CAA ഇന്ത്യയുടെ ആഭ്യന്തര കാര്യം; USന് മറുപടിയുമായി ഇന്ത്യ

CAA നടപ്പാക്കുന്നതില്‍ ആശങ്ക രേഖപ്പെടുത്തിയ അമേരിക്കയുടെ പ്രസ്താവന തെറ്റായ വിവരം നല്‍കുന്നതും അനാവശ്യവുമെന്ന് വിദേശകാര്യ മന്ത്രാലയ വക്താവ് രണ്‍ധീര്‍ ജയ്സ്വാള്‍. പൗരത്വം നല്‍കുന്നതിനെക്കുറിച്ചുള്ളതാണ് CAA അല്ലാതെ പൗരത്വം എടുത്തു കളയുന്നതിനെക്കുറിച്ചുളളതല്ല. ഇന്ത്യയുടെ ബഹുസ്വര പാരമ്പര്യങ്ങളെക്കുറിച്ചും രാജ്യത്തിന്റെ വിഭജനാനന്തര ചരിത്രത്തെക്കുറിച്ചും പരിമിതമായ ധാരണയുള്ളവര്‍ അഭിപ്രായം പറയാതിരിക്കുന്നതാണ് നല്ലതെന്നും അദ്ദേഹം പറഞ്ഞു.

National401 days ago

ഇന്ത്യയുടെ ഏറ്റവും ശക്തമായ ബ്രാന്‍ഡ് അംബാസഡര്‍മാര്‍; യുഎസിലെ ഇന്ത്യക്കാരോട് മോദി

യുഎസിലെ ഇന്ത്യന്‍ സമൂഹത്തെ അഭിസംബോധന ചെയ്ത് പ്രധാനമന്ത്രി നരേന്ദ്ര മോദി. പ്രവാസികള്‍ ഇന്ത്യയുടെ ബ്രാന്‍ഡ് അംബാസഡര്‍മാരാണ്. അതുകൊണ്ടാണ് അവരെ രാഷ്ട്രദൂതര്‍ എന്ന് വിളിക്കുന്നതെന്നും മോദി പറഞ്ഞു. ഡസന്‍ കണക്കിന് ഭാഷകളും ലോകത്തിലെ എല്ലാ വിശ്വാസങ്ങളും മതങ്ങളും ഉള്ള ഒരു രാജ്യമാണ് ഇന്ത്യ. എന്നിട്ടും ഞങ്ങള്‍ ഐക്യത്തോടെ മുന്നോട്ട് പോകുന്നുവെന്നും അദ്ദേഹം കൂട്ടിച്ചേര്‍ത്തു.

National210 days ago

യുഎസിലെ അലബാമയിൽ വെടിവെയ്പ്പ്; 4 പേർ കൊല്ലപ്പെട്ടു

യുഎസിലെ അലബാമയിൽ നടന്ന കൂട്ട വെടിവയ്പ്പിൽ നാല് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. അലബാമയിലെ ബർമിംഗ്ഹാമിലെ ഫൈവ് പോയിൻ്റ് സൗത്ത് ഏരിയയിലാണ് വെടിവെയ്പുണ്ടായത്. ശനിയാഴ്ച രാത്രി പ്രാദേശിക സമയം 11 മണിയോടെയായിരുന്നു സംഭവം. ഒന്നിലധികം തോക്കുധാരികൾ ആൾക്കൂട്ടത്തിന് നേരെ വെടിയുതിർക്കുകയായിരുന്നു. മൂന്ന് പേർ സംഭവ സ്ഥലത്ത് വെച്ചും ഒരാൾ ആശുപത്രിയിൽ വെച്ചുമാണ് മരിച്ചത്. ബർമിംഗ്ഹാം പോലീസും അഗ്നിശമന സേനാംഗങ്ങളും സംഭവസ്ഥലത്തെത്തി വിശദമായ അന്വേഷണം നടത്തി വരികയാണ്.

World210 days ago

യുഎസില്‍ ഇന്ത്യന്‍ എംബസി ഉദ്യോഗസ്ഥനെ മരിച്ച നിലയില്‍ കണ്ടെത്തി

ഇന്ത്യന്‍ എംബസി ഉദ്യോഗസ്ഥനെ വാഷിംഗ്ടണിലെ മിഷന്‍ പരിസരത്ത് ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. കുടുംബത്തിന്റെ സ്വകാര്യതയെ ഓര്‍ത്ത് മരണപ്പെട്ടയാളെ സംബന്ധിച്ച കൂടുതല്‍ വിവരങ്ങള്‍ പുറത്തുവിടുന്നില്ലെന്നും ഭൗതിക ശരീരം ഇന്ത്യയിലേക്ക് എത്തിക്കുന്നതിനായി ബന്ധപ്പെട്ട ഏജന്‍സികളുമായും കുടുംബാംഗങ്ങളുമായും ബന്ധപ്പെടുന്നുണ്ടെന്നും എംബസി ഔദ്യോഗിക പ്രസ്താവനയിലൂടെ അറിയിച്ചു. പോലീസും രഹസ്യാന്വേഷണ വിഭാഗവും സംഭവത്തില്‍ അന്വേഷണം നടത്തുന്നുണ്ട്.

National212 days ago

പൗരത്വ ഭേദഗതി നിയമം: പി. സന്തോഷ് കുമാർ MP നൽകിയ ഹർജിയിൽ സുപ്രീംകോടതി കേന്ദ്ര സർക്കാരിന് നോട്ടീസയച്ചു

പൗരത്വ ഭേദഗതി നിയമം നടപ്പാക്കുന്നതിനായി കേന്ദ്ര സർക്കാർ രൂപീകരിച്ച ചട്ടങ്ങളുടെ നിയമസാധുത ചോദ്യം ചെയ്ത് രാജ്യസഭാ MP പി. സന്തോഷ് കുമാർ നൽകിയ ഹർജിയിൽ ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ സുപ്രീംകോടതി ബെഞ്ച് കേന്ദ്ര സർക്കാരിന് നോട്ടീസയച്ചു. പൗരത്വ ഭേദഗതി നിയമം ചോദ്യം ചെയ്തുള്ള മറ്റ് ഹര്‍ജികള്‍ക്കൊപ്പം ഈ ഹര്‍ജിയും പരിഗണിക്കാമെന്ന് സുപ്രീംകോടതി അറിയിച്ചു. 2019ൽ പാർലമെൻ്റ് പാസാക്കിയ പൗരത്വ ഭേദഗതി നിയമം മതേതരമാക്കുന്നതിനായി സന്തോഷ് കുമാർ രാജ്യസഭയിൽ ഒരു സ്വകാര്യ ബിൽ അവതരിപ്പിച്ചിരുന്നു. സ്വകാര്യ ബില്ലിലെ നിര്‍ദേശങ്ങള്‍ കൂടി ഉള്‍പ്പെടുത്തിയാണ് സുപ്രീംകോടതിയില്‍ ഹർജി ഫയൽ ചെയ്തിരിക്കുന്നത്.Read More

National212 days ago

അമേരിക്കന്‍ കമ്പനികളുമായി 2,666 കോടി രൂപയുടെ കരാര്‍ ഒപ്പിട്ട് തമിഴ്‌നാട് സര്‍ക്കാര്‍

തമിഴ്‌നാട് മുഖ്യമന്ത്രി എം.കെ. സ്റ്റാലിന്റെ അമേരിക്കന്‍ സന്ദര്‍ശനത്തിനിടെയാണ് സംസ്ഥാനത്തിന്റെ വ്യാവസായിക-സാമ്പത്തിക മേഖലയുടെ ഉന്നമനം ലക്ഷ്യമിട്ടുള്ള കരാറുകള്‍ ഒപ്പുവെച്ചത്. ഇലക്ട്രോണിക്സ് നിര്‍മ്മാണ സേവനങ്ങളിലെ മുന്‍നിരക്കാരായ ജാബിലുമായും ലോകത്തിലെ തന്നെ ഏറ്റവും വലിയ വ്യാവസായിക ഓട്ടോമേഷന്‍ കമ്പനിയായ റോക്ക്വെല്‍ ഓട്ടോമേഷനുമായാണ് തമിഴ്‌നാട് ധാരണാപത്രങ്ങള്‍ ഒപ്പുവെച്ചത്. ഈ കരാറുകള്‍ സംസ്ഥാനത്ത് 2,666 കോടി രൂപയുടെ നിക്ഷേപം കൊണ്ടുവരുമെന്നും 5,365 തൊഴിലവസരങ്ങള്‍ സൃഷ്ടിക്കുമെന്നും തമിഴ്നാട് സര്‍ക്കാരിന്റെ പ്രസ്താവനയില്‍ പറയുന്നു.

National222 days ago

അമേരിക്കയില്‍ സ്‌കൂളില്‍ വെടിവെയ്പ്പ്; നാല് മരണം

ജോര്‍ജിയയിലെ വൈന്‍ഡര്‍ നഗരത്തിലെ അപലാച്ചി ഹൈസ്‌കൂളിലാണ് വെടിവെയ്പ്പുണ്ടായത്. വെടിവെയ്പ്പില്‍ രണ്ട് വിദ്യാര്‍ത്ഥികളുള്‍പ്പെടെ നാല് പേര്‍ കൊല്ലപ്പെട്ടു. ഒന്‍പത് പേര്‍ക്ക് പരുക്കേറ്റു. ഇതേ സ്‌കൂളിലെ വിദ്യാര്‍ത്ഥിയായ 14കാരനാണ് വെടിയുതിര്‍ത്തത്. പ്രതിയെ കസ്റ്റഡിയിലെടുത്തെന്നും കൊലപാതകകുറ്റം ചുമത്തുമെന്നും അധികൃതര്‍ അറിയിച്ചു. സംഭവത്തില്‍ അമേരിക്കന്‍ പ്രസിഡന്റ് ജോ ബൈഡന്‍ അനുശോചനം രേഖപ്പെടുത്തി.

World228 days ago

ബംഗ്ലാദേശിലെ കലാപത്തിന് പിന്നിൽ അമേരിക്ക: ഷെയ്ഖ് ഹസീന

ബംഗ്ലാദേശിലെ ആഭ്യന്തരയുദ്ധത്തിന് കാരണക്കാർ അമേരിക്കയാണെന്ന് ബംഗ്ലാദേശ് മുൻ പ്രധാനമന്ത്രി ഷെയ്ഖ് ഹസീന ആരോപിച്ചു. ബംഗാൾ ഉൾക്കടലിൻ്റെ വടക്കുകിഴക്കൻ ഭാഗത്തുള്ള സെൻ്റ് മാർട്ടിൻ ദ്വീപിൻ്റെ പരമാധികാരം അമേരിക്കയ്ക്ക് കൈമാറാത്തതിനാലാണ് തനിക്ക് അധികാരത്തിൽ നിന്ന് പുറത്താകേണ്ടി വന്നതെന്ന് ഷെയ്ഖ് ഹസീന പറഞ്ഞു. സെൻ്റ് മാർട്ടിൻ ദ്വീപിൻ്റെ പരമാധികാരം അമേരിക്കയ്ക്ക് വിട്ടുകൊടുത്തിരുന്നെങ്കിൽ തനിക്ക് അധികാരത്തിൽ തുടരാമായിരുന്നുവെന്നും തന്‍റെ രാജ്യത്ത് ശവക്കൂമ്പാരം കാണാതിരിക്കാനാണ് രാജിവെച്ചതെന്നും ഹസീന പറഞ്ഞു. രാജിക്ക് മുൻപ് രാജ്യത്തെ അഭിസംബോധന ചെയ്യാൻ തയ്യാറാക്കിയ പ്രസംഗത്തിലായിരുന്നു ഷെയ്ഖ് ഹസീന ഇക്കാര്യങ്ങൾ വിശദമാക്കിയത്.

World252 days ago

ഒളിമ്പിക്‌സ് 2024: വേഗരാജാവായി നോഹ ലൈല്‍സ്

പാരിസ് ഒളിമ്പിക്‌സിലെ പുരുഷന്മാരുടെ 100 മീറ്റര്‍ മത്സരത്തില്‍ അമേരിക്കന്‍ താരം നോഹ ലൈല്‍സിന് സ്വര്‍ണം. 9.79 സെക്കന്‍ഡിലാണ് താരം ഫിനിഷ് ചെയ്തത്. ജമൈക്കയുടെ കിഷെന്‍ തോംസണിനാണ് വെള്ളി. സെക്കന്‍ഡിന്റെ 5000ല്‍ ഒരു അംശത്തിനാണ് തോംസണ് സ്വര്‍ണമെഡല്‍ നഷ്ടമായത്. നോഹയുടെ ആദ്യ ഒളിമ്പിക് സ്വര്‍ണ മെഡലാണിത്. കൂടാതെ ഇരുപത് വര്‍ഷത്തിന് ശേഷമാണ് അമേരിക്കയില്‍ നിന്നും പുരുഷന്‍മാരുടെ നൂറു മീറ്ററില്‍ ഒരു ലോകചാമ്പ്യന്‍ ഉണ്ടായിരിക്കുന്നത്.

Sports259 days ago

രാജ്യത്തെ ഒന്നിപ്പിക്കാന്‍ പുതിയ തലമുറയ്ക്ക് വിളക്ക് കൈമാറുന്നു: ജോ ബൈഡന്‍

പ്രസിഡന്റ് തിരഞ്ഞെടുപ്പില്‍ നിന്ന് പിന്മാറിയതിന് ശേഷം ആദ്യമായി രാജ്യത്തെ അഭിസംബോധന ചെയ്ത് യുഎസ് പ്രസിഡന്റ് ജോ ബൈഡന്‍. മുന്നോട്ട് പോകാനുളള ഏറ്റവും നല്ല മാര്‍ഗം പുതിയ തലമുറയ്ക്ക് വെളിച്ചം കൈമാറുക എന്നതാണെന്ന് ഞാന്‍ തീരുമാനിച്ചു. നമ്മുടെ രാജ്യത്തെ ഒന്നിപ്പിക്കാനുള്ള ഏറ്റവും നല്ല മാര്‍ഗമാണിത്. പ്രസിഡന്റ് സ്ഥാനത്തേക്കുള്ള പോരാട്ടത്തില്‍ നിന്ന് പിന്മാറാനുള്ള തീരുമാനം ജനാധിപത്യത്തെ സംരക്ഷിക്കുന്നതാണെന്നും അദ്ദേഹം പറഞ്ഞു.

World270 days ago

ജമ്മുവിലേക്കും മണിപ്പൂരിലേക്കും യാത്ര വേണ്ട; പൗരന്മാരോട് അമേരിക്ക

ഇന്ത്യയിലുളള തങ്ങളുടെ പൗരന്മാര്‍ക്ക് യാത്രാ നിര്‍ദേശം നല്‍കി യുഎസ്. മണിപ്പൂര്‍, ജമ്മുകശ്മീര്‍, ഇന്ത്യ-പാക് അതിര്‍ത്തി, നക്‌സലൈറ്റുകള്‍ സജീവമായ രാജ്യത്തിന്റെ മധ്യകിഴക്കന്‍ ഭാഗങ്ങള്‍ എന്നിവിടങ്ങളിലേക്ക് യാത്ര ചെയ്യരുതെന്നാണ് യുഎസ് പൗരന്മാരോട് ആവശ്യപ്പെട്ടിരിക്കുന്നത്. തീവ്രവാദവും അക്രമവും നിലനില്‍ക്കുന്നതിനാല്‍ വടക്കുകിഴക്കന്‍ സംസ്ഥാനങ്ങളിലേക്കുള്ള യാത്ര പുനഃപരിശോധിക്കമെന്നും യുഎസ് നിര്‍ദേശം നല്‍കി.

National270 days ago