അറ്റകുറ്റപ്പണി; കുണ്ടന്നൂര്‍ – തേവര പാലം ഇന്ന് രാത്രി അടയ്ക്കും

രാത്രി 11 മണി മുതല്‍ പാലത്തിലൂടെയുളള ഗതാഗതം പൂര്‍ണമായും നിരോധിക്കും. ശനി, ഞായര്‍ ദിവസങ്ങളിലായി പണി പൂര്‍ത്തീകരിച്ച് തിങ്കളാഴ്ച്ചയോടെ പാലം തുറന്നു കൊടുക്കാനാണ് തീരുമാനം. അറ്റകുറ്റപ്പണിയുടെ പശ്ചാത്തലത്തില്‍ പ്രദേശത്ത് ഗതാഗത നിയന്ത്രണങ്ങളും ഏര്‍പ്പെടുത്തിയിട്ടുണ്ട്. പശ്ചിമ കൊച്ചി ഭാഗത്തുനിന്നും കുണ്ടന്നൂര്‍ ഭാഗത്തേയ്ക്ക് പോകേണ്ട വാഹനങ്ങള്‍ വെണ്ടുരുത്തിപ്പാലം വഴി MG റോഡിലേക്കും ഇടക്കൊച്ചി ഭാഗത്തുനിന്നും കുണ്ടന്നൂര്‍ ഭാഗത്തേയ്ക്ക് പോകേണ്ട വാഹനങ്ങള്‍ കണ്ണങ്ങാട്ട് പാലം വഴി തിരിഞ്ഞും പോകണം.

Kerala165 days ago

ലൈസന്‍സ് തര്‍ക്കം; കൊച്ചിയിലെ അഞ്ച് ‘ഹാജി അലി’ ഔട്ട്‌ലെറ്റുകളില്‍ റിസീവറുടെ നടപടി

പനമ്പിള്ളി നഗര്‍, ഇടപ്പളളി, കോതമംഗലം, ആലുവ, കാക്കനാട് എന്നിവിടങ്ങളില്‍ പ്രവര്‍ത്തിച്ചിരുന്ന ഹാജി അലിയുടെ ഔട്ട് ലെറ്റുകളിലാണ് മുംബൈ ഹൈക്കോടതി നിയോഗിച്ച റിസീവറിന്റെയും സംഘത്തിന്റെയും നടപടി. ഔട്ട് ലെറ്റുകളിലെ പാത്രങ്ങള്‍, നെയിം ബോര്‍ഡ് എന്നിവ ഉള്‍പ്പെടെ ഹാജി അലി ഗ്രൂപ്പിന്റെ പേരു പതിച്ചതെല്ലാം സംഘം കണ്ടുകെട്ടി. രാജ്യത്തെ പ്രമുഖ ജ്യൂസ് വില്‍പ്പന ബ്രാന്‍ഡായ ഹാജി അലി ഗ്രൂപ്പിന്റെ ട്രേഡ് മാര്‍ക്ക് ലൈസന്‍സ് ഉപയോഗിക്കുന്നതുമായി ബന്ധപ്പെട്ട കേസിലാണ് നടപടി. കൊച്ചി സ്വദേശിയായ വിനോദ് നായര്‍ക്കായിരുന്നു ഹാജി അലി ഗ്രൂപ്പിന്റെ ഫ്രാഞ്ചൈസി അനുവദിച്ചത്.Read More

Kerala95 days ago

കൊച്ചിയില്‍ പെണ്‍വാണിഭ സംഘം അറസ്റ്റില്‍

എളമക്കര കേന്ദ്രീകരിച്ചു പ്രവര്‍ത്തിച്ചിരുന്ന സംഘത്തെയാണ് പോലീസ് അറസ്റ്റ് ചെയ്തത്. സെക്സ് റാക്കറ്റിന്റെ കണ്ണിയായ സെറീന, സഹായി ശ്യാം, സെറീനയ്ക്കൊപ്പം സംഘത്തെ നിയന്ത്രിച്ചിരുന്ന മറ്റൊരു സ്ത്രീ എന്നിവരാണ് എളമക്കര പോലീസിന്റെ പിടിയിലായത്. ബെംഗളൂരുവില്‍നിന്ന് കൊച്ചിയിലെത്തിച്ച ഇരുപതുകാരിയായ ബംഗ്ലദേശ് സ്വദേശിനിയെ സംഘം ഇരുപതിലേറെ പേര്‍ക്ക് എത്തിച്ചുനല്‍കിയെന്നാണ് വിവരം. പെണ്‍കുട്ടി ഇപ്പോള്‍ പോലീസ് സംരക്ഷണയിലാണ്.

Kerala95 days ago

ചാരവൃത്തി സംശയം; കൊച്ചി കപ്പല്‍ശാലയില്‍ NIA സംഘത്തിന്റെ പരിശോധന

ഹൈദരാബാദ് NIA യൂണിറ്റാണ് കൊച്ചി കപ്പല്‍ശാലയില്‍ പരിശോധന നടത്തുന്നത്. ഒരു ജീവനക്കാരനെ കസ്റ്റഡിയിലെടുത്ത് ചോദ്യം ചെയ്യുകയാണ്. ജീവനക്കാരനില്‍ നിന്നും പ്രതിരോധ കപ്പലുകളുടെ വിവരങ്ങള്‍ ചോര്‍ന്നെന്ന സംശയത്തിന്റെ അടിസ്ഥാനത്തിലാണ് നടപടി. രണ്ട് വര്‍ഷം മുമ്പ് ഒരു അഫ്ഗാന്‍ പൗരന്‍ വ്യാജ രേഖകളുപയോഗിച്ച് കൊച്ചി കപ്പല്‍ശാലയില്‍ ജോലി ചെയ്തിരുന്നതായി കണ്ടെത്തിയിരുന്നു. ഇയാള്‍ പ്രതിരോധ വിവരങ്ങള്‍ മറ്റ് രാജ്യങ്ങള്‍ക്ക് കൈമാറിയെന്ന സംശയത്തെ തുടര്‍ന്ന് സംസ്ഥാന പോലീസ് അന്വേഷണം ദേശീയ അന്വേഷണ ഏജന്‍സിയെ ഏല്‍പ്പിക്കാന്‍ ശുപാര്‍ശ ചെയ്യുകയായിരുന്നു.

Kerala118 days ago

രഞ്ജിത്തിനെതിരായ ബംഗാളി നടിയുടെ പരാതിയില്‍ കേസെടുത്തു

സംവിധായകന്‍ രഞ്ജിത്തിനെതിരായ ബംഗാളി നടിയുടെ പരാതിയില്‍ എറണാകുളം നോര്‍ത്ത് പൊലീസ് കേസ് രജിസ്റ്റര്‍ ചെയ്തു. കേസുമായി ബന്ധപ്പെട്ട തുടര്‍ നടപടികള്‍ സ്വീകരിക്കുമെന്നും കൊച്ചി സിറ്റി പോലീസ് കമ്മീഷണര്‍ അറിയിച്ചു. IPC 354 ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നത്. മൂന്ന് വര്‍ഷംവരെ തടവ് ശിക്ഷ ലഭിക്കാവുന്ന കുറ്റമാണ് ചുമത്തിയിരിക്കുന്നത്.

Kerala119 days ago

കൊച്ചിയിൽ പ്ലസ് വൺ വിദ്യാർത്ഥിനി കായലിൽ വീണു; തിരച്ചിൽ തുടരുന്നു

കൊച്ചി നെട്ടൂരിൽ പ്ലസ് വൺ വിദ്യാർത്ഥിനിയെ കായലിൽ വീണ് കാണാതായി. 16 വയസ്സുകാരി ഫിദയാണ് അപകടത്തിൽപ്പെട്ടത്. മാലിന്യം കളയാനായി കായലിന് അരികിലേക്ക് പോയപ്പോൾ കാൽ വഴുതി വെള്ളത്തിലേക്ക് വീഴുകയായിരുന്നു. കായലിൽ ഫയർഫോഴ്സും, സ്കൂബ സംഘവും, സന്നദ്ധ പ്രവർത്തകരും ചേർന്ന് കുട്ടിക്കായി തിരച്ചിൽ നടത്തുകയാണ്.

Kerala137 days ago

മേഘവിസ്‌ഫോടനം; ഹിമാചലിലെ ലേ-മണാലി റോഡിന്റെ ഒരു ഭാഗം അടച്ചു

ഹിമാചലിലെ കുളു ജില്ലയിലെ അഞ്ജനി മഹാദേവ് മേഖലയിലാണ് മേഘവിസ്‌ഫോടനമുണ്ടായത്. ഇതിന് പിന്നാലെയുണ്ടായ വെള്ളപ്പൊക്കത്തെ തുടര്‍ന്ന് ദേശീയപാതാ-3 ന്റെ ഒരു ഭാഗം അടച്ചു. മാണ്ഡി, കിന്നൗര്‍, കാന്‍ഗ്ര ജില്ലകളിലെ 15 റോഡുകളില്‍ ഗതാഗതത്തിന് വിലക്കുണ്ട്. സംഭവത്തില്‍ ഇതുവരെ ആളപായമൊന്നും റിപ്പോര്‍ട്ട് ചെയ്തിട്ടില്ലെങ്കിലും അത്യാവശ്യ സന്ദര്‍ഭങ്ങളില്‍ മാത്രമേ പ്രദേശത്തേക്ക് യാത്ര ചെയ്യാവൂ എന്നും ജാഗ്രതയോടെ വാഹനം ഓടിക്കണമെന്നും അധികൃതര്‍ നിര്‍ദേശം നല്‍കിയിട്ടുണ്ട്.

National152 days ago

കുണ്ടന്നൂര്‍-തേവര പാലം രണ്ട് ദിവസത്തേക്ക് അടച്ചു

അറ്റകുറ്റപ്പണികള്‍ക്കായാണ് കുണ്ടന്നൂര്‍-തേവര പാലം രണ്ട് ദിവസത്തേക്ക് അടയ്ക്കുന്നത്. അറ്റകുറ്റപ്പണികള്‍ പൂര്‍ത്തിയാക്കി ചൊവ്വാഴ്ച രാവിലെ എട്ടിന് ഗതാഗതത്തിനായി തുറന്നുകൊടുക്കും. കുണ്ടന്നൂര്‍ - തേവര പാലത്തിലേക്ക് യാതൊരുവിധ വാഹനങ്ങളും കയറ്റിവിടുന്നതല്ല. പശ്ചിമകൊച്ചി ഭാഗത്തുനിന്നും കുണ്ടന്നൂര്‍ ഭാഗത്തേക്ക് പോകേണ്ട വാഹനങ്ങള്‍ വിക്രാന്ത് ബ്രിഡ്ജ് വഴി MG റോഡില്‍ പ്രവേശിച്ച് പളളിമുക്ക് ജംഗ്ഷനിലെത്തി സഹോദരന്‍ അയ്യപ്പന്‍ റോഡില്‍ പ്രവേശിച്ച് വൈറ്റില വഴി കുണ്ടന്നൂര്‍ ഭാഗത്തേക്ക് പോകേണ്ടതാണ്.

Kerala156 days ago

കൊച്ചിയില്‍ അറസ്റ്റിലായ മാവോയിസ്റ്റ് പ്രവര്‍ത്തകനെ റിമാന്‍ഡ് ചെയ്തു

സംസ്ഥാന ഭീകര വിരുദ്ധ സേനയുടെ വാണ്ടഡ് ലിസ്റ്റില്‍ ഉണ്ടായിരുന്ന മാവോയിസ്റ്റ് പ്രവര്‍ത്തകന്‍ മനോജിനെ ഇന്നലെ എറണാകുളം സൗത്ത് റെയില്‍വേ സ്റ്റേഷനില്‍ നിന്നായിരുന്നു പിടികൂടിയത്. ഇന്ന് കോടതിയില്‍ ഹാജരാക്കിയപ്പോഴും ഇയാള്‍ മാവോയിസ്റ്റ് അനുകൂല മുദ്രാവാക്യങ്ങള്‍ വിളിച്ചു. വയനാട്ടില്‍ മാവോയിസ്റ്റുകള്‍ കുഴിബോംബ് സ്ഥാപിച്ചത് കണ്ടെത്തിയതിന് പിന്നാലെ മനോജ് അടക്കമുള്ള വാണ്ടഡ് ലിസ്റ്റിലുള്ളവര്‍ക്കായി നിരീക്ഷണം ശക്തമാക്കിയിരുന്നു. ഇതിന് പിന്നാലെ മനോജ് കൊച്ചിയിലെത്തിയെന്ന വിവരം പിന്തുടര്‍ന്നായിരുന്നു അറസ്റ്റ്.

Kerala158 days ago

കനത്ത മഴയില്‍ കൊച്ചി മെട്രോ ട്രാക്കിലേക്ക് ഫ്‌ളക്‌സ് ബോര്‍ഡ് മറിഞ്ഞു വീണു; സര്‍വീസ് തടസ്സപ്പെട്ടു

നഗരത്തില്‍ ശക്തമായ മഴയും കാറ്റുമാണ് അനുഭവപ്പെടുന്നത്. ഇതേതുടര്‍ന്ന് കലൂര്‍ മെട്രോ സ്‌റ്റേഷനും ടൗണ്‍ ഹാള്‍ മെട്രോ സ്‌റ്റേഷനും ഇടയില്‍ ഫ്‌ളക്‌സ് ബോര്‍ഡ് മറിഞ്ഞ് വീണ് അപകടമുണ്ടായി. ഇതോടെ ഈ റൂട്ടിലെ സര്‍വീസ് നിര്‍ത്തിവെച്ചു. എറണാകുളം സൗത്ത് - കടവന്ത്ര സ്റ്റേഷന് ഇടയിലുള്ള മെട്രോ ട്രാക്കിലേക്ക് ടര്‍പ്പോളിനും മറിഞ്ഞു വീണു. രണ്ട് ഭാഗത്തേക്കുമുള്ള ട്രെയിന്‍ സര്‍വീസ് 15 മിനിറ്റോളം നിര്‍ത്തിവെച്ചു.

Kerala159 days ago

കൊച്ചിയില്‍ സ്‌കൂള്‍ ബസിനു തീപിടിച്ചു

തേവര എസ്എച്ച് സ്‌കൂളിന്റെ ബസിനാണ് തീപിടിച്ചത്. രാവിലെ എട്ടരയോടെ കുണ്ടന്നൂര്‍ പാലത്തിന് താഴെ എത്തിയപ്പോഴായിരുന്നു അപകടം. ബസില്‍ കുട്ടികളുണ്ടായിരുന്നുവെങ്കിലും പുക ഉയരുന്നത് കണ്ട ഡ്രൈവര്‍ കുട്ടികളെ സുരക്ഷിതമായി പുറത്തിറക്കുകയായിരുന്നു. ഇതിന് പിന്നാലെയാണ് ബസിന് തീപിടിച്ചത്. അഗ്‌നിശമന സേനയെത്തിയാണ് തീ നിയന്ത്രണവിധേയമാക്കിയത്. ബസ് മുഴുവനായും കത്തിനശിച്ചു.

Kerala167 days ago