ഇന്ത്യയില്‍ ഹെപ്പറ്റൈറ്റിസ് ബി, സി വൈറസ് ബാധിതരുടെ എണ്ണം വര്‍ധിക്കുന്നു

ഹെപ്പറ്റൈറ്റിസ് ബി, സി വൈറസ് ബാധിതരുടെ എണ്ണത്തില്‍ ഇന്ത്യ രണ്ടാം സ്ഥാനത്താണെന്നാണ് WHOയുടെ കണക്കുകളില്‍ പറയുന്നത്. ഏറ്റവും കൂടുതല്‍ രോഗബാധിതരുള്ളത് ചൈനയിലാണ്. ഇന്ത്യയില്‍ 2.98 കോടി ആളുകള്‍ ഹെപ്പറ്റൈറ്റിസ് ബി ബാധിച്ചവരും 55 ലക്ഷം പേര്‍ ഹെപ്പറ്റൈറ്റിസ് സി ബാധിച്ചവരുമാണ്. കരളിനെ ഗുരുതരമായി ബാധിക്കുന്ന രോഗമാണിത്. 2022ല്‍ ആഗോളതലത്തില്‍ 254 ദശലക്ഷം പേര്‍ ഹെപ്പറ്റൈറ്റിസ് ബിയും 50 ദശലക്ഷം ഹെപ്പറ്റൈറ്റിസ് സിയും ബാധിച്ചവരാണെന്നാണ് WHOയുടെ റിപ്പോര്‍ട്ടില്‍ പറയുന്നത്.

Health373 days ago

ഇന്ത്യയില്‍ ജീവിതശൈലി രോഗങ്ങളാണ് പ്രധാന മരണ കാരണമെന്ന് WHO

ഇന്ത്യ ഉള്‍പ്പെടെ 11 രാജ്യങ്ങളില്‍ അമിതഭാരവും ജീവിതശൈലി രോഗങ്ങളും വര്‍ധിക്കുന്നുവെന്ന് WHO വ്യക്തമാക്കി. ഇന്ത്യ, ഇന്തോനേഷ്യ, ബംഗ്ലാദേശ്, മാലദ്വീപ്, ഭൂട്ടാന്‍, മ്യാന്‍മര്‍, ശ്രീലങ്ക, തായ്ലന്‍ഡ്, എന്നിവിടങ്ങളില്‍ അഞ്ച് വയസിന് താഴെയുള്ള കുട്ടികളില്‍ 20 ലക്ഷം പേര്‍ അമിത ഭാരമുള്ളവരാണ്. 5 മുതല്‍ 19 വയസപവരെയുള്ളവരില്‍ 37.3 ദശലക്ഷം പേര്‍ക്ക് പൊണ്ണത്തടിയുണ്ടെന്നും WHOയുടെ റിപ്പോര്‍ട്ടില്‍ പറയുന്നു. പൊണ്ണത്തടിയും ജീവിതശൈലി രോഗങ്ങളും കാരണം ഹൃദ്രോഗം, പ്രമേഹം, അര്‍ബുദം തുടങ്ങിയവ പ്രതിരോധിക്കാന്‍ സര്‍ക്കാര്‍ ആരോഗ്യനയം പുനക്രമീകരിക്കണമെന്നും WHO ആവശ്യപ്പെട്ടു.

Health207 days ago

എംപോക്‌സ് വാക്‌സിന് അനുമതി നല്‍കി ലോകാരോഗ്യസംഘടന

ബവേറിയന്‍ നോര്‍ഡിക് കമ്പനി എംപോക്‌സിനെതിരെ പുറത്തിറക്കിയ വാക്‌സിനാണ് ലോകാരോഗ്യസംഘടന അനുമതി നല്‍കിയത്. ലോകത്തിന്റെ പലഭാഗങ്ങളിലും എംപോക്‌സ് വ്യാപിക്കുന്ന പശ്ചാത്തലത്തിലാണ് അനുമതി. പതിനെട്ട് വയസ്സും അതിനുമുകളിലും പ്രായമുള്ളവരിലാണ് വാക്‌സിന്‍ ഉപയോഗിക്കാന്‍ അനുമതിയുള്ളത്. രോഗവ്യാപനം അനിയന്ത്രിതമായാല്‍ പതിനെട്ടു വയസ്സിനു താഴെയുള്ളവരിലും ഉപയോഗിച്ചേക്കും.

Health216 days ago

കോവിഡ് പോലെയല്ല മങ്കിപോക്‌സിന്റെ വ്യാപനം നിയന്ത്രണവിധേയമാണെന്ന് WHO

മങ്കിപോക്‌സിന്റെ(എംപോക്‌സ്) പഴയതോ പുതിയതോ ആയ വകഭേദം കോവിഡുമായി താരതമ്യപ്പെടുത്താനാകില്ലെന്ന് ലോകാരോഗ്യ സംഘടനയുടെ യൂറോപ്പ് റീജിയണല്‍ ഡയറക്ടറായ ഹാന്‍സ് ക്ലൂഗ് വ്യക്തമാക്കി. എംപോക്‌സിന്റെ വ്യാപനം നിയന്ത്രണവിധേയമാണെന്നും എംപോക്‌സ് വ്യാപനം തടയാനുള്ള നടപടികളെ കുറിച്ച് അധികൃതര്‍ക്ക് അറിവുണ്ടെന്നും തീര്‍ച്ചയായും എംപോക്‌സിനെ ഒറ്റക്കെട്ടായി മറികടക്കാനാകുമെന്നും ഹാന്‍സ് പറഞ്ഞു. ആഫ്രിക്കന്‍ രാജ്യങ്ങളില്‍ വ്യാപകമാകുന്ന മങ്കിപോക്‌സിനെതിരെ ആഗോളതലത്തില്‍ ലോകാരോഗ്യ സംഘടന ആരോഗ്യ അടിയന്തരാവസ്ഥ പ്രഖ്യാപിച്ചിരുന്നു. ഇതേ തുടര്‍ന്ന് കോവിഡിന് സമാനമായ സാഹചര്യമുണ്ടാകുമോ എന്ന ആശങ്ക ഉയര്‍ന്നു വന്നിരുന്നു.

World241 days ago

ജാഗ്രത; കൊവിഡ് കേസുകളില്‍ വീണ്ടും വര്‍ധനവെന്ന് WHO

വിവിധ രാജ്യങ്ങളിലായി കഴിഞ്ഞ കുറച്ച് ആഴ്ചകളായി കൊവിഡ് കേസുകളില്‍ വര്‍ധനവ് ഉണ്ടായതായി ലോകാരോഗ്യ സംഘടന. കൊവിഡ് പോസിറ്റീവാകുന്നവരുടെ നിരക്ക് കൂടുന്നതായി WHO അറിയിച്ചു. 84 രാജ്യങ്ങളില്‍ നിന്നുള്ള റിപ്പോര്‍ട്ടുകളില്‍ നിന്നാണ് കൊവിഡ് പോസിറ്റീവാകുന്നവരുടെ എണ്ണം കഴിഞ്ഞ കുറച്ച് ആഴ്ചകളായി കൂടുന്നതായി കണ്ടെത്തിയത്. നിലവില്‍ അമേരിക്ക, യൂറോപ്പ്, വെസ്റ്റേണ്‍ പസഫിക് എന്നിവിടങ്ങളിലാണ് കൊവിഡ് വ്യാപനം കൂടുതലായിട്ടുള്ളത്. അധികം വൈകാതെ കൊവിഡിന്റെ തീവ്രമായ വകഭേദങ്ങള്‍ വന്നേക്കാമെന്നും WHO വ്യക്തമാക്കി.

Health252 days ago

കോംഗോയില്‍ മങ്കിപോക്‌സ് വ്യാപനം; ഇതുവരെ 511 മരണം

കോംഗോയില്‍ ഈ വര്‍ഷം മാത്രം 14000ത്തിലേറെ പേര്‍ക്കാണ് എംപോക്‌സ് അഥവാ മങ്കിപോക്‌സ് സ്ഥിരീകരിച്ചത്. ഇതേ തുടര്‍ന്ന് എല്ലാവരും ജാഗ്രത പുലര്‍ത്തണമെന്ന് WHOയുടെ ഡയറക്ടര്‍ ടെഡ്രോസ് അദാനോം പറഞ്ഞു. കോംഗോയുടെ അയല്‍ രാജ്യങ്ങളായ കെനിയ, റുവാന്‍ഡ, ഉഗാണ്ട എന്നിവിടങ്ങളിലും രോഗവ്യാപനമുണ്ട്. ഈ സാഹചര്യത്തില്‍ ആഗോള ആരോഗ്യ അടിയന്തിരാവസ്ഥ പ്രഖ്യാപിക്കേണ്ടതുണ്ടോ എന്നത് സംബന്ധിച്ച് WHOയില്‍ ചര്‍ച്ചകള്‍ നടക്കുകയാണെന്നാണ് റിപ്പോര്‍ട്ട്.

World253 days ago

ബംഗാളില്‍ നാല് വയസുകാരിയ്ക്ക് പക്ഷിപ്പനി സ്ഥിരീകരിച്ചു

അഞ്ച് വര്‍ഷത്തിന് ശേഷം രാജ്യത്ത് ആദ്യമായാണ് മനുഷ്യനില്‍ രോഗം സ്ഥിരീകരിച്ചത്. ലോകാരോഗ്യ സംഘടനയാണ് നാല് വയസുകാരിയുടെ രോഗബാധ സ്ഥിരീകരിച്ചത്. കുട്ടിയ്ക്ക് വീട്ടിലും ചുറ്റുപാടുകളിലുമായി കോഴിയുമായി സമ്പര്‍ക്കം ഉണ്ടായിരുന്നു. ശ്വാസകോശ സംബന്ധമായ പ്രശ്‌നങ്ങള്‍, കടുത്ത പനി, വയറുവേദന എന്നീ ലക്ഷണങ്ങളെ തുടര്‍ന്ന കഴിഞ്ഞ ഫെബ്രുവരിയിലാണ് രോഗിയെ ആശുപത്രിയില്‍ പ്രവേശിപ്പിച്ചത്. രോഗനിര്‍ണയവും ചികിത്സയും നടത്തി മൂന്ന് മാസത്തിന് ശേഷം കുട്ടിയെ ഡിസ്ചാര്‍ജ് ചെയ്തതായും WHO അറിയിച്ചു.

National311 days ago

എറണാകുളത്ത് മഞ്ഞപ്പിത്തം പടരുന്നു; കളമശ്ശേരിയിലും രോഗം സ്ഥിരീകരിച്ചു

വേങ്ങൂരിന് പിന്നാലെയാണ് കളമശ്ശേരിയിലും മഞ്ഞപ്പിത്തം സ്ഥിരീകരിച്ചിരിക്കുന്നത്. നോര്‍ത്ത് കളമശ്ശേരിയില്‍ കഴിഞ്ഞ രണ്ടാഴ്ചക്കുള്ളില്‍ 28 പേര്‍ക്കാണ് രോഗബാധ ഉണ്ടായത്. കഴിഞ്ഞ ഏപ്രില്‍ 17നാണ് വേങ്ങൂര്‍ പഞ്ചായത്തില്‍ ഹെപ്പറ്റൈറ്റിസ് എ വൈറസ് മൂലമുള്ള മഞ്ഞപ്പിത്തം ആദ്യമായി റിപ്പോര്‍ട്ട് ചെയ്തത്. വാട്ടര്‍ അതോറിറ്റി വിതരണം ചെയ്ത വെള്ളത്തില്‍ നിന്നുമാണ് രോഗം പടര്‍ന്നത് എന്നാണ് നിഗമനം. സംഭവത്തില്‍ ജില്ലാ കളക്ടര്‍ മജിസ്റ്റീരിയല്‍ അന്വേഷണം പ്രഖ്യാപിച്ചിരുന്നു.

Kerala336 days ago

മഞ്ഞപ്പിത്തം; പ്രതിരോധപ്രവര്‍ത്തനങ്ങള്‍ ഊര്‍ജിതമാക്കി ആരോഗ്യവകുപ്പ്

മഞ്ഞപ്പിത്തത്തിന്റെ വൈറസിന് ജനിതകമാറ്റം സംഭവിച്ചിട്ടുണ്ടോയെന്ന കാര്യം പരിശോധിക്കാന്‍ സാമ്പിളുകള്‍ ശേഖരിച്ച് തിരുവനന്തപുരത്തെ വൈറോളജി ഇന്‍സ്റ്റിറ്റ്യൂട്ടിലേക്ക് അയച്ചു. ജനിതകമാറ്റം വന്നിട്ടുണ്ടെങ്കില്‍ വൈറസിന്റെ ആക്രമണസ്വഭാവത്തിലും മാറ്റമുണ്ടാകാന്‍ സാധ്യതയുണ്ട്. ഈ വര്‍ഷം മലപ്പുറം ജില്ലയില്‍ മഞ്ഞപ്പിത്തം ബാധിച്ച് എട്ട് പേര്‍ മരിച്ചിരുന്നു. ജനുവരി മുതല്‍ 1032 മഞ്ഞപ്പിത്ത കേസുകളാണ് മലപ്പുറത്തുണ്ടായത്.

Health338 days ago

സംസ്ഥാനത്ത് മഞ്ഞപ്പിത്തം പടരുന്നു; ജാഗ്രതാ നിര്‍ദേശം നല്‍കി ആരോഗ്യമന്ത്രി

പ്രധാനമായും മലിനമായ വെള്ളത്തിലൂടെയാണ് മഞ്ഞപ്പിത്തം പകരുന്നതന്നും അതിനാല്‍ തിളപ്പിച്ചാറ്റിയ വെള്ളം മാത്രമേ കുടിക്കാവൂ എന്നും ആരോഗ്യമന്ത്രി വീണാ ജോര്‍ജ് പറഞ്ഞു. രോഗബാധിത പ്രദേശങ്ങളിലെ എല്ലാ കുടിവെള്ള സ്രോതസുകളിലും ക്ലോറിനേഷന്‍ നടത്താനും ഹോട്ടലുകളോട് തിളപ്പിച്ചാറ്റിയ വെള്ളം മാത്രം നല്‍കാനും നിര്‍ദേശം നല്‍കിയിട്ടുണ്ട്. മഞ്ഞപ്പിത്തത്തിന് സ്വയം ചികിത്സ പാടില്ല. എന്തെങ്കിലും രോഗലക്ഷണങ്ങള്‍ കണ്ടാല്‍ ഉടന്‍ തന്നെ ചികിത്സ തേടണമെന്നും മന്ത്രി അഭ്യര്‍ഥിച്ചു.

Kerala340 days ago

ഹൈപ്പറ്റൈറ്റിസ് വ്യാപനം: മലപ്പുറത്ത് കനത്ത ജാഗ്രത നിർദേശം

ജില്ലയിൽ ഹൈപ്പറ്റൈറ്റിസ് വ്യാപനം കുറഞ്ഞതായി ഇന്ന് ചേർന്ന അവലോകന യോഗത്തിന് ശേഷം ജില്ലാ മെഡിക്കൽ ഓഫീസർ അറിയിച്ചു. അതേസമയം യുവാക്കൾ മരിച്ചത് ആശങ്കാജനകമാണെന്ന് പറഞ്ഞ DMO ജനങ്ങൾ ആരോഗ്യ വകുപ്പ് പുറപ്പെടുവിക്കുന്ന മാനദണ്ഡങ്ങൾ കർശനമായി പാലിക്കണമെന്നും നിർദേശിച്ചു. ജില്ലയിൽ ഇതുവരെ 4000 ത്തോളം കേസുകൾ റിപ്പോർട്ട് ചെയ്തിട്ടുണ്ട് എന്ന് വ്യക്തമാക്കിയ DMO മുൻ മാസത്തെ അപേക്ഷിച്ച് രോഗവ്യാപനം കുറഞ്ഞെന്നും അറിയിച്ചു.

Kerala340 days ago