റഷ്യന്‍ സേനയിലുള്ള നേപ്പാള്‍ പൗരന്മാര്‍ തിരിച്ചുവരാന്‍ വിസമ്മതിക്കുന്നതായി നേപ്പാളിലെ റഷ്യന്‍ അംബാസഡര്‍

റഷ്യന്‍ സേനയിലുള്ള നേപ്പാള്‍ പൗരന്മാര്‍ക്ക് സുരക്ഷിതരായി തിരിച്ചെത്താനുള്ള സൗകര്യമൊരുക്കണമെന്ന ആവശ്യത്തിന് നല്‍കിയ മറുപടിയിലാണ് നേപ്പാളിലെ റഷ്യന്‍ അംബാസഡര്‍ അലക്‌സി നോവികോവ് ഇക്കാര്യം പറഞ്ഞത്. അനധികൃത മാര്‍ഗങ്ങളിലൂടെ എത്തിയ 600ലേറെ നേപ്പാള്‍ പൗരന്മാര്‍ റഷ്യന്‍ സൈന്യത്തിലുണ്ടെന്നാണ് കണക്കുകള്‍. ഇതില്‍ 270 പേര്‍ നാട്ടിലേക്ക് മടങ്ങാന്‍ അപേക്ഷ നല്‍കിയിട്ടുണ്ട്. 50 പേരുടെ മടക്കം പൂര്‍ത്തിയായിട്ടുണ്ടെന്നും അംബാസഡര്‍ അറിയിച്ചു. യുക്രൈന്‍-റഷ്യ യുദ്ധത്തിനിടെ 19 നേപ്പാള്‍ പൗരന്മാര്‍ കൊല്ലപ്പെട്ടിട്ടുണ്ടെന്നാണ് റിപ്പോര്‍ട്ട്.

World278 days ago

ഇന്ത്യയില്‍ നിന്ന് നേപ്പാളിലേക്കുളള ട്രെയിന്‍ സര്‍വീസ് ഉദ്ഘാടനം ചെയ്തു

ഇന്ത്യയില്‍ നിന്ന് നേപ്പാളിലേക്കുള്ള ഭാരത് ഗൗരവ് ട്രെയിന്‍ ഉദ്ഘാടനം ചെയ്തു. ഡല്‍ഹിയിലെ ഹസ്രത് നിസാമുദ്ദീന്‍ റെയില്‍വേ സ്റ്റേഷനില്‍ കേന്ദ്ര റെയില്‍വേ മന്ത്രി അശ്വിനി വൈഷ്ണവാണ് ട്രെയിന്‍ ഫ്‌ലാഗ് ഓഫ് ചെയ്തത്. ഇന്ത്യയുടെയും നേപ്പാളിന്റെയും സാംസ്‌കാരിക പൈതൃകത്തെ അറിയാന്‍ ഈ യാത്ര സഹായിക്കുമെന്നും താമസത്തിനും യാത്രയ്ക്കുമുള്ള എല്ലാ ക്രമീകരണങ്ങളും ഇന്ത്യന്‍ റെയില്‍വേ ഒരുക്കുമെന്നും മന്ത്രി പറഞ്ഞു. അയോധ്യ, സീതാമര്‍ഹി, ജനക്പൂര്‍, കാശി വിശ്വനാഥ്, പശുപതിനാഥ് എന്നീ സ്ഥലങ്ങള്‍ ഉള്‍ക്കൊള്ളുന്നതാണ് യാത്രാ പാക്കേജ്.

Travel94 days ago

നേപ്പാൾ ബസ് അപകടം: മരണം 41 ആയി

ഇന്ത്യയിൽ നിന്ന് നേപ്പാളിലേക്ക് പോയ ബസ് മർസ്യാംഗ്ദി നദിയിലേക്ക് മറിഞ്ഞുണ്ടായ അപകടത്തിൽ മരിച്ച ഇന്ത്യക്കാരുടെ എണ്ണം 41 ആയി. മഹാരാഷ്ട്ര ടൂറിസം മന്ത്രി ഗിരീഷ് മഹാജനാണ് മരണവിവരം സ്ഥിരീകരിച്ചത്. കൂടുതൽ യാത്രക്കാരും മഹാരാഷ്ട്രയിലെ ജൽകാവ് ജില്ലയിൽ നിന്നുള്ളവരാണെന്നും അദ്ദേഹം പറഞ്ഞു. ഡ്രൈവറും സഹ ഡ്രൈവറും ഉൾപ്പെടെ ബസ്സിൽ 43 പേരാണ് ഉണ്ടായിരുന്നത്.

World122 days ago

നേപ്പാളില്‍ ഇന്ത്യക്കാര്‍ സഞ്ചരിച്ച ബസ് പുഴയിലേക്ക് മറിഞ്ഞു

നേപ്പാളില്‍ ഇന്ത്യക്കാര്‍ സഞ്ചരിച്ച ബസ് നിയന്ത്രണം വിട്ട് പുഴയിലേക്ക് മറിഞ്ഞാണ് അപകടമുണ്ടായത്. അപകടത്തില്‍ 14 പേര്‍ക്ക് ജീവന്‍ നഷ്ടമായി. 16 പേര്‍ക്ക് പരിക്കേറ്റിട്ടുണ്ട്. നേപ്പാളിലെ തനാഹുന്‍ ജില്ലയിലാണ് സംഭവം. 40 യാത്രക്കാരുമായി പൊഖാറയില്‍ നിന്ന് കാഠ്മണ്ഡുവിലേക്ക് പുറപ്പെട്ട ബസാണ് അപകടത്തില്‍പ്പെട്ടത്. രക്ഷാപ്രവര്‍ത്തനം പുരോഗമിക്കുകയാണ്.

National123 days ago

സൈന്യത്തിന്റെ ഭാഗമായ ഇന്ത്യക്കാരെ തിരിച്ചയക്കാന്‍ നടപടി തുടങ്ങിയതായി റഷ്യ

റഷ്യന്‍സേനയില്‍ ചേര്‍ന്ന ഇന്ത്യന്‍ പൗരന്മാരെ തിരിച്ചയക്കാന്‍ നടപടി തുടങ്ങിയതായി ഡല്‍ഹിയിലെ റഷ്യന്‍ എംബസി അറിയിച്ചു. ഏപ്രില്‍ മുതല്‍ ഇന്ത്യയുള്‍പ്പെടെയുള്ള വിദേശരാജ്യങ്ങളില്‍നിന്ന് ആളുകളെ സൈനിക സേവനത്തിന് എടുക്കുന്നത് അവസാനിപ്പിച്ചിട്ടുണ്ട്. റഷ്യ-യുക്രൈന്‍ യുദ്ധത്തില്‍ കൊല്ലപ്പെടുകയോ പരിക്കേല്‍ക്കുകയോ ചെയ്തവര്‍ക്ക് അര്‍ഹമായ നഷ്ടപരിഹാരം നല്‍കുമെന്നും എംബസി അറിയിച്ചു. റഷ്യന്‍ സൈന്യത്തിന്റെ ഭാഗമായ 69 ഇന്ത്യക്കാരുടെ തിരിച്ചുവരവിനായി കാത്തിരിക്കുകയാണെന്ന് വിദേശകാര്യമന്ത്രി എസ്. ജയശങ്കര്‍ കഴിഞ്ഞ ദിവസം ലോക്‌സഭയില്‍ അറിയിച്ചിരുന്നു. ഇതിന് പിന്നാലെയാണ് റഷ്യ ഔദ്യോഗക പ്രസ്താവന പുറത്തിറക്കിയിരിക്കുന്നത്.

National136 days ago

നേപ്പാളില്‍ ഹെലികോപ്റ്റര്‍ തകര്‍ന്നുവീണ് അഞ്ച് മരണം

നേപ്പാളിലെ നുവകോട്ട് ജില്ലയിലെ ശിവപുരി മേഖലയിലാണ് എയര്‍ ഡൈനാസ്റ്റി ഹെലികോപ്റ്റര്‍ തകര്‍ന്ന് വീണത്. അപകടത്തില്‍ സീനിയര്‍ ക്യാപ്റ്റന്‍ അരുണ്‍ മല്ലയും നാല് ചൈനീസ് പൗരന്മാരും ഉള്‍പ്പെടെ അഞ്ച് പേര്‍ മരണപ്പെട്ടു. കാഠ്മണ്ഡുവില്‍ നിന്ന് റസുവയിലേക്കുള്ള യാത്രാമധ്യേയാണ് ഹെലികോപ്റ്റര്‍ അപകടത്തില്‍പ്പെട്ടത്. പറന്നുയര്‍ന്ന് മൂന്ന് മിനിറ്റിനുള്ളില്‍ ഹെലികോപ്റ്ററുമായുള്ള ബന്ധം നഷ്ടപ്പെട്ടിരുന്നു. അപകടസ്ഥലത്ത് നിന്ന് അഞ്ച് മൃതദേഹങ്ങള്‍ കണ്ടെടുത്തതായി പോലീസ് ഉദ്യോഗസ്ഥര്‍ അറിയിച്ചു.

World139 days ago

യുക്രൈനെതിരായ യുദ്ധം; റഷ്യന്‍ സൈന്യത്തില്‍ ചേര്‍ത്ത ഹരിയാന സ്വദേശി കൊല്ലപ്പെട്ടു

റഷ്യയിലേക്ക് ജനുവരിയില്‍ മറ്റൊരു ജോലിക്കായി പോയ കൈത്താല്‍ ജില്ലയിലെ മാത്തൂര്‍ ഗ്രാമത്തിലുള്ള രവി മൗണ്‍(22)യെ യുക്രൈനെതിരെയുള്ള യുദ്ധത്തിനായി റഷ്യ നിര്‍ബന്ധിതമായി സൈന്യത്തില്‍ ചേര്‍ക്കുകയായിരുന്നു. മോസ്‌കോയിലെ ഇന്ത്യന്‍ എംബസി മരണം സ്ഥിരീകരിച്ചതായി സഹോദരന്‍ അജയ് മൗണ്‍ പറഞ്ഞു. യുക്രൈനെതിരെ യുദ്ധമുഖത്തേക്ക് പോകണമെന്നും അല്ലെങ്കില്‍ 10 വര്‍ഷത്തെ തടവ് അനുഭവിക്കണമെന്നും റഷ്യന്‍ സേന സഹോദരനെ ഭീഷണിപ്പെടുത്തിയിരുന്നതായി അജയ് പറഞ്ഞു. രവിയെ കിടങ്ങുകള്‍ കുഴിക്കാന്‍ പരിശീലിപ്പിക്കുകയും പിന്നീട് യുദ്ധമുഖത്തേക്ക് അയക്കുകയും ആയിരുന്നു.

National148 days ago

നേപ്പാളില്‍ വിമാനാപകടം; 18 മരണം

നേപ്പാളിലെ കാഠ്മണ്ഡുവില്‍ ശൗര്യ എയര്‍ലൈന്‍സിന്റെ വിമാനം തകര്‍ന്നുവീണ് പതിനെട്ടുപേര്‍ മരിച്ചു. കാഠ്മണ്ഡു ത്രിഭുവന്‍ രാജ്യാന്തര വിമാനത്താവളത്തില്‍ രാവിലെ 11 മണിയോടെയാണ് അപകടമുണ്ടായത്. കാഠ്മണ്ഡുവില്‍നിന്ന് പൊഖ്‌റയിലേക്ക് പുറപ്പെട്ട വിമാനമാണ് ടേക് ഓഫിനിടെ അപകടത്തില്‍പ്പെട്ടത്. ഗുരുതരമായി പരിക്കേറ്റ പൈലറ്റ് മനീഷ് ശാക്യയെ ആശുപത്രിയില്‍ പ്രവേശിപ്പിച്ചു. ജീവനക്കാരുള്‍പ്പെടെ 19 പേരാണ് വിമാനത്തിലുണ്ടായിരുന്നത്.

World153 days ago

നേപ്പാളില്‍ മണ്ണിടിച്ചില്‍; 63 യാത്രക്കാരുമായി പോയ രണ്ട് ബസുകള്‍ ഒലിച്ചുപോയി

നേപ്പാളിലെ മദാന്‍-അശ്രിത് ദേശീയപാതയിലുണ്ടായ മണ്ണിടിച്ചിലില്‍ രണ്ട് ബസുകളില്‍ ഒലിച്ചുപോയി. ഇന്ന് പുലര്‍ച്ചെ 3.30 ഓടെയാണ് അപകടമുണ്ടായത്. അപകടത്തില്‍പ്പെട്ട ബസുകള്‍ ത്രിശൂലി നദിയിലേക്കാണ് വീണത്. രണ്ട് ബസുകളിലുമായി ഡ്രൈവര്‍മാരടക്കം 63 യാത്രക്കാര്‍ ഉണ്ടായിരുന്നതായാണ് വിവരം. പ്രദേശത്ത് രക്ഷാപ്രവര്‍ത്തനം പുരോഗമിക്കുകയാണ്.

World165 days ago

മോദി-പുടിന്‍ നയതന്ത്ര ചര്‍ച്ച വിജയം; റഷ്യന്‍ സൈന്യത്തില്‍ ജോലി ചെയ്യുന്ന ഇന്ത്യക്കാരെ വിട്ടയയ്ക്കും

റഷ്യന്‍ സൈന്യത്തിലേക്ക് അനധികൃതമായി റിക്രൂട്ട് ചെയ്യപ്പെട്ട ഇന്ത്യക്കാരെ വിട്ടയക്കാന്‍ ധാരണ. പ്രധാനമന്ത്രി നരേന്ദ്ര മോദി റഷ്യന്‍ പ്രസിഡന്റ് വ്‌ലാഡിമിര്‍ പുടിനുമായി നടത്തിയ ചര്‍ച്ചയിലാണ് തീരുമാനം. വിദേശകാര്യ മന്ത്രാലയത്തിന്റെ കണക്കനുസരിച്ച് കുറഞ്ഞത് 40 ഓളം ഇന്ത്യക്കാര്‍ ഏജന്റുമാരുടെ തട്ടിപ്പിനിരയായി റഷ്യന്‍ സൈന്യത്തില്‍ നിര്‍ബന്ധിത സേവനമനുഷ്ഠിക്കുന്നുണ്ട്. ചര്‍ച്ച വിജയിച്ചതോടെ ഉടന്‍ തന്നെ ഇവര്‍ക്ക് ഇന്ത്യയിലേക്ക് മടങ്ങാനാകും എന്നാണ് വിലയിരുത്തല്‍.

National168 days ago

നേപ്പാളില്‍ മണ്ണിടിച്ചില്‍; മൂന്ന് കുട്ടികളടക്കം ഒമ്പത് മരണം

പടിഞ്ഞാറന്‍ നേപ്പാളില്‍ കനത്തമഴയെ തുടര്‍ന്നുണ്ടായ മണ്ണിടിച്ചിലില്‍ മൂന്ന് കുട്ടികളടക്കം ഒമ്പത് പേര്‍ മരണപ്പെട്ടു. കാഠ്മണ്ഡുവില്‍ നിന്ന് 250 കിലോമീറ്റര്‍ അകലെ ഗുല്‍മി ജില്ലയിലെ മാലിക ഗ്രാമത്തിലാണ് ഒരു കുടുംബത്തിലെ അഞ്ച് അംഗങ്ങള്‍ മരണപ്പെട്ടത്. സിയാന്‍ജ ജില്ലയിലും ബഗ്ലുങ് ജില്ലയിലുമായാണ് മറ്റ് നാലുപേര്‍ മരണപ്പെട്ടത്. മണ്‍സൂണ്‍ മഴ ആരംഭിച്ച ജൂണ്‍ പകുതി മുതല്‍ വെള്ളപ്പൊക്കത്തിലും മണ്ണിടിച്ചിലിലുമായി നേപ്പാളില്‍ 35ഓളം പേര്‍ മരണപ്പെട്ടിട്ടുണ്ട്.

World178 days ago