സല്‍മാന്‍ ഖാന്റെ വീടിന് നേരെ വെടിവെയ്പ്പ്; സുരക്ഷ ശക്തമാക്കി

ബോളിവുഡ് താരം സല്‍മാന്‍ ഖാന്റെ മുംബൈയിലെ ബാന്ദ്ര ഏരിയയിലുളള വീടിന് നേരെയാണ് വെടിവെയ്പ്പ് ഉണ്ടായത്. ഇന്നു പുലര്‍ച്ചെ അഞ്ചുമണിയോടെയായിരുന്നു സംഭവം. ബൈക്കിലെത്തിയ രണ്ട് അജ്ഞാതരാണ് മൂന്ന് റൗണ്ട് വെടിയുതിര്‍ത്ത ശേഷം രക്ഷപ്പെട്ടത്. സംഭവത്തെ തുടര്‍ന്ന് സല്‍മാന്‍ ഖാന്റെ വീടിന് പുറത്ത് സുരക്ഷ ശക്തമാക്കിയിട്ടുണ്ട്. ക്രൈംബ്രാഞ്ചും ഫോറന്‍സിക് സംഘവും സ്ഥലത്തെത്തി അന്വേഷണം ആരംഭിച്ചിട്ടുണ്ട്.

National256 days ago

ചിക്കാഗോയില്‍ ട്രെയിനില്‍ വെടിവെയ്പ്പ്; 4 പേര്‍ കൊല്ലപ്പെട്ടു

അമേരിക്കയിലെ ചിക്കാഗോയില്‍ ഫോറസ്റ്റ് പാര്‍ക്ക് ട്രെയിന്‍ സ്റ്റേഷനിലായിരുന്നു വെടിവെയ്പ്പ്. വെടിയേറ്റ മൂന്നു പേര്‍ സംഭവസ്ഥലത്തുവെച്ച് തന്നെ മരിച്ചു. ഒരാള്‍ ആശുപത്രിയില്‍ ചികിത്സയിലിരിക്കെയാണ് മെരിച്ചത്. അക്രമിയെ അറസ്റ്റ് ചെയ്തു. ഇയാളില്‍ നിന്ന് തോക്കും കണ്ടെടുത്തു.

World114 days ago

മൂവാറ്റുപുഴയില്‍ വീട്ടിനുള്ളില്‍ തര്‍ക്കം; ഒരാള്‍ക്ക് ഗുരുതര പരിക്ക്

ബന്ധുക്കള്‍ തമ്മിലുള്ള തര്‍ക്കത്തെ തുടര്‍ന്ന് അര്‍ധരാത്രിയോടെയാണ് വെടിവെയ്പ്പ് ഉണ്ടായത്. മൂവാറ്റുപുഴ കടാതി മംഗലത്ത് വീട്ടില്‍ നവീനും ബന്ധുവായ കിഷോറും തമ്മിലുണ്ടായ തര്‍ക്കത്തെ തുടര്‍ന്ന് കിഷോര്‍ കയ്യിലുണ്ടായിരുന്ന തോക്കെടുത്ത് നവീനെ വെടിവെയ്ക്കുകയായിരുന്നു. നവീന്‍ എറണാകുളത്തെ സ്വകാര്യ ആശുപത്രിയില്‍ ചികിത്സയിലാണ്. ലൈസന്‍സുള്ള തോക്ക് ഉപയോഗിച്ചായിരുന്നു വെടിയുതിര്‍ത്തതെന്ന് മൂവാറ്റുപുഴ പോലീസ് അറിയിച്ചു. സഹോദരിമാരുടെ മക്കളായ ഇരുവരും തമ്മില്‍ പല കാര്യങ്ങളിലും തര്‍ക്കം ഉണ്ടായിരുന്നതായും പോലീസ് പറയുന്നു.

Kerala125 days ago

ട്രംപിനെതിരായ വധശ്രമം; ആഭ്യന്തര തീവ്രവാദമായി കണക്കാക്കി അന്വേഷിക്കുമെന്ന് FBI

ട്രംപിനെതിരായ ആക്രമണത്തിന് പിന്നിലെ കാരണം വ്യക്തമല്ലെന്നും അക്രമിയുടെ ഉദ്ദേശ്യം കണ്ടെത്താന്‍ ശ്രമം തുടരുകയാണെന്ന് FBI അറിയിച്ചു. മാത്യു ക്രൂക്‌സ് എന്ന 20കാരന്‍ മാത്രമാണ് ആക്രമണത്തിന് പിന്നിലെന്നാണ് നിലവില്‍ സുരക്ഷാ ഉദ്യോഗസ്ഥര്‍ പറയുന്നത്. നഴ്‌സിങ് ഹോമില്‍ സഹായിയായി പ്രവര്‍ത്തിക്കുക ആയിരുന്നു അക്രമിയായ ക്രൂക്‌സ്. എട്ട് തവണ വെടിയുതിര്‍ത്ത ഇയാളെ സീക്രട്ട് സര്‍വീസിന്റെ സ്‌നൈപര്‍മാര്‍ വെചിവെച്ച് കൊലപ്പെടുത്തുകയും ചെയ്തു.

World164 days ago

USൽ കുട്ടികളുടെ വാട്ടർ പാർക്കിൽ വെടിവെയ്പ്പ്: നിരവധി പേർക്ക് പരിക്ക്

USലെ മിഷിഗണിലെ കുട്ടികളുടെ വാട്ടർ പാർക്കിൽ തോക്കുധാരി നടത്തിയ വെടിവെയ്പിൽ രണ്ട് കുട്ടികൾ ഉൾപ്പെടെ നിരവധി പേർക്ക് പരിക്കേറ്റു. ശനിയാഴ്ച US സമയം വൈകിട്ട് അഞ്ച് മണിയോടെയാണ് വെടിവെയ്പ്പ് ഉണ്ടായത്. സമീപത്തെ വീടിനുള്ളിൽ ഒളിച്ചിരിക്കുന്ന അക്രമിയെ പോലീസ് വളഞ്ഞതായി ഓക്‌ലാൻഡ് കൗണ്ടി ഷെരീഫ് മൈക്കൽ ബൗചാർഡ് പറഞ്ഞു. വെടിവെയ്പ്പിന് പിന്നിലെ കാരണം വ്യക്തമല്ല.

World193 days ago

സൽമാൻ ഖാനെ ആക്രമിക്കാൻ പദ്ധതിയിട്ടു; ബിഷ്‌ണോയി സംഘത്തിലെ 4 പേർ അറസ്റ്റിൽ

ബോളിവുഡ് താരം സൽമാൻ ഖാനെ അപായപ്പെടുത്താൻ ഗൂഢാലോചന നടത്തിയ ലോറൻസ് ബിഷ്‌ണോയ് സംഘത്തിലെ നാലുപേരെ മുംബൈ പോലീസ് അറസ്റ്റ് ചെയ്തു. ആക്രമണം നടത്താൻ സൽമാൻ ഖാൻ്റെ വീടിൻറെ പരിസരത്തും ഫാം ഹൗസിലും പ്രതികൾ നിരീക്ഷണം നടത്തിയിരുന്നതായി പോലീസ് പറഞ്ഞു. പൻവേലിലുള്ള താരത്തിന്റെ ഫാം ഹൗസിലേക്ക് പോകുംവഴി കാർ തടഞ്ഞ് ആക്രമിക്കാനാണ് പ്രതികൾ പദ്ധതിയിട്ടിരുന്നത്. ഇതിനായി ഇവർ പാകിസ്ഥാനിലെ ആയുധ വിതരണക്കാരിൽ നിന്ന് AK- 47, M- 16 തോക്കുകൾ അടക്കമുള്ള ആയുധങ്ങൾ വാങ്ങാൻ പദ്ധതിയിട്ടിരുന്നതായി പോലീസ് പറഞ്ഞു.

National208 days ago

ലണ്ടനില്‍ മലയാളിയായ 10 വയസുകാരിക്ക് വെടിയേറ്റു

പറവൂര്‍ ഗോതുരുത്ത് സ്വദേശികളായ ആനത്താഴത്ത് വിനയ, അജീഷ് ദമ്പതികളുടെ മകള്‍ ലിസ്സെല്‍ മരിയക്കാണ് വെടിയേറ്റത്. ലണ്ടനിലെ ഡാള്‍ട്ടണ്‍ കിങ്‌സ്ലാന്‍ഡ് ഹൈ സ്ട്രീറ്റിലെ റെസ്റ്റോറന്റിലായിരുന്നു സംഭവം. ബൈക്കില്‍ എത്തിയ സംഘം ഹോട്ടലിനോട് ചേര്‍ന്ന ജനലിന് നേരേ വെടിയുതിര്‍ക്കുകയായിരുന്നു. റെസ്‌റ്റോറന്റിലുണ്ടായിരുന്ന മറ്റൊരാളെയാണ് അക്രമികള്‍ ലക്ഷ്യം വെച്ചതെന്നാണ് വിവരം.Read More

World210 days ago

സല്‍മാന്‍ ഖാന്റെ വീടിനു നേരെ വെടിവെയ്പ്പ്; ലോറന്‍സ് ബിഷ്ണോയി സംഘാംഗം അറസ്റ്റില്‍

ബോളിവുഡ് നടന്‍ സല്‍മാന്‍ ഖാന്റെ വസതിക്ക് പുറത്ത് നടന്ന വെടിവെയ്പ്പുമായി ബന്ധപ്പെട്ട കേസില്‍ ലോറന്‍സ് ബിഷ്ണോയി സംഘത്തിലെ ഒരാളെ മുംബൈ ക്രൈംബ്രാഞ്ച് അറസ്റ്റ് ചെയ്തു. ഹരിയാനയിലെ ഫത്തേഹാബാദ് സ്വദേശിയായ ഹര്‍പാല്‍ സിംഗ് (34) ആണ് അറസ്റ്റിലായത്. വെടിവെപ്പ് കേസില്‍ അറസ്റ്റിലാകുന്ന ആറാമത്തെ ആളാണ് സിംഗ്. ഏപ്രില്‍ 14നാണ് മുംബൈയിലെ ബാന്ദ്ര ഏരിയയിലെ സല്‍മാന്‍ ഖാന്റെ ഗാലക്സി അപ്പാര്‍ട്ട്മെന്റിന് പുറത്ത് ബൈക്കിലെത്തിയ രണ്ട് പേര്‍ വെടിയുതിര്‍ത്തത്.

National226 days ago

സല്‍മാന്‍ ഖാന്റെ വീടിന് നേരെ വെടിവെയ്പ്പ്; പ്രതിയുടെ മരണം കൊലപാതകമാണെന്ന ആരോപണവുമായി കുടുംബം

ബോളിവുഡ് നടന്‍ സല്‍മാന്‍ ഖാന്റെ വീടിന് നേരെ വെടിയുതിര്‍ത്ത കേസിലെ പ്രതി ആത്മഹത്യ ചെയ്ത സംഭവത്തില്‍ പോലീസിനെതിരെ കുടുംബം. കേസിലെ പ്രതിയും പഞ്ചാബ് സ്വദേശിയുമായ അനൂജ് തപാനെ ജയിലില്‍ വെച്ച് കൊലപ്പെടുത്തിയെന്നാണ് സഹോദരന്‍ അഭിഷേക് ആരോപിക്കുന്നത്. കഴിഞ്ഞ ദിവസമാണ് അനുജ് ശുചിമുറിയില്‍ തൂങ്ങിമരിച്ചത്. ഏപ്രില്‍ 14ന് സല്‍മാന്‍ ഖാന്റെ വീടിന് പുറത്ത് വെടിവെയ്പ്പ് നടത്തിയവര്‍ക്ക് തോക്ക് നല്‍കിയത് അനൂജ് തപാനാണ്.

National238 days ago

സൽമാൻ ഖാന്‍റെ വീടിന് പുറത്ത് വെടിയുതിർത്ത കേസ്: പ്രതികളില്‍ ഒരാൾ ആത്മഹത്യ ചെയ്തു

ഏപ്രിൽ 14 നാണ് നടന്‍ സൽമാൻ ഖാന്‍റെ മുംബൈയിലെ വീടിന് പുറത്ത് വെടിവെപ്പ് നടന്നത്. വെടിയുതിർത്ത വിക്കി ഗുപ്ത, സാഗർ പാൽ എന്നിവര്‍ക്ക് തോക്ക് വിതരണം ചെയ്ത രണ്ടു പേരില്‍ ഒരാളായ അനൂജ് തപാൻ (32) ആണ് പോലീസ് കസ്റ്റഡിയിൽ മരിച്ചത്. 2022 നവംബർ മുതൽ ഗുണ്ടാസംഘങ്ങളുടെ ഭീഷണിയെ തുടർന്ന് സൽമാൻ ഖാന് Y-Plus സുരക്ഷയാണ് അധികൃതര്‍ ഒരുക്കിയിട്ടുളളത്.

National239 days ago

സൽമാൻ ഖാൻ്റെ വീടിന് നേരെയുണ്ടായ വെടിവെയ്പ്പ്: രണ്ട് പേർ കൂടി അറസ്റ്റിൽ

ബോളിവുഡ് നടൻ സൽമാൻ ഖാൻ്റെ മുംബൈയിലെ വീടിന് നേരെയുണ്ടായ വെടിവെയ്പ്പുമായി ബന്ധപ്പെട്ട് പഞ്ചാബിൽ നിന്നുള്ള രണ്ട് പേരെ മുംബൈ പോലീസ് അറസ്റ്റ് ചെയ്തു. അക്രമികൾക്ക് വെടിവെയ്ക്കാനായി തോക്കും വെടിയുണ്ടകളും നൽകിയ സുഭാഷ് ചന്ദർ, അനൂജ് തപൻ എന്നിവരെയാണ് പോലീസ് അറസ്റ്റ് ചെയ്തത്. അതേസമയം വെടിവെയ്പ്പുമായി ബന്ധപ്പെട്ട് നേരത്തെ അറസ്റ്റിലായ രണ്ട് പേരുടെ പോലീസ് കസ്റ്റഡി മുംബൈ കോടതി ഏപ്രിൽ 29 വരെ നീട്ടി.

National244 days ago