മേഘവിസ്‌ഫോടനം; കേദാര്‍നാഥില്‍ രക്ഷാപ്രവര്‍ത്തനം തുടരുന്നു

കനത്ത മഴയെത്തുടര്‍ന്ന് തകര്‍ന്ന കേദാര്‍നാഥ് റൂട്ടില്‍ അഞ്ചാം ദിവസവും രക്ഷാപ്രവര്‍ത്തനം പുരോഗമിക്കുന്നു. 133 പേരെ എയര്‍ലിഫ്റ്റ് ചെയ്ത് സുരക്ഷിത സ്ഥാനങ്ങളിലേക്ക് മാറ്റി. കേദാര്‍നാഥ്, ലിഞ്ചോളി, ഭീംബലി, ഗൗരികുണ്ഡ് തുടങ്ങിയ യാത്രാ റൂട്ടുകളിലകപ്പെട്ട 10,374 പേരെ രക്ഷപ്പെടുത്തിയതായി ദുരന്തനിവാരണ സെക്രട്ടറി വിനോദ് കുമാര്‍ സുമന്‍ പറഞ്ഞു. ജൂലൈ 31നുണ്ടായ മേഘവിസ്‌ഫോടനത്തിന് പിന്നാലെയാണ് കേദാര്‍നാഥ്, ലിഞ്ചോളി, ഭീംബാലി, ഘോരപദവ്, റംബദ എന്നിവയുള്‍പ്പെടെയുളള സ്ഥലങ്ങളിലെ റോഡുകള്‍ ഒലിച്ചുപോയത്.

National140 days ago

മഹാരാഷ്ട്രയില്‍ മഴക്കെടുതിയില്‍ അഞ്ച് പേര്‍ മരിച്ചു

മഹാരാഷ്ട്രയില്‍ കനത്തമഴ തുടരുന്നു. മുംബൈയിലെ അന്ധേരി ഈസ്റ്റില്‍ തുറന്ന ഓടയില്‍ വീണ് സ്ത്രീ മരിച്ചു. റായ്ഗഡ് സ്വദേശിനിയായ യുവതി വെള്ളച്ചാട്ടത്തില്‍ മുങ്ങി മരിക്കുകയും കല്യാണില്‍ ഇടിമിന്നലേറ്റ് മൂന്ന് പേര്‍ മരണപ്പെടുകയും ചെയ്തു. കനത്ത മഴയെത്തുടര്‍ന്ന് മുംബൈയിലെ സ്‌കൂളുകള്‍ക്കും കോളേജുകള്‍ക്കും ഇന്ന് അവധി പ്രഖ്യാപിച്ചിട്ടുണ്ട്. മുംബൈയില്‍ ഇന്നും മഴ തുടരുമെന്നും കാലാവസ്ഥാ വകുപ്പ് അറിയിച്ചു.

National88 days ago

കനത്ത മഴ: തെലങ്കാനയില്‍ 16 മരണം

തെലങ്കാനയില്‍ കനത്ത മഴ തുടരുന്നു. മഴക്കെടുതില്‍ 16 പേര്‍ മരണപ്പെട്ടു. മരിച്ചവരുടെ ബന്ധുക്കള്‍ക്ക് തെലങ്കാന സര്‍ക്കാര്‍ 5 ലക്ഷം രൂപ ധനസഹായം പ്രഖ്യാപിച്ചു. കനത്തമഴയില്‍ സംസ്ഥാനത്ത് 5,000 കോടി രൂപയുടെ നാശനഷ്ടമുണ്ടായതായാണ് പ്രാഥമിക വിലയിരുത്തല്‍. മുഖ്യമന്ത്രി രേവന്ത് റെഡ്ഡി അടിയന്തര സഹായത്തിനായി കേന്ദ്രത്തോട് അഭ്യര്‍ത്ഥിക്കുക്കയും വെള്ളപ്പൊക്കത്തെ ദേശീയ ദുരന്തമായി പ്രഖ്യാപിക്കണമെന്ന് ആവശ്യപ്പെടുകയും ചെയ്തു.

National112 days ago

ആന്ധ്രയില്‍ കനത്തമഴ; എട്ട് പേര്‍ മരിച്ചു

കനത്തമഴയില്‍ ആന്ധ്രാപ്രദേശിന്റെ പല ഭാഗങ്ങളിലും വെള്ളപ്പൊക്കവും ഉരുള്‍പൊട്ടലുമുണ്ടായി. മഴക്കെടുതിയില്‍ എട്ടുപേര്‍ മരണപ്പെട്ടു. താഴ്ന്ന പ്രദേശങ്ങളില്‍ നിന്ന് നിരവധിയാളുകളെ സുരക്ഷിത സ്ഥാനങ്ങളിലേക്ക് മാറ്റി. ദേശീയ, സംസ്ഥാന ദുരന്ത നിവാരണ സേനയും പോലീസും മേഖലയില്‍ രക്ഷാപ്രവര്‍ത്തനം തുടരുകയാണ്. കനത്ത മഴയില്‍ സംസ്ഥാനത്തെ വിവിധയിടങ്ങളില്‍ ട്രെയിന്‍ ഗതാഗതം തടസപ്പെട്ടു. ബംഗാള്‍ ഉള്‍ക്കടലില്‍ രൂപം കൊണ്ട ന്യൂനമര്‍ദ്ദം കാരണം വരും ദിവസങ്ങളിലും ആന്ധ്രയിലും തെലങ്കാനയിലും മഴ സാധ്യതയുണ്ടെന്നാണ് റിപ്പോര്‍ട്ട്.

National113 days ago

ശക്തമായ മഴ; ഉത്തരേന്ത്യയില്‍ വെള്ളപ്പൊക്കം, കനത്ത നാശനഷ്ടം

കനത്തമഴയെ തുടര്‍ന്നുണ്ടായ വെള്ളപ്പൊക്കത്തില്‍ ഉത്തരേന്ത്യയില്‍ വ്യാപക നാശനഷ്ടം. വെള്ളപ്പൊക്കവും മണ്ണിടിച്ചിലും ഹിമാചല്‍ പ്രദേശ്, പഞ്ചാബ്, ഹരിയാന, രാജസ്ഥാന്‍ തുടങ്ങിയ ഉത്തരേന്ത്യന്‍ സംസ്ഥാനങ്ങളിലെ ജനജീവിതം താറുമാറാക്കി. ഹിമാചല്‍ പ്രദേശില്‍ നാല് ദേശീയ പാതകള്‍ ഉള്‍പ്പെടെ 338 റോഡുകള്‍ അടച്ചു. പല പ്രദേശങ്ങളിലും വെള്ളക്കെട്ട് തുടരുകയാണ്. സത്‌ലജ് നദി പലയിടത്തും കരകവിഞ്ഞൊഴുകി. സംസ്ഥാന ദുരന്ത നിവാരണ അതോറിറ്റിയുടെ കണക്കുകള്‍ പ്രകാരം ഹിമാചലില്‍ ഓഗസ്റ്റ് 1 മുതല്‍ 55 പേരെ കാണാതായിട്ടുണ്ട്.

National132 days ago

കനത്ത മഴ; ഹിമാചല്‍ പ്രദേശില്‍ 128 റോഡുകള്‍ അടച്ചു

ഹിമാചല്‍ പ്രദേശില്‍ ഓഗസ്റ്റ് 16 വരെ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. കനത്തമഴയെത്തുടര്‍ന്നുണ്ടായ മണ്ണിടിച്ചിലിലും വെള്ളപ്പൊക്കത്തിലും സംസ്ഥാനത്ത് 128 റോഡുകള്‍ അടച്ചിട്ടു. 44 വൈദ്യുതി, 67 ജലവിതരണ പദ്ധതികള്‍ തടസപ്പെട്ടതായി സ്റ്റേറ്റ് എമര്‍ജന്‍സി ഓപ്പറേഷന്‍ സെന്റര്‍ അറിയിച്ചു. ജൂണ്‍ അവസാനവാരം മുതല്‍ ആരംഭിച്ച മഴക്കെടുതിയില്‍ സംസ്ഥാനത്ത് നൂറിലധികം പേര്‍ മരണപ്പെട്ടതായും ഏകദേശം 842 കോടി രൂപയുടെ നാശനഷ്ടം ഉണ്ടായതായും അധികൃതര്‍ കൂട്ടിച്ചേര്‍ത്തു.

National135 days ago

മേഘവിസ്‌ഫോടനം; ഹിമാചലില്‍ മരിച്ചവരുടെ എണ്ണം 22 ആയി

ഹിമാചല്‍പ്രദേശിലെ ഷിംല, കുളു, മാണ്ഡി ജില്ലകളിലുണ്ടായ മേഘവിസ്‌ഫോടനത്തെ തുടര്‍ന്നുണ്ടായ വെള്ളപ്പൊക്കത്തില്‍ 22 പേര്‍ കൊല്ലപ്പെട്ടു. കാണാതായ 30 ഓളം പേര്‍ക്കായുളള തിരച്ചില്‍ പുരോഗമിക്കുകയാണ്. ജൂലൈ 31നുണ്ടായ മേഘവിസ്‌ഫോടനത്തില്‍ കുളുവിലെ നിര്‍മാന്ദ്, സൈഞ്ച്, മലാന, മാണ്ഡിയിലെ പധര്‍, ഷിംലയിലെ രാംപൂര്‍ എന്നിവിടങ്ങളിലാണ് വെള്ളപ്പൊക്കമുണ്ടായത്. മേഘവിസ്‌ഫോടനമുണ്ടായ 85 കിലോമീറ്റര്‍ ചുറ്റളവില്‍ തിരച്ചില്‍ തുടരുകയാണെന്നും അധികൃതര്‍ അറിയിച്ചു.

National137 days ago

മണ്ണിടിച്ചിലും മേഘസ്ഫോടനവും; ഹിമാചല്‍പ്രദേശില്‍ 13 മരണം

മാണ്ഡി, ഷിംല ജില്ലകളില്‍ നിന്ന് നാല് മൃതദേഹങ്ങള്‍ കണ്ടെടുത്തതോടെയാണ് മേഘവിസ്‌ഫോടനത്തെ തുടര്‍ന്നുണ്ടായ വെള്ളപ്പൊക്കത്തില്‍ മരിച്ചവരുടെ എണ്ണം 13 ആയി ഉയര്‍ന്നത്. ജൂലൈ 31ന് രാത്രി കുളുവിലെ നിര്‍മ്മന്ദ്, സൈഞ്ച്, മലാന, മണ്ടിയിലെ പധാര്‍, ഷിംലയിലെ രാംപൂര്‍ സബ്ഡിവിഷന്‍ എന്നിവിടങ്ങളില്‍ തുടര്‍ച്ചയായി മേഘവിസ്‌ഫോടനം ഉണ്ടായതിന് പിന്നാലെ 40 ഓളം പേരെ കാണാതായതായാണ് റിപ്പോര്‍ട്ട്. കൂടുതല്‍ യന്ത്രങ്ങള്‍, സ്‌നിഫര്‍ ഡോഗ് സ്‌ക്വാഡുകള്‍, ഡ്രോണുകള്‍, മറ്റ് ഉപകരണങ്ങള്‍ എന്നിവ എത്തിച്ച് ഇവര്‍ക്കായി തിരച്ചില്‍ ഊര്‍ജിതമാക്കിയതായി അധികൃതര്‍ അറിയിച്ചു.

National140 days ago

ഉത്തരാഖണ്ഡില്‍ മേഘവിസ്‌ഫോടനത്തില്‍ മരിച്ചവരുടെ എണ്ണം 17 ആയി

കഴിഞ്ഞ ദിവസം രുദ്രപ്രയാഗില്‍ നിന്ന് ഒരു മൃതദേഹം കൂടി കണ്ടെടുത്തതോടെയാണ് മരിച്ചവരുടെ എണ്ണം 17 ആയി ഉയര്‍ന്നത്. കനത്ത മഴയെ തുടര്‍ന്ന് കേദാര്‍നാഥ് ക്ഷേത്രത്തിലേക്കുള്ള റൂട്ടില്‍ കുടുങ്ങിയ 9,000ത്തിലധികം തീര്‍ത്ഥാടകരെ രക്ഷപ്പെടുത്തി. കേദാര്‍നാഥ്, ഗൗരികുണ്ഡ്, സോന്‍പ്രയാഗ് മേഖലകളില്‍ നിന്ന് ഇനിയും ആയിരത്തോളം തീര്‍ത്ഥാടകരെ ഒഴിപ്പിക്കാനുണ്ട്. അതേസമയം ഓഗസ്റ്റ് 8 വരെ ഉത്തരാഖണ്ഡിന്റെ പല ഭാഗങ്ങളിലും കനത്ത മഴയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ അറിയിപ്പ്.

National141 days ago

ഹിമാചലില്‍ മേഘവിസ്‌ഫോടനം; 20 പേരെ കാണാതായി

ഷിംലയിലെ രാംപുരില്‍ സമേജ് ഖഡിലെ ജലവൈദ്യുത നിലയത്തിന് സമീപമാണ് മേഘവിസ്ഫോടനമുണ്ടായത്. മേഘവിസ്‌ഫോടനത്തെ തുടര്‍ന്നുണ്ടായ മിന്നല്‍ പ്രളയത്തില്‍ പ്രദേശത്തേക്കുള്ള റോഡ് സംവിധാനം താറുമാറായി. ഷിംലയില്‍നിന്ന് 125 കിലോമീറ്റര്‍ അകലെയുള്ള മണ്ഡിയിലും മേഘവിസ്ഫോടടനം റിപ്പോര്‍ട്ട് ചെയ്തു. സംഭവ സ്ഥലത്ത് രക്ഷാപ്രവര്‍ത്തനം പുരോഗമിക്കുകയാണ്.

National144 days ago

കോഴിക്കോട് വിലങ്ങാട് വീണ്ടും ഉരുള്‍പൊട്ടി; കളക്ടറും സംഘവും കുടുങ്ങി

കോഴിക്കോട് ജില്ലയില്‍ കനത്ത മഴ തുടരുന്നതിനിടെ വിലങ്ങാട് വീണ്ടും ഉരുള്‍പൊട്ടി. കഴിഞ്ഞ ദിവസം ഉരുള്‍പൊട്ടലുണ്ടായ അടിച്ചി പാറയില്‍ വൈകുന്നേരം 5.45 ഓടെയാണ് അപകടമുണ്ടായത്. ഉരുള്‍പൊട്ടലില്‍ ആളപായമൊന്നും റിപ്പോര്‍ട്ട് ചെയ്തിട്ടില്ല. സ്ഥലം സന്ദര്‍ശിക്കാനെത്തിയ കളക്ടറും സംഘവും അര മണിക്കൂറോളം സ്ഥലത്ത് കുടുങ്ങി. പിന്നീട് രക്ഷാപ്രവര്‍ത്തകരെത്തി ഇവരെ സുരക്ഷിത സ്ഥാനത്തേക്ക് മാറ്റി.

Kerala145 days ago