പാരീസ് ഒളിംപിക്‌സ്: ഒന്നാമനായി ഫൈനലില്‍ പ്രവേശിച്ച് നീരജ് ചോപ്ര

ഇന്ത്യയുടെ സ്വര്‍ണ മെഡല്‍ പ്രതീക്ഷയായ നീരജ് ചോപ്ര പുരുഷ ജാവലിന്‍ ത്രോ മത്സരത്തില്‍ ആദ്യ ത്രോയില്‍ തന്നെ ഫൈനലിലേക്ക് കടന്നു. ആദ്യ ശ്രമത്തില്‍ തന്നെ 89.34 മീറ്റര്‍ ദൂരത്തേക്ക് ജാവലിന്‍ എറിഞ്ഞ് യോഗ്യതാ പോരാട്ടത്തില്‍ ഒന്നാം സ്ഥാനക്കാരനായാണ് നീരജ് ഫൈനലിലേക്ക് പ്രവേശിച്ചത്. ഗ്രനാഡയുടെ അന്റേഴ്സന്‍ പീറ്റേഴ്സന്‍ 88.63 മീറ്റര്‍ എറിഞ്ഞ് രണ്ടാമനായും ജര്‍മനിയുടെ ജൂലിയന്‍ വെബര്‍ 87.76 മീറ്റര്‍ പിന്നിട്ട് മൂന്നാമനായും ഫൈനലില്‍ കയറി. അതേസമയം ഇതേ ഇനത്തില്‍ മത്സരിച്ച ഇന്ത്യയുടെ കിഷോര്‍ ജനയ്ക്ക് ഫൈനല്‍ യോഗ്യത നേടാനായില്ല.

Sports141 days ago

പാരിസ് ഒളിംപിക്‌സിലും പി. ടി. ഉഷ രാഷ്ട്രീയം കളിക്കുകയായിരുന്നുവെന്ന് വിനേഷ് ഫോഗട്ട്

ഇന്ത്യന്‍ ഒളിംപിക് അസോസിയേഷന്‍ പ്രസിഡന്റായ പി. ടി. ഉഷയ്ക്കെതിരെ രൂക്ഷ വിമര്‍ശനമാണ് ഗുസ്തി താരം വിനേഷ് ഫോഗട്ട് ഉന്നയിച്ചിരിക്കുന്നത്. പി. ടി. ഉഷ തന്നെ ആശുപത്രിയിലെത്തി സന്ദര്‍ശിച്ച് ഫോട്ടോ എടുത്ത് മടങ്ങുക മാത്യമാണ് ചെയ്തതെന്ന് വിനേഷ് ഫോഗട്ട് പറഞ്ഞു. ജീവിതത്തിലെ ഏറ്റവും മോശം സമയത്തിലൂടെ കടന്നുപോവുന്ന തന്നോട് ചോദിക്കാതെ ഫോട്ടോ എടുത്ത് സമൂഹമാധ്യമത്തില്‍ പോസ്റ്റുചെയ്യുകയാണ് പി. ടി. ഉഷ ചെയ്തതെന്ന് വിനേഷ് ഫോഗട്ട് കൂട്ടിച്ചേര്‍ത്തു.

Sports105 days ago

ലോസാന്‍ ഡയമണ്ട് ലീഗ്; നീരജ് ചോപ്രയ്ക്ക് രണ്ടാം സ്ഥാനം

സീസണിലെ മികച്ച ദൂരം കണ്ടെത്തിയാണ് നീരജ് ചോപ്ര രണ്ടാം സ്ഥാനത്തെത്തിയത്. അവസാന ശ്രമത്തില്‍ 89.49 മീറ്റര്‍ ദൂരം കണ്ടെത്തിയാണ് നീരജ് രണ്ടാം സ്ഥാനം ഉറപ്പിച്ചത്. ആദ്യ അഞ്ച് ശ്രമങ്ങളില്‍ 82.10, 83.21, 83.13, 82.34, 85.58 എന്നിങ്ങനെയായിരുന്നു നീരജിന്റെ പ്രകടനം. പാരീസ് ഒളിംപിക്‌സില്‍ വെങ്കല മെഡല്‍ നേടിയ ഗ്രനേഡയുടെ ആന്‍ഡേഴ്‌സ്ണ്‍ പീറ്റേഴ്‌സ് മീറ്റ് റെക്കോഡോടെ ( 90.61 മീറ്റര്‍) ഒന്നാം സ്ഥാനം സ്വന്തമാക്കി.

Sports124 days ago

അയോഗ്യയാക്കിയ നടപടി; വിനേഷ് ഫോഗട്ടിന്റെ ഹര്‍ജിയില്‍ വിധി പറയുന്നത് വീണ്ടും മാറ്റി

പാരീസ് ഒളിമ്പിസില്‍ 50 കിലോഗ്രാം ഗുസ്തി ഫൈനലില്‍ നിന്ന് അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ വിധി പറയുന്നത് വീണ്ടും മാറ്റി. ഓഗസ്റ്റ് 16ന് രാത്രി 9.30നാണ് വിധി പറയുക. മത്സരത്തിന് അനുവദനീയമായതിലും 100 ഗ്രാം ഭാരം കൂടിയതിന്റെ പേരിലായിരുന്നു വിനേഷിനെ അയോഗ്യയാക്കിയത്. എന്നാല്‍ ഫൈനലില്‍ എത്തിയതിനുശേഷമാണ് അയോഗ്യയാക്കപ്പെട്ടതെന്നും അതുവരെ അനുവദനീയമായ ശരീര ഭാരത്തിനുള്ളിലാണ് മത്സരിച്ചതെന്നും അതിനാല്‍ വെള്ളി മെഡല്‍ നല്‍കണമെന്നുമാണ് വിനേഷിന്റെ ആവശ്യം.

Sports133 days ago

അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ വിധി ഇന്ന്

പാരീസ് ഒളിമ്പിസില്‍ 50 കിലോഗ്രാം ഗുസ്തി ഫൈനലില്‍ അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ അന്താരാഷ്ട്ര കായിക കോടതി ഇന്ന് വിധി പറയും. ഇന്ത്യന്‍ സമയം രാത്രി 9:30നാണ് കോടതി വിധി പറയുക. ഫൈനലില്‍ എത്തിയതിനുശേഷമാണ് അയോഗ്യയാക്കപ്പെട്ടതെന്നും അതുവരെ അനുവദിനീയമായ ശരീര ഭാരത്തിനുള്ളിലാണ് മത്സരിച്ചതെന്നും അതിനാൽ വെള്ളി മെഡല്‍ നല്‍കണമെന്നുമാണ് വിനേഷിന്റെ ആവശ്യം.

Sports134 days ago

പാരീസ് ഒളിമ്പിക്സിന് കൊടിയിറങ്ങി

പതിനഞ്ച് പകലിരവുകൾക്കൊടുവിൽ ലോക കായിക മാമാങ്കമായ ഒളിമ്പിക്സ് പാരീസിൽ സമാപിച്ചു. ജൂലൈ 24 നാണ് പാരീസ് ഒളിമ്പിക്സിന് കൊടിയേറിയത്. 32 കായിക ഇനങ്ങളിലായി 329 മത്സരങ്ങളാണ് ഒളിമ്പിക്സിൽ നടന്നത്. 40 സ്വർണം, 44 വെള്ളി, 42 വെങ്കലം എന്നിങ്ങനെ 126 മെഡലുകളുമായി USA യാണ് ഒന്നാം സ്ഥാനത്ത്. ഒരു വെള്ളിയും 5 വെങ്കലവുമായി ഇന്ത്യ 71-ാം സ്ഥാനത്താണ്. സമാപന മാർച്ച് പാസ്റ്റിൽ പി.ആർ. ശ്രീജേഷും മനു ഭാക്കാറുമാണ് ഇന്ത്യയുടെ പതാക വഹിച്ചത്. 2028 ൽ US നഗരമായ ലോസ് ആഞ്ജലീസാണ് 34-ാമത് ഒളിമ്പിക്സിന് വേദിയാകുക.

Sports135 days ago

പാരീസ് ഒളിമ്പിക്സ് നാളെ സമാപിക്കും

പാരീസ് ഒളിമ്പിക്സിന് നാളെ സമാപനം. ഇന്ത്യൻ സമയം അർധരാത്രി 12:30നാണ് സമാപന ചടങ്ങുകൾ നടക്കുക. ഒളിമ്പിക്സിൽ ഏറെ പ്രതീക്ഷകളുമായി എത്തിയ ഇന്ത്യൻ സംഘത്തിന് എല്ലാ മത്സരങ്ങളും അവസാനിച്ചപ്പോൾ ഇന്ത്യക്ക് ഒരു സ്വർണമെഡൽ പോലും നേടാനായില്ല. ഒരു വെള്ളിയും അഞ്ച് വെങ്കലവുമടക്കം ആറ് മെഡലുകളാണ് ഇന്ത്യ നേടിയത്. ഷൂട്ടിങ്ങിൽ നിന്നാണ് മൂന്ന് വെങ്കല മെഡലുകളും. ഒളിമ്പിക്സ് ഗുസ്തിയിൽ നിന്ന് അയോഗ്യയാക്കിയതിനെതിരെ വിനേഷ് ഫോഗട്ട് അന്താരാഷ്ട്ര കായിക കോടതിയിൽ നൽകിയ അപ്പീലിൽ വിധി വന്നിട്ടില്ല. വിനേഷിനും മെഡൽ ലഭിക്കുകയാണെങ്കിൽ ഇന്ത്യയുടെ മെഡൽ നേട്ടം 7 ആകും.

Sports135 days ago

അയോഗ്യയാക്കിയ നടപടി; വിനേഷിന്റെ അപ്പീലില്‍ ഇന്ന് വിധി പറയില്ല

പാരിസ് ഒളിംപിക്സില്‍ ഭാരപരിശോധനയില്‍ 100 ഗ്രാം കൂടിയതിനെ തുടര്‍ന്ന് ഗുസ്തി മത്സരത്തില്‍ നിന്ന് അയോഗ്യയാക്കിയ നടപടിക്കെതിരെ വിനേഷ് ഫോഗട്ട് നല്‍കിയ അപ്പീലില്‍ ഇന്നു വിധി പറയില്ല. ഞായറാഴ്ച വൈകിട്ട് 9.30ന് മുന്‍പ് വിധി പറയുമെന്നാണ് കോടതി അറിയിച്ചിരിക്കുന്നത്. വെള്ളി മെഡലിന് അര്‍ഹതയുണ്ടെന്ന് കാണിച്ചാണ് വിനേഷ് അന്താരാഷ്ട്ര കായിക കോടതിയെ സമീപിച്ചത്. വിനേഷിന്റെ അപ്പീലില്‍ വാദം പൂര്‍ത്തിയായിരുന്നു.

Sports136 days ago

ഒളിമ്പിക്‌സ്: ഇന്ത്യയുടെ റീതിക ഹൂഡ തോറ്റുപുറത്തായി

പാരിസ് ഒളിമ്പിക്‌സിലെ വനിതാ ഫ്രീസ്‌റ്റൈല്‍ 76 കിലോഗ്രാം ഗുസ്തിയില്‍ ഇന്ത്യയുടെ റീതിക ഹൂഡ ക്വാര്‍ട്ടറില്‍ തോറ്റുപുറത്തായി. കിര്‍ഗിസ്ഥാന്‍ താരം അയ്‌പേറി മെഡെറ്റ് കിസിയോടാണ് റീതിക കീഴടങ്ങിയത്. അതേസമയം പുരുഷ വിഭാഗം 57 കിലോഗ്രാം ഫ്രീസ്റ്റൈല്‍ ഗുസ്തിയില്‍ അമന്‍ ഷെറാവത്താണ് രാജ്യത്തിനായി വെങ്കല മെഡല്‍ നേടിയിരുന്നു. പോര്‍ട്ടറിക്കോയുടെ ഡാരിയന്‍ ക്രൂസിനെയായിരുന്നു അമന്‍ കീഴടക്കിയത്.

Sports136 days ago

പാരീസ് ഒളിംപിക്‌സ്: ഗുസ്തിയില്‍ ഇന്ത്യക്ക് ആദ്യ മെഡല്‍

പുരുഷ വിഭാഗം 57 കിലോഗ്രാം ഫ്രീസ്‌റ്റൈല്‍ ഗുസ്തിയില്‍ അമന്‍ ഷെറാവത്താണ് രാജ്യത്തിനായി വെങ്കല മെഡല്‍ സ്വന്തമാക്കിയത്. ഇന്ത്യയുടെ ആറാമത്തെ മെഡലാണിത്. പോര്‍ട്ടറിക്കോയുടെ ഡാരിയന്‍ ക്രൂസിനെയാണ് അമന്‍ കീഴടക്കിയത്. പാരീസില്‍ ഇന്ത്യന്‍ ഗുസ്തി സംഘത്തിലെ ഏക പുരുഷ താരമായിരുന്നു അമന്‍. ഇതോടെ ഇന്ത്യയുടെ ഏറ്റവും പ്രായം കുറഞ്ഞ ഒളിംപിക്‌സ് മെഡല്‍ ജേതാവാണ് ഹരിയാന സ്വദേശിയായ അമന്‍.

Sports137 days ago

ഒളിമ്പിക്സിൽ അയോഗ്യയാക്കിയതിനെതിരെ വിനേഷ് ഫോഗട്ട് നൽകിയ ഹർജി അന്താരാഷ്ട്ര കായിക കോടതി ഇന്ന് പരിഗണിക്കും

ഭാരപരിശോധനയിൽ പരാജയപ്പെട്ടെന്നു ചൂണ്ടിക്കാട്ടി ഒളിമ്പിക്സിൽ നിന്ന് അയോഗ്യയാക്കിയതിനെതിരെ ഇന്നലെ വിനേഷ് ഫോഗട്ട് നൽകിയ അപ്പീല്‍ സ്വീകരിച്ച കോടതി ഇന്ന് വാദം കേൾക്കും. സംയുക്ത വെള്ളി മെഡലിനായാണ് അപ്പീൽ. വിനേഷിന്റെ അപ്പീൽ ലോക കായിക തർക്ക പരിഹാര കോടതി സ്വീകരിച്ചത് ശുഭസൂചനയാണെന്നാണ് വിലയിരുത്തൽ. അഭിഭാഷകനായ ഹരിഷ് സാൽവെയാകും വിനേഷ് ഫോഗട്ടിന് വേണ്ടി ഹാജരാക്കുക.

Sports138 days ago