ഓഹരി വിപണിയിൽ സജീവമാകുന്ന ചെറുകിട നിക്ഷേപകരുടെ എണ്ണം ഉയരുന്നു
മാർച്ച് 31 വരെയുള്ള കണക്കുകളനുസരിച്ച് രാജ്യത്തെ മൊത്തം ഡീമാറ്റ് അക്കൗണ്ടുകളുടെ എണ്ണം ചരിത്രത്തിലാദ്യമായി 15 കോടി കവിഞ്ഞു. മാർച്ചിൽ മാത്രം 31 ലക്ഷം പുതിയ ഡീമാറ്റ് അക്കൗണ്ടുകള്‍ തുറന്നു. ആഭ്യന്തര രംഗത്തെ മികച്ച വളർച്ചയും പലിശ നിരക്ക് കുറയാനുള്ള സാധ്യതയും വിദേശ നിക്ഷേപ ഒഴുക്കും മാര്‍ച്ചില്‍ ഇന്ത്യയുടെ മുഖ്യ ഓഹരി സൂചികയിൽ ഒന്നര ശതമാനം വർദ്ധനവ് ഉണ്ടാക്കി. നാഷണൽ സ്റ്റോക്ക് എക്സ്ചേഞ്ചിൽ സജീവമായി വ്യാപാരം നടത്തുന്ന നിക്ഷേപകരുടെ എണ്ണം കഴിഞ്ഞ മാസം 1.8 ശതമാനം ഉയർന്ന് നാല് കോടിക്ക് മുകളിലെത്തി. ഓഹരികൾ വാങ്ങുന്നതിനും വില്ക്കുന്നതിനും നിക്ഷേപകർ ഡീമാറ്റ് അക്കൗണ്ടുകൾ തുറക്കണമെന്ന് നിർബന്ധമാണ്. ഓഹരികൾ ഡീമെറ്റീരിയലൈസ്ഡ് ഫോര്‍മാറ്റില്‍ ഡിജിറ്റലായി ഈ അക്കൗണ്ടുകളിലാണ് സൂക്ഷിക്കുക.
Related News
ഓഹരി വിപണികളിൽ അനിശ്ചിതത്വം സൃഷ്ടിച്ച് ഇറാൻ-ഇസ്രായേല്‍ സംഘര്‍ഷം
പശ്ചിമേഷ്യയിലെ സംഘർഷം കൈവിട്ടു പോയാൽ കൂടുതൽ രാജ്യങ്ങൾ വിഷയത്തിൽ ഇടപെടുമെന്ന സംശയത്തിൽ അന്താരാഷ്ട്ര വ്യാപകമായി ഓഹരി നിക്ഷേപകർ കരുതലിലേക്ക് നീങ്ങുന്ന പ്രവണതയാണ് കാണുന്നത്. കപ്പൽ ഗതാഗത മേഖല കൂടുതൽ ദുഷ്കരമാകുമെന്ന ആശങ്കയിൽ ക്രൂഡോയിൽ വില രണ്ടാഴ്ചയായി മുകളിലേക്ക് കുതിക്കുകയാണ്. ആഗോള മേഖലയിലെ വൻകിട നിക്ഷേപ സ്ഥാപനങ്ങള്‍ സുരക്ഷിത്വം കണക്കിലെടുത്ത് പണം സ്വർണത്തിലേക്കും ഡോളറിലേക്കും മാറ്റുകയാണ്.Read More
മാര്‍ച്ചില്‍ വിദേശ നിക്ഷേപക സ്ഥാപനങ്ങള്‍ ഇന്ത്യന്‍ ഓഹരി വിപണിയില്‍ നടത്തിയത് 6139 കോടിയുടെ നിക്ഷേപം
മൂന്നാം ത്രൈമാസത്തില്‍ ഇന്ത്യ 8.4 ശതമാനം സാമ്പത്തിക വളര്‍ച്ച കൈവരിച്ചതാണ് വിദേശ നിക്ഷേപകരെ ഇന്ത്യന്‍ വിപണിയിലേക്ക്‌ ആകര്‍ഷിച്ചത്. ജൂണ്‍ മാസത്തോടെ പലിശനിരക്ക്‌ കുറയുമെന്ന സൂചന US ഫെഡ്‌ നല്‍കുന്നതും ഓഹരി വിപണിയില്‍ നിക്ഷേപം നടത്താന്‍ വിദേശ നിക്ഷേപക സ്ഥാപനങ്ങളെ പ്രേരിപ്പിക്കുന്ന ഘടകമാണ്. ഫെബ്രുവരിയില്‍ 1539 കോടി രൂപയുടെ അറ്റനിക്ഷേപമാണ് നടന്നത്.
ഫെബ്രുവരിയിൽ മ്യൂച്വൽ ഫണ്ടുകളിൽ ലഭിച്ചത് 1.2 ലക്ഷം കോടി രൂപ
ഇതില്‍ ഓഹരി അധിഷ്ഠിത മ്യൂച്വൽ ഫണ്ടുകളിലേക്കുള്ള ചെറുകിട ഉപഭോക്താക്കളുടെ നിക്ഷേപം 26,866 കോടി രൂപയും കടപ്പത്രങ്ങളിലേക്കുള്ള നിക്ഷേപം 63,800 കോടി രൂപയുമാണ്. 23 മാസത്തിനിടെയിലെ ഏറ്റവും ഉയർന്ന പ്രതിമാസ നിക്ഷേപമാണ് ഫെബ്രുവരിയിൽ ഉണ്ടായത്. ജനുവരിയിൽ ഓഹരി അധിഷ്ഠിത മ്യൂച്വൽ ഫണ്ടുകളിൽ 21,780 കോടി രൂപയുടെ നിക്ഷേപമാണ് നടന്നത്.
റെക്കോർഡ് തിരുത്തി ഓഹരി വിപണി: സെന്സെക്സ് 74,000 പിന്നിട്ടു
ഓഹരി വിപണി റെക്കോർഡ് ഉയരത്തിൽ ക്ലോസ് ചെയ്തു. സെൻസെക്സ് 408.86 പോയിന്റ് നേട്ടത്തിൽ 74,085.99 എന്ന നിലയിലാണ് ക്ലോസ് ചെയ്തത്. നിഫ്റ്റി 117.75 പോയിന്റ് ഉയർന്ന് 22,474.05 ലാണ് ഇന്ന് വ്യാപാരം അവസാനിപ്പിച്ചത്. ധനകാര്യ ഓഹരികൾ നേട്ടമുണ്ടാക്കിയതാണ് വിപണിക്ക് കരുത്തേകിയത്. IT, ഫാർമ ഓഹരികളും വിപണിയിൽ നേട്ടമുണ്ടാക്കി.
RBIയുടെ വിലക്കിന് പിന്നാലെ പേടിഎമ്മിന്‍റെ ഓഹരികളില്‍ 20 ശതമാനം ഇടിവ്
RBIയുടെ പുതിയ നിയന്ത്രണങ്ങള്‍ ഗുരുതരമായ പ്രത്യാഘാതങ്ങള്‍ ഉണ്ടാക്കിയേക്കാമെന്ന ബ്രോക്കറേജ് സ്ഥാപനങ്ങളുടെ അഭിപ്രായത്തെ തുടർന്നാണ് ഓഹരികളില്‍ ഇടിവ് രേഖപ്പെടുത്തിയത്. ജെഫ്റീസ് ഗ്രൂപ്പ് ഓഹരികള്‍ മോശം പ്രകടനത്തിലേക്ക് താഴ്ത്തുകയും ലക്ഷ്യവില ഓഹരി ഒന്നിന് 500 രൂപയായി കുറയ്ക്കുകയും ചെയ്തു. ഓഹരിയൊന്നിന് 650 രൂപയുടെ ലക്ഷ്യവില ആയിരുന്നു നിലവില്‍ കമ്പനി നല്‍കിയിരുന്നത്.
ടാറ്റ കൺസ്യൂമർ 3,500 കോടി രൂപയുടെ റൈറ്റ്സ് ഇഷ്യുകൾ അവതരിപ്പിക്കാന്‍ ഒരുങ്ങുന്നു
ഏകദേശം 7,000 കോടി രൂപയ്ക്ക് ക്യാപിറ്റൽ ഫുഡ്‌സ്, ഓർഗാനിക് ഇന്ത്യ എന്നിവ ഏറ്റെടുക്കാന്‍ ടാറ്റ ഒരുങ്ങുകയാണ്. ബോർഡിന്റെ അനുമതി ലഭിച്ച ശേഷം റൈറ്റ്സ് ഇഷ്യു സംബന്ധിച്ച പ്രഖ്യാപനം ടാറ്റ നടത്തും. നിലവിലുള്ള ഓഹരി ഉടമകൾക്ക് പുതിയ ഓഹരികൾ കിഴിവോടെ വാങ്ങാനുള്ള അവസരം നൽകി അധിക മൂലധനം സ്വരൂപിക്കുന്നതിനുള്ള കമ്പനികളുടെ മാർഗമാണ് ഷെയറുകളുടെ റൈറ്റ്സ് ഇഷ്യു എന്നു പറയുന്നത്.
930 പോയിന്റ് ഇടിഞ്ഞ് സെന്സെക്സ്
സെൻസെക്സ് 930.88 പോയിന്റ് കുത്തനെ ഇടിഞ്ഞ് 70,506.31ലാണ് ക്ലോസ് ചെയ്തത്. NSE Nifty 302.95 പോയിന്റ് താഴ്ന്ന് 21,150.15ല്‍ എത്തി. കഴിഞ്ഞ ദിവസങ്ങളില്‍ വിപണിയിലെ മികച്ച പ്രകടനത്തെ തുടര്‍ന്ന് വ്യാപാരികൾ നടത്തിയ വന്‍ പ്രോഫിറ്റ് ബുക്കിംഗാണ് കുത്തനെയുളള ഇടിവിന് കാരണം.
ഓഹരിവിപണി സർവകാല റെക്കോഡിൽ
ആദ്യമായി സെൻസെക്സ് 71,483 എന്ന റെക്കോർഡ് ഉയരത്തിൽ ക്ലോസ് ചെയ്തു. നിഫ്റ്റി 1.37% ഉയർന്ന് 21,456 എന്ന പുതിയ ക്ലോസിംഗ് ഉയരം കൈവരിച്ചു. ഐടി, ബാങ്കിംഗ് ഓഹരികളാണ് കൂടുതൽ നേട്ടമുണ്ടാക്കിയത്.
ഓഹരിവിപണിയിൽ പുതിയ റെക്കോഡ്
സെൻസെക്സ് 70,000 പോയിന്റ് കടന്ന് ഇന്ന് ചരിത്ര നേട്ടം കുറിച്ചു. വിദേശ നിക്ഷേപകരുടെ തിരിച്ച് വരവും ആഗോള തലത്തിൽ പലിശ നിരക്ക് കുറയുമെന്ന സൂചനകളാണ് വിപണി ഉയരാൻ കാരണമായത്. നിഫ്റ്റി വീണ്ടും 21,000 പോയിന്റ് പിന്നിട്ടു.
തുടർച്ചയായ ആറാം ദിവസവും കുതിച്ചുയർന്ന് ഓഹരി വിപണി
126 പോയിന്റ് കൂടെ വർദ്ധിച്ച് നിഫ്റ്റി 20,800 എന്ന നിലയിലെത്തി. അഞ്ച് ദിവസത്തിനിടെ 4.4 ശതമാനത്തിലേറെയാണ് നിഫ്റ്റിയിലെ നേട്ടം. നിഫ്റ്റി ബാങ്ക് സൂചിക 2% ഉയര്‍ന്ന് 47,000 എന്ന റെക്കോഡ് ഉയരം കൈവരിച്ചു. സെന്സെക്സ് 69,350 എന്ന നിലയിലെത്തി.
