വനിതകളുടെ റെഡ് ബോള്‍ ആഭ്യന്തര ക്രിക്കറ്റ് വീണ്ടും ആരംഭിക്കാനൊരുങ്ങി BCCI

പൂനെയില്‍ മാര്‍ച്ച് 28 മുതലാണ് റെഡ് ബോള്‍ ആഭ്യന്തര ക്രിക്കറ്റ് ആരംഭിക്കുന്നത്. സീനിയര്‍ ഇന്റര്‍ സോണ്‍ മള്‍ട്ടി ഡേ ട്രോഫി പോരാട്ടമാണ് തുടങ്ങുന്നത്. അഞ്ച് മത്സരങ്ങളായിരിക്കും ഉണ്ടാകുക. 2018ലാണ് ആഭ്യന്തര ക്രിക്കറ്റില്‍ അവസാനമായി വനിതകള്‍ക്കായി മത്സരം നടത്തിയത്.

Sports298 days ago

ICC ചാമ്പ്യൻസ് ട്രോഫി: ഇന്ത്യൻ ടീമിനെ പാകിസ്ഥാനിലേക്ക് അയക്കില്ല

2025ൽ പാകിസ്ഥാനിൽ നടക്കുന്ന ചാമ്പ്യൻസ് ട്രോഫി മത്സരങ്ങൾക്കായി ഇന്ത്യൻ ടീമിനെ പാകിസ്ഥാനിലേക്ക് അയക്കില്ലെന്ന് BCCI. ഇന്ത്യയുടെ മത്സരങ്ങൾ ശ്രീലങ്കയിലോ ദുബായിലോ നടത്തണമെന്നാണ് BCCI യുടെ ആവശ്യം. അടുത്ത വർഷം ഫെബ്രുവരി - മാർച്ച് മാസങ്ങളിലായാണ് ചാമ്പ്യൻസ് ട്രോഫി ടൂർണമെന്റ് നടക്കുക. ഇന്ത്യയുടെ മത്സരങ്ങൾ എല്ലാം ലാഹോറിൽ നടത്താമെന്നും ആവശ്യത്തിന് സുരക്ഷ ഒരുക്കാമെന്നും പാകിസ്ഥാൻ ക്രിക്കറ്റ് ബോർഡ് അറിയിച്ചിരുന്നു. എന്നാൽ പാകിസ്ഥാനിലേക്ക് ടീമിനെ അയക്കില്ല എന്നാണ് BCCI വൃത്തങ്ങൾ വ്യക്തമാക്കുന്നത്.

Sports166 days ago

ഗൗതം ഗംഭീര്‍ ഇന്ത്യന്‍ ക്രിക്കറ്റ് ടീമിന്റെ പരിശീലകന്‍

ഇന്ത്യന്‍ ക്രിക്കറ്റ് ടീമിന്റെ പുതിയ പരിശീലകനായി ഗൗതം ഗംഭീറിനെ നിയമിച്ചു. BCCI സെക്രട്ടറി ജയ് ഷാ എക്‌സിലൂടെയാണ് ഇക്കാര്യം അറിയിച്ചത്. ഇന്ത്യന്‍ ക്രിക്കറ്റിനെ മുന്നോട്ട് നയിക്കാന്‍ ഏറ്റവും അനുയോജ്യന്‍ ഗംഭീറാണെന്ന് സെക്രട്ടറി വ്യക്തമാക്കി. ട്വന്റി-20 ലോകകപ്പിന് ശേഷം രാഹുല്‍ ദ്രാവിഡ് സ്ഥാനം ഒഴിയുന്ന സാഹചര്യത്തിലാണ് പുതിയ കോച്ചിനെ തിരഞ്ഞെടുത്തത്.

Sports167 days ago

ലോക ചാമ്പ്യന്മാരായ ഇന്ത്യന്‍ ടീം നാളെ മടങ്ങും

ചുഴലിക്കാറ്റ് ഭീഷണി മുന്നറിയിപ്പിനെ തുടര്‍ന്നു വെസ്റ്റ് ഇന്‍ഡീസില്‍ കുടുങ്ങിക്കിടക്കുന്ന ഇന്ത്യന്‍ ടീമിനെ തിരികെ എത്തിക്കാനായി BCCI പ്രത്യേക വിമാനം ഏര്‍പ്പെടുത്തും. നാളെ ബാര്‍ബഡോസ് സമയം വൈകീട്ട് 6.00 മണിക്ക് ഇന്ത്യന്‍ ടീം നാട്ടിലേക്ക് തിരിക്കുമെന്നാണ് റിപ്പോര്‍ട്ട്. ബാര്‍ബഡോസില്‍ ചുലിക്കാറ്റ് മുന്നറിയിപ്പുണ്ടായതിനെ തുടര്‍ന്നു വിമാനങ്ങള്‍ റദ്ദാക്കിയതിനാലാണ്‌ ടീമിന്റെ ഇന്ത്യയിലേക്കുള്ള യാത്ര മുടങ്ങിയത്. നിലവില്‍ ബാര്‍ബഡോസിലെ ഹോട്ടലിലാണ് ടീം അംഗങ്ങള്‍ ഉള്ളത്.

National175 days ago

ടി20 ലോകകപ്പ് കിരീടനേട്ടം: ഇന്ത്യൻ ടീമിന് പാരിതോഷികം പ്രഖ്യാപിച്ച് BCCI

ട്വന്‍റി 20 ലോകകപ്പ് കിരീടം നേടിയ ടീം ഇന്ത്യക്ക് BCCI 125 കോടി രൂപ പാരിതോഷികം പ്രഖ്യാപിച്ചു. BCCI സെക്രട്ടറി ജയ് ഷായാണ് സമൂഹമാധ്യമമായ എക്സിലൂടെ ഇക്കാര്യം അറിയിച്ചത്. ലോകകപ്പ് കിരീടനേട്ടത്തിൽ പങ്കാളികളായ കളിക്കാരും പരിശീലകരും മറ്റ് സപ്പോർട്ട് സ്റ്റാഫുകളും ഉൾപ്പെടുന്ന ടീമിനാണ് 125 കോടി ലഭിക്കുക. ലോകകപ്പ് നേട്ടത്തിൽ പങ്കാളികളായ എല്ലാരേയും അഭിനന്ദിച്ച ജയ് ഷാ ടൂർണമെന്റിൽ ഉടനീളം ഇന്ത്യൻ ടീം അസാമാന്യമായ കഴിവും നിശ്ചയദാർഢ്യവും പ്രകടിപ്പിച്ചെന്നും എക്സിൽ പങ്കുവെച്ച കുറിപ്പിൽ പറഞ്ഞു.

Sports176 days ago

ആഭ്യന്തര ക്രിക്കറ്റ് താരങ്ങളുടെ പ്രതിഫലം ഇരട്ടിയാക്കാനൊരുങ്ങി BCCI

40-ലധികം രഞ്ജി മത്സരങ്ങള്‍ കളിച്ചിട്ടുള്ള താരങ്ങളുടെ പ്രതിഫലം നിലവില്‍ 60,000 രൂപയാണ്. 21 മുതല്‍ 40 മത്സരങ്ങള്‍ വരെ കളിച്ച താരങ്ങള്‍ക്ക് ദിവസേന 50,000 രൂപ വീതവും 20 മത്സരങ്ങള്‍ വരെ കളിച്ച താരങ്ങള്‍ക്ക് 40,000 രൂപ വീതവുമാണ് പ്രതിഫലം. ഒരു ക്രിക്കറ്റ് താരം 10 രഞ്ജി ട്രോഫി മത്സരങ്ങള്‍ കളിക്കുകയാണെങ്കില്‍ അയാളുടെ പ്രതിഫലം 75 ലക്ഷം മുതല്‍ ഒരു കോടി രൂപ വരെ വര്‍ധിപ്പിക്കുന്ന കാര്യമാണ് BCCI പരിഗണിക്കുന്നത്.

Sports242 days ago

കൊല്‍ക്കത്ത ഹൈദരാബാദ് മത്സരത്തിനിടെ ഹര്‍ഷിത് റാണയുടെ ആഘോഷം; വന്‍തുക പിഴയിട്ട് BCCI

കഴിഞ്ഞ ദിവസം നടന്ന മത്സരത്തില്‍ കൊല്‍ക്കത്ത നാല് റണ്‍സിന് വിജയിച്ചപ്പോള്‍ കളിയില്‍ ഹീറോ ആയത് ഹര്‍ഷിത് റാണയായിരുന്നു. മത്സരത്തിനിടെ തന്റെ ബോള്‍ സിക്സടിച്ച മയങ്ക് അഗര്‍വാളിന്റെ വിക്കറ്റ് വീഴ്ത്തിയ ശേഷം റാണ നടത്തിയ ആഘോഷം വലിയ ചര്‍ച്ചയായിരുന്നു. മയങ്ക് അഗര്‍വാളിന്റെ അടുത്തേക്കെത്തി ഫ്ളൈയിങ് കിസ് നല്‍കിയായിരുന്നു താരത്തിന്റെ ആഘോഷം. ഇത് വലിയ വിമര്‍ശങ്ങള്‍ക്കും ഇടയാക്കിയിരുന്നു. ഇതിന് പിന്നാലെ റാണ മാച്ച് ഫീയുടെ 60 ശതമാനം പിഴയൊടുക്കണമെന്ന് ആവശ്യപ്പെട്ടിരിക്കുകയാണ് BCCI.

Sports274 days ago

ടെസ്റ്റ് ക്രിക്കറ്റിലെ ഇന്‍സെന്റീവിന് സമാനമായ മോഡല്‍ രഞ്ജി ട്രോഫിയിലും അവതരിപ്പിച്ചേക്കും

മാച്ച് ഫീസ് വര്‍ധിപ്പിച്ച് റെഡ് ബോള്‍ ക്രിക്കറ്റിന് കൂടുതല്‍ പ്രാധാന്യം നല്‍കാനാണ് BCCI ഉദ്ദേശിക്കുന്നതെന്നാണ് റിപ്പോര്‍ട്ട്. താരങ്ങള്‍ ആഭ്യന്തര ക്രിക്കറ്റിനെ തഴഞ്ഞ് IPLന് മുന്‍ഗണന നല്‍കുന്നതിനെ തുടര്‍ന്നാണ് തീരുമാനം. ടെസ്റ്റ് ക്രിക്കറ്റ് ഇന്‍സെന്റീവിന് കീഴില്‍ ഇന്ത്യയ്ക്കായി ടെസ്റ്റ് കളിക്കുന്ന ഓരോ താരങ്ങള്‍ക്കും 15 ലക്ഷം രൂപ മാച്ച് ഫീയ്ക്ക് പുറമെ ഇന്‍സെന്റീവായി 45 ലക്ഷം രൂപ വരെ ലഭിക്കും. രഞ്ജിയില്‍ താരങ്ങള്‍ക്ക് 40,000-60,000 രൂപ വരെയാണ് പ്രതിദിനം മാച്ച് ഫീയായി BCCI നല്‍കുന്നത്.

Sports275 days ago

BCCI സർഫറാസ് ഖാനെയും ധ്രുവ് ജുറെലിനെയും കരാറിൽ ഉൾപ്പെടുത്തി

ഇന്ത്യയുടെ ഏറ്റവും പുതിയ ബാറ്റിംഗ് താരങ്ങളായ സർഫറാസ് ഖാനെയും വിക്കറ്റ് കീപ്പറായ ധ്രുവ് ജുറെലിനെയും BCCI ഗ്രൂപ്പ് C യിൽ ഒരു കോടി രൂപ വാർഷിക റിട്ടൈനർഷിപ്പ് ഫീസിൽ കരാറിൽ ഉൾപ്പെടുത്തി. ഒരു സീസണിൽ മൂന്ന് ടെസ്റ്റ് മത്സരങ്ങൾ കളിക്കുക എന്ന മാനദണ്ഡം ഇരുവരും ഇംഗ്ലണ്ടിനെതിരെ അടുത്തിടെ സമാപിച്ച ടെസ്റ്റ് പരമ്പരയിൽ പൂർത്തിയാക്കിയതോടെയാണ് BCCI യുടെ നടപടി.

Sports280 days ago

ശ്രേയസിനെ വാര്‍ഷിക കരാറിലേക്ക് തിരിച്ചു കൊണ്ടുവരാന്‍ തയാറെടുത്ത് BCCI

രഞ്ജി ട്രോഫി സെമിയിലും ഫൈനലിലും മുംബൈക്കായി ശ്രേയസ് അയ്യര്‍ പുറത്തെടുത്ത മികച്ച പ്രകടനമാണ് താരത്തിന്റെ കാര്യത്തില്‍ അനുകൂല നിലപാടെടുക്കാന്‍ BCCIയെ പ്രേരിപ്പിച്ചത്. ശ്രേയസ് അയ്യരെ കരാറില്‍ നിന്ന് പുറത്താക്കിയത് രഞ്ജി ട്രോഫിയില്‍ കളിക്കുന്നതിന് വിമുഖത കാണിച്ചതിനായിരുന്നു. ഇംഗ്ലണ്ട് പര്യടനത്തിലെ അവസാന മൂന്ന് മത്സരങ്ങളില്‍ നിന്ന് പുറം വേദനയെന്ന് പറഞ്ഞ് പിന്‍മാറിയ ശ്രേയസിന് പരിക്കില്ലെന്ന് നാഷണല്‍ ക്രിക്കറ്റ് അക്കാദമി BCCIക്ക് റിപ്പോര്‍ട്ട് നല്‍കിയതും കടുത്ത നടപടിക്ക് കാരണമാവുകയായിരുന്നു.

Sports284 days ago

ഇഷാന്‍ കിഷന്‍, ശ്രേയസ് അയ്യര്‍ എന്നിവരെ വാര്‍ഷിക കരാറില്‍ നിന്നൊഴിവാക്കി BCCI

ശ്രേയസ് ഗ്രേഡ് Bയിലും കിഷന്‍ ഗ്രേഡ് Cയിലുമാണ് ഉണ്ടായിരുന്നത്. ഇരുവരും BCCI നിര്‍ദേശിച്ച പ്രകാരം ആഭ്യന്തര ക്രിക്കറ്റ് കളിക്കാത്തതിനാല്‍ നടപടിയുണ്ടാകുമെന്ന് നേരത്തെ റിപ്പോര്‍ട്ടുകളുണ്ടായിരുന്നു. അതേസമയം സഞ്ജു സാംസണ്‍ C ഗ്രേഡില്‍ തന്നെ തുടരും. കൂടാതെ യശസ്വി ജയ്സ്വാള്‍, രജത് പടിദാര്‍ തുടങ്ങിയവര്‍ക്ക് BCCI കോണ്‍ട്രാക്റ്റ് നല്‍കി. A+ലെ താരങ്ങള്‍ക്ക് ഏഴ് കോടിയും Aയിലെ താരങ്ങള്‍ക്ക് അഞ്ച് കോടിയും Bയിലെ താരങ്ങള്‍ക്ക് മൂന്ന് കോടിയുമാണ് പ്രതിഫലം.

Sports299 days ago