ഇ.പി. ജയരാജന്‍ LDF കണ്‍വീനര്‍ സ്ഥാനം ഒഴിഞ്ഞേക്കും

രാജി സന്നദ്ധത അദ്ദേഹം പാര്‍ട്ടിയെ അറിയിച്ചെന്നാണ് റിപ്പോര്‍ട്ട്‌. ഇ.പി. ജയരാജൻ പ്രകാശ് ജാവഡേക്കറുമായി കൂടിക്കാഴ്ച നടത്തിയതിനെ തുടർന്നുണ്ടായ വിവാദം ഇന്ന് CPI(M) സംസ്ഥാന സമിതി ചർച്ച ചെയ്യാനിരിക്കെയാണ് നിർണായക നീക്കം. മുഖ്യമന്ത്രി പിണറായി വിജയനുൾപ്പെടെ ഇക്കാര്യത്തിൽ ഇ.പിയെ വിമർശിച്ച് രംഗത്തെത്തിയിരുന്നു. സംസ്ഥാന സമിതി യോഗത്തില്‍ പങ്കെടുക്കാന്‍ നില്‍ക്കാതെ ഇ.പി. ജയരാജന്‍ തിരുവനന്തപുരത്തുനിന്ന് കണ്ണൂരിലേക്ക് തിരിച്ചു.

Kerala231 days ago

ഒപ്പം നില്‍ക്കാന്‍ ആളുണ്ടെങ്കില്‍ രാഷ്ട്രീയ പാര്‍ട്ടി രൂപീകരിക്കുമെന്ന് പി. വി. അന്‍വര്‍

സംസ്ഥാന സെക്രട്ടറി എം.വി ഗോവിന്ദന്‍ നടത്തിയ പത്ര സമ്മേളനത്തിന് പിന്നാലെയാണ് മറുപടിയുമായി പി. വി. അന്‍വര്‍ രംഗത്തെത്തിയത്. പാര്‍ട്ടിയെ പറഞ്ഞിട്ടില്ലെന്നും ദുര്‍ബലപ്പെടുത്താന്‍ ശ്രമിച്ചിട്ടില്ലെന്നും അന്‍വര്‍ പറഞ്ഞു. സാധാരണക്കാര്‍ക്ക് ഒപ്പം നിലനില്‍ക്കും. മലപ്പുറത്തെ 16 മണ്ഡലങ്ങളിലും പര്യടനം നടത്തി പ്രസംഗിക്കും. കര്‍ഷകരുടെ പ്രശ്‌നം ഏറ്റെടുക്കും. തീപ്പന്തം പോലെ കത്തും. ജനങ്ങളെ ഉപയോഗിച്ച് പ്രതിരോധിക്കുമെന്നും അന്‍വര്‍ പ്രഖ്യാപിച്ചു.

Kerala203 days ago

മുഖ്യമന്ത്രിയുടെ പ്രതികരണത്തിന് പിന്നാലെ തുറന്നടിച്ച് പി. വി. അന്‍വര്‍

മുഖ്യമന്ത്രിക്കെതിരെ രൂക്ഷ വിമര്‍ശനം നടത്തിയ അന്‍വര്‍ തന്നെ എന്തിനാണ് വഞ്ചിച്ചതെന്ന് ചോദിച്ചു. പ്രത്യാഘാതം ഭയക്കുന്നില്ലെന്നും മലപ്പുറത്ത് മാധ്യമങ്ങളോട് പറഞ്ഞു. നിലവിലെ ഭരണത്തില്‍ ഏറ്റവും പ്രയാസം അനുഭവിക്കുന്നത് ന്യൂനപക്ഷങ്ങളും സാധാരണ പാര്‍ട്ടി പ്രവര്‍ത്തകരും ആണെന്ന ആരോപണത്തില്‍ ഉറച്ചു നില്‍ക്കുന്നുവെന്നും അന്‍വര്‍ പറഞ്ഞു. തനിക്ക് ഇനിയും കാര്യങ്ങള്‍ പറയാനുണ്ടെന്നും ഞായറാഴ്ച വീണ്ടും മാധ്യമങ്ങളെ കാണുമെന്നും അദ്ദേഹം പറഞ്ഞു.

Kerala204 days ago

പി. വി. അന്‍വറിന്റെ ആരോപണങ്ങള്‍ തള്ളി മുഖ്യമന്ത്രി

LDFനെയും സര്‍ക്കാരിനെയും അപകീര്‍ത്തിപ്പെടുത്താന്‍ ഉദ്ദേശിച്ചിട്ടുള്ളതാണ് പി. വി. അന്‍വറിന്റെ ആരോപണങ്ങളെന്നും ഇത് പൂര്‍ണമായി തള്ളിക്കളയുന്നുവെന്ന് മുഖ്യമന്ത്രി പിണറായി വിജയന്‍ പറഞ്ഞു. അന്‍വര്‍ ഉന്നയിച്ച ആരോപണങ്ങളുടെ അടിസ്ഥാനത്തില്‍ പ്രഖ്യാപിച്ച ഉന്നതതല അന്വേഷണത്തെ ഒരുതരത്തിലും ബാധിക്കില്ല. മുന്‍നിശ്ചയിച്ച പ്രകാരം അന്വേഷണം തുടരുക തന്നെ ചെയ്യുമെന്നും മുഖ്യമന്ത്രി വ്യക്തമാക്കി. നേരത്തെ പറഞ്ഞതുപോലെയാണ് കാര്യങ്ങളെത്തിയിരിക്കുന്നത്. പാര്‍ട്ടിക്കും മുന്നണിക്കും സര്‍ക്കാരിനുമെതിരെയാണ് അന്‍വര്‍ പറഞ്ഞിട്ടുള്ളത്. മാത്രമല്ല LDFന്റെ ശത്രുക്കള്‍ വ്യാപകമായി പ്രചരിപ്പിക്കാന്‍ ഉദ്ദേശിക്കുന്ന കാര്യങ്ങളാണ് അന്‍വര്‍ പറഞ്ഞതെന്നും ഉദ്ദേശം വ്യക്തമാണെന്നും മുഖ്യമന്ത്രി കൂട്ടിച്ചേര്‍ത്തു.

Kerala204 days ago

എ.കെ. ശശീന്ദ്രൻ മന്ത്രിസ്ഥാനം ഒഴിയും; തോമസ് കെ തോമസ് മന്ത്രിയാകും

LDF മുന്നണിയിലെ ഘടകകക്ഷിയായ NCP യിൽ അനിശ്ചിതത്വങ്ങൾക്കൊടുവിൽ മന്ത്രിമാറ്റം. വനം മന്ത്രി എ.കെ. ശശീന്ദ്രൻ മന്ത്രിസ്ഥാനം ഒഴിയും. കുട്ടനാട് MLA തോമസ് കെ തോമസ് പകരം മന്ത്രിയാകും. ഇത് സംബന്ധിച്ച പ്രഖ്യാപനം ഒരാഴ്ചക്കകം ഉണ്ടായേക്കും. മുംബൈയിൽ NCP നേതാവ് ശരദ് പവാറുമായി നടത്തിയ കൂടിക്കാഴ്ചയിലാണ് മന്ത്രിസ്ഥാനം മാറുന്നത് സംബന്ധിച്ച് ധാരണയായത്. മന്ത്രി സ്ഥാനം ഒഴിയുന്നതിനെതിരെ എ.കെ. ശശീന്ദ്രൻ നേരത്ത മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തിയിരുന്നെങ്കിലും NCP യുടെ ആഭ്യന്തര വിഷയത്തിൽ ഇടപെടില്ലെന്നാണ് മുഖ്യമന്ത്രി നിലപാടെടുത്തത്.

Kerala211 days ago

മുഖ്യമന്ത്രിയുമായി കൂടിക്കാഴ്ച്ച നടത്തി ഇ.പി. ജയരാജന്‍

ഡല്‍ഹി കേരള ഹൗസില്‍ വെച്ചായിരുന്നു മുഖ്യമന്ത്രി പിണറായി വിജയന്റെയും ഇ.പി. ജയരാജന്റെയും കൂടിക്കാഴ്ച്ച. CPM ജനറല്‍ സെക്രട്ടറി സീതാറാം യെച്ചൂരിക്ക് അന്തിമോപചാരം അര്‍പ്പിക്കാനാണ് ഇരുവരും ഇന്നലെ ഡല്‍ഹിയിലെത്തിയത്. മുഖ്യമന്ത്രിയുമായി ചര്‍ച്ച ചെയ്ത കാര്യങ്ങള്‍ എല്ലാം മാധ്യമ പ്രവര്‍ത്തകരോട് പങ്ക് വെയ്‌ക്കേണ്ട കാര്യമില്ലെന്നായിരുന്നു കൂടിക്കാഴ്ചയെ കുറിച്ച് ഇപിയുടെ പ്രതികരണം. രാഷ്ട്രീയമെല്ലാം അതിന്റെ വേദിയില്‍ ചര്‍ച്ച ചെയാം. ഇപ്പോള്‍ അതിനുള്ള സമയമല്ല. യെച്ചൂരിക്ക് അന്ത്യോപചാരം അര്‍പ്പിക്കാന്‍ പോവുകയാണെന്നും അദ്ദേഹം പറഞ്ഞു.

Kerala217 days ago

കണ്ണൂരില്‍ പാര്‍ട്ടി നിശ്ചയിച്ച ചടങ്ങില്‍ നിന്ന് വിട്ടുനിന്ന് ഇ.പി. ജയരാജന്‍

LDF കണ്‍വീനര്‍ സ്ഥാനത്തുനിന്ന് നീക്കിയതിന് പിന്നാലെ CPIM നോടുളള നിസഹകരണം തുടര്‍ന്ന് ഇ.പി. ജയരാജന്‍. കണ്ണൂരില്‍ പാര്‍ട്ടി നിശ്ചയിച്ച ചടങ്ങില്‍ നിന്ന് ഇ.പി. ജയരാജന്‍ വിട്ടു നിന്നു. ചടയന്‍ ഗോവിന്ദന്‍ അനുസ്മരണത്തില്‍ ഇ.പി. പങ്കെടുത്തില്ല. അതേസമയം ആരോഗ്യപ്രശ്‌നങ്ങള്‍ മൂലമാണ് ഇ.പി. ജയരാജന്‍ പരിപാടിയില്‍ പങ്കെടുക്കാതിരുന്നതെന്നാണ് കണ്ണൂര്‍ ജില്ലാ സെക്രട്ടറി എം.വി. ജയരാജന്‍ പറഞ്ഞത്. എന്നാല്‍ പരിപാടിയില്‍ ഇ.പി. പങ്കെടുക്കുമെന്നായിരുന്നു ജില്ലാ നേതൃത്വം നേരത്തെ അറിയിച്ചിരുന്നത്.

Kerala222 days ago

ആത്മകഥ എഴുതാനൊരുങ്ങി ഇ.പി. ജയരാജന്‍

ആത്മകഥ എഴുതുമെന്നു പ്രഖ്യാപിച്ച് LDF മുന്‍ കണ്‍വീനര്‍ ഇ.പി. ജയരാജന്‍. ആത്മകഥ അവസാനഘട്ടത്തിലാണെന്നും ഉടന്‍ പുറത്തിറക്കുമെന്നും ജയരാജന്‍ പറഞ്ഞു. BJP നേതാവ് പ്രകാശ് ജാവഡേക്കറുമായുള്ള കൂടിക്കാഴ്ചയും തുടര്‍സംഭവങ്ങളുമെല്ലാം ആത്മകഥയില്‍ അദ്ദേഹം തുറന്നെഴുതുമെന്നാണ് വിലയിരുത്തല്‍. കഴിഞ്ഞദിവസമാണ് ഇ.പി. ജയരാജനെ LDF കണ്‍വീനര്‍ സ്ഥാനത്തുനിന്നും മാറ്റി ടി.പി. രാമകൃഷ്ണനെ നിയമിച്ചത്.

Kerala230 days ago

ഇ.പി. ജയരാജനെ LDF കൺവീനർ സ്ഥാനത്ത് നിന്ന് മാറ്റി

BJP ബന്ധ ആരോപണത്തിന്റെ പശ്ചാത്തലത്തിലാണ് ഇ.പി. ജയരാജനെ LDF കൺവീനർ സ്ഥാനത്ത് നിന്ന് നീക്കിയത്. ഇന്നലെ ചേര്‍ന്ന CPI(M) സംസ്ഥാന സെക്രട്ടേറിയറ്റ് യോഗത്തിലാണ് ഇ.പിക്കെതിരെ അച്ചടക്ക നടപടി സ്വീകരിക്കാൻ ധാരണയായത്. നടപടിയില്‍ പ്രതിഷേധിച്ച് ഇന്നത്തെ സംസ്ഥാന സമിതി യോഗത്തില്‍ പങ്കെടുക്കാതെ ഇ.പി കണ്ണൂരിലേക്ക് പോയി. ടി.പി. രാമകൃഷ്ണനാണ് പകരം ചുമതല നല്‍കിയിരിക്കുന്നത്. ഇ.പി. ജയരാജൻ പ്രകാശ് ജാവഡേക്കറുമായി കൂടിക്കാഴ്ച നടത്തിയതിനെ തുടർന്നുണ്ടായ വിവാദത്തിലാണ് നടപടി.

Kerala231 days ago

ശോഭ സുരേന്ദ്രനെതിരെ ഇ.പി. ജയരാജൻ മാനനഷ്ടക്കേസ് നൽകി

BJP നേതാവ് ശോഭ സുരേന്ദ്രനെതിരെ LDF കൺവീനർ ഇ.പി. ജയരാജൻ കണ്ണൂർ ജൂഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ മാനനഷ്ടക്കേസ് ഫയൽ ചെയ്തു. വ്യാജ ആരോപണങ്ങളിലൂടെ അപകീർത്തിപ്പെടുത്തി എന്നാണ് കേസ്. BJP യിൽ ചേരാൻ ജയരാജൻ ദല്ലാൾ നന്ദകുമാർ മുഖേന ചർച്ച നടത്തിയെന്ന് ശോഭ സുരേന്ദ്രൻ ആരോപിച്ചിരുന്നു. എന്നാൽ ആരോപണം ഇ.പി. ജയരാജൻ നിഷേധിച്ചിരുന്നു. വ്യാജ ആരോപണങ്ങള്‍ പിന്‍വലിച്ച് മാധ്യമങ്ങളിലൂടെ മാപ്പ് പറയണമെന്നാണ് ആവശ്യം.

Kerala307 days ago

ഇടതുമുന്നണിയില്‍ ഉറച്ചുനില്‍ക്കും: ജോസ് കെ മാണി

ജയ പരാജയങ്ങള്‍ക്ക് അനുസരിച്ച് മുന്നണി മാറുന്ന രീതി കേരള കോണ്‍ഗ്രസിനില്ലെന്നും പാർട്ടി ഇടതുമുന്നണിക്കൊപ്പം ഉറച്ചുനില്‍ക്കുമെന്നും കേരള കോൺഗ്രസ് (എം) ചെയർമാൻ ജോസ് കെ മാണി പറഞ്ഞു. രാജ്യസഭാ സീറ്റുമായി ബന്ധപ്പെട്ട് CPI(M) നേതാക്കളുമായി ചര്‍ച്ച നടന്നു. രാജ്യസഭാ സീറ്റ് സംബന്ധിച്ചുള്ള തീരുമാനം തിങ്കളാഴ്ച അറിയിക്കാമെന്നാണു പറഞ്ഞിരിക്കുന്നതെന്നും ജോസ് കെ മാണി പറഞ്ഞു.

Kerala314 days ago