RSS മേധാവി മോഹന്‍ ഭാഗവതിന്റെ സുരക്ഷ വര്‍ധിപ്പിച്ചു

കേന്ദ്ര ആഭ്യന്തര മന്ത്രാലയമാണ് മോഹന്‍ ഭാഗവതിന്റെ സുരക്ഷാ നടപടികള്‍ വര്‍ധിപ്പിച്ചത്. നിലവിലെ Z+ കാറ്റഗറിയില്‍ നിന്ന് പ്രധാനമന്ത്രി നരേന്ദ്ര മോദിയ്ക്കും ആഭ്യന്തര മന്ത്രി അമിത് ഷായ്ക്കുമുള്ള അഡ്വാന്‍സ് സെക്യൂരിറ്റി ലെയ്സണ്‍ കാറ്റഗറിയിലേക്കാണ് സുരക്ഷ വര്‍ധിപ്പിച്ചത്. BJP ഇതര സര്‍ക്കാരുകള്‍ ഭരിക്കുന്ന സംസ്ഥാനങ്ങളില്‍ മോഹന്‍ ഭാഗവത് സന്ദര്‍ശനം നടത്തുമ്പോള്‍ സുരക്ഷയില്‍ വീഴ്ചയുണ്ടാകുന്നു എന്ന കണ്ടെത്തലിന്റെ അടിസ്ഥാനത്തിലാണ് നടപടി.

National121 days ago

ADGP- RSS കൂടിക്കാഴ്ച്ചയില്‍ അന്വേഷണത്തിന് ഉത്തരവിട്ട് സര്‍ക്കാര്‍

ADGP അജിത് കുമാര്‍ RSS നേതാക്കളുമായി കൂടിക്കാഴ്ച്ച നടത്തിയ സംഭവത്തില്‍ സംസ്ഥാന സര്‍ക്കാര്‍ അന്വേഷണത്തിന് ഉത്തരവിട്ടു. DGPക്കാണ് അന്വേഷണത്തിന് നിര്‍ദേശം നല്‍കിയിരിക്കുന്നത്. ADGPക്കൊപ്പം നേതാക്കളെ കണ്ടവരുടെ മൊഴിയും അന്വേഷണ സംഘം രേഖപ്പെടുത്തും. ADGP- RSS കൂടിക്കാഴ്ച്ച രാഷ്ടീയ തലത്തില്‍ വന്‍ വിവാദമായ സാഹചര്യത്തിലാണ് നടപടി.

Kerala93 days ago

ADGP- RSS കൂടിക്കാഴ്ച്ച; സ്പീക്കറെ തള്ളി ഡെപ്യൂട്ടി സ്പീക്കര്‍

ADGP എം.ആര്‍. അജിത്കുമാര്‍ RSS നേതാക്കളെ കണ്ടതില്‍ തെറ്റില്ലെന്ന സ്പീക്കര്‍ ഷംസീറിന്റെ പ്രതികരണത്തിനെതിരെ ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍. സ്പീക്കറുടെ നിലപാട് ഗുരുതരമായ തെറ്റാണെന്നും സ്പീക്കര്‍ സ്ഥാനത്തിരുന്ന് ഷംസീര്‍ അങ്ങനെ പറയാന്‍ പാടില്ലായിരുന്നെന്നും ഗോപകുമാര്‍ പറഞ്ഞു. സ്പീക്കറുടെ നിലപാട് ഇടതുമുന്നണി നയങ്ങള്‍ക്ക് വിരുദ്ധമാണെന്നും അജിത്കുമാറിനെ സര്‍ക്കാര്‍ അടിയന്തരമായി മാറ്റുമെന്ന് തന്നെയാണ് പ്രതീക്ഷയെന്നും അദ്ദേഹം കൂട്ടിച്ചേര്‍ത്തു.

Kerala107 days ago

ADGP ആർഎസ്എസ് നേതാക്കളെ വ്യക്തിപരമായി കണ്ടതിൽ തെറ്റില്ല: സ്പീക്കർ എ.എൻ.ഷംസീർ

ADGP എം.ആർ. അജിത് കുമാർ RSS നേതാക്കളുമായി നടത്തിയ കൂടിക്കാഴ്ചയെ ന്യായീകരിച്ച് സ്പീക്കർ എ.എൻ. ഷംസീർ. RSS രാജ്യത്തെ പ്രധാന സംഘടനയാണെന്നും ADGP എം.ആർ. അജിത് കുമാർ RSS നേതാക്കളുമായി വ്യകതിപരമായി കൂടിക്കാഴ്ച നടത്തിയതിൽ തെറ്റില്ലെന്നുമാണ് സ്പീക്കർ എ.എൻ. ഷംസീർ പറഞ്ഞത്. സുഹൃത്ത് കൂട്ടിക്കൊണ്ട് പോയതാണെന്ന് ADGP തന്നെ പറഞ്ഞുവെന്നും അതിൽ അപാകതയൊന്നുമില്ലെന്നും പറഞ്ഞ ഷംസീർ ADGP മന്ത്രിമാരുടെ ഫോൺ സംഭാഷണങ്ങൾ ചോർത്തി എന്നത് പി.വി. അൻവർ MLA യുടെ അഭ്യൂഹം മാത്രമാണെന്നും പറഞ്ഞു.

Kerala109 days ago

RSS നേതാവുമായി കൂടിക്കാഴ്ച്ച നടത്തിയെന്ന് സമ്മതിച്ച് ADGP അജിത് കുമാര്‍

RSS നേതാവ് ദത്താത്രേയ ഹൊസബാളെയുമായി കൂടിക്കാഴ്ച്ച നടത്തിയെന്ന് സമ്മതിച്ച് ADGP എം.ആര്‍. അജിത് കുമാര്‍. മുഖ്യമന്ത്രിയുടെ ഓഫിസ് തിരക്കിയപ്പോഴാണ് കൂടിക്കാഴ്ച്ച അജിത് കുമാര്‍ സമ്മതിച്ചത്. സ്വകാര്യ സന്ദര്‍ശനമായിരുന്നുവെന്നാണ് വിശദീകരണം. ഇക്കാര്യം സ്പെഷ്യല്‍ ബ്രാഞ്ച്, DGPയേയും ഇന്റലിജന്‍സ് മേധാവിയെയും സര്‍ക്കാരിനേയും അന്നേ അറിയിച്ചതായാണ് വിവരം. എന്നാല്‍ സര്‍ക്കാര്‍ വിഷയത്തില്‍ നടപടി സ്വീകരിച്ചില്ലെന്നാണ് ഇപ്പോള്‍ ആരോപണം ഉയരുന്നത്. പ്രതിപക്ഷ നേതാവ് വി.ഡി. സതീശനാണ് ADGP- RSS കൂടിക്കാഴ്ച്ചയുടെ വിവരങ്ങള്‍ പുറത്തുവിട്ടത്.

Kerala111 days ago

സര്‍ക്കാര്‍ ഉദ്യോഗസ്ഥര്‍ RSSല്‍ പ്രവര്‍ത്തിക്കാന്‍ പാടില്ലെന്ന വിലക്ക് നീക്കി കേന്ദ്രം

1966 മുതല്‍ ഏര്‍പ്പെടുത്തിയിരുന്ന വിലക്കാണ് പ്രധാനമന്ത്രി നരേന്ദ്രമോദിയുടെ നേതൃത്വത്തിലുളള കേന്ദ്രസര്‍ക്കാര്‍ നീക്കിയത്. പേഴ്‌സണല്‍ ആന്റ് ട്രെയിനിങ് ഡിപ്പാര്‍ട്ട് ജൂലൈ ഒമ്പതിന് പുറപ്പെടുവിച്ച ഉത്തരവിന്റെ പകര്‍പ്പ് മുതിര്‍ന്ന കോണ്‍ഗ്രസ് നേതാവ് ജയ്‌റാം രമേശ് എക്‌സില്‍ പങ്കുവെച്ചു. വാജ്പേയ് സര്‍ക്കാരിന്റെ കാലത്ത് മാറ്റാത്ത വിലക്കാണ് മോദി സര്‍ക്കാര്‍ മാറ്റിയത്. പ്രധാനമന്ത്രിയും RSS ഉം തമ്മിലുള്ള ബന്ധം വഷളായതിനെ തുടര്‍ന്നാണ് ഈ നീക്കമെന്നും ജയറാം രമേശ് ആരോപിച്ചു.

National158 days ago

RSS നൽകിയ അപകീര്‍ത്തിക്കേസ്: രാഹുൽ ഗാന്ധിക്ക് ബോംബെ ഹൈക്കോടതിയിൽ നിന്ന് ആശ്വാസം

RSS പ്രവർത്തകൻ രാജേഷ് കുൻതെ നൽകിയ മാനനഷ്ടക്കേസിൽ കോൺഗ്രസ് MP രാഹുൽ ഗാന്ധിക്ക് ആശ്വാസമായി ബോംബെ ഹൈക്കോടതിയുടെ നടപടി. പരാതിക്കാരൻ കൂടുതലായി നൽകിയ രേഖകൾ സ്വീകരിച്ച ഭീവാൻഡി മജിസ്ട്രേറ്റ് കോടതിയുടെ നടപടി ഹൈക്കോടതി റദ്ദാക്കി. RSS ആണ് മഹാത്മാഗാന്ധിയെ വധിച്ചത് എന്ന് രാഹുൽ ഗാന്ധി നടത്തിയ പരാമർശത്തിനെതിരെയാണ് 2014ൽ RSS പ്രവർത്തകൻ മാനനഷ്ടക്കേസ് നൽകിയത്. 2023ൽ പരാതിക്കാരൻ വിചാരണ കോടതിയിൽ കൂടുതൽ രേഖകൾ ഹാജരാക്കിയതിനെതിരെ രാഹുൽ ഹൈക്കോടതിയെ സമീപിച്ചിരുന്നു. ഈ ഹർജിയിലാണ് രാഹുൽ ഗാന്ധിക്ക് അനുകൂലമായി വിധി വന്നിരിക്കുന്നത്.

National168 days ago

തിരുവനന്തപുരത്ത് RSS പ്രവര്‍ത്തകന് കുത്തേറ്റ സംഭവം; മൂന്ന് പേരെ കസ്റ്റഡിയിലെടുത്തു

കാട്ടാക്കടയില്‍ ഇന്നലെ രാത്രി ഉത്സവ പരിപാടിക്കിടെ RSS പ്രവര്‍ത്തകന്‍ വിഷ്ണുവിന് കുത്തേറ്റ സംഭവത്തില്‍ മൂന്ന് പേരെ പോലീസ് കസ്റ്റഡിയിലെടുത്തു. പരിക്കേറ്റ് ആശുപത്രിയില്‍ കഴിയുന്ന വിഷ്ണുവിന്റെ മൊഴിയുടെ അടിസ്ഥാനത്തിലാണ് മൂന്ന് പേരെ കസ്റ്റഡിയിലെടുത്തത്. മുഖ്യപ്രതിയായ ജിത്തു ഒളിവിലാണെന്ന് പോലീസ് അറിയിച്ചു. വ്യക്തി വൈരാഗ്യമാണ് ആക്രമണത്തിന് പിന്നിലെന്ന് പോലീസ് വ്യക്തമാക്കി.

Kerala282 days ago

സൈബര്‍ കുറ്റകൃത്യങ്ങളെ ചെറുക്കാന്‍ പദ്ധതിയുമായി കേന്ദ്ര ആഭ്യന്തര മന്ത്രാലയം

ഫിഷിങ്, സ്മിഷിങ്, സൈബര്‍ തട്ടിപ്പ് എന്നിവ നടത്തുന്ന വെബ്‌സൈറ്റുകളുടെ URL, ഫോണ്‍ നമ്പറുകള്‍, ഇ-മെയില്‍ എന്നിവ ഉള്‍ക്കൊള്ളുന്ന ഡാറ്റാബേസ് ഒരുക്കാനാണ് കേന്ദ്ര ആഭ്യന്തര മന്ത്രാലയം പദ്ധതിയിടുന്നത്. ഇന്റഗ്രേറ്റഡ് സൈബര്‍ ക്രൈം കോര്‍ഡിനേഷന്‍ സെന്ററിന്റെ വെബ്‌സൈറ്റ് ഉപയോഗിച്ച് ജനങ്ങള്‍ക്ക് URL, ഫോണ്‍ നമ്പറുകള്‍, ഇ-മെയില്‍ ഐഡി, ബാങ്ക് അക്കൗണ്ട് നമ്പര്‍, upi ഐഡി, സോഷ്യല്‍ മീഡിയ അക്കൗണ്ട് എന്നിവയുടെയെല്ലാം നിയമസാധുത പരിശോധിക്കാന്‍ സാധിക്കും.Read More

National325 days ago

ഗവേഷണ സ്ഥാപനം CPR ന്‍റെ വിദേശ ഫണ്ടിനുള്ള ലൈസന്‍സ് കേന്ദ്ര ആഭ്യന്തര മന്ത്രാലയം റദ്ദാക്കി

സെന്റര്‍ ഫോര്‍ പോളിസി റിസര്‍ച്ച് അതിന്റെ വിദേശ ഫണ്ട് അനുമതി നല്‍കിയ വിദ്യാഭ്യാസ ആവശ്യങ്ങള്‍ക്ക് അല്ലാതെ വകമാറ്റി ചെലവഴിച്ചു എന്നാണ് ആഭ്യന്തര മന്ത്രാലയം നടപടിക്ക് കാരണമായി പറഞ്ഞത്. രാജ്യത്തെ ഏറ്റവും പഴക്കമുളള പ്രമുഖ നയ ഗവേഷക സ്ഥാപനമായ CPR ന് എതിരെയുളള കേന്ദ്ര നടപടിക്ക് എതിരെ അക്കാദമിക് രംഗത്തെ വിദഗ്ദ്ധര്‍ വിമര്‍ശനം ഉന്നയിക്കുന്നുണ്ട്.

National345 days ago