ജെസ്‌ന തിരോധാനക്കേസ്: തുടരന്വേഷണം ആവശ്യപ്പെട്ടുള്ള ഹർജി കോടതി ഇന്ന് പരിഗണിക്കും

ജെസ്‌ന തിരോധാനക്കേസിൽ തുടരന്വേഷണം ആവശ്യപ്പെട്ട് പിതാവ് സമർപ്പിച്ച ഹർജി തിരുവനന്തപുരം CJM കോടതി ഇന്ന് വീണ്ടും പരിഗണിക്കും. ജെസ്‌നയുടെ പിതാവ് ഉന്നയിക്കുന്ന കാര്യങ്ങൾ അന്വേഷിക്കാമെന്നും ഇതുസംബന്ധിച്ച തെളിവുകളും രേഖകളും നൽകണമെന്നും തെളിവുകളിൽ കഴമ്പുണ്ടെന്ന് കണ്ടെത്തിയാൽ തുടരന്വേഷണത്തിന് തയാറാണെന്നും കേസ് കഴിഞ്ഞ തവണ പരിഗണിച്ചപ്പോൾ CBI കോടതിയെ അറിയിച്ചിരുന്നു. കോടതി നിർദ്ദേശത്തിന്റെ അടിസ്ഥാനത്തിൽ ജെസ്‌നയുടെ പിതാവ് ഇന്ന് തെളിവുകൾ സീൽ ചെയ്ത കവറിൽ സമർപ്പിക്കും. കോടതി ഇത് CBI ക്ക് കൈമാറും.

Kerala235 days ago

ജെസ്‌ന തിരോധാന കേസ്: മുൻ ലോഡ്ജ് ജീവനക്കാരിയെ നുണപരിശോധനയ്ക്ക് വിധേയയാക്കും

ജെസ്ന തിരോധാന കേസിൽ മുണ്ടക്കയത്തെ മുൻ ലോഡ്ജ് ജീവനക്കാരിയുടെ മൊഴി രേഖപ്പെടുത്തിയ CBI സംഘം ഇവരെ നുണ പരിശോധനയ്ക്ക് വിധേയയാക്കും. ആവശ്യമെങ്കിൽ ലോഡ്ജ് ഉടമയെയും നുണ പരിശോധനയ്ക്ക് വിധേയനാക്കും. CBI കഴിഞ്ഞ ദിവസം ഇരുവരുടെയും മൊഴി രേഖപ്പെടുത്തിയിരുന്നു. ജെസ്നയെ കാണാതാകുന്നതിന് ദിവസങ്ങൾക്ക് മുമ്പ് ജെസ്നയെ മുണ്ടക്കയത്തെ ലോഡ്ജിൽ വെച്ച് കണ്ടെന്നായിരുന്നു മുൻ ജീവനക്കാരിയുടെ വെളിപ്പെടുത്തൽ. ജെസ്നയോടൊപ്പം ഒരു യുവാവും ഉണ്ടായിരുന്നുവെന്നും പിന്നീട് പത്രത്തിൽ ഫോട്ടോ കണ്ടതോടെയാണ് ജെസ്‌നയാണെന്ന് മനസ്സിലായതെന്നാണ് ജീവനക്കാരി പറഞ്ഞത്. Read More

Kerala124 days ago

ജെസ്‌ന തിരോധാനം: CBI സംഘം നാളെ മുണ്ടക്കയത്തെത്തും

ജെസ്നയുടെ തിരോധാനവുമായി ബന്ധപ്പെട്ട മുണ്ടക്കയത്തെ ലോഡ്ജിലെ മുൻ ജീവനക്കാരി നടത്തിയ വെളിപ്പെടുത്തലുകളുടെ വസ്തുതകൾ അന്വേഷിക്കാൻ CBI സംഘം നാളെ മുണ്ടക്കയത്തെത്തും. ലോഡ്ജ് ജീവനക്കാരിയുടെ മൊഴിയെടുക്കാനായി എത്തുന്ന സംഘം ലോഡ്ജിൽ കണ്ടത് ജെസ്നയെത്തന്നെ ആണോയെന്നും കാണാതായതിന് ഇവിടവുമായി ബന്ധമുണ്ടോയെന്നും തുടങ്ങിയ കാര്യങ്ങളാകും പരിശോധിക്കുക. ജെസ്‌നയുടെ അവസാന CCTV ദൃശ്യങ്ങൾ ലഭിച്ചത് ഈ പ്രദേശത്ത് വെച്ചായാതിനാൽ നേരത്തെ പല തവണ ക്രൈംബ്രാഞ്ച് ഇവിടെ പരിശോധന നടത്തിയിരുന്നു.

Kerala127 days ago

ജെസ്‌ന തിരോധാനക്കേസില്‍ ലോഡ്ജ് ജീവനക്കാരിയുടെ വെളിപ്പെടുത്തല്‍ തള്ളി ലോഡ്ജുടമ

ആറു വർഷം മുമ്പ് കാണാതായ ജെസ്‌നയെ കാണാതാകുന്നതിന് രണ്ടു ദിവസം മുമ്പ് മുണ്ടക്കയത്തെ ലോഡ്ജിൽ വെച്ച് കണ്ടുവെന്ന ലോഡ്ജ് ജീവനക്കാരിയുടെ വെളിപ്പെടുത്തൽ ലോഡ്ജ് ഉടമ തള്ളി. ലോഡ്ജുടമ തന്നെ അടിച്ചിറക്കി വിടുകയും മോശം കാര്യങ്ങളൊക്കെ പ്രചരിപ്പിക്കുകയുമാണ്. അതുകൊണ്ടാണ് ഇക്കാര്യം തുറന്നുപറയാന്‍ തയ്യാറാവുന്നതെന്നുമാണ് ജീവനക്കാരി പറഞ്ഞത്. ജെസ്‌നയോ ജെസ്നയുമായി സാദൃശ്യമുള്ള ആരെങ്കിലുമോ ലോഡ്ജില്‍ വന്നിട്ടില്ലെന്ന് ലോഡ്ജുടമ പ്രതികരിച്ചു. തന്നോടുള്ള വ്യക്തിവൈരാഗ്യം കൊണ്ടാണ് ജീവനക്കാരി ആരോപണങ്ങളുമായി മാധ്യമങ്ങള്‍ക്ക് മുന്നിലെത്തിയതെന്നും ലോഡ്ജ് ഉടമ പറഞ്ഞു.

Kerala128 days ago

ജെസ്ന തിരോധനക്കേസ്; വെളിപ്പെടുത്തലുമായി ലോഡ്ജ് ജീവനക്കാരി

വർഷങ്ങൾക്ക് മുമ്പ് കോട്ടയം കാഞ്ഞിരപ്പള്ളിയില്‍ നിന്നു കാണാതായ ജെസ്‌ന ജയിംസിനെ സംബന്ധിച്ച് നിര്‍ണായ വെളിപ്പെടുത്തലുമായി മുണ്ടക്കയം ലോഡ്ജിലെ മുന്‍ ജിവനക്കാരി. കാണാതാകുന്നതിന് രണ്ട് ദിവസം മുമ്പ് ജെസ്‌നയോട് സാമ്യമുള്ള ഒരു പെണ്‍കുട്ടി 25 വയസ്സ് തോന്നിക്കുന്ന ഒരു യുവാവിനൊപ്പം ലോഡ്ജിലെത്തിയിരുന്നുവെന്നാണ് മുന്‍ജീവനക്കാരിയുടെ വെളിപ്പെടുത്തല്‍. പിന്നീട് പത്രത്തില്‍ ഫോട്ടോ കണ്ടപ്പോഴാണ് ലോഡ്ജില്‍വെച്ച് കണ്ടത് ജെസ്‌നയെയാണെന്ന് മനസിലായതെന്ന് അവർ പറഞ്ഞു. മൂന്ന് നാല് മണിക്കൂര്‍ ഇരുവരും ലോഡ്ജില്‍ ഉണ്ടായിരുന്നെന്നും ലോഡ്ജിലെ മുന്‍ ജീവനക്കാരി രമണി പറഞ്ഞു.

Kerala128 days ago

ജെസ്‌ന തിരോധാനക്കേസില്‍ തുടരന്വേഷണത്തിന് ഉത്തരവിട്ട് കോടതി

ജെസ്‌നയുടെ പിതാവ് ജയിംസ് ജോസഫ് നല്‍കിയ ഹര്‍ജിയില്‍ സിജെഎം കോടതിയാണ് തുടരന്വേഷണത്തിന് ഉത്തരവിട്ടത്. കഴിഞ്ഞദിവസം കേസുമായി ബന്ധപ്പെട്ട ചില ചിത്രങ്ങള്‍ മുദ്രവെച്ച കവറില്‍ ജെസ്നയുടെ പിതാവ് കോടതിയില്‍ ഹാജരാക്കിയിരുന്നു. ഈ തെളിവുകളുടെ അടിസ്ഥാനത്തില്‍ തുടരന്വേഷണം നടത്താനാണ് കോടതി നിര്‍ദേശം. വിധിയില്‍ സന്തോഷമുണ്ടെന്നും അന്വേഷണത്തില്‍ പ്രതീക്ഷയുണ്ടെന്നും ജെയിംസ് പ്രതികരിച്ചു. പത്തനംതിട്ട വെച്ചൂച്ചിറ സ്വദേശി ജെസ്‌നയെ 2018 മാര്‍ച്ച് 22 നാണ് കാണാതായത്.

Kerala228 days ago

ജെസ്‌ന തിരോധാനക്കേസ്: CBI കേസ് ഡയറി സമർപ്പിച്ചു

CBI അന്വേഷണം പുനരാരംഭിക്കണം എന്ന് ആവശ്യപ്പെട്ട് നൽകിയ ഹർജിയുടെ ഭാഗമായി ജെസ്‌നയുടെ പിതാവ് ഇന്നലെ കോടതിയിൽ സീൽ ചെയ്ത കവറിൽ ചില തെളിവുകൾ സമർപ്പിച്ചിരുന്നു. ഇത് CBI യുടെ അന്വേഷണത്തിൽ ഉൾപ്പെട്ടിട്ടുണ്ടോ എന്നറിയുന്നതിനായാണ് കോടതി നിർദേശത്തെ തുടർന്ന് CBI തിരുവനന്തപുരം CJM കോടതിയിൽ കേസ് ഡയറി സമർപ്പിച്ചത്. പരിശോധനയിൽ CBI അന്വേഷിക്കാത്ത എന്തെങ്കിലും കാര്യങ്ങൾ തെളിവുകളിൽ ഉൾപ്പെട്ടിട്ടുങ്കിൽ തുടരന്വേഷണം നടത്താം എന്നായിരുന്നു CBI യുടെ നിലപാട്. ഹർജി ഈ മാസം 8ന് കോടതി വീണ്ടും പരിഗണിക്കും.

Kerala234 days ago

ജെസ്‌ന തിരോധനക്കേസ്: പിതാവ് തെളിവുകൾ കോടതിയിൽ നൽകി

CBI അന്വേഷണം പുനരാരംഭിക്കണം എന്ന് ആവശ്യപ്പെട്ട് നൽകിയ ഹർജിയുടെ ഭാഗമായാണ് പിതാവ് ജെയിംസ് മുദ്രവെച്ച കവറിൽ തെളിവുകൾ തിരുവനന്തപുരം CJM കോടതിക്ക് കൈമാറിയത്. ജെസ്‌നയുടെ അജ്ഞാത സുഹൃത്തിലേക്ക് CBI അന്വേഷണം എത്തിയില്ലെന്നായിരുന്നു ഹർജിയിലെ വാദം. ഇതു സംബന്ധിച്ച വിവരങ്ങൾ രഹസ്യമായി കൈമാറാമെന്ന് അറിയിച്ചതിനെ തുടർന്നാണ് മുദ്രവെച്ച കവറിൽ കോടതി നിർദേശത്തെ തുടർന്ന് തെളിവുകൾ സമർപ്പിച്ചത്. തെളിവുകൾ പരിശോധിച്ച കോടതി CBI യോട് കേസ് ഡയറി ഹാജരാക്കാൻ ആവശ്യപ്പെട്ടിട്ടുണ്ട്. കേസ് നാളെ വീണ്ടും പരിഗണിക്കും.

Kerala235 days ago

ജെസ്‌ന തിരോധാനക്കേസ്: തുടരന്വേഷണത്തിന് തയ്യാറെന്ന് CBI

ജെസ്നയുടെ അച്ഛന്‍ ഉന്നയിക്കുന്ന കാര്യങ്ങള്‍ അന്വേഷിക്കാന്‍ തയ്യാറാണെന്നും അതിനുള്ള തെളിവുകള്‍ ജെസ്നയുടെ അച്ഛന്‍ മുദ്ര വെച്ച കവറില്‍ കോടതിയില്‍ സമര്‍പ്പിക്കണമെന്നും CBI ആവശ്യപ്പെട്ടു. തുടര്‍ന്ന് ആരോപണങ്ങളില്‍ തെളിവുകള്‍ നല്‍കാന്‍ ജെസ്നയുടെ പിതാവിനോട് നിര്‍ദേശിച്ച കോടതി കേസ് പരിഗണിക്കുന്നത് അടുത്ത മാസം മൂന്നിലേക്ക് മാറ്റി. CBI അന്വേഷണത്തിലെ കാര്യക്ഷമത ചോദ്യം ചെയ്ത് ജെസ്നയുടെ പിതാവ് നല്‍കിയ ഹര്‍ജിയാണ് തിരുവനന്തപുരം CJM കോടതി ഇന്ന് പരിഗണിച്ചത്.

Kerala245 days ago

ജെസ്‌ന തിരോധാനക്കേസ്: കോടതി വിധി ഇന്ന്

ജെസ്‌ന തിരോധാനക്കേസിൽ തുടരന്വേഷണം ആവശ്യപ്പെട്ട് പിതാവ് നൽകിയ ഹർജിയിൽ തിരുവനന്തപുരം CJM കോടതി ഇന്ന് വിധി പറയും. CBI കാര്യക്ഷമമായി കേസന്വേഷിച്ചിട്ടില്ലെന്നും പ്രധാന തെളിവുകളിലേക്ക് അന്വേഷണം എത്തിയില്ലെന്നും ഹർജിയിൽ ആരോപിച്ചു. എന്നാൽ ജെസ്‌നയുടെ പിതാവ് ഉന്നയിക്കുന്ന രക്തം പുരണ്ട വസ്ത്രം ലഭിച്ചിട്ടില്ലെന്നും ജെസ്‌ന ഗർഭിണിയാണെന്ന് പരിശോധനയിൽ ഒരിടത്തും തെളിഞ്ഞിട്ടില്ലെന്നും CBI ഉദ്യോഗസ്ഥർ കോടതിയിൽ വ്യക്തമാക്കി.

Kerala245 days ago

ജെസ്‌ന വീട്ടിൽ നിന്ന് പോകുമ്പോൾ കൈവശം 60,000 രൂപയുണ്ടായിരുന്നു: CBI അന്വേഷിക്കണമെന്ന് പിതാവ്

പത്തനംതിട്ടയിൽ നിന്ന് അഞ്ച് വർഷം മുമ്പ് കാണാതായ ജെസ്‌ന മരിയ ജെയിംസ് വീട് വിട്ടിറങ്ങുമ്പോൾ 60,000 രൂപ കൈവശമുണ്ടായിരുന്നുവെന്നും CBI ഇതേക്കുറിച്ച് അന്വേഷിക്കണമെന്നും ആവശ്യപ്പെട്ട് പിതാവ് തിരുവനന്തപുരം CJM കോടതിയിൽ അധിക സത്യവാങ്മൂലം നൽകി. ഇത്രയും വലിയ തുക വീട്ടുകാർ നൽകിയതല്ലെന്നും സഹോദരി അവിചാരിതമായി കണ്ട ഈ പണത്തിന്റെ ശ്രോതസിനെപ്പറ്റി CBI അന്വേഷിക്കണം എന്നാണ് ഹർജിയിലെ ആവശ്യം.

Kerala249 days ago