്ഡലത്തിലാണ് ഉപതിരഞ്ഞെടുപ്പ് നടക്കുന്നത്. DMK യുടെ പുഗഴേന്തി മരിച്ചതിനെ തുടർന്നാണ് മണ്ഡലത്തിൽ ഉപതിരഞ്ഞെടുപ്പ്. ജൂലൈ 10നാണ് തിരഞ്ഞെടുപ്പ്.

National306 days ago

അഞ്ച് മാസത്തില്‍ 1000 കോടി കളക്ഷനുമായി മലയാള സിനിമ

ചരിത്രത്തിലാദ്യമായാണ് ആഗോളതലത്തില്‍ മലയാള സിനിമ 1000 കോടിയ്ക്ക് മുകളില്‍ കളക്ഷന്‍ നേടിയിരിക്കുന്നത്. മലയാള സിനിമയെ ആദ്യമായി 200 കോടി ക്ലബ്ബിലെത്തിച്ച മഞ്ഞുമ്മല്‍ ബോയ്‌സ്, 100 കോടി ക്ലബ്ബ് കടന്ന ആടുജീവിതം, ആവേശം, പ്രേമലു തുടങ്ങിയ ചിത്രങ്ങളാണ് മലയാള സിനിമയ്ക്ക് ഈ സുവര്‍ണ നേട്ടം സമ്മാനിച്ചത്. അഞ്ചു മാസം കൊണ്ടാണ് മലയാള സിനിമ ഇത്രയും വലിയ നേട്ടം കൈവരിച്ചിരിക്കുന്നത്. അതിനാല്‍ തന്നെ റെക്കോര്‍ഡ് കളക്ഷനുമായിട്ടാകും മോളിവുഡ് ഈ വര്‍ഷം പൂര്‍ത്തിയാക്കുക എന്നാണ് വിലയിരുത്തല്‍.

Entertainment335 days ago

തമിഴക വെട്രി കഴകത്തിന്റെ ആദ്യ സംസ്ഥാന സമ്മേളനം വിജയ്യുടെ ജന്മദിനത്തിന് നടത്താന്‍ ആലോചന

നടന്‍ വിജയ്യുടെ ജന്മദിനമായ ജൂണ്‍ 22-ന് മധുരയില്‍ സമ്മേളനം നടത്താനാണ് ആലോചന. ഈ വര്‍ഷം ഫെബ്രുവരിയില്‍ രാഷ്ട്രീയത്തില്‍ പ്രവേശിച്ച വിജയ് ഈ ലോക്സഭാ തിരഞ്ഞെടുപ്പില്‍ മത്സരിക്കില്ലെന്നും 2026-ലെ നിയമസഭാ തിരഞ്ഞെടുപ്പാണ് ലക്ഷ്യമെന്നും വ്യക്തമാക്കിയിരുന്നു. തമിഴക വെട്രി കഴകം ഈ തിരഞ്ഞെടുപ്പില്‍ ആര്‍ക്കും പിന്തുണ പ്രഖ്യാപിച്ചിട്ടില്ല. പാര്‍ട്ടിയുടെ കര്‍മപദ്ധതി സംസ്ഥാന സമ്മേളനത്തില്‍ വച്ച് വിജയ് പ്രഖ്യാപിക്കും.

National345 days ago