അയോഗ്യയാക്കിയ നടപടി; വിനേഷ് ഫോഗട്ടിന്റെ ഹര്‍ജിയില്‍ വിധി പറയുന്നത് വീണ്ടും മാറ്റി

പാരീസ് ഒളിമ്പിസില്‍ 50 കിലോഗ്രാം ഗുസ്തി ഫൈനലില്‍ നിന്ന് അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ വിധി പറയുന്നത് വീണ്ടും മാറ്റി. ഓഗസ്റ്റ് 16ന് രാത്രി 9.30നാണ് വിധി പറയുക. മത്സരത്തിന് അനുവദനീയമായതിലും 100 ഗ്രാം ഭാരം കൂടിയതിന്റെ പേരിലായിരുന്നു വിനേഷിനെ അയോഗ്യയാക്കിയത്. എന്നാല്‍ ഫൈനലില്‍ എത്തിയതിനുശേഷമാണ് അയോഗ്യയാക്കപ്പെട്ടതെന്നും അതുവരെ അനുവദനീയമായ ശരീര ഭാരത്തിനുള്ളിലാണ് മത്സരിച്ചതെന്നും അതിനാല്‍ വെള്ളി മെഡല്‍ നല്‍കണമെന്നുമാണ് വിനേഷിന്റെ ആവശ്യം.

Sports132 days ago

വിനേഷ് ഫോഗട്ടിന് ഉത്തേജക വിരുദ്ധ ഏജന്‍സിയുടെ നോട്ടീസ്

ഗുസ്തി താരം വിനേഷ് ഫോഗട്ടിന് ദേശീയ ഉത്തേജക വിരുദ്ധ ഏജന്‍സി (നാഡ)യുടെ നോട്ടീസ്. നാഡയുടെ ടെസ്റ്റിങ് പൂളില്‍ ഉള്‍പ്പെട്ടിട്ടുള്ള വിനേഷ് പരിശീലന, താമസ വിവരങ്ങള്‍ മുന്‍കൂട്ടി അറിയിക്കണമെന്നും മുന്‍കൂര്‍ അറിയിപ്പില്ലാതെയും ഉത്തേജക പരിശോധനയ്ക്ക് തയാറാകണമെന്നുമാണ് ചട്ടം. ഇതനുസരിച്ച് ഉത്തേജക പരിശോധന നടത്താനായി എത്തിയപ്പോള്‍ വിനേഷ് ഫോഗട്ട് സ്ഥലത്ത് ഉണ്ടായിരുന്നില്ലെന്ന് ചൂണ്ടിക്കാട്ടിയാണ് നടപടി. ഹരിയാനയിലെ കോണ്‍ഗ്രസ് സ്ഥാനാര്‍ത്ഥിയായ വിനേഷ് തിരഞ്ഞെടുപ്പ് പ്രചാരണത്തില്‍ സജീവമായി നില്‍ക്കെയാണ് നാഡയുടെ നോട്ടീസ് ലഭിച്ചിരിക്കുന്നത്.

National88 days ago

പാരിസ് ഒളിംപിക്‌സിലും പി. ടി. ഉഷ രാഷ്ട്രീയം കളിക്കുകയായിരുന്നുവെന്ന് വിനേഷ് ഫോഗട്ട്

ഇന്ത്യന്‍ ഒളിംപിക് അസോസിയേഷന്‍ പ്രസിഡന്റായ പി. ടി. ഉഷയ്ക്കെതിരെ രൂക്ഷ വിമര്‍ശനമാണ് ഗുസ്തി താരം വിനേഷ് ഫോഗട്ട് ഉന്നയിച്ചിരിക്കുന്നത്. പി. ടി. ഉഷ തന്നെ ആശുപത്രിയിലെത്തി സന്ദര്‍ശിച്ച് ഫോട്ടോ എടുത്ത് മടങ്ങുക മാത്യമാണ് ചെയ്തതെന്ന് വിനേഷ് ഫോഗട്ട് പറഞ്ഞു. ജീവിതത്തിലെ ഏറ്റവും മോശം സമയത്തിലൂടെ കടന്നുപോവുന്ന തന്നോട് ചോദിക്കാതെ ഫോട്ടോ എടുത്ത് സമൂഹമാധ്യമത്തില്‍ പോസ്റ്റുചെയ്യുകയാണ് പി. ടി. ഉഷ ചെയ്തതെന്ന് വിനേഷ് ഫോഗട്ട് കൂട്ടിച്ചേര്‍ത്തു.

Sports103 days ago

ഹരിയാന നിയമസഭാ തിരഞ്ഞെടുപ്പ്: രണ്ടാംഘട്ട സ്ഥാനാർത്ഥി പട്ടിക പുറത്തുവിട്ട് BJP

21 സ്ഥാനാർത്ഥികൾ അടങ്ങുന്ന രണ്ടാംഘട്ട സ്ഥാനാർത്ഥി പട്ടികയാണ് BJP പുറത്തിറക്കിയത്. ഹരിയാനയിലെ ജുലാന മണ്ഡലത്തിൽ നിന്നും കോൺഗ്രസ് സ്ഥാനാർത്ഥിയായി മത്സരിക്കുന്ന ഗുസ്തി താരം വിനേഷ് ഫോഗട്ടിനെതിരെ BJP യുവനേതാവ് ക്യാപ്റ്റൻ യോഗേഷ് ബൈരാഗിയാണ് മത്സരിക്കുക. ഭാരതീയ ജനത യുവമോർച്ചയുടെ ഉപാധ്യക്ഷനും BJP ഹരിയാന കായിക വകുപ്പിന്റെ കൺവീനറുമാണ് യോഗേഷ് ബൈരാഗി. രണ്ടാംഘട്ട സ്ഥാനാർത്ഥി പട്ടികയിൽ സിറ്റിംഗ് MLA മാരിൽ പലരെയും ഒഴിവാക്കിയിട്ടുണ്ട്.

National104 days ago

ബ്രിജ് ഭൂഷണിന് BJP യുടെ താക്കീത്

മുൻ ഗുസ്തി ഫെഡറേഷൻ അധ്യക്ഷൻ ബ്രിജ് ഭൂഷൺ ശരൺ സിങ്ങിന് താക്കീതുമായി BJP. ഹരിയാന നിയമസഭാ തിരഞ്ഞെടുപ്പിൽ കോൺഗ്രസ് സ്ഥാനാർഥിയായി ഗുസ്തിതാരം വിനേഷ് ഫോഗാട്ടിനെ പ്രഖ്യാപിച്ചതിനു പിന്നാലെ ഗുസ്തി താരങ്ങളായ വിനേഷ് ഫോഗട്ടിനേം ബജ്‌റംഗ് പുനിയേയും വിമർശിച്ച് ബ്രിജ് ഭൂഷൺ രംഗത്തെത്തിയിരുന്നു. ഗുസ്തി താരങ്ങൾക്കെത്തിയ ഒന്നും സംസാരിക്കരുതെന്നാണ് BJP നേതൃത്വം ബ്രിജ് ഭൂഷണിന് നൽകിയിരിക്കുന്ന നിർദേശം. തിരഞ്ഞെടുപ്പ് അടുത്തുവരുന്ന സമയത്ത് ഇത്തരം പരാമർശങ്ങൾ പാർട്ടിക്ക് തിരിച്ചടിയാകുമെന്ന വിലയിരുത്തലിനെ തുടർന്നാണ് BJP യുടെ നടപടി.

National106 days ago

വിനേഷ് ഫോഗട്ടിന്റെ കോണ്‍ഗ്രസ് പ്രവേശനം; ഗൂഢാലോചന തെളിഞ്ഞെന്ന് ബ്രിജ് ഭൂഷണ്‍

ഗുസ്തി താരം വിനേഷ് ഫോഗട്ട് കോണ്‍ഗ്രസില്‍ ചേര്‍ന്നതും ഹരിയാന നിയമസഭാ തിരഞ്ഞെടുപ്പില്‍ മത്സരിക്കുന്നതും, തനിക്കെതിരായ ലൈംഗികാരോപണങ്ങളും ഗുസ്തിക്കാരുടെ പ്രതിഷേധവും കോണ്‍ഗ്രസിന്റെ ഗൂഢാലോചനയാണെന്നതിന്റെ തെളിവാണെന്ന് മുന്‍ BJP എംപി ബ്രിജ് ഭൂഷണ്‍ ശരണ്‍ സിംഗ്. ഒളിമ്പിക്‌സ് ഫൈനലിന് മുമ്പുളള വിനേഷിന്റെ ആയോഗ്യത ദൈവം നല്‍കിയ ഫലമാണെന്നും അദ്ദേഹം പറഞ്ഞു. ബ്രിജ് ഭൂഷണെതിരായ ഗുസ്തിക്കാരുടെ പ്രതിഷേധത്തില്‍ മുന്‍നിരയില്‍ നിന്ന താരങ്ങളായിരുന്നു വിനേഷ് ഫോഗട്ടും ബജ്‌രംഗ്‌ പുനിയയും. ഇരുവരും കഴിഞ്ഞ ദിവസം കോണ്‍ഗ്രസില്‍ ചേര്‍ന്നിരുന്നു.

National107 days ago

ഹരിയാന നിയമസഭാ തിരഞ്ഞെടുപ്പ്: വിനേഷ് ഫോഗട്ട് കോണ്‍ഗ്രസ് സ്ഥാനാര്‍ത്ഥി

ഹരിയാന നിയമസഭാ തിരഞ്ഞെടുപ്പിനുളള ആദ്യഘട്ട സ്ഥാനാര്‍ത്ഥി പട്ടിക പ്രഖ്യാപിച്ച് കോണ്‍ഗ്രസ്. കഴിഞ്ഞ ദിവസം പാര്‍ട്ടിയില്‍ ചേര്‍ന്ന ഗുസ്തി താരം വിനേഷ് ഫോഗട്ട് സ്ഥാനാര്‍ത്ഥി പട്ടികയില്‍ ഇടംനേടി. ജുലാന മണ്ഡലത്തില്‍ നിന്നാകും വിനേഷ് ജനവിധി തേടുക. മുന്‍ മുഖ്യമന്ത്രി ഭൂപീന്ദര്‍ സിംഗ് ഹൂഡ ഉള്‍പ്പെടെ 31 പേരുടെ പട്ടികയാണ് കോണ്‍ഗ്രസ് പുറത്തിറക്കിയിരിക്കുന്നത്. ഒക്ടോബര്‍ അഞ്ചിനാണ് ഹരിയാനയില്‍ നിയമസഭാ തിരഞ്ഞെടുപ്പ്. ഒക്ടോബര്‍ എട്ടിന് വോട്ടെണ്ണല്‍ നടക്കും.

National107 days ago

വിനേഷ് ഫോഗട്ട് കോൺഗ്രസിനായി ഹരിയാനയിലെ ജുലാന മണ്ഡലത്തിൽ നിന്ന് മത്സരിച്ചേക്കും

കോൺഗ്രസിൽ അംഗത്വം സ്വീകരിച്ച ഗുസ്തി താരം വിനേഷ് ഫോഗട്ട് ഹരിയാന നിയമസഭാ തിരഞ്ഞെടുപ്പിൽ ജുലാന മണ്ഡലത്തിൽ നിന്ന് കോൺഗ്രസ് സ്ഥാനാർത്ഥിയായി മത്സരിച്ചേക്കും. ഹരിയാന കോൺഗ്രസ് അധ്യക്ഷൻ ദീപക് ബാബരിയ ആണ് ഇത് സംബന്ധിച്ച സൂചനകൾ നൽകിയത്. വിനേഷ് ഫോഗട്ടിനൊപ്പം ഇന്ന് AICC ആസ്ഥാനത്തെത്തി കോൺഗ്രസിൽ അംഗത്വം സ്വീകരിച്ച മറ്റൊരു ഗുസ്തി താരമായ ബജ്‌രംഗ് പുനിയ തിരഞ്ഞെടുപ്പിൽ മത്സരിച്ചേക്കില്ല.

National108 days ago

വിനേഷ് ഫോഗട്ടും ബജ്‌രംഗ് പുനിയയും കോണ്‍ഗ്രസില്‍ ചേര്‍ന്നു

ഗുസ്തി താരങ്ങളായ വിനേഷ് ഫോഗട്ടും ബജ്‌രംഗ് പുനിയയും കോണ്‍ഗ്രസില്‍ ചേര്‍ന്നു. AICC ആസ്ഥാനത്തെത്തിയാണ് താരങ്ങള്‍ കോണ്‍ഗ്രസ് അംഗത്വം സ്വീകരിച്ചത്. ഇരുവരും ഹരിയാന നിയമസഭാ തിരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥികളായി മത്സരിക്കുമെന്നാണ് വിലയിരുത്തല്‍. കോണ്‍ഗ്രസില്‍ ചേരുന്നതിന് മുന്നോടിയായി വിനേഷ് ഫോഗട്ടും ബജ്‌രംഗ് പുനിയയും റെയില്‍വേയിലെ ജോലി രാജിവെച്ചിരുന്നു.

National108 days ago

കോണ്‍ഗ്രസില്‍ ചേര്‍ന്നേക്കും; രാഹുലിനെ സന്ദര്‍ശിച്ച് വിനേഷും ബജ്‌രംഗും

ഹരിയാന നിയമസഭ തിരഞ്ഞെടുപ്പില്‍ ഗുസ്തി താരങ്ങളായ വിനേഷ് ഫോഗട്ടും ബജ്രംഗ് പൂനിയയും മത്സരിച്ചേക്കുമെന്ന അഭ്യൂഹങ്ങള്‍ നിലനനില്‍ക്കെയാണ് ഇരുവരും രാഹുല്‍ ഗാന്ധിയെ സന്ദര്‍ശിച്ചിരിക്കുന്നത്. ഔദ്യോഗിക എക്സ് അക്കൗണ്ടിലൂടെയായിരുന്നു കൂടിക്കാഴ്ചയുടെ വിവരങ്ങള്‍ കോണ്‍ഗ്രസ് പങ്കുവെച്ചത്. കോണ്‍ഗ്രസ് ജനറല്‍ സെക്രട്ടറി കെ സി വേണുഗോപാലിനെ ഇന്ന് സന്ദര്‍ശിച്ചേക്കുമെന്ന സൂചനയുമുണ്ട്. സ്ഥാനാര്‍ഥി പ്രഖ്യാപനം വൈകാതെയുണ്ടാകുമെന്നാണ് പുറത്തു വരുന്ന റിപ്പോര്‍ട്ടുകള്‍.

National110 days ago

കര്‍ഷകര്‍കരുടെ പ്രശ്‌ന പരിഹാരത്തിന് മുന്‍ഗണന നല്‍കൂ; കേന്ദ്രത്തോട് ഫിനേഷ് ഫോഗട്ട്

കേന്ദ്രസര്‍ക്കാര്‍ നയങ്ങളെ തുടര്‍ന്ന് പ്രതിഷേധിക്കുന്ന കര്‍ഷകര്‍കരുടെ ആവശ്യങ്ങള്‍ പരിഗണിക്കുകയും പ്രശ്നപരിഹാരത്തിന് മുന്‍ഗണന നല്‍കുകയുെ വേണമെന്നാണ് ഒളിംപിക്‌സ് താരം വിനേഷ് ഫോഗട്ട് ആവശ്യപ്പെട്ടിരിക്കുന്നത്. സമരം തുടരുന്ന കര്‍ഷകര്‍ ഈ രാജ്യത്തെ പൗരന്മാരാണെന്നും അവരാണ് രാജ്യത്തെ മുന്നോട്ട് നയിക്കുന്നതെന്നും വിനേഷ് പറഞ്ഞു. പഞ്ചാബ്-ഹരിയാന അതിര്‍ത്തിയായ ശംഭുവില്‍ നടക്കുന്ന കര്‍ഷക സമരത്തിന്റെ 200ാം ദിനത്തില്‍ പങ്കാളിയായി സംസാരിക്കവെയാണ് ഇക്കാര്യം പറഞ്ഞത്.

National114 days ago