കൊച്ചിയില്‍ പെണ്‍വാണിഭ സംഘം അറസ്റ്റില്‍

എളമക്കര കേന്ദ്രീകരിച്ചു പ്രവര്‍ത്തിച്ചിരുന്ന സംഘത്തെയാണ് പോലീസ് അറസ്റ്റ് ചെയ്തത്. സെക്സ് റാക്കറ്റിന്റെ കണ്ണിയായ സെറീന, സഹായി ശ്യാം, സെറീനയ്ക്കൊപ്പം സംഘത്തെ നിയന്ത്രിച്ചിരുന്ന മറ്റൊരു സ്ത്രീ എന്നിവരാണ് എളമക്കര പോലീസിന്റെ പിടിയിലായത്. ബെംഗളൂരുവില്‍നിന്ന് കൊച്ചിയിലെത്തിച്ച ഇരുപതുകാരിയായ ബംഗ്ലദേശ് സ്വദേശിനിയെ സംഘം ഇരുപതിലേറെ പേര്‍ക്ക് എത്തിച്ചുനല്‍കിയെന്നാണ് വിവരം. പെണ്‍കുട്ടി ഇപ്പോള്‍ പോലീസ് സംരക്ഷണയിലാണ്.

Kerala94 days ago

തൃശൂരില്‍ ATM കൊള്ളയടിച്ച സംഘത്തെ പിടികൂടി

തൃശൂരില്‍ മൂന്നിടങ്ങളില്‍ ATM കൊള്ളയടിച്ച ഹരിയാനക്കാരായ സംഘത്തെ തമിഴ്‌നാട്ടിലെ നാമക്കല്ലില്‍ വെച്ചാണ് പിടികൂടിയത്. തമിഴ്‌നാട് പോലീസാണ് ഇവരെ പിടികൂടിയത്. അതേസമയം ഏറ്റുമുട്ടലില്‍ ഒരാള്‍ കൊല്ലപ്പെട്ടു. പ്രതികളെ പിന്തുടരുന്നതിനിടെയാണ് തമിഴ്‌നാട് പോലീസുമായി ഏറ്റുമുട്ടലുണ്ടായത്. ഏറ്റുമുട്ടലില്‍ രണ്ട് പോലീസുകാര്‍ക്കും പരിക്കേറ്റു. നേരത്തെ കണ്ണൂര്‍ ഉള്‍പ്പെടെയുള്ള സ്ഥലങ്ങളില്‍ കൊള്ള നടത്തിയ അതേ സംഘമാണ് ഇതെന്ന് പോലീസ് പറഞ്ഞു.

Kerala87 days ago

കടുവയിറങ്ങിയെന്ന് വ്യാജ വാര്‍ത്ത പ്രചരിപ്പിച്ചു; മൂന്ന് പേര്‍ കസ്റ്റഡിയില്‍

പത്തനംതിട്ട കലഞ്ഞൂരില്‍ കടുവ ഇറങ്ങിയെന്ന് വ്യാജ വാര്‍ത്ത പ്രചരിപ്പിച്ച സംഭവത്തില്‍ മൂന്നു പേര്‍ പിടിയില്‍. പാക്കണ്ടം സ്വദേശികളായ ആത്മജ്(20), അരുണ്‍ മോഹനന്‍(32), ഹരിപ്പാട് നങ്യാര്‍കുളങ്ങര സ്വദേശി ആദര്‍ശ് (27) എന്നിവരെയാണ് പോലീസ് കസ്റ്റഡിയിലെടുത്തത്. കലഞ്ഞൂര്‍ പാക്കണ്ടത്ത് കടുവയിറങ്ങിയെന്ന അടിക്കുറിപ്പോടെ, വാഹനത്തിന്റെ ഹെഡ് ലൈറ്റ് വെളിച്ചത്തില്‍ കടുവ വഴിവക്കില്‍ നില്‍ക്കുന്ന ചിത്രമാണ് സംഘം പ്രചരിപ്പിച്ചത്.

Kerala94 days ago

ലൈസന്‍സ് തര്‍ക്കം; കൊച്ചിയിലെ അഞ്ച് ‘ഹാജി അലി’ ഔട്ട്‌ലെറ്റുകളില്‍ റിസീവറുടെ നടപടി

പനമ്പിള്ളി നഗര്‍, ഇടപ്പളളി, കോതമംഗലം, ആലുവ, കാക്കനാട് എന്നിവിടങ്ങളില്‍ പ്രവര്‍ത്തിച്ചിരുന്ന ഹാജി അലിയുടെ ഔട്ട് ലെറ്റുകളിലാണ് മുംബൈ ഹൈക്കോടതി നിയോഗിച്ച റിസീവറിന്റെയും സംഘത്തിന്റെയും നടപടി. ഔട്ട് ലെറ്റുകളിലെ പാത്രങ്ങള്‍, നെയിം ബോര്‍ഡ് എന്നിവ ഉള്‍പ്പെടെ ഹാജി അലി ഗ്രൂപ്പിന്റെ പേരു പതിച്ചതെല്ലാം സംഘം കണ്ടുകെട്ടി. രാജ്യത്തെ പ്രമുഖ ജ്യൂസ് വില്‍പ്പന ബ്രാന്‍ഡായ ഹാജി അലി ഗ്രൂപ്പിന്റെ ട്രേഡ് മാര്‍ക്ക് ലൈസന്‍സ് ഉപയോഗിക്കുന്നതുമായി ബന്ധപ്പെട്ട കേസിലാണ് നടപടി. കൊച്ചി സ്വദേശിയായ വിനോദ് നായര്‍ക്കായിരുന്നു ഹാജി അലി ഗ്രൂപ്പിന്റെ ഫ്രാഞ്ചൈസി അനുവദിച്ചത്.Read More

Kerala94 days ago

പീഡന പരാതി; ബ്രോ ഡാഡി സിനിമയുടെ അസിസ്റ്റന്റ് ഡയറക്ടര്‍ മന്‍സൂര്‍ റഷീദ് അറസ്റ്റില്‍

'ബ്രോ ഡാഡി' സിനിമയുടെ ഷൂട്ടിങ് സെറ്റില്‍ വെച്ച് പീഡിപ്പിച്ചെന്ന ജൂനിയര്‍ ആര്‍ട്ടിസ്റ്റിന്റെ പരാതിയില്‍ അസിസ്റ്റന്റ് ഡയറക്ടര്‍ മന്‍സൂര്‍ റഷീദിനെ അറസ്റ്റ് ചെയ്തു. ഹൈദരാബാദിലെ കുക്കട്പള്ളി കോടതിയില്‍ കീഴടങ്ങിയ മണ്‍സൂറിനെ 14 ദിവസത്തേക്ക് റിമാന്‍ഡ് ചെയ്തു. മന്‍സൂറിന്റെ ജാമ്യാപേക്ഷയെ എതിര്‍ക്കുമെന്ന് ഗച്ചിബൗളി പോലിസ് അറിയിച്ചു. പീഡനത്തെക്കുറിച്ച് ആദ്യം പരാതിപ്പെട്ടത് ഫെഫ്കയിലായിരുന്നെന്നും എന്നാല്‍ ഫെഫ്ക നടപടിയൊന്നും സ്വീകരിച്ചില്ലെന്നും പരാതിക്കാരി പറയുന്നു.

Kerala103 days ago

കൊല്‍ക്കത്തയില്‍ നഴ്‌സിനു നേരെ രോഗിയുടെ ലൈംഗികാതിക്രമം

പശ്ചിമബംഗാളില്‍ ആരോഗ്യ പ്രവര്‍ത്തകയ്ക്ക് നേരെ വീണ്ടും അതിക്രമം. ബിര്‍ഭും ജില്ലയിലെ ഇലംബസാര്‍ ആരോഗ്യ കേന്ദ്രത്തില്‍ രാത്രി ഡ്യൂട്ടിയിലുണ്ടായിരുന്ന നഴ്‌സിന് നേരെയാണ് രോഗി ലൈംഗികാതിക്രമം നടത്തിയത്. ഡോക്ടര്‍ നല്‍കിയ നിര്‍ദേശപ്രകാരം ഡ്രിപ്പ് ഇടാനായി അടുത്തേക്ക് ചെന്നപ്പോഴാണ് യുവാവ് നഴ്‌സിനെ കടന്നുപിടിച്ചത്. യുവാവ് തന്റെ ശരീരത്തില്‍ അപമര്യാദയായി സ്പര്‍ശിച്ചുവെന്ന് നഴ്‌സ് പരാതിപ്പെട്ടു. തുടര്‍ന്ന് പോലീസ് സ്ഥലത്തെത്തി രോഗിയെ അറസ്റ്റ് ചെയ്തു. ബംഗാളില്‍ യുവഡോക്ടര്‍ ആശുപത്രിയില്‍ ബലാത്സംഗത്തിനിരയായി കൊല്ലപ്പെട്ട സംഭവത്തില്‍ പ്രതിഷേധം തുടരുന്നതിനിടെയാണ് വീണ്ടും അതിക്രമമുണ്ടായിരിക്കുന്നത്.

National113 days ago

ചാരവൃത്തി സംശയം; കൊച്ചി കപ്പല്‍ശാലയില്‍ NIA സംഘത്തിന്റെ പരിശോധന

ഹൈദരാബാദ് NIA യൂണിറ്റാണ് കൊച്ചി കപ്പല്‍ശാലയില്‍ പരിശോധന നടത്തുന്നത്. ഒരു ജീവനക്കാരനെ കസ്റ്റഡിയിലെടുത്ത് ചോദ്യം ചെയ്യുകയാണ്. ജീവനക്കാരനില്‍ നിന്നും പ്രതിരോധ കപ്പലുകളുടെ വിവരങ്ങള്‍ ചോര്‍ന്നെന്ന സംശയത്തിന്റെ അടിസ്ഥാനത്തിലാണ് നടപടി. രണ്ട് വര്‍ഷം മുമ്പ് ഒരു അഫ്ഗാന്‍ പൗരന്‍ വ്യാജ രേഖകളുപയോഗിച്ച് കൊച്ചി കപ്പല്‍ശാലയില്‍ ജോലി ചെയ്തിരുന്നതായി കണ്ടെത്തിയിരുന്നു. ഇയാള്‍ പ്രതിരോധ വിവരങ്ങള്‍ മറ്റ് രാജ്യങ്ങള്‍ക്ക് കൈമാറിയെന്ന സംശയത്തെ തുടര്‍ന്ന് സംസ്ഥാന പോലീസ് അന്വേഷണം ദേശീയ അന്വേഷണ ഏജന്‍സിയെ ഏല്‍പ്പിക്കാന്‍ ശുപാര്‍ശ ചെയ്യുകയായിരുന്നു.

Kerala117 days ago

രഞ്ജിത്തിനെതിരായ ബംഗാളി നടിയുടെ പരാതിയില്‍ കേസെടുത്തു

സംവിധായകന്‍ രഞ്ജിത്തിനെതിരായ ബംഗാളി നടിയുടെ പരാതിയില്‍ എറണാകുളം നോര്‍ത്ത് പൊലീസ് കേസ് രജിസ്റ്റര്‍ ചെയ്തു. കേസുമായി ബന്ധപ്പെട്ട തുടര്‍ നടപടികള്‍ സ്വീകരിക്കുമെന്നും കൊച്ചി സിറ്റി പോലീസ് കമ്മീഷണര്‍ അറിയിച്ചു. IPC 354 ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നത്. മൂന്ന് വര്‍ഷംവരെ തടവ് ശിക്ഷ ലഭിക്കാവുന്ന കുറ്റമാണ് ചുമത്തിയിരിക്കുന്നത്.

Kerala119 days ago

മൂന്ന് വയസ്സുള്ള പെണ്‍കുട്ടികള്‍ക്ക് നേരെ ലൈംഗികാതിക്രമം; താനെയില്‍ പ്രതിഷേധം

പ്രീപ്രൈമറി ക്ലാസില്‍ പഠിക്കുന്ന മൂന്ന് വയസ്സുള്ള പെണ്‍കുട്ടികളെ ലൈംഗികാതിക്രമത്തിനിരയാക്കി സംഭവത്തില്‍ താനെയില്‍ പ്രതിഷേധം ശക്തമാവുകയാണ്. പ്രതിഷേധക്കാര്‍ ബദലാപൂര്‍ റെയില്‍വേ സ്റ്റേഷനില്‍ ലോക്കല്‍ ട്രെയിനുകള്‍ തടഞ്ഞു. സ്‌കൂളിലെ ടോയ്‌ലെറ്റില്‍ വെച്ച് ശുചീകരണ തൊഴിലാളിയാണ് കുട്ടികളെ ലൈംഗികാതിക്രമത്തിന് ഇരയാക്കിയത്. സംഭവത്തില്‍ പ്രതിയെ അറസ്റ്റ് ചെയ്തു. കേസിന്റെ വിചാരണക്കായി അതിവേഗ കോടതി സ്ഥാപിക്കുമെന്ന് മഹാരാഷ്ട്ര മുഖ്യമന്ത്രി ഏക്‌നാഥ് ഷിന്‍ഡെ പറഞ്ഞു.

National125 days ago

വ്യാജ NCC ക്യാമ്പ് സംഘടിപ്പിച്ച് 13 പെണ്‍കുട്ടികളെ ലൈംഗികമായി പീഡിപ്പിച്ചു

തമിഴ്‌നാട് കൃഷ്ണഗിരിയിലാണ് വ്യാജ NCC ക്യാമ്പ് സംഘടിപ്പിച്ച് പെണ്‍കുട്ടികളെ ലൈംഗികമായി പീഡിപ്പിച്ചത്. ഒരു പെണ്‍കുട്ടിയെ ലൈംഗികമായി പീഡനത്തിനിരയാക്കുകയും 12 പേരെ ലൈംഗികമയി ദുരുപയോഗം ചെയ്തതായും പോലീസ് അറിയിച്ചു.സംഭവത്തില്‍ ക്യാമ്പ് സംഘാടകര്‍, സ്‌കൂള്‍ പ്രിന്‍സിപ്പല്‍, രണ്ട് അധ്യാപകര്‍ എന്നിവരുള്‍പ്പടെ 11 പേര്‍ അറസ്റ്റിലായിട്ടുണ്ട്. സ്വകാര്യ സ്‌കൂളിന് NCC യൂണിറ്റില്ലെന്ന് അന്വേഷണത്തില്‍ കണ്ടെത്തി. ഈ മാസം ആദ്യം നടന്ന ത്രിദിന ക്യാമ്പില്‍ 17 പെണ്‍കുട്ടികള്‍ ഉള്‍പ്പെടെ 41 വിദ്യാര്‍ത്ഥികള്‍ പങ്കെടുത്തു.

National126 days ago

കൊച്ചിയിൽ പ്ലസ് വൺ വിദ്യാർത്ഥിനി കായലിൽ വീണു; തിരച്ചിൽ തുടരുന്നു

കൊച്ചി നെട്ടൂരിൽ പ്ലസ് വൺ വിദ്യാർത്ഥിനിയെ കായലിൽ വീണ് കാണാതായി. 16 വയസ്സുകാരി ഫിദയാണ് അപകടത്തിൽപ്പെട്ടത്. മാലിന്യം കളയാനായി കായലിന് അരികിലേക്ക് പോയപ്പോൾ കാൽ വഴുതി വെള്ളത്തിലേക്ക് വീഴുകയായിരുന്നു. കായലിൽ ഫയർഫോഴ്സും, സ്കൂബ സംഘവും, സന്നദ്ധ പ്രവർത്തകരും ചേർന്ന് കുട്ടിക്കായി തിരച്ചിൽ നടത്തുകയാണ്.

Kerala136 days ago