ബുദ്ധിയുള്ള ആരെങ്കിലും BJP യില്‍ ചേരുന്നതിനെക്കുറിച്ച് ചിന്തിക്കുമോയെന്ന് ഇ.പി. ജയരാജന്‍

താന്‍ കേരളത്തിലെ ഏറ്റവും പ്രധാനപ്പെട്ട ഒരു പൊതുപ്രവര്‍ത്തകനാണ്. അങ്ങനെയുളള താന്‍ പോയി കേരളത്തില്‍ BJP യില്‍ ചേരില്ല. ദല്ലാള്‍ നന്ദകുമാര്‍ എന്തിനാണ് ജാവദേക്കറേയും കൂട്ടി തന്റെയടുത്തേക്ക്‌ വന്നത് എന്നതാണ് അറിയേണ്ട ചോദ്യം. തന്റെ മുന്നില്‍ ഘടകകക്ഷികളാരും അതൃപ്തി പ്രകടിപ്പിച്ചിട്ടില്ലെന്നും LDF കണ്‍വീനര്‍ ഇ.പി. ജയരാജന്‍ പറഞ്ഞു.

Kerala239 days ago

മുഖ്യമന്ത്രിയുമായി കൂടിക്കാഴ്ച്ച നടത്തി ഇ.പി. ജയരാജന്‍

ഡല്‍ഹി കേരള ഹൗസില്‍ വെച്ചായിരുന്നു മുഖ്യമന്ത്രി പിണറായി വിജയന്റെയും ഇ.പി. ജയരാജന്റെയും കൂടിക്കാഴ്ച്ച. CPM ജനറല്‍ സെക്രട്ടറി സീതാറാം യെച്ചൂരിക്ക് അന്തിമോപചാരം അര്‍പ്പിക്കാനാണ് ഇരുവരും ഇന്നലെ ഡല്‍ഹിയിലെത്തിയത്. മുഖ്യമന്ത്രിയുമായി ചര്‍ച്ച ചെയ്ത കാര്യങ്ങള്‍ എല്ലാം മാധ്യമ പ്രവര്‍ത്തകരോട് പങ്ക് വെയ്‌ക്കേണ്ട കാര്യമില്ലെന്നായിരുന്നു കൂടിക്കാഴ്ചയെ കുറിച്ച് ഇപിയുടെ പ്രതികരണം. രാഷ്ട്രീയമെല്ലാം അതിന്റെ വേദിയില്‍ ചര്‍ച്ച ചെയാം. ഇപ്പോള്‍ അതിനുള്ള സമയമല്ല. യെച്ചൂരിക്ക് അന്ത്യോപചാരം അര്‍പ്പിക്കാന്‍ പോവുകയാണെന്നും അദ്ദേഹം പറഞ്ഞു.

Kerala101 days ago

കണ്ണൂരില്‍ പാര്‍ട്ടി നിശ്ചയിച്ച ചടങ്ങില്‍ നിന്ന് വിട്ടുനിന്ന് ഇ.പി. ജയരാജന്‍

LDF കണ്‍വീനര്‍ സ്ഥാനത്തുനിന്ന് നീക്കിയതിന് പിന്നാലെ CPIM നോടുളള നിസഹകരണം തുടര്‍ന്ന് ഇ.പി. ജയരാജന്‍. കണ്ണൂരില്‍ പാര്‍ട്ടി നിശ്ചയിച്ച ചടങ്ങില്‍ നിന്ന് ഇ.പി. ജയരാജന്‍ വിട്ടു നിന്നു. ചടയന്‍ ഗോവിന്ദന്‍ അനുസ്മരണത്തില്‍ ഇ.പി. പങ്കെടുത്തില്ല. അതേസമയം ആരോഗ്യപ്രശ്‌നങ്ങള്‍ മൂലമാണ് ഇ.പി. ജയരാജന്‍ പരിപാടിയില്‍ പങ്കെടുക്കാതിരുന്നതെന്നാണ് കണ്ണൂര്‍ ജില്ലാ സെക്രട്ടറി എം.വി. ജയരാജന്‍ പറഞ്ഞത്. എന്നാല്‍ പരിപാടിയില്‍ ഇ.പി. പങ്കെടുക്കുമെന്നായിരുന്നു ജില്ലാ നേതൃത്വം നേരത്തെ അറിയിച്ചിരുന്നത്.

Kerala106 days ago

ആത്മകഥ എഴുതാനൊരുങ്ങി ഇ.പി. ജയരാജന്‍

ആത്മകഥ എഴുതുമെന്നു പ്രഖ്യാപിച്ച് LDF മുന്‍ കണ്‍വീനര്‍ ഇ.പി. ജയരാജന്‍. ആത്മകഥ അവസാനഘട്ടത്തിലാണെന്നും ഉടന്‍ പുറത്തിറക്കുമെന്നും ജയരാജന്‍ പറഞ്ഞു. BJP നേതാവ് പ്രകാശ് ജാവഡേക്കറുമായുള്ള കൂടിക്കാഴ്ചയും തുടര്‍സംഭവങ്ങളുമെല്ലാം ആത്മകഥയില്‍ അദ്ദേഹം തുറന്നെഴുതുമെന്നാണ് വിലയിരുത്തല്‍. കഴിഞ്ഞദിവസമാണ് ഇ.പി. ജയരാജനെ LDF കണ്‍വീനര്‍ സ്ഥാനത്തുനിന്നും മാറ്റി ടി.പി. രാമകൃഷ്ണനെ നിയമിച്ചത്.

Kerala114 days ago

ഇ.പി. ജയരാജനെ LDF കൺവീനർ സ്ഥാനത്ത് നിന്ന് മാറ്റി

BJP ബന്ധ ആരോപണത്തിന്റെ പശ്ചാത്തലത്തിലാണ് ഇ.പി. ജയരാജനെ LDF കൺവീനർ സ്ഥാനത്ത് നിന്ന് നീക്കിയത്. ഇന്നലെ ചേര്‍ന്ന CPI(M) സംസ്ഥാന സെക്രട്ടേറിയറ്റ് യോഗത്തിലാണ് ഇ.പിക്കെതിരെ അച്ചടക്ക നടപടി സ്വീകരിക്കാൻ ധാരണയായത്. നടപടിയില്‍ പ്രതിഷേധിച്ച് ഇന്നത്തെ സംസ്ഥാന സമിതി യോഗത്തില്‍ പങ്കെടുക്കാതെ ഇ.പി കണ്ണൂരിലേക്ക് പോയി. ടി.പി. രാമകൃഷ്ണനാണ് പകരം ചുമതല നല്‍കിയിരിക്കുന്നത്. ഇ.പി. ജയരാജൻ പ്രകാശ് ജാവഡേക്കറുമായി കൂടിക്കാഴ്ച നടത്തിയതിനെ തുടർന്നുണ്ടായ വിവാദത്തിലാണ് നടപടി.

Kerala115 days ago

ഇ.പി. ജയരാജന്‍ LDF കണ്‍വീനര്‍ സ്ഥാനം ഒഴിഞ്ഞേക്കും

രാജി സന്നദ്ധത അദ്ദേഹം പാര്‍ട്ടിയെ അറിയിച്ചെന്നാണ് റിപ്പോര്‍ട്ട്‌. ഇ.പി. ജയരാജൻ പ്രകാശ് ജാവഡേക്കറുമായി കൂടിക്കാഴ്ച നടത്തിയതിനെ തുടർന്നുണ്ടായ വിവാദം ഇന്ന് CPI(M) സംസ്ഥാന സമിതി ചർച്ച ചെയ്യാനിരിക്കെയാണ് നിർണായക നീക്കം. മുഖ്യമന്ത്രി പിണറായി വിജയനുൾപ്പെടെ ഇക്കാര്യത്തിൽ ഇ.പിയെ വിമർശിച്ച് രംഗത്തെത്തിയിരുന്നു. സംസ്ഥാന സമിതി യോഗത്തില്‍ പങ്കെടുക്കാന്‍ നില്‍ക്കാതെ ഇ.പി. ജയരാജന്‍ തിരുവനന്തപുരത്തുനിന്ന് കണ്ണൂരിലേക്ക് തിരിച്ചു.

Kerala115 days ago

ശോഭ സുരേന്ദ്രനെതിരെ ഇ.പി. ജയരാജൻ മാനനഷ്ടക്കേസ് നൽകി

BJP നേതാവ് ശോഭ സുരേന്ദ്രനെതിരെ LDF കൺവീനർ ഇ.പി. ജയരാജൻ കണ്ണൂർ ജൂഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ മാനനഷ്ടക്കേസ് ഫയൽ ചെയ്തു. വ്യാജ ആരോപണങ്ങളിലൂടെ അപകീർത്തിപ്പെടുത്തി എന്നാണ് കേസ്. BJP യിൽ ചേരാൻ ജയരാജൻ ദല്ലാൾ നന്ദകുമാർ മുഖേന ചർച്ച നടത്തിയെന്ന് ശോഭ സുരേന്ദ്രൻ ആരോപിച്ചിരുന്നു. എന്നാൽ ആരോപണം ഇ.പി. ജയരാജൻ നിഷേധിച്ചിരുന്നു. വ്യാജ ആരോപണങ്ങള്‍ പിന്‍വലിച്ച് മാധ്യമങ്ങളിലൂടെ മാപ്പ് പറയണമെന്നാണ് ആവശ്യം.

Kerala192 days ago

ഇ.പി. ജയരാജന്‍ വധശ്രമക്കേസില്‍ കെ. സുധാകരന്‍ കുറ്റവിമുക്തന്‍

കുറ്റപത്രത്തില്‍ നിന്നും ഒഴിവാക്കണമെന്ന കെ. സുധാകരന്റെ ഹര്‍ജി ഹൈക്കോടതി അനുവദിച്ചു. ജസ്റ്റിസ് സിയാദ് റഹ്‌മാനാണ് ഇത് സംബന്ധിച്ച ഉത്തരവ് പുറപ്പെടുവിച്ചത്. വധശ്രമക്കേസില്‍ കെ.സുധാകരനെതിരെ ഗൂഢാലോചനാക്കുറ്റമാണ് ചുമത്തിയിരുന്നത്. കേസില്‍ ഒന്നും രണ്ടും പ്രതികളായ പേട്ട ദിനേശന്‍, വിക്രംചാലില്‍ ശശി എന്നിവരെ ആന്ധ്രയിലെ വിചാരണ കോടതി ആദ്യം ശിക്ഷിച്ചെങ്കിലും മേല്‍ക്കോടതി കുറ്റവിമുക്തരാക്കിയിരുന്നു.Read More

Kerala217 days ago

അപവാദ പ്രചാരണം: ശോഭയ്ക്കും സുധാകരനും നന്ദകുമാറിനും ഇ.പി. ജയരാജൻ വക്കീൽ നോട്ടീസയച്ചു

അപവാദ പ്രചാരണം നടത്തി എന്നാരോപിച്ച് LDF കൺവീനർ ഇ.പി. ജയരാജൻ BJP നേതാവ് ശോഭ സുരേന്ദ്രനും KPCC പ്രസിഡന്റ് കെ. സുധാകരനും ദല്ലാൾ നന്ദകുമാറിനുമെതിരെ വക്കീൽ നോട്ടീസയച്ചു. മാധ്യമങ്ങളിലൂടെ വസ്തുതാപരമല്ലാത്ത ആരോപണങ്ങൾ ഉന്നയിച്ച് തന്നെയും പാർട്ടിയേയും അധിക്ഷേപിച്ചു എന്നാണ് വക്കീൽ നോട്ടീസിൽ പറയുന്നത്. ആരോപണങ്ങൾ പിൻവലിച്ച്‌ മാപ്പ്‌ പറയണമെന്നും അല്ലാത്തപക്ഷം സിവിൽ-ക്രിമിനൽ നിയമ നടപടികൾക്ക് വിധേയരാകണമെന്നും രണ്ടുകോടി രൂപ നഷ്ടപരിഹാരം നൽകണമെന്നും നോട്ടീസിൽ അറിയിച്ചു.

Kerala238 days ago

ഇ.പി. – ജാവദേക്കര്‍ കൂടിക്കാഴ്ച വെളിപ്പെടുത്തിയ ശോഭാ സുരേന്ദ്രനെതിരെ BJP നടപടിയെടുക്കാന്‍ സാധ്യത

ഇ.പി. ജയരാജനുമായുള്ള കൂടിക്കാഴ്ച സംബന്ധിച്ച് ശോഭാ സുരേന്ദ്രന്റെ വെളിപ്പെടുത്തല്‍ BJP ക്ക് ദേശീയതലത്തില്‍ തന്നെ അവമതിപ്പ് ഉണ്ടാക്കിയതായി ആണ് വിലയിരുത്തല്‍ ഉളളത്. രഹസ്യ ചര്‍ച്ചകളെപ്പറ്റി മാധ്യമങ്ങളില്‍ പറഞ്ഞത് ഇനിയുള്ള ചര്‍ച്ചകളെ ബാധിക്കുമെന്ന വിമര്‍ശനവും ഉയരുന്നുണ്ട്. ഇതുസംബന്ധിച്ച് പ്രകാശ് ജാവദേക്കര്‍ BJP കേന്ദ്ര നേതൃത്വത്തെ കാര്യങ്ങള്‍ ധരിപ്പിച്ചു കഴിഞ്ഞു. കേരളത്തിന്റെ പ്രഭാരി ചുമതലയില്‍ നിന്ന് ഒഴിവാക്കണമെന്നും ജാവദേക്കര്‍ നേതൃത്വത്തോട് ആവശ്യപ്പെട്ടിട്ടുണ്ട്.

Kerala238 days ago

CPI(M) സംസ്ഥാന സെക്രട്ടറിയേറ്റ് യോഗം ഇന്ന്

LDF കൺവീനർ ഇ.പി. ജയരാജൻ BJP യുടെ കേരളത്തിന്റെ ചുമതലയുള്ള നേതാവ് പ്രകാശ് ജാവദേക്കറെ കണ്ട സംഭവം വിവാദമായിരിക്കെയാണ് ഇന്ന് CPI(M) സംസ്ഥാന സെക്രട്ടറിയേറ്റ് യോഗം ചേരുന്നത്. ലോക്സഭാ തിരഞ്ഞെടുപ്പിന്റെ വിലയിരുത്തലാണ് മുഖ്യ അജൻഡയെങ്കിലും ഇ.പി. വിഷയം യോഗത്തിൽ ചർച്ചയാകാൻ സാധ്യതയുണ്ട്. ഇ.പി. ജയരാജൻ ജാവദേക്കറുമായി കൂടിക്കാഴ്ച നടത്തിയതിൽ പാർട്ടി നേതൃത്വത്തിന് കടുത്ത അതൃപ്തിയാണുള്ളത്.

Kerala240 days ago