നേപ്പാളില്‍ വിമാനാപകടം; 18 മരണം

നേപ്പാളിലെ കാഠ്മണ്ഡുവില്‍ ശൗര്യ എയര്‍ലൈന്‍സിന്റെ വിമാനം തകര്‍ന്നുവീണ് പതിനെട്ടുപേര്‍ മരിച്ചു. കാഠ്മണ്ഡു ത്രിഭുവന്‍ രാജ്യാന്തര വിമാനത്താവളത്തില്‍ രാവിലെ 11 മണിയോടെയാണ് അപകടമുണ്ടായത്. കാഠ്മണ്ഡുവില്‍നിന്ന് പൊഖ്‌റയിലേക്ക് പുറപ്പെട്ട വിമാനമാണ് ടേക് ഓഫിനിടെ അപകടത്തില്‍പ്പെട്ടത്. ഗുരുതരമായി പരിക്കേറ്റ പൈലറ്റ് മനീഷ് ശാക്യയെ ആശുപത്രിയില്‍ പ്രവേശിപ്പിച്ചു. ജീവനക്കാരുള്‍പ്പെടെ 19 പേരാണ് വിമാനത്തിലുണ്ടായിരുന്നത്.

World153 days ago

ഇന്ത്യയില്‍ നിന്ന് നേപ്പാളിലേക്കുളള ട്രെയിന്‍ സര്‍വീസ് ഉദ്ഘാടനം ചെയ്തു

ഇന്ത്യയില്‍ നിന്ന് നേപ്പാളിലേക്കുള്ള ഭാരത് ഗൗരവ് ട്രെയിന്‍ ഉദ്ഘാടനം ചെയ്തു. ഡല്‍ഹിയിലെ ഹസ്രത് നിസാമുദ്ദീന്‍ റെയില്‍വേ സ്റ്റേഷനില്‍ കേന്ദ്ര റെയില്‍വേ മന്ത്രി അശ്വിനി വൈഷ്ണവാണ് ട്രെയിന്‍ ഫ്‌ലാഗ് ഓഫ് ചെയ്തത്. ഇന്ത്യയുടെയും നേപ്പാളിന്റെയും സാംസ്‌കാരിക പൈതൃകത്തെ അറിയാന്‍ ഈ യാത്ര സഹായിക്കുമെന്നും താമസത്തിനും യാത്രയ്ക്കുമുള്ള എല്ലാ ക്രമീകരണങ്ങളും ഇന്ത്യന്‍ റെയില്‍വേ ഒരുക്കുമെന്നും മന്ത്രി പറഞ്ഞു. അയോധ്യ, സീതാമര്‍ഹി, ജനക്പൂര്‍, കാശി വിശ്വനാഥ്, പശുപതിനാഥ് എന്നീ സ്ഥലങ്ങള്‍ ഉള്‍ക്കൊള്ളുന്നതാണ് യാത്രാ പാക്കേജ്.

Travel94 days ago

നേപ്പാൾ ബസ് അപകടം: മരണം 41 ആയി

ഇന്ത്യയിൽ നിന്ന് നേപ്പാളിലേക്ക് പോയ ബസ് മർസ്യാംഗ്ദി നദിയിലേക്ക് മറിഞ്ഞുണ്ടായ അപകടത്തിൽ മരിച്ച ഇന്ത്യക്കാരുടെ എണ്ണം 41 ആയി. മഹാരാഷ്ട്ര ടൂറിസം മന്ത്രി ഗിരീഷ് മഹാജനാണ് മരണവിവരം സ്ഥിരീകരിച്ചത്. കൂടുതൽ യാത്രക്കാരും മഹാരാഷ്ട്രയിലെ ജൽകാവ് ജില്ലയിൽ നിന്നുള്ളവരാണെന്നും അദ്ദേഹം പറഞ്ഞു. ഡ്രൈവറും സഹ ഡ്രൈവറും ഉൾപ്പെടെ ബസ്സിൽ 43 പേരാണ് ഉണ്ടായിരുന്നത്.

World122 days ago

നേപ്പാളില്‍ ഇന്ത്യക്കാര്‍ സഞ്ചരിച്ച ബസ് പുഴയിലേക്ക് മറിഞ്ഞു

നേപ്പാളില്‍ ഇന്ത്യക്കാര്‍ സഞ്ചരിച്ച ബസ് നിയന്ത്രണം വിട്ട് പുഴയിലേക്ക് മറിഞ്ഞാണ് അപകടമുണ്ടായത്. അപകടത്തില്‍ 14 പേര്‍ക്ക് ജീവന്‍ നഷ്ടമായി. 16 പേര്‍ക്ക് പരിക്കേറ്റിട്ടുണ്ട്. നേപ്പാളിലെ തനാഹുന്‍ ജില്ലയിലാണ് സംഭവം. 40 യാത്രക്കാരുമായി പൊഖാറയില്‍ നിന്ന് കാഠ്മണ്ഡുവിലേക്ക് പുറപ്പെട്ട ബസാണ് അപകടത്തില്‍പ്പെട്ടത്. രക്ഷാപ്രവര്‍ത്തനം പുരോഗമിക്കുകയാണ്.

National123 days ago

ബ്രസീലില്‍ വിമാനം തകര്‍ന്നുവീണു

ബ്രസീലിലെ വിന്‍ഹെഡോയ്ക്ക് സമീപമുള്ള ജനവാസ മേഖലയിലാണ് വിമാനം തകര്‍ന്നു വീണത്. അപകടത്തില്‍ 61 പേര്‍ മരിച്ചതായാണ് റിപ്പോര്‍ട്ട്. സാവോപോളോയിലേക്ക് പോകുകയായിരുന്ന റീജിയണല്‍ ടര്‍ബോപ്രോപ്പ് വിമാനമാണ് അപകടത്തില്‍പ്പെട്ടത്. 58 യാത്രക്കാരും നാല് ക്രൂ അംഗങ്ങളുമുള്‍പ്പെടെ 62 പേരാണ് വിമാനത്തിലുണ്ടായിരുന്നത്. വിമാനം തകര്‍ന്നു വീഴുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്. തകര്‍ന്നു വീണതിനെത്തുടര്‍ന്ന് നിരവധി വീടുകള്‍ക്ക് കേടുപാടുകള്‍ സംഭവിച്ചിട്ടുണ്ടെന്നാണ് റിപ്പോര്‍ട്ട്.

World136 days ago

നേപ്പാളില്‍ ഹെലികോപ്റ്റര്‍ തകര്‍ന്നുവീണ് അഞ്ച് മരണം

നേപ്പാളിലെ നുവകോട്ട് ജില്ലയിലെ ശിവപുരി മേഖലയിലാണ് എയര്‍ ഡൈനാസ്റ്റി ഹെലികോപ്റ്റര്‍ തകര്‍ന്ന് വീണത്. അപകടത്തില്‍ സീനിയര്‍ ക്യാപ്റ്റന്‍ അരുണ്‍ മല്ലയും നാല് ചൈനീസ് പൗരന്മാരും ഉള്‍പ്പെടെ അഞ്ച് പേര്‍ മരണപ്പെട്ടു. കാഠ്മണ്ഡുവില്‍ നിന്ന് റസുവയിലേക്കുള്ള യാത്രാമധ്യേയാണ് ഹെലികോപ്റ്റര്‍ അപകടത്തില്‍പ്പെട്ടത്. പറന്നുയര്‍ന്ന് മൂന്ന് മിനിറ്റിനുള്ളില്‍ ഹെലികോപ്റ്ററുമായുള്ള ബന്ധം നഷ്ടപ്പെട്ടിരുന്നു. അപകടസ്ഥലത്ത് നിന്ന് അഞ്ച് മൃതദേഹങ്ങള്‍ കണ്ടെടുത്തതായി പോലീസ് ഉദ്യോഗസ്ഥര്‍ അറിയിച്ചു.

World139 days ago

നേപ്പാളില്‍ മണ്ണിടിച്ചില്‍; 63 യാത്രക്കാരുമായി പോയ രണ്ട് ബസുകള്‍ ഒലിച്ചുപോയി

നേപ്പാളിലെ മദാന്‍-അശ്രിത് ദേശീയപാതയിലുണ്ടായ മണ്ണിടിച്ചിലില്‍ രണ്ട് ബസുകളില്‍ ഒലിച്ചുപോയി. ഇന്ന് പുലര്‍ച്ചെ 3.30 ഓടെയാണ് അപകടമുണ്ടായത്. അപകടത്തില്‍പ്പെട്ട ബസുകള്‍ ത്രിശൂലി നദിയിലേക്കാണ് വീണത്. രണ്ട് ബസുകളിലുമായി ഡ്രൈവര്‍മാരടക്കം 63 യാത്രക്കാര്‍ ഉണ്ടായിരുന്നതായാണ് വിവരം. പ്രദേശത്ത് രക്ഷാപ്രവര്‍ത്തനം പുരോഗമിക്കുകയാണ്.

World165 days ago

നേപ്പാളില്‍ മണ്ണിടിച്ചില്‍; മൂന്ന് കുട്ടികളടക്കം ഒമ്പത് മരണം

പടിഞ്ഞാറന്‍ നേപ്പാളില്‍ കനത്തമഴയെ തുടര്‍ന്നുണ്ടായ മണ്ണിടിച്ചിലില്‍ മൂന്ന് കുട്ടികളടക്കം ഒമ്പത് പേര്‍ മരണപ്പെട്ടു. കാഠ്മണ്ഡുവില്‍ നിന്ന് 250 കിലോമീറ്റര്‍ അകലെ ഗുല്‍മി ജില്ലയിലെ മാലിക ഗ്രാമത്തിലാണ് ഒരു കുടുംബത്തിലെ അഞ്ച് അംഗങ്ങള്‍ മരണപ്പെട്ടത്. സിയാന്‍ജ ജില്ലയിലും ബഗ്ലുങ് ജില്ലയിലുമായാണ് മറ്റ് നാലുപേര്‍ മരണപ്പെട്ടത്. മണ്‍സൂണ്‍ മഴ ആരംഭിച്ച ജൂണ്‍ പകുതി മുതല്‍ വെള്ളപ്പൊക്കത്തിലും മണ്ണിടിച്ചിലിലുമായി നേപ്പാളില്‍ 35ഓളം പേര്‍ മരണപ്പെട്ടിട്ടുണ്ട്.

World178 days ago

വിമാന അപകടം; മലാവി വൈസ് പ്രസിഡന്റ് അടക്കം 10 പേര്‍ മരിച്ചു

മലാവി വൈസ് പ്രസിഡന്റ് സൗലോസ് ക്ലോസ് ചിലിമയും (51) അദ്ദേഹത്തിന്റെ ഭാര്യയും അടക്കം 10 പേർ വിമാനാപകടത്തിൽ കൊല്ലപ്പെട്ടതായി മലാവി പ്രസിഡന്റ് ലാസറസ് മക്കാർത്തി ചക്വേര അറിയിച്ചു. മോശം കാലാവസ്ഥയെത്തുടർന്ന് വടക്കൻ നഗരമായ മുസുസിവിലെ വിമാനത്താവളത്തിൽ ഇറങ്ങാൻ കഴിയാതെ വിമാനം തലസ്ഥാനമായ ലിലോങ്‌വേയിലേക്ക് തിരിച്ചയക്കുകയായിരുന്നു. പിന്നീട് റഡാറിൽ നിന്നും അപ്രത്യക്ഷമാവുകയായിരുന്നു. ഇന്നലെയാണ് വിമാനം അപകടത്തിൽപ്പെട്ടത്. ഒരു ദിവസം നീണ്ട തിരച്ചിലിനൊടുവിലാണ് തകർന്നുവീണ വിമാനം വനത്തിൽ നിന്ന് കണ്ടെത്തിയത്.

World196 days ago

റഷ്യന്‍ സേനയിലുള്ള നേപ്പാള്‍ പൗരന്മാര്‍ തിരിച്ചുവരാന്‍ വിസമ്മതിക്കുന്നതായി നേപ്പാളിലെ റഷ്യന്‍ അംബാസഡര്‍

റഷ്യന്‍ സേനയിലുള്ള നേപ്പാള്‍ പൗരന്മാര്‍ക്ക് സുരക്ഷിതരായി തിരിച്ചെത്താനുള്ള സൗകര്യമൊരുക്കണമെന്ന ആവശ്യത്തിന് നല്‍കിയ മറുപടിയിലാണ് നേപ്പാളിലെ റഷ്യന്‍ അംബാസഡര്‍ അലക്‌സി നോവികോവ് ഇക്കാര്യം പറഞ്ഞത്. അനധികൃത മാര്‍ഗങ്ങളിലൂടെ എത്തിയ 600ലേറെ നേപ്പാള്‍ പൗരന്മാര്‍ റഷ്യന്‍ സൈന്യത്തിലുണ്ടെന്നാണ് കണക്കുകള്‍. ഇതില്‍ 270 പേര്‍ നാട്ടിലേക്ക് മടങ്ങാന്‍ അപേക്ഷ നല്‍കിയിട്ടുണ്ട്. 50 പേരുടെ മടക്കം പൂര്‍ത്തിയായിട്ടുണ്ടെന്നും അംബാസഡര്‍ അറിയിച്ചു. യുക്രൈന്‍-റഷ്യ യുദ്ധത്തിനിടെ 19 നേപ്പാള്‍ പൗരന്മാര്‍ കൊല്ലപ്പെട്ടിട്ടുണ്ടെന്നാണ് റിപ്പോര്‍ട്ട്.

World278 days ago

UPI സേവനം നേപ്പാളിലും പ്രവര്‍ത്തിച്ച് തുടങ്ങിയതായി NCPI

ഇനി മുതല്‍ QR കോഡ് സ്‌കാന്‍ ചെയ്ത് ഇന്ത്യക്കാര്‍ക്ക് നേപ്പാളിലും പണം കൈമാറാന്‍ സാധിക്കുമെന്ന് NCPI അറിയിച്ചു. ഇതിനായി കഴിഞ്ഞ സെപ്റ്റംബറില്‍ NCPIയും നേപ്പാളിലെ പോയ്‌മെന്റ് നെറ്റ്‌വര്‍ക്കായ ഫോണ്‍പേ പേയ്‌മെന്റ് സര്‍വീസും ധാരണാപത്രത്തില്‍ ഒപ്പു വെച്ചിരുന്നു. ഇരു രാജ്യങ്ങളും തമ്മിലുള്ള വാണിജ്യ ഇടപാടുകള്‍ ശക്തമാകുമെന്നും നടപടി ഇന്ത്യന്‍ യാത്രക്കാര്‍ക്ക് കൂടുതല്‍ സൗകര്യപ്രദമാകുമെന്നും NCPI പറഞ്ഞു.

Business291 days ago