UPSC പരീക്ഷ: ഏപ്രില്‍ 21ന് അധിക സര്‍വീസ് ഒരുക്കി കൊച്ചി മെട്രോ

UPSCയുടെ നാഷണല്‍ ഡിഫന്‍സ് അക്കാദമി ആന്റ് നേവല്‍ അക്കാദമി, കമ്പൈന്‍ഡ് ഡിഫന്‍സ് സര്‍വീസസ് പരീക്ഷകള്‍ നടക്കുന്നതിനാലാണ് കൊച്ചി മെട്രോ സര്‍വീസ് സമയം ദീര്‍ഘിപ്പിക്കുന്നത്. ആലുവ, തൃപ്പൂണിത്തുറ ടെര്‍മിനല്‍ സ്റ്റേഷനുകളില്‍ നിന്ന് രാവിലെ ഏഴ് മണി മുതല്‍ കൊച്ചി മെട്രോ സര്‍വീസ് ആരംഭിക്കുമെന്ന് KMRL അറിയിച്ചു. പരീക്ഷ എഴുതുന്നവര്‍ക്ക് കൃത്യസമയം പരീക്ഷാ സെന്ററില്‍ എത്തുന്നതിന് വേണ്ടിയാണിത്.

Kerala249 days ago

ISL: അധിക സർവീസ് ഒരുക്കി കൊച്ചി മെട്രോ

കൊച്ചി ജവഹർലാൽ നെഹ്‌റു സ്റ്റേഡിയത്തിൽ ISL മത്സരം നടക്കുന്ന ദിവസങ്ങളിൽ JLN മെട്രോ സ്റ്റേഷനിൽ നിന്നും കൊച്ചി മെട്രോ അധിക സർവീസ് നടത്തും. രാത്രി 11 മണിക്കായിരിക്കും JLN മെട്രോ സ്റ്റേഷനിൽ നിന്നും ആലുവയിലേക്കും തൃപ്പൂണിത്തുറ ടെർമിനൽ സ്റ്റേഷനിലേക്കുമുള്ള അവസാന ട്രെയിൻ സർവീസ്.

Kerala94 days ago

ഇന്ത്യന്‍ അഡ്മിനിസ്‌ട്രേറ്റീവ് സര്‍വീസില്‍ നിന്നും പൂജ ഖേദ്കറെ പുറത്താക്കി കേന്ദ്രസര്‍ക്കാര്‍

പൂജ ഖേദ്കറെ യുണിയന്‍ പബ്ലിക് സര്‍വീസ് കമീഷണന്‍ അവരെ അയോഗ്യയാക്കിയതിന് പിന്നാലെയാണ് കേന്ദ്ര സര്‍ക്കാരിന്റെ നടപടി. ഗുരുതരമായ ആരോപണങ്ങളാണ് പൂജ ഖേദ്കര്‍ നേരിട്ടത്. ചട്ടം മറികടന്നുകൊണ്ട് സിവില്‍ സര്‍വീസസ് പരീക്ഷയെഴുതിയെന്ന് കണ്ടെത്തിയതിനെ തുടര്‍ന്നാണ് UPSC നടപടി സ്വീകരിച്ചത്. കമീഷന്റെ പരീക്ഷകളില്‍നിന്ന് ആജീവനാന്ത വിലക്കും ഏര്‍പ്പെടുത്തി. 2022ല്‍ പരീക്ഷയെഴുതനായി വ്യാജ OBC, ഭിന്നശേഷി സര്‍ട്ടിഫിക്കറ്റുകള്‍ പൂജ സമര്‍പ്പിച്ചതായാണ് കണ്ടെത്തല്‍.

National107 days ago

UPSC പരീക്ഷ; ഞായറാഴ്ച്ച അധിക സര്‍വീസുമായി കൊച്ചി മെട്രോ

UPSC പരീക്ഷ നടക്കുന്ന സെപ്റ്റംബര്‍ ഒന്നിന് അധിക സര്‍വീസുകളൊരുക്കി കൊച്ചി മെട്രോ. ഉദ്യോഗാര്‍ത്ഥികള്‍ക്ക് കൃത്യസമയത്ത് തന്നെ പരീക്ഷ സെന്ററില്‍ എത്തുന്നതുള്‍പ്പെടെയുളള യാത്രാസൗകര്യം ഒരുക്കുന്നതിന്റെ ഭാഗമായാണ് നടപടി. ഞായറാഴ്ച്ച രാവിലെ 7 മണി മുതല്‍ കൊച്ചി മെട്രോ സര്‍വീസ് ആലുവ, തൃപ്പൂണിത്തുറ ടെര്‍മിനല്‍ സ്റ്റേഷനുകളില്‍ നിന്ന് ആരംഭിക്കും. നിലവില്‍ രാവിലെ 7.30നാണ് ഞായറാഴ്ച്ചകളില്‍ സര്‍വ്വീസ് ആരംഭിച്ചിരുന്നത്. സമയം ദീര്‍ഘിപ്പിച്ചതിനാല്‍ സര്‍വീസുകളുടെ എണ്ണവും വര്‍ധിക്കും. ഇത് ഉദ്യോഗാര്‍ത്ഥികള്‍ക്ക് ഗുണകരമാകും.

Kerala116 days ago

ലാറ്ററല്‍ എന്‍ട്രി നിയമന നീക്കം ഉപേക്ഷിച്ച് കേന്ദ്ര സര്‍ക്കാര്‍

ലാറ്ററല്‍ എന്‍ട്രി വഴി കേന്ദ്രസര്‍ക്കാരിലെ ഉന്നത പദവികളില്‍ നിയമനം നടത്താന്‍ ലക്ഷ്യമിട്ട് അപേക്ഷ ക്ഷണിച്ചുകൊണ്ടുള്ള പരസ്യം റദ്ദാക്കാന്‍ UPSCയ്ക്ക് കേന്ദ്ര സര്‍ക്കാര്‍ കത്തയച്ചു. പ്രധാനമന്ത്രി നരേന്ദ്ര മോദി നിര്‍ദേശിച്ചത് അനുസരിച്ച് കേന്ദ്രമന്ത്രി ജിതേന്ദ്ര സിങ് ആണ് UPSCയ്ക്ക് കത്തയച്ചത്. ലാറ്ററല്‍ എന്‍ട്രി വഴി കേന്ദ്രസര്‍ക്കാരിലെ 45 തസ്തികകളിലേക്ക് അപേക്ഷ ക്ഷണിച്ചുകൊണ്ടുള്ള പരസ്യമാണ് നല്‍കിയിരുന്നത്. പ്രതിപക്ഷത്തിന്റെയും NDA സഖ്യകക്ഷികളായ JDU, LJP എന്നിവയുടെ ഭാഗത്ത് നിന്നും ശക്തമായ പ്രതിഷേധം ഉയര്‍ന്നുവന്നതിനെ തുടര്‍ന്നാണ് നടപടി.Read More

National125 days ago

UPSC പരീക്ഷ: കൊച്ചി മെട്രോ ഞായറാഴ്ച അധിക സർവീസ് ഒരുക്കും

ഓഗസ്റ്റ് 11 ഞായറാഴ്ച്ച UPSC പരീക്ഷ നടക്കുന്നതിനാൽ കൊച്ചി മെട്രോ സർവീസ് സമയം ദീർഘിപ്പിക്കുന്നു. പരീക്ഷയെഴുതുന്നവർക്ക് കൃത്യ സമയത്ത് തന്നെ പരീക്ഷാ സെന്ററിൽ എത്തുന്നതിനായി കൊച്ചി മെട്രോ ആലുവ, തൃപ്പൂണിത്തുറ ടെർമിനൽ സ്റ്റേഷനുകളിൽ നിന്ന് ഞായറാഴ്ച്ച രാവിലെ 7 മണി മുതൽ സർവീസ് ആരംഭിക്കും. സാധാരണ കൊച്ചി മെട്രോ രാവിലെ 7:30 നാണ് ഞായറാഴ്ച്ചകളിൽ സർവീസ് ആരംഭിച്ചിരുന്നത്.

Kerala137 days ago

കൊച്ചി മെട്രോ ഇന്നും നാളെയും അധിക സര്‍വീസ് നടത്തും

കര്‍ക്കടക വാവ് പ്രമാണിച്ചാണ് ഇന്നും നാളെയും സര്‍വീസ് സമയം കൂട്ടിയിരിക്കുന്നത്. ഇന്ന് തൃപ്പൂണിത്തുറയില്‍ നിന്ന് ആലുവയിലേക്ക് രാത്രി 11 നും 11.30 നും സര്‍വീസ് ഉണ്ടാകും. നാളെ ആലുവയില്‍ നിന്ന് തൃപ്പൂണിത്തുറയിലേക്ക് പുലര്‍ച്ചെ 5 നും 5.30 നും സര്‍വീസ് ഉണ്ടാകും. അതേസമയം ആലുവ മഹാദേവ ക്ഷേത്രത്തില്‍ കര്‍ക്കടക വാവിനോട് അനുബന്ധിച്ചുള്ള ബലിതര്‍പ്പണ ചടങ്ങുകള്‍ക്കായുള്ള ഒരുക്കങ്ങള്‍ അവസാനഘട്ടത്തിലാണ്.

Kerala144 days ago

തൃപ്പൂണിത്തുറ – കാക്കനാട് – കളമശേരി മെട്രോ റെയിലിന് നിർദേശം

തൃപ്പൂണിത്തുറയിൽ നിന്ന് കാക്കനാട് വഴി കളമശേരി വരെ പുതിയ മെട്രോ റെയിലിന് വിശാല കൊച്ചി കരട് മൊബിലിറ്റി പ്ലാനിൽ നിർദേശം. കൂടാതെ മെട്രോ ആലുവയിൽ നിന്ന് അങ്കമാലി വരെ ദീർഘിപ്പിക്കണം എന്നും റിപ്പോർട്ടിൽ നിർദേശമുണ്ട്. കൊച്ചി നഗരത്തിന്റെ ഇനിയുള്ള വളർച്ച ഈ മേഖല കേന്ദ്രീകരിച്ചയിരിക്കും. അതിനാൽ തൃപ്പൂണിത്തറ സീപോർട്ട് എയർപോർട്ട് റോഡ് വഴി കളമശേരിയുമായി ബന്ധിപ്പിച്ച് മെട്രോ റെയിൽ സർവീസ് അനിവാര്യമാണെന്ന് മൊബിലിറ്റി പ്ലാൻ തയ്യാറാക്കിയ അർബൻ മാസ് ട്രാൻസിറ്റ് കമ്പനിയുടെ ശുപാർശ.

Kerala150 days ago

തട്ടിപ്പ് തടയാന്‍ പുതിയ സാങ്കേതികവിദ്യകള്‍ ഉപയോഗിച്ച് പരീക്ഷാസംവിധാനം പരിഷ്‌കരിക്കാനൊരുങ്ങി UPSC

സര്‍ക്കാര്‍ പരീക്ഷകളിലെ ചോദ്യപ്പേപ്പര്‍ ചോര്‍ച്ചയും തട്ടിപ്പുകളും വിവാദമായിരിക്കുന്നതിനിടെ പരീക്ഷാ സംവിധാനം പരിഷ്‌കരിക്കുന്നതിന് നൂതന ഡിജിറ്റല്‍ സാങ്കേതികവിദ്യകള്‍ പ്രയോജനപ്പെടുത്താനൊരുങ്ങി യൂണിയന്‍ പബ്ലിക് സര്‍വീസ് കമ്മീഷന്‍ (UPSC). പരീക്ഷാവേളയിലെ ആള്‍മാറാട്ടവും തട്ടിപ്പുകളും തടയാന്‍ ആധാര്‍ അടിസ്ഥാനമാക്കിയുള്ള ഫിംഗര്‍പ്രിന്റ് ഓതന്റിക്കേഷന്‍, ഫേഷ്യല്‍ റെക്കഗിനിഷന്‍, AI ഉപയോഗിച്ചുളള CCTV നിരീക്ഷണം, ഇ-അഡ്മിറ്റ് കാര്‍ഡുകളുടെ QR കോഡ് സ്‌കാനിംഗ് എന്നിവയുള്‍പ്പെടെ ഏര്‍പ്പെടുത്താനാണ് UPSC പദ്ധതിയിടുന്നത്.

Education151 days ago

കനത്ത മഴയില്‍ കൊച്ചി മെട്രോ ട്രാക്കിലേക്ക് ഫ്‌ളക്‌സ് ബോര്‍ഡ് മറിഞ്ഞു വീണു; സര്‍വീസ് തടസ്സപ്പെട്ടു

നഗരത്തില്‍ ശക്തമായ മഴയും കാറ്റുമാണ് അനുഭവപ്പെടുന്നത്. ഇതേതുടര്‍ന്ന് കലൂര്‍ മെട്രോ സ്‌റ്റേഷനും ടൗണ്‍ ഹാള്‍ മെട്രോ സ്‌റ്റേഷനും ഇടയില്‍ ഫ്‌ളക്‌സ് ബോര്‍ഡ് മറിഞ്ഞ് വീണ് അപകടമുണ്ടായി. ഇതോടെ ഈ റൂട്ടിലെ സര്‍വീസ് നിര്‍ത്തിവെച്ചു. എറണാകുളം സൗത്ത് - കടവന്ത്ര സ്റ്റേഷന് ഇടയിലുള്ള മെട്രോ ട്രാക്കിലേക്ക് ടര്‍പ്പോളിനും മറിഞ്ഞു വീണു. രണ്ട് ഭാഗത്തേക്കുമുള്ള ട്രെയിന്‍ സര്‍വീസ് 15 മിനിറ്റോളം നിര്‍ത്തിവെച്ചു.

Kerala158 days ago

യാത്രക്കാരുടെ എണ്ണത്തിലെ വർധനവ്: സർവീസുകൾ കൂട്ടാനൊരുങ്ങി കൊച്ചി മെട്രോ

വർധിച്ചുവരുന്ന യാത്രക്കാരുടെ എണ്ണം കണക്കിലെടുത്ത് കൊച്ചി മെട്രോ സർവീസുകൾ കൂട്ടാനൊരുങ്ങുന്നു. ജൂലൈ 15 തിങ്കളാഴ്ച മുതൽ അധികമായി 12 സർവീസുകൾ കൂടി ആരംഭിക്കുമെന്ന് CMRL അറിയിച്ചു. കഴിഞ്ഞ 10 ദിവസമായി കൊച്ചി മെട്രോയിൽ പ്രതിദിനം ഒരു ലക്ഷത്തിലധികം ആളുകളാണ് യാത്ര ചെയ്തത്. ഇതിനാലാണ് CMRL സർവീസുകൾ കൂട്ടാൻ തീരുമാനിച്ചത്. 2024 ജനുവരി ഒന്നുമുതൽ ജൂൺ 30 വരെ 1,64,27,568 പേർ കൊച്ചി മെട്രോയിൽ യാത്ര ചെയ്തു. സർവീസുകൾ കൂട്ടുന്നതിലൂടെ യാത്രക്കാരുടെ തിരക്ക് ലഘൂകരിക്കാനും ട്രെയിനുകൾക്കിടയിലുള്ള കാത്തിരിപ്പ് സമയം കുറയ്ക്കാനും കഴിയുമെന്നാണ് CMRL പ്രതീക്ഷിക്കുന്നത്.

Kerala164 days ago