ബംഗാള്‍ മുന്‍ മുഖ്യമന്ത്രി ബുദ്ധദേബ് ഭട്ടാചാര്യ അന്തരിച്ചു

പശ്ചിമബംഗാള്‍ മുന്‍ മുഖ്യമന്ത്രിയും മുതിര്‍ന്ന CPIM നേതാവുമായ ബുദ്ധദേബ് ഭട്ടാചാര്യ അന്തരിച്ചു. 80 വയസായിരുന്നു. വാര്‍ധക്യ സഹജമായ അസുഖത്തെ തുടര്‍ന്ന് കൊല്‍ക്കത്തയിലെ വസതിയില്‍ വെച്ച് ഇന്ന് രാവിലെയായിരുന്നു അന്ത്യം. 2000 മുതല്‍ 2011 വരെ തുടര്‍ച്ചയായി 11 വര്‍ഷം ബംഗാളിന്റെ മുഖ്യമന്ത്രിയായിരുന്നു. അനാരോഗ്യം മൂലം കഴിഞ്ഞ കുറച്ച് വര്‍ഷങ്ങളായി പൊതുരംഗത്ത് നിന്ന് വിട്ടുനില്‍ക്കുകയായിരുന്നു അദ്ദേഹം.

National137 days ago

മുന്‍ MLA കെ.പി. കുഞ്ഞിക്കണ്ണന്‍ അന്തരിച്ചു

കോണ്‍ഗ്രസ് നേതാവും ഉദുമ മുന്‍ MLA കെ.പി. കുഞ്ഞിക്കണ്ണന്‍ (75) അന്തരിച്ചു. വാഹാനാപകടത്തില്‍ പരിക്കേറ്റ് ചികിത്സയിലിരിക്കെയായിരുന്നു അന്ത്യം. കഴിഞ്ഞ മാസം ഏഴാം തീയതി നീലേശ്വരം കരുവാച്ചേരി പെട്രോള്‍ പമ്പിന് സമീപമാണ് കുഞ്ഞിക്കണ്ണന്‍ സഞ്ചരിച്ചിരുന്ന വാഹനം അപകടത്തില്‍പ്പെട്ടത്. വാരിയെല്ലിന് ഗുരുതര പരിക്കേറ്റ കുഞ്ഞിക്കണ്ണന്‍ കാഞ്ഞങ്ങാട് ഐഷാല്‍ മെഡിസിറ്റി ആശുപത്രിയില്‍ ചികിത്സയിലായിരുന്നു. ദീര്‍ഘകാലം കെപിസിസി ജനറല്‍ സെക്രട്ടറിയായി സേവനം അനുഷ്ടിച്ചിരുന്നു.

Kerala88 days ago

മലയാള സിനിമയുടെ അമ്മ; കവിയൂര്‍ പൊന്നമ്മയ്ക്ക് വിട നല്‍കി നാട്

അന്തരിച്ച സിനിമാ താരം കവിയൂര്‍ പൊന്നമ്മയുടെ സംസ്‌കാര ചടങ്ങുകള്‍ പൂര്‍ത്തിയായി. ആലുവ കരുമാലൂരിലെ ശ്രീപീഠം വീട്ടുവളപ്പില്‍ ആചാരപ്രകാരമാണ് മൃതദേഹം സംസ്‌കരിച്ചത്. പൂര്‍ണ ഔദ്യോഗിക ബഹുമതികളോടെയായിരുന്നു സംസ്‌കാരം. രാവിലെ 9 മുതല്‍ 12 മണി വരെ കളമശ്ശേരി ടൗണ്‍ഹാളില്‍ നടത്തിയ പൊതുദര്‍ശനത്തില്‍ മലയാള സിനിമയിലെ പ്രമുഖരുള്‍പ്പെടെ സാമൂഹിക, സാംസ്‌കാരിക, രാഷ്ട്രീയ രംഗങ്ങളിലെ നിരവധി പേരെത്തി ആദരാഞ്ജലികള്‍ അര്‍പ്പിച്ചു. ക്യാന്‍സര്‍ രോഗബാധിതയായി ചികിത്സയിലിരിക്കെ ഇന്നലെ വൈകിട്ടായിരുന്നു കവിയൂര്‍ പൊന്നമ്മയുടെ അന്ത്യം.

Kerala93 days ago

മുതിര്‍ന്ന CPM നേതാവ് എം.എം. ലോറന്‍സ് അന്തരിച്ചു

മുതിര്‍ന്ന CPM നേതാവും മുന്‍ ഇടുക്കി എംപിയുമായിരുന്ന എം.എം. ലോറന്‍സ് (94) അന്തരിച്ചു. വാര്‍ധക്യ സഹജമായ അസുഖങ്ങളെ തുടര്‍ന്ന് ചികിത്സയിലിരിക്കെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. സിപിഐഎം കേന്ദ്രകമ്മിറ്റി, സംസ്ഥാന സെക്രട്ടേറിയറ്റ് അംഗം, എറണാകുളം ജില്ലാ സെക്രട്ടറി, ഇടതുമുന്നണി കണ്‍വീനര്‍, സിഐടിയു സംസ്ഥാന ജനറല്‍ സെക്രട്ടറി, 1980 മുതല്‍ 1984 വരെ ഇടുക്കിയില്‍ നിന്നുള്ള ലോക്സഭാംഗം എന്നീ നിലകളില്‍ പ്രവര്‍ത്തിച്ചിട്ടുണ്ട്. സംസ്ഥാനത്ത് CPMനെ വളര്‍ത്തുന്നതില്‍ മുഖ്യ പങ്കുവഹിച്ച നേതാക്കളില്‍ ഒരാളായിരുന്നു എം.എം. ലോറന്‍സ്.

Kerala93 days ago

കവിയൂര്‍ പൊന്നമ്മയ്ക്ക് വിട; സംസ്‌കാരം ഇന്ന്

അന്തരിച്ച സിനിമാതാരം കവിയൂര്‍ പൊന്നമ്മയുടെ സംസ്‌കാരം ഇന്ന്. മൃതദേഹം 12 മണിവരെ കളമശേരി ടൗണ്‍ഹാളില്‍ പൊതുദര്‍ശനത്തിന് വെക്കും. മോഹന്‍ലാലും മമ്മൂട്ടിയുമടക്കമുള്ള മലയാള സിനിമാ താരങ്ങള്‍ ഇവിടെയെത്തി ആദരാഞ്ജലി അര്‍പ്പിക്കും. വൈകിട്ട് നാലുമണിക്ക് ആലുവ കരിമാല്ലൂരിലെ വീട്ടുവളപ്പിലാണ് സംസ്‌കാരം. ക്യാന്‍സര്‍ രോഗബാധിതയായി ഏറെ നാളായി ചികിത്സയിലായിരുന്ന താരം ഇന്നലെ വൈകിട്ടാണ് മരിച്ചത്.

Kerala93 days ago

കവിയൂർ പൊന്നമ്മ അന്തരിച്ചു

അമ്മ വേഷങ്ങളിലൂടെ മലയാളി പ്രേക്ഷകരുടെ മനംകവർന്ന നടി കവിയൂർ പൊന്നമ്മ (79) അന്തരിച്ചു. ക്യാൻസർ രോഗബാധിതയായി ഏറെ നാളായി ചികിത്സയിലായിരുന്നു. കൊച്ചിയിലെ ലിസി ആശുപത്രിയില്‍ വെച്ചായിരുന്നു അന്ത്യം. ആയിരത്തോളം സിനിമകളിൽ അഭിനയിച്ചിട്ടുള്ള കവിയൂർ പൊന്നമ്മ 1962ല്‍ ശ്രീരാമ പട്ടാഭിഷേകത്തിലൂടെയാണ് സിനിമയില്‍ അരങ്ങേറ്റം കുറിച്ചത്. സത്യൻ, മധു, പ്രേംനസീർ, സോമൻ, സുകുമാരൻ, മമ്മൂട്ടി, മോഹൻലാൽ തുടങ്ങി മലയാളത്തില്‍ മിക്കവരുടെയും അമ്മയായി കവിയൂർ പൊന്നമ്മ അഭിനയിച്ചിട്ടുണ്ട്. മികച്ച സഹനടിക്കുള്ള സംസ്ഥാന ചലച്ചിത്ര പുരസ്കാരം നാലു തവണ കരസ്ഥമാക്കി. 2021ൽ റിലീസ് ചെയ്ത 'ആണും പെണ്ണും' ആണ് അവസാനമായി അഭിനയിച്ച ചിത്രം.

Kerala94 days ago

ബംഗാളിലെ വെള്ളപ്പൊക്കം; പ്രധാനമന്ത്രിയ്ക്ക് കത്തയച്ച് മമത ബാനര്‍ജി

പശ്ചിമ ബംഗാളില്‍ പ്രളയം മൂലമുണ്ടായ വ്യാപക നാശനഷ്ടങ്ങള്‍ പരിഹരിക്കാന്‍ ഉടന്‍ കേന്ദ്ര ഫണ്ട് അനുവദിക്കണമെന്നാണ് മുഖ്യമന്ത്രി മമത ബാനര്‍ജി പ്രധാനമന്ത്രി മോദിക്ക് അയച്ച കത്തില്‍ ആവശ്യപ്പെട്ടിരിക്കുന്നത്. ലോവര്‍ ദാമോദറിലും സമീപ പ്രദേശങ്ങളിലും 2009 ന് ശേഷമുള്ള ഏറ്റവും വലിയ വെള്ളപ്പൊക്കമാണ് സംസ്ഥാനം ഇപ്പോള്‍ അഭിമുഖീകരിക്കുന്നത്. ഈ വിഷയം ഗൗരവമായി പരിഗണിക്കണം. ദുരന്തബാധിതരെ സഹായിക്കാന്‍ കേന്ദ്ര ഫണ്ട് അനുവദിക്കണമെന്നും മമത കത്തില്‍ സൂചിപ്പിച്ചു. അതേസമയം ദാമോദര്‍ വാലി കോര്‍പറേഷന്‍ 5.5 ലക്ഷം കുസെക്‌സ് വെള്ളം തുറന്നുവിട്ടതാണ് തെക്കന്‍ ബംഗാളില്‍ വെള്ളപ്പൊക്കത്തിന് കാരണമായതെന്നാണ് മമതയുടെ ആരോപണം.

National94 days ago

യുവ ഡോക്ടറുടെ കൊലപാതകം; പ്രതിഷേധിച്ച ഡോക്ടര്‍മാര്‍ സമരം അവസാനിപ്പിച്ചു

കൊല്‍ക്കത്തയിലെ ആശുപത്രിയില്‍ യുവ വനിതാ ഡോക്ടര്‍ ബലാത്സംഗത്തിനിരയായി കൊലപ്പെട്ട സംഭവത്തില്‍ പ്രതിഷേം നടത്തിയിരുന്ന ജൂനിയര്‍ ഡോക്ടര്‍മാര്‍ സമരം അവസാനിപ്പിച്ചു. ശനിയാഴ്ച മുതല്‍ ജോലിയില്‍ പ്രവേശിക്കുമെന്നും ഇവര്‍ അറിയിച്ചു. താല്‍ക്കാലികമായാണ് അവശ്യ സേവനങ്ങള്‍ പുനരാരംഭിക്കുന്നത്. സര്‍ക്കാരിന്റെ തുടര്‍നടപടികള്‍ സൂക്ഷ്മമായി നിരീക്ഷിക്കുമെന്നും ആവശ്യമെങ്കില്‍ വീണ്ടും സമരം നടത്തുമെന്നും ഡോക്ടര്‍മാര്‍ വ്യക്തമാക്കി.

National94 days ago

സീതാറാം യെച്ചൂരിയുടെ മൃതദേഹം ഇന്ന് പൊതുദർശനത്തിന് വെക്കും

ഇന്നലെ അന്തരിച്ച CPM ജനറൽ സെക്രട്ടറി സീതാറാം യെച്ചൂരിയുടെ മൃതദേഹം ഇന്ന് പൊതുദർശനത്തിന് വെക്കും. വൈകിട്ട് ആറു മണിക്ക് അദ്ദേഹത്തിന്റെ ഡൽഹി വസന്ത് കുഞ്ചിലുള്ള വസതിയിലാണ് മൃതദേഹം പൊതുദർശനത്തിനു വെക്കുക. നാളെ രാവിലെ 11 മുതൽ വൈകിട്ട് 3 മണിവരെ പാർട്ടി ആസ്ഥാനമായ ഡൽഹിയിലെ AKG ഭവനിൽ പൊതുദർശനത്തിനു വെക്കും. വൈകിട്ട് അഞ്ചുമണിയോടെ AKG ഭവനിൽ നിന്നും വിലാപയാത്രയായി മൃതദേഹം ഡൽഹി AIIMS ന് കൈമാറും.

National101 days ago

സീതാറാം യെച്ചൂരിയുടെ ഭൗതിക ശരീരം വൈദ്യപഠനത്തിന് നൽകും

അന്തരിച്ച CPM ജനറല്‍ സെക്രട്ടറി സീതാറാം യെച്ചൂരിയുടെ ഭൗതിക ശരീരം മെഡിക്കൽ വിദ്യാർത്ഥികളുടെ പഠനത്തിനായി എയിംസിന് വിട്ടുനൽകും. ശ്വാസകോശ അണുബാധയെ തുടർന്നു ഡൽഹി എയിംസിൽ ചികിത്സയിലിക്കെ വൈകിട്ട് മൂന്നരയോടെയായിരുന്നു അന്ത്യം. ഇന്ന് ഡല്‍ഹി എയിംസില്‍ സൂക്ഷിക്കുന്ന മൃതദേഹം നാളെ ഡല്‍ഹി AKG ഭവനില്‍ പൊതുദര്‍ശനത്തിന് വെക്കും. തുടര്‍ന്ന് വസന്തകുഞ്ജിലെ വസതിയിലേക്ക് കൊണ്ടുപോകും. 14നു വൈകുന്നേരം മൂന്നുമണിക്കു പാർട്ടിയുടെ നേതൃത്വത്തില്‍ നടക്കുന്ന അന്തിമോപചാര ചടങ്ങുകൾക്കു ശേഷം ഭൗതിക ശരീരം മെഡിക്കല്‍ വിദ്യാര്‍ഥികളുടെ പഠനത്തിനായി വിട്ടുനല്‍കും.

National102 days ago

ബംഗാളിലെ ആരോഗ്യവകുപ്പിലെ ക്രമക്കേടുകൾ കണ്ടെത്തി മുഖ്യമന്ത്രിയെ അറസ്റ്റ് ചെയ്യണം: ബിജെപി MP

കൊല്‍ക്കത്ത ആര്‍. ജികര്‍ മെഡിക്കല്‍ കോളേജിലെ വനിതാ ഡോക്ടർ ബലാത്സംഗത്തിനിരയായി കൊല്ലപ്പെട്ട സംഭവത്തിൽ ആരോഗ്യവകുപ്പിലെ ക്രമക്കേടുകളെ കുറിച്ച് വിശദമായ അന്വേഷണം നടത്തണമെന്ന് ആവശ്യപ്പെട്ട് ബിജെപി MP യും സംസ്ഥാന ജനറല്‍ സെക്രട്ടറിയുമായ ജ്യോതിര്‍മയ് സിങ് മഹതോ ED ക്ക് കത്തയച്ചു. ബംഗാളിലെ ആരോഗ്യമേഖലയില്‍ വ്യാപകമായ അഴിമതിയും അധികാരദുര്‍വിനിയോഗവുമാണ് നടക്കുന്നതെന്ന് ജ്യോതിര്‍മയ് സിങ് മഹതോ അഭിപ്രായപ്പെട്ടു. മുഖ്യമന്ത്രിയും ആരോഗ്യമന്ത്രിയുമെന്ന നിലയില്‍ ആരോഗ്യവകുപ്പില്‍നിന്ന് പുറത്തുവരുന്ന ക്രമക്കേടുകളില്‍ മമതയും ഉത്തരവാദിയാണെന്ന് മഹതോ ആരോപിച്ചു.Read More

National106 days ago