പൈനാപ്പിളിന് മൊത്ത വിപണിയിൽ കിലോയ്ക്ക് 60 രൂപ വരെയെത്തി

വിപണിയില്‍ ഡിമാൻഡ് കൂടിയതോടെ പൈനാപ്പിൾ പഴത്തിന് മൊത്ത വിപണിയിൽ വില ഉയര്‍ന്നു. മറ്റ് സംസ്ഥാനങ്ങളിലേക്ക് വലിയ തോതിൽ ചരക്ക് കയറിപോകുന്നതും കടുത്ത വേനലിന് പിന്നാലെ വിഷു കൂടി എത്തിയതും പൈനാപ്പിൾ വില കൂടാൻ കാരണമായി. മഹാരാഷ്ട്ര, ആന്ധ്രാ പ്രദേശ് എന്നീ സംസ്ഥാനങ്ങളിലേക്കാണ് കൂടുതലായി കേരളത്തില്‍ നിന്ന് പൈനാപ്പിൾ കയറ്റി അയയ്ക്കുന്നത്. സംസ്ഥാനത്ത് ചില്ലറ വിപണിയില്‍ വില 70 രൂപ മുതൽ 80 രൂപ വരെ എത്തിയിട്ടുണ്ട്. കിലോഗ്രാമിന് 25 രൂപ വരെ വില ഇടിഞ്ഞ് കനത്ത പ്രതിസന്ധിയിലായിരുന്ന കർഷകർക്ക് പൈനാപ്പിൾ വിലയിലെ ഇപ്പോഴത്തെ കുതിപ്പ് ആശ്വാസം പകരുന്നു.

Kerala253 days ago

ഇത്തവണത്തെ ഓണത്തിന് 2000 ഓണച്ചന്തകളുമായി കൃഷിവകുപ്പ്

പൊതുവിപണിയില്‍ കാര്‍ഷികോല്‍പ്പന്നങ്ങള്‍ക്ക് വിലവര്‍ധിക്കുന്ന സാഹചര്യം കണക്കിലെടുത്താണ് എല്ലാ ഗ്രാമപ്പഞ്ചായത്ത്, നഗരസഭ, കോര്‍പ്പറേഷന്‍ പരിധിയിലും കുറഞ്ഞത് ഒരു ഓണവിപണിയെങ്കിലും നടത്താനാണ് കൃഷി വകുപ്പ് തീരുമാനിച്ചിരിക്കുന്നത്. 1076 വിപണി കൃഷിവകുപ്പ് നേരിട്ടും 160 എണ്ണം VFPCK വഴിയും 764 എണ്ണം ഹോര്‍ട്ടികോര്‍പ്പ് വഴിയുമാണ് പ്രവര്‍ത്തിക്കുക. സെപ്റ്റംബര്‍ 11 മുതല്‍ 14 വരെയാണ് ഓണച്ചന്ത. കര്‍ഷകരില്‍ നിന്ന് നേരിട്ടും ഹോര്‍ട്ടികോര്‍പ്പില്‍ നിന്നും ഉല്‍പ്പന്നങ്ങള്‍ സംഭരിക്കും.

Kerala126 days ago

കർഷക നേതാക്കൾ രാഹുൽ ഗാന്ധിയുമായി കൂടിക്കാഴ്ച നടത്തി

കർഷക സംഘടനാ നേതാക്കൾ പാർലമെന്റിലെത്തി പ്രതിപക്ഷ നേതാവ് രാഹുൽ ഗാന്ധിയുമായി കൂടിക്കാഴ്ച നടത്തി. പഞ്ചാബ്, ഹരിയാന, ഉത്തർപ്രദേശ്, തെലങ്കാന, തമിഴ്‌നാട്, കർണാടക എന്നീ സംസ്ഥാനങ്ങളിൽ നിന്നുള്ള 12 കർഷക സംഘടനാ പ്രതിനിധികളാണ് രാഹുൽ ഗാന്ധിയെ സന്ദർശിച്ചത്. മിനിമം താങ്ങുവില ഉയർത്തുക, അതിന് നിയമ പരിരക്ഷ നൽകുക തുടങ്ങിയ കർഷകരുടെ ദീർഘകാല ആവശ്യങ്ങൾ നടപ്പാക്കാൻ പാർലമെന്റിൽ സ്വകാര്യ ബിൽ അവതരിപ്പിക്കാൻ കർഷകർ രാഹുലിനോട് ആവശ്യപ്പെട്ടെന്നാണ് റിപ്പോർട്ട്. Read More

National152 days ago

കേന്ദ്ര ബജറ്റ്: കാര്‍ഷിക മേഖലയ്ക്ക് ഊന്നല്‍

കാര്‍ഷിക മേഖലയ്ക്കായി 1.52 ലക്ഷം കോടി രൂപ വകയിരുത്തി. 6 കോടി കര്‍ഷകരുടെയും ഭൂമിയുടെയും വിവരം ശേഖരിക്കുകയും വിവരങ്ങള്‍ കര്‍ഷകഭൂമി രജിസ്ട്രിയില്‍ ഉള്‍പ്പെടുത്തുകയും ചെയ്യും. മൂന്ന് വര്‍ഷത്തിനകം 400 ജില്ലകളില്‍ വിള സര്‍വേ നടപ്പാക്കും. കാലാവസ്ഥ മാറ്റത്തെ ചെറുക്കാനുള്ള പുത്തന്‍ വിളകള്‍ വികസിപ്പിക്കാനും കാര്‍ഷിക രംഗത്ത് ഗവേഷണത്തിനും പ്രത്യേക പദ്ധതി നടപ്പിലാക്കുമെന്ന് ധനമന്ത്രി പറഞ്ഞു. അഞ്ച് സംസ്ഥാനങ്ങളില്‍ കൂടി കിസാന്‍ ക്രെഡിറ്റ് കാര്‍ഡ് കൊണ്ടു വരും.

National153 days ago

വീണ്ടും ഡല്‍ഹി മാര്‍ച്ചിനൊരുങ്ങി കര്‍ഷകര്‍

ഡല്‍ഹിയിലെ ജന്തര്‍ മന്തറിലോ രാംലീല മൈതാനത്തിലോ സമാധാനപരമായ പ്രതിഷേധം തുടരുമെന്ന് ഭാരതീയ കിസാന്‍ യൂണിയന്‍ ഏക്താ സിദ്ധുപൂര്‍ പ്രസിഡന്റ് ജഗ്ജീത് സിംഗ് ദല്ലേവാള്‍ അറിയിച്ചു. ഡല്‍ഹിയിലേക്കുള്ള കര്‍ഷക മാര്‍ച്ച് തടയാന്‍ ശംഭു അതിര്‍ത്തിയില്‍ ഹരിയാന സര്‍ക്കാര്‍ സ്ഥാപിച്ച ബാരിക്കേഡുകള്‍ നീക്കാന്‍ പഞ്ചാബ്-ഹരിയാന ഹൈക്കോടതി സംസ്ഥാന സര്‍ക്കാരിനോട് നിര്‍ദേശിച്ചിട്ടുണ്ട്. ഇതിന് പിന്നാലെയാണ് കര്‍ഷകര്‍ വീണ്ടും മാര്‍ച്ചിന് തയ്യാറെടുക്കുന്നത്. വിളകള്‍ക്ക് മിനിമം താങ്ങുവില ഉള്‍പ്പെടെ വിവിധ ആവശ്യങ്ങള്‍ ഉന്നയിച്ചാണ് കര്‍ഷകര്‍ കേന്ദ്രത്തിനെതിരെ സമരം ചെയ്യുന്നത്.

National160 days ago

പുഞ്ചക്കൊയ്ത്ത് പൂര്‍ത്തിയായി; സംഭരിച്ചത് 1.22 ലക്ഷം ടണ്‍ നെല്ല്

ആലപ്പുഴയിലെ 27,196 ഹെക്ടര്‍ കൃഷിഭൂമിയില്‍ നിന്നാണ് വിളവെടുത്തത്. കുട്ടനാട്ടില്‍ ഉഷ്ണതരംഗം പുഞ്ചകൃഷിയെ ബാധിച്ചില്ലെന്നത് ആശ്വാസകരമാണ്. 31,321 കര്‍ഷകരില്‍ നിന്നാണ് ഇക്കുറി നെല്ല് സംഭരിച്ചത്. 345.57 കോടി രൂപയാണ് സംഭരിച്ച നെല്ലിന്റെ വില. കൃഷി ചെയ്തതില്‍ 94.7 ശതമാനം നെല്ലുമാത്രമാണ് കൊയ്യാനായത്. 5.3 ശതമാനം നെല്ല് പ്രതികൂല കാലാവസ്ഥയില്‍ നശിച്ചു. ഹെക്ടറിന് ശരാശരി 4.48 ടണ്‍ നെല്ലാണ് ലഭിച്ചത്.

Kerala196 days ago

കേരളത്തില്‍ പൈനാപ്പിള്‍ വില താഴേക്ക്

പൈനാപ്പിളിന് രണ്ടരയാഴ്ച കൊണ്ട് കിലോയ്ക്ക് 39 രൂപയാണ് കുറഞ്ഞത്. എന്നാല്‍ ഉത്തരേന്ത്യന്‍ സംസ്ഥാനങ്ങളില്‍ ഉഷ്ണതരംഗം തുടരുന്നതിനാല്‍ അവിടങ്ങളില്‍ നല്ല വിലയാണ് ലഭിക്കുന്നത്. അതിനാല്‍ കയറ്റി അയക്കുന്ന പൈനാപ്പിള്‍ പച്ച, സ്‌പെഷ്യല്‍ പച്ച എന്നിവയുടെ വിലയില്‍ കാര്യമായ ഇടിവ് ഉണ്ടായിട്ടില്ല. ഈ വര്‍ഷത്തെ കനത്ത ചൂടില്‍ ഉത്പാദനവും കുറഞ്ഞിട്ടുണ്ട്.

Kerala201 days ago

കൊടുംചൂട്, വരള്‍ച്ച; സംസ്ഥാനത്ത് 257 കോടിയുടെ കൃഷിനാശം

മാസങ്ങളായി സംസ്ഥാനത്ത് തുടരുന്ന കനത്തചൂടിലും വരള്‍ച്ചയിലും 23,021 ഹെക്ടര്‍ പ്രദേശത്തെ കൃഷി നശിക്കുകയും 257 കോടിയുടെ പ്രത്യക്ഷ നഷ്ടമുണ്ടാകുകയും ചെയ്തു. 56947 കര്‍ഷകരെ വരള്‍ച്ച നേരിട്ട് ബാധിച്ചതായാണ് വിലയിരുത്തല്‍. 23569 ഹെക്ടറിലായി 250 കോടിയുടെ ഉല്‍പാദനനഷ്ടംകൂടി കണക്കാക്കുമ്പോള്‍ കാര്‍ഷികമേഖലയുടെ ആകെ നഷ്ടം 500 കോടിയിലധികമാകുമെന്നും വരള്‍ച്ച വിലയിരുത്താന്‍ കൃഷി വകുപ്പ് നിയോഗിച്ച വിദഗ്ധസമിതി വിലയിരുത്തി.

Kerala222 days ago

കൊക്കോ വില ഉയരുന്നു

ആഗോളതലത്തിൽ കൊക്കോ ക്ഷാമം രൂക്ഷമായത് വില ഉയർത്തി ചരക്ക്‌ സംഭരിക്കാൻ ചോക്ലറ്റ്‌ നിർമാതാക്കളെ പ്രേരിപ്പിക്കുന്നു. കഴിഞ്ഞ ആഴ്ച കൊക്കോ വില കിലോയ്ക്ക് 1000 രൂപ എന്ന എക്കാലത്തെയും ഉയര്‍ന്ന നിലവാരത്തില്‍ എത്തിയിരുന്നു. ചോക്ലറ്റ്‌ നിർമാണത്തിൽ ഒഴിച്ചു കൂടാനാവാത്ത വിഭവമായതുകൊണ്ട് കൊക്കോ ശേഖരിക്കാൻ ബഹുരാഷ്‌ട്ര കമ്പനികൾ അന്താരാഷ്ട്രതലത്തിൽ വില ഉയർത്തി ചരക്ക്‌ സംഭരിക്കുന്ന പ്രവണതയാണ് കാണുന്നത്. കേരളം കൂടാതെ തമിഴ്‌നാട്‌, കർണാടകം, ആന്ധ്ര സംസ്ഥാനങ്ങളിലും കൊക്കോ കൃഷി ചെയ്യുന്നുണ്ട്.Read More

Business237 days ago

കുരുമുളകിനും ഏലത്തിനും വില വര്‍ധിക്കുന്നു

കുരുമുളക് ഗാർബിൾഡ് ഇനത്തിന് വില ക്വിന്റലിന് 58,000 രൂപയും അൺഗാർബിൾഡ് ഇനത്തിന് വില ക്വിന്റലിന് 56,000 രൂപയുമായി. 1640 രൂപയായിരുന്ന ഏലത്തിന്റെ വില കിലോയ്‌ക്ക് 2000 രൂപയ്ക്ക് മുകളിലായി. അതേസമയം കാർഷികോല്‍പ്പന്നങ്ങളുടെ വില വര്‍ധിക്കുമ്പോഴും ഉല്‍പ്പാദനം കുറയുന്നത് കർഷകര്‍ക്ക് ഇരുട്ടടിയാകുന്നു. ഏക്കറുകണക്കിന് കുരുമുളകും ഏലവും കടുത്ത വേനല്‍ ചൂടിൽ നശിച്ചതായി കര്‍ഷകര്‍ പറയുന്നു.Read More

Business241 days ago

ചരിത്രത്തിലെ ഏറ്റവും ഉയർന്ന വിലയില്‍ റോബസ്റ്റ കാപ്പി

50 കിലോഗ്രാം ഉള്ള ഒരു ചാക്ക് റോബസ്റ്റക്ക് 10,080 രൂപയായി ആണ് വില ഉയര്‍ന്നത്. ആഗോളതലത്തിൽ കാലാവസ്ഥ വ്യതിയാനം കാരണം കാപ്പി കൃഷി ചെയ്യുന്ന മേഖലകളിൽ റോബസ്റ്റ കാപ്പിയുടെ ഉല്‍പ്പാദനം കുറഞ്ഞതാണ് ഇന്ത്യയിലെ കർഷകർക്ക് ഗുണകരമായത്. ഏറ്റവും കൂടുതൽ റോബസ്റ്റ കാപ്പി കൃഷി ചെയ്യുന്ന രാജ്യങ്ങളായ വിയറ്റ്നാം, ഇൻഡോനേഷ്യ എന്നിവിടങ്ങളിൽ കാപ്പി കൃഷി നിര്‍ത്തിയതും അന്താരാഷ്ട്ര തലത്തിൽ ഉല്‍പ്പാദനം കുറയുന്നതിന് കാരണമായി. 2500 രൂപ മുതൽ 3500 രൂപ വരെ ആയിരുന്നു കഴിഞ്ഞ 15 വർഷമായി റോബസ്റ്റ ഇനത്തിന് വില ലഭിച്ചിരുന്നത്.Read More

Business252 days ago