കേരളത്തിലെത്തുന്ന ആഭ്യന്തര സഞ്ചാരികളുടെ എണ്ണത്തില്‍ റെക്കോര്‍ഡ് വര്‍ധനവ്

2023ല്‍ കേരളത്തിലെത്തിയത് 2.18 കോടി പേരാണെന്ന് ടൂറിസം മന്ത്രി പി.എ മുഹമ്മദ് റിയാസ് പറഞ്ഞു. 2022ല്‍ 1.88 കോടി ആഭ്യന്തര സഞ്ചാരികളാണ് കേരളത്തിലെത്തിയതെങ്കില്‍ 2023ല്‍ 15.92 ശതമാനം വര്‍ധനവാണ് ആഭ്യന്തര സഞ്ചാരികളില്‍ ഉണ്ടായിട്ടുള്ളത്. ഏറ്റവും കൂടുതല്‍ സഞ്ചാരികള്‍ എത്തിയത് എറണാകുളം ജില്ലയിലാണ്. ഇടുക്കി, തിരുവനന്തപുരം, വയനാട് ജില്ലകളിലും വലിയ തോതില്‍ സഞ്ചാരികള്‍ എത്തിയിട്ടുണ്ട്.

Kerala294 days ago

ആദിവാസി മേഖലകളിൽ ടൂറിസം പദ്ധതികൾക്കായി 7.21 കോടി അനുവദിച്ചു

ആദിവാസി മേഖലകളിലെ നാല് ടൂറിസം പദ്ധതികൾക്കായാണ് തുക അനുവദിച്ചിരിക്കുന്നത്. ഇടുക്കിയിലെയും, വയനാട്ടിലെയും വംശീയ ടൂറിസം ഗ്രാമങ്ങൾക്ക് 1.84 കോടി രൂപ വീതവും, വയനാട് പ്രിയദർശിനി ടീ എൻവയോൺസിൽ ടൂറിസം പാർക്കിന് 59 ലക്ഷവും, കണ്ണൂർ ആറളം ഫാം ടൂറിസത്തിൽ അഗ്രി ടൂറിസം പാക്കേജിന് 2.94 കോടി രൂപയുമാണ് അനുവദിച്ചത്. വിനോദ സഞ്ചാരികൾക്ക് ഗോത്ര സംസ്കാരം, പ്രകൃതി ദൃശ്യങ്ങൾ, ഗോത്രവർഗ ജീവിത രീതികൾ എന്നിവയുടെ അനുഭവം നൽകാനും തദ്ദേശവാസികൾക്ക് സാമ്പത്തിക അവസരങ്ങൾ സൃഷ്ടിക്കാനുമാണ് പദ്ധതിയിലൂടെ ലക്ഷ്യമിടുന്നത്.

Kerala93 days ago

വയനാട് ദുരന്തം; കേന്ദ്രസഹായം വൈകാന്‍ കാരണം BJP നേതാക്കളുടെ കുത്തിതിരുപ്പെന്ന് മുഹമ്മദ് റിയാസ്

കേന്ദ്രസഹായം വൈകാന്‍ കാരണം കേരളത്തിലെ BJP നേതാക്കളുടെ കുത്തിതിരുപ്പാണെന്നും മറ്റിടങ്ങളില്‍ ദുരന്തം ഉണ്ടായപ്പോള്‍ സ്വീകരിച്ച അതേ മാനദണ്ഡങ്ങളാണ് കേരളവും പാലിച്ചതെന്നും മുഹമ്മദ് റിയാസ് പറഞ്ഞു. കൂടാതെ ഇടത് സര്‍ക്കാരിനോടുള്ള അന്ധമായ വിരോധമുള്ള ചില മാധ്യമങ്ങള്‍ വ്യാജവാര്‍ത്ത നല്‍കുകയാണെന്നും മന്ത്രി പറഞ്ഞു. വയനാട് ദുരന്തത്തില്‍ കേരള സര്‍ക്കാര്‍ ആവശ്യപ്പെട്ട ധനസഹായത്തെ പ്രധാനമന്ത്രി പോസിറ്റീവ് ആയാണ് പ്രതികരിച്ചത്. കേരളത്തിന് കിട്ടേണ്ടത് ഔദാര്യമല്ല അവകാശമാണെന്നും മുഹമ്മദ് റിയാസ് കൂട്ടിച്ചേര്‍ത്തു.

Kerala96 days ago

ഹോട്ടലുകളില്‍ ഡ്രൈവര്‍മാര്‍ക്ക് അടിസ്ഥാന സൗകര്യങ്ങള്‍ ഉറപ്പാക്കണം: ടൂറിസം വകുപ്പ്

സംസ്ഥാനത്തെ ഹോട്ടലുകള്‍, റിസോര്‍ട്ടുകള്‍, ഹോംസ്റ്റേകള്‍ എന്നിവിടങ്ങളില്‍ വിനോദ സഞ്ചാരികളുമായി എത്തുന്ന ഡ്രൈവര്‍മാര്‍ക്ക് ആവശ്യമായ താമസ, വിശ്രമ, ശുചിമുറി സൗകര്യങ്ങള്‍ ഒരുക്കുന്നതിനുളള നടപടികള്‍ കര്‍ശനമായി പാലിക്കണമെന്ന് ടൂറിസം വകുപ്പിന്റെ ഉത്തരവ്. നിബന്ധന പാലിക്കുന്ന താമസ സ്ഥലങ്ങളെ ആയിരിക്കും ടൂറിസം വകുപ്പിന്റെ ക്ലാസിഫിക്കേഷനില്‍ ഉള്‍പ്പെടുത്തുക. ടൂറിസം ഡയറക്ടര്‍ ഇത് സംബന്ധിച്ച നടപടിക്രമങ്ങള്‍ പരിശോധിക്കും.

Kerala112 days ago

വയനാട് ദുരന്തം: മൃതദേഹാവശിഷ്ടങ്ങളുടെ DNA പരിശോധന ഫലം നാളെ മുതൽ പുറത്തുവിടും

വയനാട്ടിലെ ചൂരൽമല - മുണ്ടക്കൈ മേഖലകളിലുണ്ടായ ഉരുൾപൊട്ടൽ ദുരന്തത്തിൽ കണ്ടെടുത്ത ശരീരഭാഗങ്ങളുടെയും തിരിച്ചറിയാൻ സാധിക്കാതിരുന്ന മൃതദേഹങ്ങളുടെയും DNA പരിശോധന ഫലങ്ങൾ നാളെ മുതൽ പരസ്യപ്പെടുത്തുമെന്ന് മന്ത്രി പി.എ. മുഹമ്മദ് റിയാസ് പറഞ്ഞു. ദുരന്തത്തിൽ കാണാതായവർക്കായുള്ള ജനകീയ തിരച്ചിൽ തുടരുമെന്നും ദുരന്തബാധിതരുടെ പുനരധിവാസത്തിനാണ് പ്രഥമ പരിഗണന നൽകുന്നതെന്നും മന്ത്രി കൂട്ടിച്ചേർത്തു. ഉരുൾപൊട്ടലിൽ ഇതുവരെ സർക്കാർ കണക്കുപ്രകാരം 229 പേരാണ് മരിച്ചത്. ഇതിൽ 178 മൃതദേഹങ്ങളെ തിരിച്ചറിഞ്ഞിട്ടുള്ളൂ.

Kerala134 days ago

ചാലിയാറിൽ നാളെയും മറ്റന്നാളും വിശദമായ തിരച്ചിൽ നടത്തും

വയനാട് ദുരന്തത്തിൽ കാണാതായവർക്കു വേണ്ടി മലപ്പുറം ജില്ലയിലെ ചാലിയാറിൽ വിശദമായ തിരച്ചിൽ നടത്തുമെന്ന് മന്ത്രിസഭാ ഉപസമിതി അംഗം പി.എ. മുഹമ്മദ് റിയാസ് പറഞ്ഞു. NDRF, അഗ്നിരക്ഷാ സേന, സിവിൽ ഡിഫൻസ് സേന, പോലീസ്, വനംവകുപ്പ് എന്നീ സേനകളടങ്ങുന്ന 60 അംഗ സംഘമാകും മുണ്ടേരി ഫാം മുതല്‍ പരപ്പന്‍പാറ വരെയുള്ള മേഖലകളില്‍ തിരച്ചിൽ നടത്തുക. സന്നദ്ധപ്രവർത്തകരെ ചാലിയാർ പുഴയുടെ തീരത്തുള്ള തിരച്ചിലിൽ പങ്കെടുപ്പിക്കില്ല. വനമേഖലയായ പാണൻകായത്തിൽ 10 സന്നദ്ധപ്രവർത്തകർ ഉൾപ്പെടെ 50 അംഗ സംഘം തിരച്ചിൽ നടത്തും.

Kerala134 days ago

പ്രധാനമന്ത്രിയുടെ സന്ദർശനത്തിൽ വയനാട്ടിലേത് ദേശീയ ദുരന്തമായി പ്രഖ്യാപിക്കുമെന്ന് കരുതുന്നു: മന്ത്രി മുഹമ്മദ് റിയാസ്

പ്രധാനമന്ത്രി നരേന്ദ്ര മോദി എത്തുമ്പോൾ വയനാട്ടിലെ ഉരുൾപൊട്ടൽ ദേശീയ ദുരന്തമായി പ്രഖ്യാപിക്കുമെന്നാണ് കരുതുന്നതെന്ന് മന്ത്രി പി.എ. മുഹമ്മദ് റിയാസ്. പ്രധാനമന്ത്രി കേരളത്തിൽ എത്തുമ്പോൾ മുഖ്യമന്ത്രിയുമായി ചർച്ച നടത്തും. കൂടാതെ ജനകീയ തിരച്ചിൽ വരും ദിവസങ്ങളിലും തുടരാനാണ് തീരുമാനമെന്നും മന്ത്രി അറിയിച്ചു.

Kerala136 days ago

പൊതുമരാമത്ത് വകുപ്പിന്റെ ക്വാർട്ടേഴ്സുകളിൽ ദുരന്തബാധിതർക്ക് താൽക്കാലിക താമസമൊരുക്കും: മന്ത്രി മുഹമ്മദ് റിയാസ്

വയനാട് ഉരുൾപൊട്ടലിൽ ദുരിതമനുഭവിക്കുന്നവരുടെ പുനരധിവാസം പൂർത്തിയാകുന്നത് വരെ ദുരിതാശ്വാസ ക്യാമ്പുകളിൽ കഴിയുന്നവർക്ക് പൊതുമരാമത്ത് വകുപ്പിന്റെ ഒഴിഞ്ഞുകിടക്കുന്ന ക്വാർട്ടേഴ്സുകൾ താമസത്തിന് സൗകര്യമൊരുക്കുമെന്ന് മന്ത്രി പി.എ. മുഹമ്മദ് റിയാസ്. സാധ്യമായ എല്ലാ ക്വാർട്ടേഴ്സുകളും ദുരന്തബാധിതര്‍ക്കായി നല്‍കുമെന്നും ക്വാർട്ടേഴ്സുകളുടെ പട്ടിക തയാറാക്കുകയാണെന്നും മന്ത്രി പറഞ്ഞു.

Kerala139 days ago

ഡിസാസ്റ്റര്‍ ടൂറിസത്തിന് കര്‍ശന നിയന്ത്രണം ഏര്‍പ്പെടുത്തുമെന്ന് മന്ത്രി മുഹമ്മദ് റിയാസ്

വയനാട്ടിലെ ദുരന്ത സ്ഥലങ്ങളിലെ അനാവശ്യ സന്ദര്‍ശനങ്ങള്‍ നടത്തുന്ന ഡിസാസ്റ്റര്‍ ടൂറിസം ഒരിക്കലും പ്രോത്സാഹിപ്പിക്കില്ലെന്നും കര്‍ശനമായ നിയന്ത്രണം ഏര്‍പ്പെടുത്തുമെന്നും പൊതുമരാമത്ത് വകുപ്പ് മന്ത്രി മുഹമ്മദ് റിയാസ് പറഞ്ഞു. ഇത്തരത്തിലുള്ള സന്ദര്‍ശനങ്ങള്‍ ദുരിതാശ്വാസ പ്രവര്‍ത്തനങ്ങള്‍ക്ക് പ്രശ്‌നമുണ്ടാക്കുന്നുണ്ട്. പലരും ദുരന്തം നടന്ന സ്ഥലം കണ്ടിട്ട് പോവുകയാണെന്നും ഒഴിഞ്ഞ് പോയ വീടുകളിലടക്കമെത്തി പലരും ദൃശ്യങ്ങള്‍ പകര്‍ത്തുയാണെന്നും മന്ത്രി പറഞ്ഞു. അതുകൊണ്ട് അനാവശ്യ സന്ദര്‍ശനങ്ങള്‍ ഒഴിവാക്കണമെന്നും മന്ത്രി കൂട്ടിച്ചേര്‍ത്തു.

Kerala142 days ago

മോശം കാലാവസ്ഥ വെല്ലുവിളി ഉയർത്തുന്നുണ്ടെങ്കിലും അർജുനായുള്ള രക്ഷാദൗത്യം തുടരും: മന്ത്രി പി.എ. മുഹമ്മദ് റിയാസ്

ഷിരൂരിലെ മോശം കാലാവസ്ഥ രക്ഷാദൗത്യത്തിന് വലിയ പ്രതിസന്ധി സൃഷ്ടിക്കുന്നുണ്ടെങ്കിലും രക്ഷാപ്രവർത്തനം തുടരുക തന്നെ ചെയ്യുമെന്ന് മന്ത്രി പി.എ. മുഹമ്മദ് റിയാസ്. അർജുനെയും മറ്റ് രണ്ട് കർണാടക സ്വദേശികളെയും കണ്ടെത്താൻ എന്തൊക്കെ ചെയ്യാൻ സാധിക്കുമോ അതെല്ലാം ചെയ്യുമെന്ന് ഉന്നതതല യോഗത്തിൽ തീരുമാനമെടുത്തിട്ടുണ്ടെന്ന് മന്ത്രി പറഞ്ഞു. ഗംഗാവലി പുഴയിൽ നീരൊഴുക്ക് ശക്തമായത് നേവിയുടെ മുങ്ങൽ വിദഗ്ധർക്ക് പ്രതിസന്ധി സൃഷ്ടിക്കുന്നതിനാൽ മുങ്ങൽ വിദഗ്ധർക്ക് ഡൈവ് ചെയ്യാൻ സഹായകരമാകുന്ന തരത്തിലുള്ള ഫ്ലോട്ടിങ് പെന്റൂണുകൾ ഗോവയിൽ നിന്ന് എത്തിക്കുമെന്ന് കർണാടക എംഎൽഎ സതീഷ് കൃഷ്ണ സെയിൽ അറിയിച്ചു.Read More

Kerala150 days ago

ഗവിയിലേക്കുളള KSRTC ബജറ്റ് ടൂറിസം പാക്കേജിന്റെ നിരക്കില്‍ 500 രൂപയുടെ വര്‍ധനവ്

കൊച്ചുപമ്പയിൽ 2 കിലോമീറ്റർ ട്രെക്കിംഗ് ഉൾപ്പെടുത്തിയതിനാലാണ് നിരക്ക് വര്‍ധനയെന്ന് കേരള സ്റ്റേറ്റ് ഫോറസ്റ്റ് ഡവലപ്മെന്റ് കോർപ്പറേഷൻ അറിയിച്ചു. പത്തനംതിട്ടയിൽ നിന്ന് ആരംഭിക്കുന്ന പാക്കേജിന് യാത്രാ ചെലവ്, പ്രവേശന ഫീസ്, ബോട്ടിംഗ്, ഊണ് അടക്കം 1300 രൂപ ആയിരുന്നു നേരത്തേ വാങ്ങിയിരുന്നത്. മേയ് 1 മുതല്‍ മേയ് 31 വരെ സംസ്ഥാനത്തെ വിവിധ KSRTC യൂണിറ്റുകളില്‍ നിന്നും ഗവിയിലേക്ക് ടൂറിസം യാത്ര ഒരുക്കിയിട്ടുണ്ട്.Read More

Travel238 days ago