രാജ്യത്ത് 5 വര്‍ഷത്തിനിടെ ആനയുടെ ആക്രമണത്തില്‍ കൊല്ലപ്പെട്ടത് 2853 പേര്‍

കേന്ദ്ര പരിസ്ഥിതി സഹമന്ത്രി കീര്‍ത്തി വര്‍ധന്‍ സിംഗാണ് രാജ്യസഭയില്‍ ആനയുടെ ആക്രമണത്തില്‍ കൊല്ലപ്പെട്ടവരുടെ എണ്ണം സംബന്ധിച്ച കണക്കുകള്‍ പുറത്തുവിട്ടത്. 2019ല്‍ 587, 2020ല്‍ 471, 2021ല്‍ 557, 2022ല്‍ 610, 2023ല്‍ 628 പേരും കൊല്ലപ്പെട്ടു. ഇതില്‍ ഒഡീഷയിലാണ് ഏറ്റവും കൂടുതല്‍ ആളുകള്‍ കൊല്ലപ്പെട്ടത്. 624 പേരാണ് ഇവിടെ ആനയുടെ ആക്രമണത്തില്‍ കൊല്ലപ്പെട്ടത്. കേരളത്തില്‍ അഞ്ചു വര്‍ഷത്തിനിടെ 124 പേരാണ് ആനയുടെ ആക്രമണത്തില്‍ മരണപ്പെട്ടത്.

National150 days ago

മൂന്നാറില്‍ കാട്ടാന ആക്രമണം; 2 പേര്‍ക്ക് പരിക്ക്

മൂന്നാര്‍ കല്ലാറിലാണ് കാട്ടാനയുടെ ആക്രമണത്തില്‍ രണ്ടു ശുചീകരണ തൊഴിലാളികള്‍ക്ക് പരിക്കേറ്റത്. എം ജ കോളനി സ്വദേശി അഴകമ്മ, നെറ്റിക്കുടി സ്വദേശി ശേഖര്‍ എന്നിവര്‍ക്ക് നേരെയാണ് കാട്ടാന ആക്രമണമുണ്ടായത്. പരിക്കേറ്റ ഇരുവരെയും ടാറ്റാ ആശുപത്രിയില്‍ പ്രവേശിപ്പിച്ചു. ജനവാസമേഖലയില്‍ കാട്ടാനയിറങ്ങിയിട്ടും വനം വകുപ്പ് കാര്യക്ഷമമായി ഇടപെടുന്നില്ലെന്ന് പ്രദേശവാസികള്‍ ആരോപിച്ചു. രണ്ട് ദിവസങ്ങള്‍ക്ക് മുമ്പ് മറയൂര്‍ കാന്തല്ലൂരിലുണ്ടായ കാട്ടാന ആക്രമണത്തില്‍ പാമ്പന്‍മല സ്വദേശിയ്ക്ക് ഗുരുതരമായി പരിക്കേറ്റിരുന്നു.

Kerala89 days ago

ഇടുക്കിയില്‍ കാട്ടാന ആക്രമണം; ഒരാള്‍ക്ക് ഗുരുതര പരിക്ക്

ഇടുക്കി മറയൂര്‍ കാന്തല്ലൂരില്‍ ഇന്ന് രാവിലെ ഏഴോടെയാണ് കാട്ടാന ആക്രമണമുണ്ടായത്. സംഭവത്തില്‍ പാമ്പന്‍മല സ്വദേശി തോമസിന് ഗുരുതരമായി പരിക്കേറ്റു. ഇയാള്‍ അടിമാലി താലൂക്ക് ആശുപത്രിയില്‍ ചികിത്സയിലാണ്. രാവിലെ തോട്ടത്തില്‍ കൃഷിപ്പണി ചെയ്യുന്നതിനിടെ കാട്ടാന ആക്രമിക്കുകയായിരുന്നു. ഒപ്പമുണ്ടായിരുന്ന തോമസിന്റെ ഭാര്യ ബഹളം വെച്ചതോടെ നാട്ടുകാര്‍ ഓടിയെത്തി. തുടര്‍ന്ന് പരിഭ്രാന്തിയിലായ ആന പിന്മാറുകയായിരുന്നു.

Kerala91 days ago

മൂന്നാറില്‍ ഭീതി പരത്തി കാട്ടാനകളായ പടയപ്പയും ഒറ്റക്കൊമ്പനും

മാട്ടുപ്പട്ടി, കുണ്ടള, കന്നിമല, കടലാര്‍ തുടങ്ങിയ പ്രദേശങ്ങളിലാണ് പടയപ്പ സാധാരണ ഇറങ്ങാറുള്ളത്. അടുത്തകാലത്താണ് ഒറ്റക്കൊമ്പന്‍ മൂന്നാറിലെത്തിയത്. ലക്ഷ്മി എസ്റ്റേറ്റ് പ്രദേശത്ത് ആന പട്ടാപ്പകല്‍ പോലും തൊഴിലാളി ലയങ്ങള്‍ക്ക് സമീപത്തെത്തുന്നത് പതിവാണ്. ആനകളെ RRT സംഘം തുരത്തിയോടിച്ചെങ്കിലും വീണ്ടും തിരിച്ചെത്തി മേഖലയില്‍ ശല്യം തുടരുകയാണ്. വനം വകുപ്പ് ആനകളെ തുടര്‍ച്ചയായി നിരീക്ഷിക്കുന്നുണ്ട്.

Kerala102 days ago

മധ്യപ്രദേശില്‍ ചെന്നായയുടെ ആക്രമണത്തില്‍ അഞ്ച് പേര്‍ക്ക് പരിക്ക്

മധ്യപ്രദേശിലെ ഖണ്ട്വയില്‍ വീടിന് പുറത്ത് കിടന്നുറങ്ങുകയായിരുന്ന അഞ്ച് പേര്‍ക്ക് ചെന്നായയുടെ ആക്രമണത്തില്‍ പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. ആക്രമിച്ച ചെന്നായയെ ഗ്രാമവാസികള്‍ പിടികൂടി കെട്ടിയിട്ടു. ചെന്നായയുടെ ആക്രമണം മേഖലയിലെ 35 ഗ്രാമങ്ങളെ ഭീതിയിലാഴ്ത്തിയിരിക്കുകയാണ്. ഉത്തര്‍പ്രദേശിലെ ബഹ്റൈച്ചില്‍ ചെന്നായയുടെ ആക്രമണത്തില്‍ 10 പേര്‍ കൊല്ലപ്പെടുകയും 35 ഓളം പേര്‍ക്ക് പരിക്കേല്‍ക്കുകയും ചെയ്തതിന് പിന്നാലെയാണ് ഇപ്പോള്‍ മധ്യപ്രദേശിലും ചെന്നായ ആക്രമണം ഉണ്ടായിരിക്കുന്നത്.

National107 days ago

കോതമംഗലത്ത് ടാപ്പിങ് തൊഴിലാളിയെ കാട്ടാന ആക്രമിച്ചു

ചേറങ്ങനാല്‍ പാറയ്ക്കല്‍ അവറാച്ചനെയാണ് (75) കാട്ടാന ആക്രമിച്ചത്. ഗുരുതരമായി പരിക്കേറ്റ അവറാച്ചനെ കോലഞ്ചേരി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. സ്വകാര്യവ്യക്തിയുടെ റബ്ബര്‍ തോട്ടത്തില്‍ ടാപ്പിങ് ചെയ്തുകൊണ്ടിരുന്ന അവറാച്ചനെ കാട്ടാന ആക്രമിക്കുകയായിരുന്നു.

Kerala130 days ago

മനുഷ്യ-വന്യജീവി സംഘര്‍ഷം: പദ്ധതികള്‍ തയ്യാറാക്കാന്‍ മന്ത്രിതല യോഗത്തില്‍ തീരുമാനം

കേരളം, തമിഴ്നാട്, കര്‍ണ്ണാടക സംസ്ഥാനങ്ങളിലെ വനം വകുപ്പുകള്‍ സംയുക്തമായി മനുഷ്യ-വന്യജീവി സംഘര്‍ഷം കുറയ്ക്കാനുള്ള പദ്ധതി തയ്യാറാക്കി കേന്ദ്രത്തിന് സമര്‍പ്പിക്കും. കേന്ദ്ര വന്യജീവി സംരക്ഷണ നിയമത്തില്‍ കാലോചിതമായ ദേദഗതിയും സംസ്ഥാനങ്ങള്‍ ആവശ്യപ്പെടും. പ്രശ്നക്കാരായ ആനകളെ നിരീക്ഷിക്കുന്നതിനും നിയന്ത്രിക്കുന്നതിനുമായി പ്രത്യേക അന്തര്‍ സംസ്ഥാന നിരീക്ഷണ സംവിധാനം ഏര്‍പ്പെടുത്താനും അതീവ പ്രശ്നക്കാരായ ആനകളെ പിടികൂടാന്‍ ഒരു സ്റ്റാന്റേര്‍ഡ് ഓപ്പറേറ്റിംഗ് പ്രോട്ടോകോള്‍ തയ്യാറാക്കാനും തീരുമാനമായി. മനുഷ്യ-ആന സംഘര്‍ഷ പരിപാലനം സംബന്ധിച്ച് ബെംഗളൂരുവില്‍ നടന്ന അന്താരാഷ്ട്ര സമ്മേളനത്തോട് അനുബന്ധിച്ച് നടന്ന മന്ത്രിതല യോഗത്തിലാണ് ഇക്കാര്യങ്ങള്‍ തീരുമാനിച്ചത്.

National133 days ago

പെരിങ്ങല്‍കുത്ത് പള്ളിയില്‍ കാട്ടാനക്കൂട്ടത്തിന്റെ ആക്രമണം

പെരിങ്ങല്‍കുത്ത് പുളിയിലപാറ ക്രിസ്തുരാജ പള്ളിയിലാണ് കാട്ടാനക്കൂട്ടം ആക്രമണം നടത്തിയത്. കഴിഞ്ഞ ദിവസം രാത്രിയെത്തിയ ആനക്കൂട്ടം പള്ളിയുടെ വാതില്‍ തകര്‍ത്ത് അകത്ത് കയറുകയും ഫാന്‍, മൈക്ക്, സ്പീക്കര്‍, കസേരകള്‍ തുടങ്ങിയവ നശിപ്പിക്കുകയും ചെയ്തു. രാവിലെ പ്രദേശത്ത് കന്നുകാലികളെ മേയ്ക്കാന്‍ പോയവരാണ് സംഭവം കണ്ടത്. നേരത്തെയും കാട്ടാനക്കൂട്ടം പള്ളി ആക്രമിച്ചിട്ടുണ്ട്.

Kerala137 days ago

പീരുമേട്ടിലെ ജനവാസ മേഖലയില്‍ കരടി ഇറങ്ങി

പീരുമേട് ടൗണിന് സമീപമാണ് കരടിയിറങ്ങിയത്. പീരുമേട് ടൗണില്‍ അഗ്നിരക്ഷാ നിലയത്തിന് തൊട്ടടുത്ത് താമസിക്കുന്ന പുത്തന്‍പറമ്പില്‍ രാജന്റെ വീട്ടുമുറ്റത്താണ് കരടിയെത്തിയത്. കരടിയുടെ മുമ്പില്‍ അകപ്പെട്ട രാജന്‍ തലനാരിഴയ്ക്കാണ് രക്ഷപ്പെട്ടത്. വീട്ടുകാര്‍ ബഹളം വെച്ചതിനെ തുടര്‍ന്ന് കരടി കൃഷിയിടത്തില്‍ ഒളിച്ചു. സംഭവത്തെ തുടര്‍ന്ന് പ്രദേശത്ത് വനം വകുപ്പ് കാമറ സ്ഥാപിച്ച് നിരീക്ഷണം തുടങ്ങി.

Kerala147 days ago

വന്യജീവി ആക്രമണം; 5 വര്‍ഷത്തിനിടെ സംസ്ഥാനത്ത് 486 പേര്‍ കൊല്ലപ്പെട്ടു

കഴിഞ്ഞ അഞ്ച് വര്‍ഷത്തിനിടെ കേരളത്തില്‍ 486 പേര്‍ വന്യമൃഗങ്ങളുടെ ആക്രമണത്തില്‍ കൊല്ലപ്പെട്ടതായി വനം പരിസ്ഥിതി മന്ത്രാലയം അറിയിച്ചു. ഇതില്‍ 124 പേരും മരിച്ചത് കാട്ടാനയുടെ ആക്രമണത്തിലാണ്. കടുവയുടെ ആക്രമണത്തില്‍ 6 പേര്‍ മരിച്ചു. രാജ്യസഭയില്‍ വി. ശിവദാസന്‍, ഹാരിസ് ബീരാന്‍ എന്നിവരുടെ ചോദ്യത്തിന് മറുപടിയായാണ് വന്യജീവി ആക്രമണത്തിന് ഇരയായി മരിച്ചവരുടെ കണക്ക് പുറത്തുവിട്ടത്.

Kerala150 days ago

ഇടുക്കിയിൽ കാട്ടാന ആക്രമണത്തിൽ ആദിവാസി യുവാവ് കൊല്ലപ്പെട്ടു

ഇടുക്കി ചിന്നക്കനാലിലാണ് കാട്ടാന ആക്രമണം ഉണ്ടായത്. ചിന്നക്കനാൽ ടാങ്ക്കുടി സ്വദേശി കണ്ണൻ (47) ആണ് മരിച്ചത്. വൈകിട്ട് അഞ്ചരയോട് കൂടിയാണ് സംഭവം. ടാങ്ക്കുടിക്കും ചെമ്പകത്തൊഴു കുടിക്കും ഇടയിലുള്ള വഴിയിൽ വെച്ചാണ് കാട്ടാനയുടെ ആക്രമണം ഉണ്ടായത്. കണ്ണനെ ആന തട്ടിയിട്ട ശേഷം ചവിട്ടുകയായിരുന്നു. ശബ്ദം കേട്ടെത്തിയ നാട്ടുകാരാണ് ആനയെ തുരത്തിയത്. അടിമാലി താലൂക്ക് ആശുപത്രിയിലേക്ക് കൊണ്ടുപോകുന്നതിനിടയിലാണ് മരണം സംഭവിച്ചത്.

Kerala155 days ago