ഹൈബ്രിഡ് സാങ്കേതിക വിദ്യയില്‍ വില കുറഞ്ഞ വാഹനങ്ങള്‍ നിര്‍മിച്ച് വിപണിയില്‍ എത്തിക്കാനൊരുങ്ങി മാരുതി സുസുക്കി

മാരുതി സുസുക്കി ചെയര്‍മാന്‍ ആര്‍.സി. ഭാര്‍ഗവ സുസുക്കി മോട്ടോര്‍ കോര്‍പറേഷനാണ് ഹൈബ്രിഡ് കാറുകള്‍ നിര്‍മിക്കുക എന്ന വിവരം പങ്കുവെച്ചു. ചെലവേറിയ സാങ്കേതികവിദ്യ ഉപയോഗിക്കുന്ന ഹൈബ്രിഡ് കാറുകളുടെ GST കുറച്ചാല്‍ മികച്ച മൈലേജുള്ള ചെറുകാറുകള്‍ പുറത്തിറക്കാനാകുമെന്നും അദ്ദേഹം പറഞ്ഞു. ക്രോസ്ഓവര്‍ മോഡലായ ഫ്രോങ്സ്, ഹാച്ച്ബാക്ക് മോഡലുകളായ ബലേനൊ, സ്വിഫ്റ്റ് തുടങ്ങിയവയായിരിക്കും ഹൈബ്രിഡുമായി എത്തുന്ന ചെറുവാഹനങ്ങളെന്നാണ് സൂചന.

Automobile239 days ago

17 മാസത്തിനുള്ളില്‍ രണ്ടുലക്ഷം വില്‍പ്പന കടന്ന് മാരുതി സുസുക്കി ഫ്രോങ്ക്‌സ്

2023ല്‍ ലോഞ്ച് ചെയ്ത മാരുതി സുസുക്കി ഫ്രോങ്ക്‌സ് ആണ് രണ്ട് ലക്ഷം വില്‍പ്പന കടന്നിരിക്കുന്നത്. 2024 സാമ്പത്തിക വര്‍ഷത്തില്‍ മൊത്തം 1,34,735 യൂണിറ്റുകള്‍ മാരുതി ഫ്രോങ്ക്‌സ് രജിസ്റ്റര്‍ ചെയ്തു. ഈ നേട്ടം കൈവരിക്കുന്ന ഏറ്റവും വേഗതയേറിയ നെക്‌സ SUVയായി ഫ്രോങ്ക്‌സ് മാറി. 100bhp, 147Nm നല്‍കുന്ന 1.0L ബൂസ്റ്റര്‍ജെറ്റ് ടര്‍ബോ പെട്രോള്‍ എഞ്ചിന്‍, 90bhp ഉത്പാദിപ്പിക്കുന്ന 1.2L നാച്ചുറലി ആസ്പിറേറ്റഡ് പെട്രോള്‍ എഞ്ചിന്‍ എന്നിവയാണ് ഉള്ളത്.

Automobile92 days ago

പുതിയ ഇലക്ട്രിക് വാഹനം പുറത്തിറക്കുമെന്ന് മാരുതി സുസുക്കി

ഒറ്റ ചാര്‍ജില്‍ 500 കിലോമീറ്റര്‍ വരെ സഞ്ചരിക്കാന്‍ കഴിയുന്ന ഇലക്ട്രിക് വാഹനം പുറത്തിറക്കുമെന്നാണ് മാരുതി സുസുക്കി അറിയിച്ചിരിക്കുന്നത്. 60 കിലോവാട്ട് അവര്‍ ബാറ്ററി കരുത്തു പകരുമെന്നാണ് റിപ്പോര്‍ട്ട്. ഹൈ-സ്പെസിഫിക്കേഷനുള്ള ഒന്നിലധികം ഉല്‍പ്പന്നങ്ങള്‍ പുറത്തിറക്കുമെന്ന് MDയും CEOയുമായ ഹിസാഷി ടകൂച്ചി പറഞ്ഞു. 2030ഓടെ കയറ്റുമതി ഗണ്യമായി വര്‍ദ്ധിപ്പിക്കുമെന്നും അദ്ദേഹം കൂട്ടിച്ചേര്‍ത്തു.

Automobile104 days ago

മാരുതി സുസുക്കി സ്വിഫ്റ്റ് CNG സെപ്റ്റംബര്‍ 12ന് എത്തും

ഒന്നിലധികം വേരിയന്റുകളില്‍ സ്വിഫ്റ്റ് CNG അവതരിപ്പിക്കുമെന്നാണ് റിപ്പോര്‍ട്ട്. പെട്രോള്‍ എഞ്ചിനുമായി വില്‍പ്പനയ്‌ക്കെത്തിയ ഏറ്റവും പുതിയ തലമുറ ഹാച്ച്ബാക്ക് ആയ സ്വിഫ്റ്റിനെ അടിസ്ഥാനമാക്കിയായിരിക്കും സ്വിഫ്റ്റ് CNG. സ്വിഫ്റ്റ് CNGയുടെ വില പെട്രോള്‍ വേരിയന്റുകളേക്കാള്‍ ഏകദേശം 80,000 മുതല്‍ 90,000 രൂപ വരെ കൂടുതലായിരിക്കും. 1.2 ലിറ്ററിന്റെ മൂന്ന് സിലിണ്ടര്‍ Z12E എഞ്ചിനാണ് സ്വിഫ്റ്റ് CNGയ്ക്ക് കരുത്ത് പകരുന്നത്.

Automobile107 days ago

ഡിസയറിന്റെ പുതുക്കിയ പതിപ്പ് അവതരിപ്പിക്കാനൊരുങ്ങി മാരുതി

2024ന്റെ അവസാനത്തോടെ വരാനിരിക്കുന്ന മാരുതി സുസുക്കി ഡിസയര്‍ ഫെയ്സ്ലിഫ്റ്റ് പുറത്തിറക്കുമെന്നാണ് റിപ്പോര്‍ട്ടുകള്‍. നിരവധി പുതിയ സുരക്ഷാ ഫീച്ചറുകളും ആധുനിക സാങ്കേതിക വിദ്യയും പരിഷ്‌കരിച്ച ഡിസയറില്‍ ലഭ്യമായേക്കും. ഏറ്റവും പുതിയ സ്‌പൈ ഷോട്ടുകള്‍ കാറിന്റെ മുന്‍വശത്ത് ഒരു സ്പ്ലിറ്റ് ഗ്രില്‍ കാണിക്കുന്നു. നടുവിലായി സുസുക്കിയുടെ ലോഗോയുമുണ്ട്. അഞ്ച് സീറ്റര്‍ കാറിന് ബ്ലാക്ക് ഫിനിഷുള്ള ഒരു പുതിയ ഡ്യുവല്‍ സ്പോക്ക് അലോയ് വീലും നല്‍കും.

Automobile117 days ago

മാരുതി സുസുക്കിയുടെ ആദ്യ ഇലക്ട്രിക് വാഹനം 2025 ജനുവരിയിലെത്തും

4300 mm നീളവും 1800 mm വീതിയും 1600 mm ഉയരവുമുള്ള ഈ വാഹനത്തില്‍ 60 കിലോവാട്ട് ശേഷിയുള്ള ബാറ്ററി നല്‍കും. 2025 ജനുവരിയില്‍ ഡല്‍ഹിയില്‍ നടക്കുന്ന ഭാരത് മൊബിലിറ്റി എക്സ്പോയില്‍ മാരുതി സുസുക്കി EVXന്റെ പ്രൊഡക്ഷന്‍ പതിപ്പ് പ്രദര്‍ശനത്തിന് എത്തിക്കും. ഇന്ത്യയില്‍ മാത്രം നിര്‍മിക്കുന്ന വാഹനമാണെങ്കില്‍ കൂടുതല്‍ പ്രധാന്യം നല്‍കുന്നത് യുറോപ്യന്‍ വിപണികള്‍ക്ക് ആയിരിക്കും.

Automobile120 days ago

ഇന്ത്യയില്‍ 30 ലക്ഷം ഉപയോക്താക്കളെ സ്വന്തമാക്കി മാരുതി സ്വിഫ്റ്റ്

ഇന്ത്യന്‍ നിരത്തുകളില്‍ എത്തി രണ്ട് പതിറ്റാണ്ടിനോട് അടുക്കവെ വില്‍പ്പനയില്‍ കുതിപ്പ് തുടര്‍ന്ന് മാരുതി സുസുക്കി സ്വിഫ്റ്റ്. 30 ലക്ഷം ഉപയോക്താക്കള്‍ എന്ന നേട്ടമാണ് സ്വിഫ്റ്റ് കൈവരിച്ചിരിക്കുന്നത്. 2005ല്‍ ഇന്ത്യയില്‍ അവതരിപ്പിച്ച സ്വിഫ്റ്റിന്റെ നാലാം തലമുറ മോഡലാണ് ഇപ്പോള്‍ വിപണിയിലുള്ളത്. 2013ലാണ് കാറിന്റെ വില്‍പ്പന പത്തുലക്ഷം കടന്നത്. 2018ല്‍ അത് 20 ലക്ഷം പിന്നിട്ടു. ലോകമെമ്പാടുമായി 65 ലക്ഷം സ്വിഫ്റ്റ് കാറുകള്‍ ഇതിനകം വിറ്റഴിഞ്ഞിട്ടുണ്ട്.

Automobile177 days ago

വാഹനങ്ങൾക്ക് വിലക്കിഴിവുമായി മാരുതി സുസുക്കി

മാരുതി സുസുക്കിയുടെ അരീന ഡീലർമാർ ഈ മാസം അൾട്ടോ കെ10, വാഗൺ ആർ, സെലേരിയോ, ഡിസയർ തുടങ്ങി ഒട്ടുമിക്ക വാഹനങ്ങൾക്കും കിഴിവുകളും ആനുകൂല്യങ്ങളും വാഗ്ദാനം ചെയ്യുന്നു. ക്യാഷ് ഡിസ്‌കൗണ്ട്, എക്സ്ചേഞ്ച് ബോണസ്, കോർപ്പറേറ്റ് ഓഫറുകൾ എന്നിങ്ങനെയുള്ള വാഗ്ദാനങ്ങളാണ് പ്രഖ്യാപിച്ചിരിക്കുന്നത്. എന്നാൽ പുതുതായി പുറത്തിറങ്ങിയ എർട്ടിഗയ്ക്കും സ്വിഫ്റ്റിനും ഈ ആനുകൂല്യങ്ങൾ ലഭ്യമല്ല. Read More

Automobile196 days ago

സ്വിഫ്റ്റിന്റെ നാലാം തലമുറ മോഡല്‍ ഇന്ത്യയില്‍ അവതരിപ്പിച്ച് മാരുതി സുസുക്കി

ആറ് വേരിയന്റുകളിലാണ് ഈ വാഹനം വിപണിയിലെത്തുന്നത്. ഈ വാഹനത്തിന്റെ മാനുവല്‍ മോഡലുകള്‍ക്ക് 6.49 ലക്ഷം രൂപ മുതല്‍ 9.14 ലക്ഷം രൂപ വരെയും ഓട്ടോമാറ്റിക് പതിപ്പിന് 7.79 ലക്ഷം രൂപ മുതല്‍ 9.64 ലക്ഷം രൂപ വരെയുമാണ് എക്സ്ഷോറൂം വില. പുതിയ സ്വിഫ്റ്റ് നിര്‍മിക്കുന്നത് ഗുജറാത്തിലെ പ്ലാന്റിലാണ്. ലുക്കിലും ഫീച്ചറുകളിലും ഒപ്പം മെക്കാനിക്കലായും മാറ്റങ്ങളോടെയാണ് സ്വിഫ്റ്റിന്റെ ഈ വരവ്.

Automobile227 days ago

മാരുതി സുസുക്കിയുടെ അറ്റാദായം 3,878 കോടി രൂപയിലെത്തി

ജനുവരി മുതൽ മാർച്ച് വരെയുള്ള മൂന്ന് മാസ കാലയളവില്‍ ഇന്ത്യയിലെ ഏറ്റവും വലിയ വാഹന നിർമ്മാതാക്കളായ മാരുതി സുസുക്കിയുടെ അറ്റാദായത്തില്‍ 48 ശതമാനം വര്‍ധനവ് രേഖപ്പെടുത്തി. കയറ്റുമതിയിലും വില്‍പ്പനയിലും അറ്റാദായത്തിലും കഴിഞ്ഞ സാമ്പത്തിക വർഷം റെക്കോഡ് നേട്ടമാണ് മാരുതി സുസുക്കി സ്വന്തമാക്കിയത്. ഈ കാലയളവിൽ 20 ലക്ഷം വാഹനങ്ങളാണ് വിറ്റഴിച്ചത്. വിവിധ മോഡലുകളുടെ വില കഴിഞ്ഞ രണ്ട് വർഷത്തിനിടെ മൂന്ന് പ്രാവശ്യം വർദ്ധിപ്പിച്ചത് കമ്പനിയുടെ ലാഭം കൂട്ടാന്‍ സഹായിച്ചു.

Business240 days ago

മാരുതി സുസുക്കി ഹാച്ച്ബാക്ക് സ്വിഫ്റ്റിന്റെ പുതിയ മോഡല്‍ മേയ് ആദ്യം വിപണിയിലെത്തും

ഒറ്റനോട്ടത്തില്‍ തിരിച്ചറിയാന്‍ സാധിക്കും വിധമുള്ള മാറ്റങ്ങളാണ് വാഹനത്തിന്റെ എക്സ്റ്റീരിയറില്‍ വരുത്തിയിരിക്കുന്നത്. ബോണറ്റ് മുതല്‍ പിന്നിലെ ഫെന്‍ഡര്‍ വരെ നീളുന്ന നേര്‍ത്ത ഷോള്‍ഡര്‍ ലൈനാണ് പുതിയ സ്വിഫ്റ്റിനെ വേറിട്ടു നിര്‍ത്തുന്നത്. ഇന്റീരിയറിലും പല പ്രീമിയം മോഡലുകളിലേയും സൗകര്യങ്ങള്‍ എത്തിച്ചിട്ടുണ്ട്. K12 ഫോര്‍ സിലിണ്ടര്‍ എന്‍ജിനുപകരം 1.2 ലിറ്റര്‍, 3 സിലിണ്ടര്‍, നാച്ചുറലി അസ്പയേഡ് പെട്രോള്‍ എന്‍ജിനാണ് വാഹനത്തിലുള്ളത്.

Automobile251 days ago

Related News