ബംഗാള്‍ അധ്യാപക നിയമന അഴിമതി; എല്ലാ അനധികൃത നിയമനങ്ങളും റദ്ദാക്കി ഹൈക്കോടതി

പശ്ചിമ ബംഗാള്‍ സ്‌കൂള്‍ സര്‍വീസ് കമ്മീഷന്റെ (WBSCC) സകൂള്‍ അധ്യാപകര്‍ക്കുളള 2016ലെ മുഴുവന്‍ റിക്രൂട്ട്‌മെന്റ് പാനലും റദ്ദാക്കി കൊല്‍ക്കത്ത ഹൈക്കോടതി. നിയമവിരുദ്ധമായി നിയമനം ലഭിച്ച അധ്യാപകര്‍ നാലാഴ്ച്ചയ്ക്കകം ശമ്പളം തിരികെ നല്‍കണമെന്നും റിക്രൂട്ട്മെന്റ് പ്രവേശന പരീക്ഷയുടെ 23 ലക്ഷം OMR ഷീറ്റുകള്‍ പുനര്‍മൂല്യനിര്‍ണയം നടത്തണമെന്നും കോടതി ഉത്തരവിട്ടു. റദ്ദാക്കിയ റിക്രൂട്ട്മെന്റ് പാനലില്‍ ബംഗാളിലെ വിവിധ സര്‍ക്കാര്‍, എയ്ഡഡ് സ്‌കൂളുകളിലേക്ക് 2016ല്‍ WBSCC പ്രവേശന പരീക്ഷയിലൂടെ നിയമിതരായ അധ്യാപക-അനധ്യാപക ജീവനക്കാര്‍ ഉള്‍പ്പെടുന്നു. ഏകദേശം 24,000 നിയമനങ്ങളാണ് റദ്ദാക്കിയത്.

National364 days ago

ബംഗാളിലെ വെള്ളപ്പൊക്കം; പ്രധാനമന്ത്രിയ്ക്ക് കത്തയച്ച് മമത ബാനര്‍ജി

പശ്ചിമ ബംഗാളില്‍ പ്രളയം മൂലമുണ്ടായ വ്യാപക നാശനഷ്ടങ്ങള്‍ പരിഹരിക്കാന്‍ ഉടന്‍ കേന്ദ്ര ഫണ്ട് അനുവദിക്കണമെന്നാണ് മുഖ്യമന്ത്രി മമത ബാനര്‍ജി പ്രധാനമന്ത്രി മോദിക്ക് അയച്ച കത്തില്‍ ആവശ്യപ്പെട്ടിരിക്കുന്നത്. ലോവര്‍ ദാമോദറിലും സമീപ പ്രദേശങ്ങളിലും 2009 ന് ശേഷമുള്ള ഏറ്റവും വലിയ വെള്ളപ്പൊക്കമാണ് സംസ്ഥാനം ഇപ്പോള്‍ അഭിമുഖീകരിക്കുന്നത്. ഈ വിഷയം ഗൗരവമായി പരിഗണിക്കണം. ദുരന്തബാധിതരെ സഹായിക്കാന്‍ കേന്ദ്ര ഫണ്ട് അനുവദിക്കണമെന്നും മമത കത്തില്‍ സൂചിപ്പിച്ചു. അതേസമയം ദാമോദര്‍ വാലി കോര്‍പറേഷന്‍ 5.5 ലക്ഷം കുസെക്‌സ് വെള്ളം തുറന്നുവിട്ടതാണ് തെക്കന്‍ ബംഗാളില്‍ വെള്ളപ്പൊക്കത്തിന് കാരണമായതെന്നാണ് മമതയുടെ ആരോപണം.

National213 days ago

യുവ ഡോക്ടറുടെ കൊലപാതകം; പ്രതിഷേധിച്ച ഡോക്ടര്‍മാര്‍ സമരം അവസാനിപ്പിച്ചു

കൊല്‍ക്കത്തയിലെ ആശുപത്രിയില്‍ യുവ വനിതാ ഡോക്ടര്‍ ബലാത്സംഗത്തിനിരയായി കൊലപ്പെട്ട സംഭവത്തില്‍ പ്രതിഷേം നടത്തിയിരുന്ന ജൂനിയര്‍ ഡോക്ടര്‍മാര്‍ സമരം അവസാനിപ്പിച്ചു. ശനിയാഴ്ച മുതല്‍ ജോലിയില്‍ പ്രവേശിക്കുമെന്നും ഇവര്‍ അറിയിച്ചു. താല്‍ക്കാലികമായാണ് അവശ്യ സേവനങ്ങള്‍ പുനരാരംഭിക്കുന്നത്. സര്‍ക്കാരിന്റെ തുടര്‍നടപടികള്‍ സൂക്ഷ്മമായി നിരീക്ഷിക്കുമെന്നും ആവശ്യമെങ്കില്‍ വീണ്ടും സമരം നടത്തുമെന്നും ഡോക്ടര്‍മാര്‍ വ്യക്തമാക്കി.

National213 days ago

ബംഗാളിലെ ആരോഗ്യവകുപ്പിലെ ക്രമക്കേടുകൾ കണ്ടെത്തി മുഖ്യമന്ത്രിയെ അറസ്റ്റ് ചെയ്യണം: ബിജെപി MP

കൊല്‍ക്കത്ത ആര്‍. ജികര്‍ മെഡിക്കല്‍ കോളേജിലെ വനിതാ ഡോക്ടർ ബലാത്സംഗത്തിനിരയായി കൊല്ലപ്പെട്ട സംഭവത്തിൽ ആരോഗ്യവകുപ്പിലെ ക്രമക്കേടുകളെ കുറിച്ച് വിശദമായ അന്വേഷണം നടത്തണമെന്ന് ആവശ്യപ്പെട്ട് ബിജെപി MP യും സംസ്ഥാന ജനറല്‍ സെക്രട്ടറിയുമായ ജ്യോതിര്‍മയ് സിങ് മഹതോ ED ക്ക് കത്തയച്ചു. ബംഗാളിലെ ആരോഗ്യമേഖലയില്‍ വ്യാപകമായ അഴിമതിയും അധികാരദുര്‍വിനിയോഗവുമാണ് നടക്കുന്നതെന്ന് ജ്യോതിര്‍മയ് സിങ് മഹതോ അഭിപ്രായപ്പെട്ടു. മുഖ്യമന്ത്രിയും ആരോഗ്യമന്ത്രിയുമെന്ന നിലയില്‍ ആരോഗ്യവകുപ്പില്‍നിന്ന് പുറത്തുവരുന്ന ക്രമക്കേടുകളില്‍ മമതയും ഉത്തരവാദിയാണെന്ന് മഹതോ ആരോപിച്ചു.Read More

National224 days ago

ബലാത്സംഗക്കേസ് പ്രതികള്‍ക്ക് വധശിക്ഷ; അപരാജിത ബില്‍ പാസാക്കി പശ്ചിമ ബംഗാള്‍

ബലാത്സംഗക്കേസിലെ പ്രതികള്‍ക്ക് അതിവേഗ വിചാരണയും പരമാവധി ശിക്ഷയും ഉറപ്പു വരുത്തുന്ന അപരാജിത വുമണ്‍ ആന്റ് ചൈല്‍ഡ് ബില്‍ പാസാക്കി പശ്ചിമ ബംഗാള്‍ നിയമസഭ. അതിക്രമത്തിനിരയാകുന്നവര്‍ കൊല്ലപ്പെടുകയോ ഗുരുതരമായി പരിക്കേല്‍ക്കുകയോ ചെയ്താല്‍ വധശിക്ഷ ഉറപ്പാക്കുന്നതാണ് നിയമ ഭേദഗതി. ലൈംഗികപീഡനങ്ങളില്‍ പ്രതിക്ക് പരോള്‍ ഇല്ലാതെ ജീവപര്യന്തം തടവുശിക്ഷയും ശുപാര്‍ശ ചെയ്യുന്നു. ഇരയുടെ പേരുവിവരങ്ങള്‍ വെളിപ്പെടുത്തുന്നവര്‍ക്കും ചിത്രങ്ങള്‍ പ്രചരിപ്പിക്കുന്നവര്‍ക്കും 3 മുതല്‍ 5 വര്‍ഷം വരെ തടവ് ശിക്ഷ.Read More

National230 days ago

ബലാത്സംഗക്കേസിൽ പ്രതികൾക്ക് വധശിക്ഷ ഉറപ്പാക്കുന്ന നിയമ ഭേദഗതി ബിൽ ബംഗാളിൽ നാളെ അവതരിപ്പിക്കും

കൊൽക്കത്തയിലെ വനിതാ ഡോക്ടറുടെ കൊലപാതകത്തിൽ പ്രതിഷേധം കനക്കുന്നതിനിടെ ബലാൽസംഗ കേസ് പ്രതികൾക്ക് വേഗത്തിൽ ശിക്ഷ ഉറപ്പാക്കുന്നതിനായി 'അപരാജിത വുമൺ ആൻഡ് ചൈൽഡ് ബിൽ 2024' നാളെ നിയമസഭയിൽ അവതരിപ്പിക്കും. ഇതിനായുള്ള പ്രത്യേക നിയമസഭാ സമ്മേളനം ഇന്ന് തുടങ്ങി. മുഖ്യമന്ത്രി മമത ബാനർജി ബിൽ സഭയിൽ അവതരിപ്പിക്കും. ബലാത്സംഗ കേസ് പ്രതികൾക്ക് ജീവപര്യന്തം തടവുശിക്ഷയും, ഇര കൊല്ലപ്പെട്ടാൽ വധശിക്ഷയും ഉറപ്പാക്കുന്നതാണ് നിയമ ഭേദഗതി. ബിൽ പാസാക്കി ഗവർണർക്ക് അയക്കുമെന്നും, ഗവർണർ ഒപ്പിട്ടില്ലെങ്കിൽ രാജ്ഭവന് മുന്നിൽ സമരമിരിക്കുമെന്നുമാണ് മമത പ്രഖ്യാപിച്ചിരിക്കുന്നത്.

National231 days ago

കൊല്‍ക്കത്തയില്‍ നഴ്‌സിനു നേരെ രോഗിയുടെ ലൈംഗികാതിക്രമം

പശ്ചിമബംഗാളില്‍ ആരോഗ്യ പ്രവര്‍ത്തകയ്ക്ക് നേരെ വീണ്ടും അതിക്രമം. ബിര്‍ഭും ജില്ലയിലെ ഇലംബസാര്‍ ആരോഗ്യ കേന്ദ്രത്തില്‍ രാത്രി ഡ്യൂട്ടിയിലുണ്ടായിരുന്ന നഴ്‌സിന് നേരെയാണ് രോഗി ലൈംഗികാതിക്രമം നടത്തിയത്. ഡോക്ടര്‍ നല്‍കിയ നിര്‍ദേശപ്രകാരം ഡ്രിപ്പ് ഇടാനായി അടുത്തേക്ക് ചെന്നപ്പോഴാണ് യുവാവ് നഴ്‌സിനെ കടന്നുപിടിച്ചത്. യുവാവ് തന്റെ ശരീരത്തില്‍ അപമര്യാദയായി സ്പര്‍ശിച്ചുവെന്ന് നഴ്‌സ് പരാതിപ്പെട്ടു. തുടര്‍ന്ന് പോലീസ് സ്ഥലത്തെത്തി രോഗിയെ അറസ്റ്റ് ചെയ്തു. ബംഗാളില്‍ യുവഡോക്ടര്‍ ആശുപത്രിയില്‍ ബലാത്സംഗത്തിനിരയായി കൊല്ലപ്പെട്ട സംഭവത്തില്‍ പ്രതിഷേധം തുടരുന്നതിനിടെയാണ് വീണ്ടും അതിക്രമമുണ്ടായിരിക്കുന്നത്.

National232 days ago

ക്ലസ്റ്റർ പരിശീലനത്തിൽ പങ്കെടുക്കാത്ത അധ്യാപകർക്ക് എതിരെ അച്ചടക്ക നടപടിയെടുക്കാൻ നിർദേശം

ക്ലസ്റ്റർ പരിശീലനങ്ങളിൽ നിന്ന് ചില അധ്യാപകർ വിട്ടുനിൽക്കുന്നു എന്ന വിലയിരുത്തലിന്റെ അടിസ്ഥാനത്തിലാണ് നടപടികൾ കർശനമാക്കാൻ തീരുമാനിച്ചത്. ഓഗസ്റ്റ് 24ന് നടക്കുന്ന ക്ലസ്റ്റർ യോഗത്തിൽ നിന്ന് മതിയായ കാരണങ്ങൾ ഇല്ലാതെ വിട്ടുനിൽക്കുന്ന അധ്യാപകർക്കെതിരെ കർശന നടപടി സ്വീകരിക്കണമെന്ന് പൊതുവിദ്യാഭ്യാസ ഡയറക്ടർ ഉത്തരവിറക്കി. ഇതിനായി എല്ലാ വിദ്യാഭ്യാസ ഓഫീസർമാരും തങ്ങൾക്ക് കീഴിലുള്ള ക്ലസ്റ്റർ കേന്ദ്രങ്ങൾ കൃത്യമായി മോണിറ്റർ ചെയ്യണമെന്ന് ഉത്തരവിൽ പറയുന്നു.

Kerala244 days ago

ബംഗാള്‍ സര്‍ക്കാരിനെതിരെ രൂക്ഷവിമര്‍ശനവുമായി സുപ്രീംകോടതി

കൊല്‍ക്കത്ത ആര്‍.ജി കര്‍ മെഡിക്കല്‍ കോളേജിലെ യുവ വനിതാ ഡോക്ടറെ ബലാത്സംഗം ചെയ്ത് കൊലപ്പെടുത്തിയ കേസിലാണ് ബംഗാള്‍ സര്‍ക്കാരിനെതിരെയും പോലീസിനെതിരെയും സുപ്രീംകോടതി രൂക്ഷ വിമര്‍ശനം നടത്തിയത്. സംഭവം ഭയാനകമെന്നും ഇത് രാജ്യത്തുടനീളമുള്ള ഡോക്ടര്‍മാരുടെ സുരക്ഷയുടെ പ്രശ്നമാണെന്നും സുപ്രീംകോടതി പറഞ്ഞു. സംഭവത്തില്‍ കേസ് എടുക്കുന്നതില്‍ കാലതാമസം വരുത്തിയതിന് സര്‍ക്കാരിനെ കോടതി രൂക്ഷമായി വിമര്‍ശിച്ചു. ആശുപത്രി അധികൃതര്‍ എന്താണ് ചെയ്തതെന്നും എന്തുകൊണ്ട് കേസെടുക്കാന്‍ വൈകിയെന്നും കോടതി ചോദിച്ചു. മെഡിക്കല്‍ കോളജ് പ്രിന്‍സിപ്പല്‍ അത് ആത്മഹത്യയായി മാറ്റാന്‍ ശ്രമിച്ചുവെന്ന് ഡിവിഷന്‍ ബെഞ്ച് നിരീക്ഷിച്ചു. Read More

National244 days ago

ബംഗാള്‍ മുന്‍ മുഖ്യമന്ത്രി ബുദ്ധദേബ് ഭട്ടാചാര്യ അന്തരിച്ചു

പശ്ചിമബംഗാള്‍ മുന്‍ മുഖ്യമന്ത്രിയും മുതിര്‍ന്ന CPIM നേതാവുമായ ബുദ്ധദേബ് ഭട്ടാചാര്യ അന്തരിച്ചു. 80 വയസായിരുന്നു. വാര്‍ധക്യ സഹജമായ അസുഖത്തെ തുടര്‍ന്ന് കൊല്‍ക്കത്തയിലെ വസതിയില്‍ വെച്ച് ഇന്ന് രാവിലെയായിരുന്നു അന്ത്യം. 2000 മുതല്‍ 2011 വരെ തുടര്‍ച്ചയായി 11 വര്‍ഷം ബംഗാളിന്റെ മുഖ്യമന്ത്രിയായിരുന്നു. അനാരോഗ്യം മൂലം കഴിഞ്ഞ കുറച്ച് വര്‍ഷങ്ങളായി പൊതുരംഗത്ത് നിന്ന് വിട്ടുനില്‍ക്കുകയായിരുന്നു അദ്ദേഹം.

National256 days ago

പശ്ചിമംഗാളിന്റെ ചില ഭാഗങ്ങളില്‍ വെള്ളപ്പൊക്ക മുന്നറിയിപ്പ്

പശ്ചിമബംഗാളില്‍ കനത്ത മഴ തുടരുന്നതിനെ തുടര്‍ന്നാണ് വെള്ളപ്പൊക്ക മുന്നറിയിപ്പ് പുറപ്പെടുവിച്ചത്. ഹൂഗ്ലി ജില്ലയിലെ ആരാംബാഗില്‍ പലയിടത്തും വീടുകളും റോഡുകളും വെള്ളത്തിനടിയിലായി. ഝാര്‍ഖണ്ഡിലെ രണ്ട് അണക്കെട്ടുകളില്‍ നിന്ന് വെള്ളം തുറന്നുവിട്ടതിനാല്‍ പശ്ചിമബംഗാളിന്റെ തെക്കന്‍ ഭാഗങ്ങളില്‍ വെള്ളപ്പൊക്ക മുന്നറിയിപ്പ് നല്‍കിയിട്ടുണ്ട്. കൂടാതെ വടക്കന്‍ ബംഗാളിലെ കൂച്ച്ബെഹാര്‍, അലിപുര്‍ദുവാര്‍ ജില്ലകളിലും വെള്ളപ്പൊക്ക മുന്നറിയിപ്പ് നല്‍കിയിട്ടുണ്ട്.

National260 days ago