ഇഷാന്‍ കിഷന്‍, ശ്രേയസ് അയ്യര്‍ എന്നിവരെ വാര്‍ഷിക കരാറില്‍ നിന്നൊഴിവാക്കി BCCI

ശ്രേയസ് ഗ്രേഡ് Bയിലും കിഷന്‍ ഗ്രേഡ് Cയിലുമാണ് ഉണ്ടായിരുന്നത്. ഇരുവരും BCCI നിര്‍ദേശിച്ച പ്രകാരം ആഭ്യന്തര ക്രിക്കറ്റ് കളിക്കാത്തതിനാല്‍ നടപടിയുണ്ടാകുമെന്ന് നേരത്തെ റിപ്പോര്‍ട്ടുകളുണ്ടായിരുന്നു. അതേസമയം സഞ്ജു സാംസണ്‍ C ഗ്രേഡില്‍ തന്നെ തുടരും. കൂടാതെ യശസ്വി ജയ്സ്വാള്‍, രജത് പടിദാര്‍ തുടങ്ങിയവര്‍ക്ക് BCCI കോണ്‍ട്രാക്റ്റ് നല്‍കി. A+ലെ താരങ്ങള്‍ക്ക് ഏഴ് കോടിയും Aയിലെ താരങ്ങള്‍ക്ക് അഞ്ച് കോടിയും Bയിലെ താരങ്ങള്‍ക്ക് മൂന്ന് കോടിയുമാണ് പ്രതിഫലം.

Sports417 days ago

ദുലീപ് ട്രോഫി; സെഞ്ച്വറി നേടി സഞ്ജു സാംസണ്‍

ദുലീപ് ട്രോഫി ക്രിക്കറ്റില്‍ ഇന്ത്യ ബി ടീമിനെതിരായ മത്സരത്തിലാണ് ഇന്ത്യ ഡിയുടെ താരമായ സഞ്ജു സാംസണ്‍ സെഞ്ച്വറി നേടിയത്. 94 പന്തുകളില്‍നിന്ന് 11 ഫോറുകളും മൂന്നു സിക്‌സറുകളുമുള്‍പ്പെടെയാണ് സഞ്ജു സെഞ്ച്വറിയിലേക്കെത്തിയത്. ദുലീപ് ട്രോഫിയില്‍ സഞ്ജുവിന്റെ രണ്ടാം മത്സരമാണിത്. ഇതോടെ ഫസ്റ്റ് ക്ലാസ് ക്രിക്കറ്റില്‍ സഞ്ജുവിന്റെ സെഞ്ച്വറികളുടെ എണ്ണം 11 ആയി.

Sports212 days ago

ICC ചാമ്പ്യൻസ് ട്രോഫി: ഇന്ത്യൻ ടീമിനെ പാകിസ്ഥാനിലേക്ക് അയക്കില്ല

2025ൽ പാകിസ്ഥാനിൽ നടക്കുന്ന ചാമ്പ്യൻസ് ട്രോഫി മത്സരങ്ങൾക്കായി ഇന്ത്യൻ ടീമിനെ പാകിസ്ഥാനിലേക്ക് അയക്കില്ലെന്ന് BCCI. ഇന്ത്യയുടെ മത്സരങ്ങൾ ശ്രീലങ്കയിലോ ദുബായിലോ നടത്തണമെന്നാണ് BCCI യുടെ ആവശ്യം. അടുത്ത വർഷം ഫെബ്രുവരി - മാർച്ച് മാസങ്ങളിലായാണ് ചാമ്പ്യൻസ് ട്രോഫി ടൂർണമെന്റ് നടക്കുക. ഇന്ത്യയുടെ മത്സരങ്ങൾ എല്ലാം ലാഹോറിൽ നടത്താമെന്നും ആവശ്യത്തിന് സുരക്ഷ ഒരുക്കാമെന്നും പാകിസ്ഥാൻ ക്രിക്കറ്റ് ബോർഡ് അറിയിച്ചിരുന്നു. എന്നാൽ പാകിസ്ഥാനിലേക്ക് ടീമിനെ അയക്കില്ല എന്നാണ് BCCI വൃത്തങ്ങൾ വ്യക്തമാക്കുന്നത്.

Sports283 days ago

ഗൗതം ഗംഭീര്‍ ഇന്ത്യന്‍ ക്രിക്കറ്റ് ടീമിന്റെ പരിശീലകന്‍

ഇന്ത്യന്‍ ക്രിക്കറ്റ് ടീമിന്റെ പുതിയ പരിശീലകനായി ഗൗതം ഗംഭീറിനെ നിയമിച്ചു. BCCI സെക്രട്ടറി ജയ് ഷാ എക്‌സിലൂടെയാണ് ഇക്കാര്യം അറിയിച്ചത്. ഇന്ത്യന്‍ ക്രിക്കറ്റിനെ മുന്നോട്ട് നയിക്കാന്‍ ഏറ്റവും അനുയോജ്യന്‍ ഗംഭീറാണെന്ന് സെക്രട്ടറി വ്യക്തമാക്കി. ട്വന്റി-20 ലോകകപ്പിന് ശേഷം രാഹുല്‍ ദ്രാവിഡ് സ്ഥാനം ഒഴിയുന്ന സാഹചര്യത്തിലാണ് പുതിയ കോച്ചിനെ തിരഞ്ഞെടുത്തത്.

Sports285 days ago

ലോക ചാമ്പ്യന്മാരായ ഇന്ത്യന്‍ ടീം നാളെ മടങ്ങും

ചുഴലിക്കാറ്റ് ഭീഷണി മുന്നറിയിപ്പിനെ തുടര്‍ന്നു വെസ്റ്റ് ഇന്‍ഡീസില്‍ കുടുങ്ങിക്കിടക്കുന്ന ഇന്ത്യന്‍ ടീമിനെ തിരികെ എത്തിക്കാനായി BCCI പ്രത്യേക വിമാനം ഏര്‍പ്പെടുത്തും. നാളെ ബാര്‍ബഡോസ് സമയം വൈകീട്ട് 6.00 മണിക്ക് ഇന്ത്യന്‍ ടീം നാട്ടിലേക്ക് തിരിക്കുമെന്നാണ് റിപ്പോര്‍ട്ട്. ബാര്‍ബഡോസില്‍ ചുലിക്കാറ്റ് മുന്നറിയിപ്പുണ്ടായതിനെ തുടര്‍ന്നു വിമാനങ്ങള്‍ റദ്ദാക്കിയതിനാലാണ്‌ ടീമിന്റെ ഇന്ത്യയിലേക്കുള്ള യാത്ര മുടങ്ങിയത്. നിലവില്‍ ബാര്‍ബഡോസിലെ ഹോട്ടലിലാണ് ടീം അംഗങ്ങള്‍ ഉള്ളത്.

National292 days ago

ടി20 ലോകകപ്പ് കിരീടനേട്ടം: ഇന്ത്യൻ ടീമിന് പാരിതോഷികം പ്രഖ്യാപിച്ച് BCCI

ട്വന്‍റി 20 ലോകകപ്പ് കിരീടം നേടിയ ടീം ഇന്ത്യക്ക് BCCI 125 കോടി രൂപ പാരിതോഷികം പ്രഖ്യാപിച്ചു. BCCI സെക്രട്ടറി ജയ് ഷായാണ് സമൂഹമാധ്യമമായ എക്സിലൂടെ ഇക്കാര്യം അറിയിച്ചത്. ലോകകപ്പ് കിരീടനേട്ടത്തിൽ പങ്കാളികളായ കളിക്കാരും പരിശീലകരും മറ്റ് സപ്പോർട്ട് സ്റ്റാഫുകളും ഉൾപ്പെടുന്ന ടീമിനാണ് 125 കോടി ലഭിക്കുക. ലോകകപ്പ് നേട്ടത്തിൽ പങ്കാളികളായ എല്ലാരേയും അഭിനന്ദിച്ച ജയ് ഷാ ടൂർണമെന്റിൽ ഉടനീളം ഇന്ത്യൻ ടീം അസാമാന്യമായ കഴിവും നിശ്ചയദാർഢ്യവും പ്രകടിപ്പിച്ചെന്നും എക്സിൽ പങ്കുവെച്ച കുറിപ്പിൽ പറഞ്ഞു.

Sports294 days ago

IPL: ഷെയ്ന്‍ വോണിനൊപ്പം റെക്കോര്‍ഡ് നേട്ടത്തില്‍ സഞ്ജു സാംസണ്‍

രാജസ്ഥാന്‍ റോയല്‍സ് ക്യാപ്റ്റന്‍ എന്ന നിലയില്‍ ഏറ്റവും കൂടുതല്‍ വിജയങ്ങള്‍ നേടിയാണ് മലയാളി താരം സഞ്ജു സാംസണ്‍ ഷെയ്ന്‍ വോണിന്റെ റെക്കോര്‍ഡിനൊപ്പമെത്തിയിരിക്കുന്നത്. കഴിഞ്ഞ ദിവസം ബെംഗളൂരുവിനെതിരെ നേടിയ വിജയമാണ് സഞ്ജുവിന് ഈ റെക്കോര്‍ഡ് നേട്ടം സമ്മാനിച്ചത്. 60 മത്സരങ്ങളില്‍ സഞ്ജുവിന്റെ ക്യാപ്റ്റന്‍സിക്ക് കീഴില്‍ ഇറങ്ങിയ രാജസ്ഥാന്‍ 31 വിജയങ്ങളാണ് സ്വന്തമാക്കിയിട്ടുളളത്.

Sports332 days ago

സഞ്ജു സാംസണ് ബാറ്റിങ് ഓര്‍ഡറില്‍ എവിടെ വേണമെങ്കിലും കളിക്കാന്‍ സാധിക്കുമെന്ന് സെലക്‌ഷൻ കമ്മിറ്റി ചെയർമാൻ

ടോപ് ഓർഡറിലും മിഡിൽ ഓർഡറിലും ബാറ്റർ എന്ന തരത്തില്‍ സഞ്ജു സാംസണ് തിളങ്ങാന്‍ സാധിക്കും. കെ.എൽ. രാഹുലിനെ അപേക്ഷിച്ച് സഞ്ജുവിനുള്ള മെച്ചമായി ഇതിനെ കാണാവുന്നതാണ്. IPL ൽ മികച്ച ഫോമിൽ പ്രകടനം നടത്തുന്ന റിങ്കു സിങ് തഴയപ്പെട്ടത് അദ്ദേഹത്തിന് എന്തെങ്കിലും ന്യൂനതകള്‍ ഉളളതു കൊണ്ടല്ല. ടീം കോമ്പിനേഷൻ പരിഗണനകള്‍ കണക്കില്‍ എടുക്കുമ്പോള്‍ റിങ്കുവിനെ മാറ്റിനിർത്തേണ്ടതായി വന്നുവെന്നും സെലക്‌ഷൻ കമ്മിറ്റി ചെയർമാൻ അജിത് അഗാർക്കർ പറഞ്ഞു.

Sports352 days ago

ടി20 ലോകകപ്പ് ടീമില്‍ ഇടം നേടി സഞ്ജു സാംസണ്‍

ടി20 ലോകകപ്പിനുളള ഇന്ത്യന്‍ ടീം അംഗങ്ങളെ പ്രഖ്യാപിച്ചു. മലയാളി താരം സഞ്ജു സാംസണ്‍ 15 അംഗ ടീമില്‍ ഇടം നേടി. രാജസ്ഥാന്‍ റോയല്‍സ് നായകനായ സഞ്ജുവിന്റെ IPL ലെ മികച്ച പെര്‍ഫോമന്‍സാണ് ടീമില്‍ ഇടം നേടാന്‍ തുണയായത്. ശ്രീശാന്തിനു ശേഷം ടി20 ലോകകപ്പ് ടീമില്‍ ഇടം നേടുന്ന മലയാളി താരമാണ് സഞ്ജു. ജൂണ്‍ അഞ്ചിന് അയര്‍ലന്റിനെതിരെയാണ് ഇന്ത്യയുടെ ആദ്യ മത്സരം.Read More

Sports355 days ago

ട്വന്റി20 ലോകകപ്പ് ട‌ീമിൽ സഞ്ജുവിനെ ഉള്‍പ്പെടുത്തണമെന്ന് കെവിന്‍ പീറ്റേഴ്സൻ

ക്യാപ്റ്റൻസിയുടെയും മത്സരങ്ങളുടെയും സമ്മർദങ്ങൾ ഒട്ടും ഇല്ലാത്ത രീതിയിലാണ് ഇന്ത്യന്‍ പ്രീമിയര്‍ ലീഗില്‍ സഞ്ജു സാംസണ്‍ ബാറ്റു ചെയ്തുകൊണ്ടിരിക്കുന്നത്. ഇന്ത്യൻ ടീമിൽ സഞ്ജുവിന് ഇതുവരെ അർഹമായ അവസരങ്ങൾ ലഭിക്കാത്ത സാഹചര്യമുണ്ട്. താനായിരുന്നു ഇന്ത്യൻ ക്രിക്കറ്റ് ടീം സെലക്ട‌റെങ്കിൽ സഞ്ജുവിനെ ആദ്യ ചോയ്സായി പരിഗണിക്കുമെന്നും മുൻ ഇംഗ്ലണ്ട് ക്യാപ്റ്റൻ കെവിൻ പീറ്റേഴ്സൻ പറഞ്ഞു. ലക്നൗവിന് എതിരെ കഴിഞ്ഞ ദിവസം 33 പന്തിൽ പുറത്താകാതെ 71 റൺസ് ആണ് സഞ്ജു നേടിയത്.

Sports356 days ago

IPL: കളി ജയിച്ചിട്ടും സഞ്ജു സാംസണ് പിഴ

IPLല്‍ ലഖ്‌നൗ ജയന്റ്‌സിനെതിരെ തകര്‍പ്പന്‍ വിജയം സ്വന്തമാക്കിയെങ്കിലും രാജസ്ഥാന്‍ റോയല്‍സ് ക്യാപ്റ്റന്‍ സഞ്ജു സാംസണ് പിഴ. കുറഞ്ഞ ഓവര്‍ നിരക്കിന്റെ പേരിലാണ് പിഴ ചുമത്തിയത്. സഞ്ജു 24 ലക്ഷം രൂപ പിഴയടയ്ക്കേണ്ടി വരും. സീസണില്‍ ഇത് രണ്ടാം തവണയാണ് സഞ്ജുവിന് പിഴ ചുമത്തുന്നത്. ഇനിയും ഇതാവര്‍ത്തിച്ചാല്‍ സഞ്ജുവിന് ഒരു മത്സരത്തില്‍ നിന്ന് വിലക്കേര്‍പ്പെടുത്തും.

Sports357 days ago