കുവൈത്തില്‍ തീപിടിത്തം; നാലംഗ മലയാളി കുടുംബത്തിന് ദാരുണാന്ത്യം

കുവൈത്തിലെ അബ്ബാസിയയിലെ ഫ്‌ലാറ്റിലുണ്ടായ തീപിടിത്തത്തില്‍ നാലംഗ മലയാളി കുടുംബത്തിന് ദാരുണാന്ത്യം. ആലപ്പുഴ തലവടി നീരേറ്റുപുറം സ്വദേശികളായ മാത്യൂസ് മുളയ്ക്കല്‍ (40), ഭാര്യ ലിനി ഏബ്രഹാം (38), മക്കളായ ഐറിന്‍ (14), ഐസക് (9) എന്നിവരാണ് മരിച്ചത്. നാട്ടില്‍ അവധി ആഘോഷിക്കാനെത്തിയ ഇവര്‍ ഇന്നലെ വൈകിട്ടാണ് കുവൈത്തില്‍ തിരിച്ചെത്തിയത്. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക നിഗമനം.

Kerala275 days ago

ബെംഗളൂരുവില്‍ മലയാളി നഴ്സിങ് വിദ്യാര്‍ത്ഥിനി മരിച്ച നിലയില്‍

പാലക്കാട് പുതുക്കോട് സ്വദേശി അതുല്യ ഗംഗാധരന്‍ (19) ആണ് മരിച്ചത്. ഇന്നലെ രാത്രി ഹോസ്റ്റല്‍ കെട്ടിടത്തിന്റെ മുകളില്‍ നിന്നും വീണു മരിച്ചനിലയിലാണ് അതുല്യയുടെ മൃതദേഹം കണ്ടെത്തിയത്. ഒന്നാം വര്‍ഷ BSC നഴ്സിങ് വിദ്യാര്‍ഥിനിയായ അതുല്യ മറ്റ് മൂന്ന് സഹപാഠികള്‍ക്കൊപ്പമായിരുന്നു ഹോസ്റ്റലില്‍ താമസിച്ചിരുന്നത്. ആത്മഹത്യയാണെന്നാണ് പ്രാഥമിക നിഗമനം.

Kerala258 days ago

പാരിസ് ഒളിമ്പിക്‌സ്: മലയാളി താരങ്ങള്‍ക്ക് 5 ലക്ഷം രൂപ വീതം അനുവദിച്ചു

പാരിസ് ഒളിമ്പിക്‌സില്‍ പങ്കെടുക്കുന്ന മലയാളിതാരങ്ങള്‍ക്കും അത്‌ലറ്റിക്‌സ് ചീഫ് കോച്ച് രാധാകൃഷ്ണന്‍ നായര്‍ക്കും 5 ലക്ഷം രൂപ വീതം അനുവദിച്ചതായി കായിക മന്ത്രി വി. അബ്ദുറഹിമാന്‍ അറിയിച്ചു. മുഹമ്മദ് അനസ്, മുഹമ്മദ് അജ്മല്‍ (റിലേ ), അബ്ദുള്ള അബൂബക്കര്‍ (ട്രിപ്പിള്‍ ജമ്പ്), പി.ആര്‍. ശ്രീജേഷ് (ഹോക്കി), എച്ച്.എസ്. പ്രണോയ് (ബാഡ്മിന്റന്‍ ) എന്നിവര്‍ക്കാണ് തുക ലഭിക്കുക. ഒളിമ്പിക്‌സ് പരിശീലനത്തിനും മറ്റ് ഒരുക്കങ്ങള്‍ക്കുമാണ് ഈ തുക അനുവദിച്ചിരിക്കുന്നത്.

Sports268 days ago

കര്‍ണാടക മണ്ണിടിച്ചില്‍; മലയാളി രക്ഷാപ്രവര്‍ത്തകര്‍ തിരികെ പോകണമെന്ന നിര്‍ദേശവുമായി പോലീസ്

കര്‍ണാടകയിലെ ഷിരൂരില്‍ മണ്ണിടിച്ചിലില്‍ കാണാതായ അര്‍ജുന് വേണ്ടിയുള്ള തിരച്ചിലില്‍ ഏര്‍പ്പെട്ടിരിക്കുന്ന മലയാളി രക്ഷാപ്രവര്‍ത്തകരോട് മടങ്ങി പോകാന്‍ നിര്‍ദേശിച്ച് കര്‍ണാടക പോലീസ്. അപകട സ്ഥലത്ത് സൈന്യം മാത്രം മതിയെന്നും അരമണിക്കൂറിനകം മറ്റുള്ളവര്‍ സ്ഥലത്തുനിന്ന് മാറണമെന്നുമാണ് നിര്‍ദേശം നല്‍കിയിരിക്കുന്നത്. മലയാളി രക്ഷാപ്രവര്‍ത്തകരോട് കര്‍ണാടക പോലീസ് മോശമായി പെരുമാറിയെന്നും ആരോപണമുണ്ട്. അതേസമയം കോഴിക്കോട് സ്വദേശി അര്‍ജുനായുള്ള തിരച്ചില്‍ ഏഴാം ദിവസത്തിലും തുടരുകയാണ്.

Kerala272 days ago

അര്‍ജുനായുള്ള രക്ഷാപ്രവര്‍ത്തനം തുടരുന്നു; കരയിലെയും പുഴയിലെയും മണ്ണ് മാറ്റി പരിശോധിക്കും

കര്‍ണാടകയിലെ ഷിരൂര്‍ ദേശീയപാതയിലുണ്ടായ മണ്ണിടിച്ചിലില്‍ കാണാതായ അര്‍ജുനായുള്ള തിരച്ചില്‍ ഏഴാം ദിവസത്തിലേക്ക്. കരയിലെയും ഗംഗാവലി പുഴയിലേക്ക് ഇടിഞ്ഞു കിടക്കുന്ന മണ്ണ് മാറ്റിയും സൈന്യം പരിശോധന നടത്തും. മണ്ണില്‍ 15 മീറ്റര്‍ ആഴത്തില്‍ മെറ്റല്‍ സാന്നിധ്യം കണ്ടെത്താനാകുന്ന റഡാര്‍ സംവിധാനവും സൈന്യം ഇന്ന് തിരച്ചിലിനായി എത്തിക്കും. എന്‍ഡിആര്‍എഫും നാവികസേനയുടെ സ്‌കൂബ സംഘവും ഗംഗാവലി പുഴയില്‍ ഇന്നും തിരച്ചില്‍ തുടരും.

Kerala273 days ago

പാരീസ് ഒളിമ്പിക്‌സ്: നീന്തല്‍ മത്സരങ്ങള്‍ നിയന്ത്രിക്കുന്ന സാങ്കേതിക സംഘത്തില്‍ മലയാളിയും

പാരീസ് ഒളിമ്പിക്സ് നീന്തല്‍ മത്സരങ്ങള്‍ നിയന്ത്രിക്കുന്ന സാങ്കേതിക സംഘത്തിലേക്ക് ദേശീയ നീന്തല്‍ ഫെഡറേഷന്‍ ടെക്നിക്കല്‍ കമ്മിറ്റി ചെയര്‍മാന്‍ എസ്. രാജീവിനെ ഉള്‍പ്പെടുത്തി. ലോക നീന്തല്‍ ഫെഡറേഷന്‍ ഏഷ്യയില്‍ നിന്ന് തിരഞ്ഞെടുത്ത അഞ്ചുപേരില്‍ ഒരാളാണ് രാജീവ്. 2016 ബ്രസീല്‍ ഒളിമ്പിക്സിലും ഇദ്ദേഹം റഫറിയായിരുന്നു. തിരുവനന്തപുരം ജില്ലയിലെ പിരപ്പന്‍കോട് സ്വദേശിയാണ് രാജീവ്.

Sports274 days ago

കര്‍ണാടകയില്‍ അപകടത്തില്‍പ്പെട്ട മലയാളി ഡ്രൈവറെയും ലോറിയും ഇനിയും കണ്ടെത്താനായില്ല

കര്‍ണാടകയിലെ അംഗോളയില്‍ മണ്ണിടിച്ചിലില്‍ അപകടത്തല്‍പ്പെട്ട ലോറി ഡൈവര്‍ കോഴിക്കോട് സ്വദേശി അര്‍ജുനെ ഇതുവരെ കണ്ടെത്താനായില്ല. ലോറിയുടെ ജി.പി.എസ് അവസാനം കാണിച്ചത് മണ്ണിടിഞ്ഞ ഭാഗത്താണ്. ബോംബയിലേക്ക് ചരക്കുമായി പോകുകയായിരുന്നു അര്‍ജുന്‍. ജൂലൈ 16 നാണ് അര്‍ജുന്‍ ലോറിയുമായി സഞ്ചരിച്ച കര്‍ണാടക ഷിരൂര്‍ ദേശീയപാതയില്‍ മണ്ണിടിച്ചിലുണ്ടായത്.

Kerala276 days ago

കുവൈത്ത് തീപ്പിടിത്തത്തില്‍ മരിച്ച സ്റ്റെഫിന്റെ കുടുംബത്തിന് ധനസഹായം കൈമാറി

സഹകരണ- തുറമുഖ- ദേവസ്വം വകുപ്പു മന്ത്രി വി.എന്‍. വാസവനാണ് തീപ്പിടിത്തത്തില്‍ മരിച്ച പാമ്പാടി സ്വദേശി സ്റ്റെഫിന്‍ ഏബ്രഹാമിന്റെ വീട്ടിലെത്തി മാതാപിതാക്കളായ സാബു എബ്രഹാമിനും ഷേര്‍ലി സാബുവിനും ധനസഹായം കൈമാറിയത്. സര്‍ക്കാര്‍ സഹായമായ അഞ്ച് ലക്ഷം, വ്യവസായി യൂസഫലി നല്‍കിയ അഞ്ച് ലക്ഷം, ഫെഡറേഷന്‍ ഓഫ് കേരള അസോസിയേഷന്‍ ഇന്‍ നോര്‍ത്ത് അമേരിക്ക നല്‍കിയ രണ്ടു ലക്ഷം, വ്യവസായി രവി പിള്ള നല്‍കിയ രണ്ടു ലക്ഷം രൂപ എന്നിവയെല്ലാം മന്ത്രി കൈമാറി.

Kerala288 days ago

മരിച്ചവരുടെ കുടുംബങ്ങള്‍ക്ക് 12.5 ലക്ഷം ധനസഹായം പ്രഖ്യാപിച്ച് കുവൈത്ത്

കുവൈത്തിലെ മംഗഫിലുണ്ടായ തീപിടിത്തത്തില്‍ മരിച്ചവരുടെ കുടുംബങ്ങള്‍ക്ക് അതത് എംബസികള്‍ വഴിയാകും ധനസഹായം വിതരണം ചെയ്യുക. ഇന്ത്യക്കാരടക്കം 50 പേരാണ് തീപിടിത്തത്തില്‍ മരിച്ചത്. ഇതില്‍ 24 പേര്‍ മലയാളികളാണ്. മംഗഫില്‍ പ്രവാസി തൊഴിലാളികള്‍ താമസിച്ചിരുന്ന ആറു നില കെട്ടിടത്തിലാണ് ജൂണ്‍ 12ന് രാവിലെയാണ് തീപിടിത്തമുണ്ടായത്. സെക്യൂരിറ്റി ജീവനക്കാരന്റെ മുറിയിലുണ്ടായ ഷോര്‍ട്ട് സര്‍ക്ക്യൂട്ടാണ് അപകട കാരണമെന്നാണ് റിപ്പോര്‍ട്ട്.

World306 days ago

കുവൈത്ത് ദുരന്തത്തില്‍ മരിച്ചവരുടെ കുടുംബങ്ങള്‍ക്ക് നഷ്ടപരിഹാരം ഉറപ്പാക്കണമെന്ന് മുഖ്യമന്ത്രി

ലോകകേരള സഭയുടെ നാലാമത് സമ്മേളനം ഉദ്ഘാടനം ചെയ്യുകയായിരുന്നു മുഖ്യമന്ത്രി പിണറായി വിജയന്‍. കേന്ദ്രം കുവൈത്തുമായി ബന്ധപ്പെട്ട് നടപടി ത്വരിതപ്പെടുത്തണമെന്നും ഇക്കാര്യത്തില്‍ കേന്ദ്രത്തിന്റെ സമയോചിത ഇടപെടല്‍ ഉണ്ടാവണമെന്നും മുഖ്യമന്ത്രി ആവശ്യപ്പെട്ടു. ഈ കാര്യത്തില്‍ സംസ്ഥാന സര്‍ക്കാരും കേന്ദ്ര സര്‍ക്കാരും ഒരേ മനസോടെ നീങ്ങണമെന്നും മുഖ്യമന്ത്രി പറഞ്ഞു.

Kerala308 days ago

കുവൈത്ത് തീപിടുത്തത്തില്‍ മരിച്ച ബിനോയ് തോമസിന് വീട് നല്‍കുമെന്ന് മന്ത്രി കെ. രാജന്‍

ചാവക്കാട് നഗരസഭ 20 ന് യോഗം ചേര്‍ന്ന് ബിനോയ് തോമസിന് ലൈഫില്‍ വീട് നല്‍കുന്ന അജണ്ട അംഗീകരിക്കുമെന്നും സംസ്ഥാന സര്‍ക്കാര്‍ അംഗീകാരം നല്‍കുമെന്നും ബിനോയ് തോമസിന്റെ വീട് സന്ദര്‍ശിച്ച ശേഷം മന്ത്രി കെ. രാജന്‍ പറഞ്ഞു. ബിനോയ് തോമസിന്റെ മകന് ജോലി ഉറപ്പാക്കുമെന്ന് മന്ത്രി ആര്‍. ബിന്ദുവും പറഞ്ഞിരുന്നു. കുവൈത്തിലെ തൊഴിലാളി ക്യാപിലുണ്ടായ തീപിടുത്തത്തിലാണ് ചാവക്കാട് സ്വദേശി ബിനോയ് തോമസ് മരിച്ചതായി സ്ഥിരീകരിച്ചത്.

Kerala308 days ago