കോട്ടയത്ത് കന്യാസ്ത്രീ ആത്മഹത്യ ചെയ്ത നിലയില്‍

കോട്ടയം രാമപുരത്ത് കന്യാസ്ത്രീയെ തൂങ്ങിമരിച്ച നിലയില്‍ കണ്ടെത്തി. കാഞ്ഞിരപ്പള്ളി സ്വദേശി ആന്‍ മരിയ (51) ആണ് മരിച്ചത്. കോട്ടയം വെള്ളിയന്നൂര്‍ പുതുവേലി കാഞ്ഞിരമല ആരാധനാമഠത്തിലാണ് സംഭവം. ആന്‍മരിയയെ ഓര്‍മക്കുറവും ആരോഗ്യപ്രശ്‌നങ്ങളും അലട്ടിയിരുന്നതായി റിപ്പോര്‍ട്ടുണ്ട്. കഴിഞ്ഞ എട്ട് ദിവസമായി കാഞ്ഞിരമല ആരാധനാമഠത്തില്‍ പ്രാര്‍ത്ഥനയ്ക്ക് എത്തിയതായിരുന്നു ഇവര്‍.

Kerala156 days ago

കോട്ടയത്ത് സര്‍ക്കാര്‍ ആശുപത്രി കാന്റീനില്‍ നിന്ന് വാങ്ങിയ ഭക്ഷണത്തില്‍ പാറ്റ

കോട്ടയം കാഞ്ഞിരപ്പള്ളി സര്‍ക്കാര്‍ ആശുപത്രി കാന്റീനില്‍ നിന്ന് വാങ്ങിയ കടലക്കറിയിലാണ് പാറ്റയെ കണ്ടെത്തിയത്. സംഭവത്തില്‍ ഭക്ഷണം വാങ്ങിയ ആള്‍ ആശുപത്രി അധികൃതര്‍ക്ക് പരാതി നല്‍കി. കഴിഞ്ഞ ദിവസം ഇതേ കാന്റീനിലെ ഭക്ഷണത്തില്‍ നിന്ന് വണ്ടിനെ കിട്ടിയതായും ആശുപത്രിയിലുളളവര്‍ പറഞ്ഞു. രണ്ട് മാസം മുമ്പ് ഇവിടുന്ന് വാങ്ങിയ ബിരിയാണിയില്‍ പുഴുവിനെ കണ്ടതിനെ തുടര്‍ന്ന് കാന്റീന്‍ പൂട്ടിയിരുന്നു. വീണ്ടും പ്രവര്‍ത്തനം ആരംഭിച്ചതിന് പിന്നാലെയാണ് ഭക്ഷ്യയോഗ്യമല്ലാത്ത ആഹാരം നല്‍കുന്നത്.

Kerala89 days ago

കുമരകത്ത് കാര്‍ പുഴയില്‍ വീണ് രണ്ട് പേര്‍ മരിച്ചു

ഇന്നലെ രാത്രി എട്ടരയോടെ കുമരകം-ചേര്‍ത്തല റൂട്ടില്‍ കൈപ്പുഴമുട്ട് പാലത്തിന് താഴെ സര്‍വീസ് റോഡ് വഴി കാര്‍ ആറ്റിലേക്ക് പതിക്കുകയായിരുന്നു. മഹാരാഷ്ട്രയിലെ താനെയില്‍ സ്ഥിരതാമസമാക്കിയ കൊട്ടാരക്കര സ്വദേശി ജെയിംസ് ജോര്‍ജ് (48), താനെ സ്വദേശിനിയായ സായ്ലി രാജേന്ദ്ര സര്‍ജെ(27) എന്നിവരാണ് അപകടത്തില്‍ മരിച്ചത്. സംഭവം നടക്കുമ്പോള്‍ പ്രദേശത്ത് മഴ ഉണ്ടായിരുന്നു. റോഡില്‍ തെരുവിളക്കുകളോ മുന്നറിയിപ്പ് ബോര്‍ഡുകളോ ഇല്ലാത്തത് അപകടത്തിന് കാരാണമായേക്കാമെന്നാണ് പോലീസ് പറയുന്നത്.Read More

Kerala90 days ago

കോട്ടയത്ത് വാഹനാപകടം; ആറ് വാഹനങ്ങൾ കൂട്ടിയിടിച്ച് 35 പേർക്ക് പരിക്ക്

MC റോഡിൽ കൂത്താട്ടുകുളത്താണ് അപകടം ഉണ്ടായത്. റോഡിന് മധ്യ ഭാഗത്ത് നിര്‍ത്തിയിട്ടിരുന്ന ജീപ്പിന് പിന്നില്‍ പിക്കപ്പ് ജീപ്പും പിന്നാലെ ടിപ്പര്‍ ലോറിയും, ട്രാവലറും, KSRTC യും അതിന്റെ പിന്നിലായി കാറും വന്നിടിക്കുകയായിരുന്നു. KSRTC ബസ്, ട്രാവലര്‍, കാര്‍ എന്നിവയിലുണ്ടായിരുന്ന ആളുകള്‍ക്കാണ് അപകടത്തിൽ പരിക്കേറ്റത്. 35 പേർക്ക് പരിക്കേറ്റു. പരിക്കേറ്റവരില്‍ ഒരു യുവതിയുടെ നില ഗുരുതരമാണ്. ഇവരെ കോട്ടയത്തെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. പരിക്കേറ്റ 34 പേര്‍ കൂത്താട്ടുകുളത്തെ സ്വകാര്യ ആശുപത്രിയില്‍ ചികിത്സയിലാണ്.

Kerala105 days ago

കോട്ടയത്ത് സ്വകാര്യ ബസ് മറിഞ്ഞ് നിരവധി പേർക്ക് പരിക്ക്

എറണാകുളത്ത് നിന്ന് ഈരാറ്റുപേട്ടയ്ക്ക് പോകുകയായിരുന്ന ആവേ മരിയ ബസ് ആണ് തലയോലപ്പറമ്പിനടുത്ത് വെച്ച് നിയന്ത്രണം വിട്ട് മറിഞ്ഞത്. അപകടത്തിൽ 40 ഓളം പേർക്ക് പരിക്കേറ്റു. പരിക്കേറ്റ മുഴുവൻ ആളുകളെയും കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. മൂന്നുപേരുടെ പരിക്ക് ഗുരുതരമാണ്. ബസ് അമിത വേഗതയിലാണ് വന്നതെന്ന് നാട്ടുകാർ പറഞ്ഞു.

Kerala149 days ago

മീനച്ചിലാറ്റിൽ യുവാവ് മുങ്ങിമരിച്ചു

കൊല്ലം കല്ലട സ്വദേശി അഖിൽ (27) ആണ് മീനച്ചിലാറ്റിന്റെ കൈവഴിയായ കടവ്പുഴയാറ്റിൽ വീണ് മുങ്ങി മരിച്ചത്. അഖിലും സുഹൃത്തുക്കളായ അഞ്ച് പേരും വിനോദസഞ്ചാര കേന്ദ്രങ്ങൾ കാണാൻ എത്തിയതായിരുന്നു. ഇല്ലിക്കൽകല്ല്, പൂഞ്ചിറ എന്നിവിടങ്ങൾ സന്ദർശിച്ച ശേഷം കടവ്പുഴയാറ്റിൽ കുളിക്കാൻ എത്തിയപ്പോള്‍ വഴുക്കലുള്ള പാറയിൽ നിന്ന് അഖില്‍ തെന്നി വീണ് ഒഴുക്കിൽപ്പെടുകയായിരുന്നു. അഗ്നിരക്ഷാസേനയും, സന്നദ്ധ പ്രവർത്തകരും എത്തിയണ് മൃതദേഹം പുറത്തെടുത്തത്.

Kerala154 days ago

മഴ ശക്തം; കോട്ടയം ജില്ലയിലെ വിനോദസഞ്ചാര കേന്ദ്രങ്ങളിലേക്ക് പ്രവേശനം നിരോധിച്ചു

ശക്തമായ മഴ തുടരുന്ന സാഹചര്യത്തില്‍ കോട്ടയം ജില്ലയിലെ വിനോദസഞ്ചാര കേന്ദ്രങ്ങളായ ഇലവീഴാപൂഞ്ചിറ, ഇല്ലിക്കല്‍ കല്ല്, മാര്‍മല അരുവി എന്നിവിടങ്ങളിലേക്കുള്ള പ്രവേശനം നിരോധിച്ചു. ജൂലൈ 18 വരെ പ്രവേശനം അനുവദിക്കില്ലെന്നാണ് കോട്ടയം ജില്ലാ കളക്ടര്‍ അറിയിച്ചിരിക്കുന്നത്. ഇതുകൂടാതെ ജൂലൈ 18 വരെ ഈരാറ്റുപേട്ട - വാഗമണ്‍ റോഡില്‍ രാത്രികാല യാത്രയ്ക്കും ജൂലൈ 25 വരെ ജില്ലയിലെ എല്ലാ ഖനന പ്രവര്‍ത്തനങ്ങള്‍ക്കും നിരോധനം ഏര്‍പ്പെടുത്തിയിട്ടുണ്ട്.

Kerala160 days ago

കോട്ടയത്തെ ആകാശപാതയുടെ നിർമാണം പൂർത്തിയാക്കണം: തിരുവഞ്ചൂർ രാധാകൃഷ്ണൻ

കോട്ടയത്ത് നിർമാണം മുടങ്ങി കിടക്കുന്ന ആകാശപാതയുടെ നിർമാണം പൂർത്തിയാക്കണമെന്ന് തിരുവഞ്ചൂർ രാധാകൃഷ്ണൻ MLA ആവശ്യപ്പെട്ടു. ഈ ആവശ്യം ഉന്നയിച്ച് ജൂലൈ 6ന് ആകാശപാതയ്ക്ക് കീഴിൽ ഉപവാസ സമരം നടത്തുമെന്നും തിരുവഞ്ചൂർ രാധാകൃഷ്ണൻ അറിയിച്ചു. ആകാശപാതയെ മന്ത്രി കെ.ബി. ഗണേഷ് കുമാർ ബിനാലെ എന്ന് വിശേഷിപ്പിച്ചത് തെറ്റാണെന്നും തിരുവഞ്ചൂർ പറഞ്ഞു. മന്ത്രി ആകാശപാതയുടെ നിർമാണം ഒരിക്കൽ പോലും കാണാതെയാണ് ഇത്തരം പരാമർശങ്ങൾ നടത്തിയതെന്നും തിരുവഞ്ചൂർ കൂട്ടിച്ചേർത്തു.

Kerala176 days ago

ശക്തമായ മഴ: ഇലവീഴാപൂഞ്ചിറ ഉള്‍പ്പടെയുള്ളയിടങ്ങളിലേക്ക് പ്രവേശനം നിരോധിച്ചു

ശക്തമായ മഴയെ തുടര്‍ന്ന് കോട്ടയം ജില്ലയിലെ വിനോദസഞ്ചാര കേന്ദ്രങ്ങളായ ഇലവീഴാപൂഞ്ചിറ, ഇല്ലിക്കല്‍കല്ല്, മാര്‍മല അരുവി എന്നിവിടങ്ങളിലേയ്ക്കുള്ള പ്രവേശനത്തിന് നിരോധനം ഏര്‍പ്പെടുത്തി. ജൂണ്‍ 30 വരെ ഈരാറ്റുപേട്ട- വാഗമണ്‍ റോഡിലെ രാത്രികാലയാത്രയും നിരോധിച്ചിട്ടുണ്ട്. ഇതുസംബന്ധിച്ച് ജില്ലാ കളക്ടര്‍ വി. വിഗ്നേശ്വരിയാണ് ഉത്തരവിറക്കിയത്.

Kerala180 days ago

തിരുവനന്തപുരത്ത് പ്ലസ് ടു വിദ്യാർത്ഥിനി ആത്മഹത്യ ചെയ്തു; സൈബര്‍ ആക്രമണമെന്ന് ആരോപണം

തിരുവനന്തപുരം തൃക്കണ്ണാപുരം ഞാലിക്കോണം സ്വദേശി ആദിത്യ (18) ആണ് ജീവനൊടുക്കിയത്. കഴിഞ്ഞ തിങ്കളാഴ്ച ആത്മഹത്യക്ക് ശ്രമിച്ച ആദിത്യ ചികിത്സയിലിരിക്കെയാണ് മരിച്ചത്. ഇൻസ്റ്റാഗ്രാമിൽ റീലുകളിലൂടെ പ്രശസ്തയായിരുന്ന ആദിത്യ സൈബർ ആക്രമണത്തിൽ മനംനൊന്താണ് ആത്മഹത്യ ചെയ്തതെന്ന് കുടുംബവും സുഹൃത്തുക്കളും ആരോപിച്ചു. ആദിത്യയുടെ മരണത്തിൽ പൂജപ്പുര പോലീസ് അസ്വാഭാവിക മരണത്തിന് കേസെടുത്തു.

Kerala189 days ago

കോട്ടയത്ത് ചൂണ്ടയിടാന്‍ പോയ വിദ്യാര്‍ത്ഥികള്‍ മുങ്ങിമരിച്ചു

കോട്ടയം തൃക്കൊടിത്താനത്ത് ചൂണ്ടയിടാന്‍ പോയ രണ്ട് കുട്ടികള്‍ പാറക്കുളത്തില്‍ മുങ്ങി മരിച്ചു. അഭിനവ്, ആദര്‍ശ് എന്നിവരാണ് മരിച്ചത്. ഒരാള്‍ പത്താം ക്ലാസ് വിദ്യാര്‍ത്ഥിയും മറ്റൊരാള്‍ ആറാം ക്ലാസ് വിദ്യാര്‍ത്ഥിയുമാണ്. സമയമേറെ കഴിഞ്ഞിട്ടും കുട്ടികളെ കാണാതായതോടെ വീട്ടുകാരും പ്രദേശവാസികളും നടത്തിയ തിരച്ചിലിലാണ് കുളത്തില്‍ മൃതദേഹങ്ങള്‍ കണ്ടെത്തിയത്.

Kerala191 days ago