നീറ്റ് ചോദ്യപേപ്പർ ചോർച്ച; മുഖ്യസൂത്രധാരനെ CBI പിടികൂടി

UGC നീറ്റ് 2024 ചോദ്യപേപ്പർ ചോർച്ചയുമായി ബന്ധപ്പെട്ട കേസിലെ മുഖ്യപ്രതി എന്ന് കരുതുന്ന വ്യക്തിയെ CBI പിടികൂടി. റോക്കി എന്ന രാകേഷ് രഞ്ജനെയാണ് CBI അറസ്റ്റ് ചെയ്തത്. ഇയാളെ പത്ത് ദിവസത്തേക്ക് CBI കസ്റ്റഡിയിലെടുത്തു. പാട്നയിലും കൊൽക്കത്തയിലുമായി നടത്തിയ റെയ്ഡിന് പിന്നാലെയാണ് രാകേഷ് രഞ്ജനെ അറസ്റ്റ് ചെയ്തത്. കേസുമായി ബന്ധപ്പെട്ട് CBI ഇതുവരെ എട്ട് പേരെയാണ് അറസ്റ്റ് ചെയ്തിട്ടുള്ളത്.

National165 days ago

നീറ്റ്: പുതുക്കിയ പരീക്ഷാ ഫലം പ്രസിദ്ധീകരിച്ചു

നീറ്റ് UG പരീക്ഷയുടെ പുതുക്കിയ റാങ്ക് ലിസ്റ്റ് NTA പ്രസിദ്ധീകരിച്ചു. സുപ്രീംകോടതി നിർദേശത്തെ തുടർന്നാണ് റാങ്ക് ലിസ്റ്റ് പുതുക്കിയത്. കണ്ണൂർ സ്വദേശിയടക്കം 17 പേർക്കാണ് പുതിയ പട്ടികയിൽ ഒന്നാം റാങ്ക്. NTA യുടെ വെബ്സൈറ്റായ eet.ntaonline.in എന്ന വെബ്സൈറ്റിലൂടെ ഫലം അറിയാം. ആദ്യം ഫലം വന്നപ്പോൾ 61 പേർക്കാണ് ഒന്നാം റാങ്ക് ലഭിച്ചത്. ഒരു ചോദ്യത്തിന്റെ രണ്ട് ഉത്തരങ്ങൾ ശരിയായി പരിഗണിച്ച നടപടി റദ്ദാക്കാൻ ആവശ്യപ്പെട്ടതിനെ തുടർന്നാണ് റാങ്ക് ലിസ്റ്റ് പുതുക്കിയത്. പുതിയ പട്ടിക വന്നതോടെ മുൻ പട്ടികയിലെ 16000 വിദ്യാർത്ഥികൾക്ക് മെഡിക്കൽ പ്രവേശനത്തിനുള്ള അവസരം ഇല്ലാതായി.

National150 days ago

നീറ്റിൽ പുനഃപരീക്ഷയില്ല: വ്യാപക ക്രമക്കേട് കണ്ടെത്താനായില്ലെന്ന് സുപ്രീംകോടതി

നീറ്റ് UG പരീക്ഷ റദ്ദാക്കില്ലെന്ന് സുപ്രീംകോടതി. ചോദ്യപേപ്പർ വ്യാപകമായി ചോർന്നെന്ന് കണ്ടെത്താനായില്ലെന്ന് കോടതി നിരീക്ഷിച്ചു. പരീക്ഷ റദ്ദാക്കി വീണ്ടും നടത്തിയാൽ 24 ലക്ഷം വിദ്യാർത്ഥികളെ അത് ബാധിക്കും. നീറ്റ് പരീക്ഷ റദ്ദാക്കണമെന്നും പുനഃപരീക്ഷ നടത്തണമെന്നും ആവശ്യപ്പെട്ടുള്ള ഹർജികളിലാണ് ചീഫ് ജസ്റ്റിസ് ഡി.വൈ. ചന്ദ്രചൂഡിന്റെ അധ്യക്ഷതയിലുള്ള ബെഞ്ചിന്റെ വിധി. എന്നാൽ പരീക്ഷ നടത്തിപ്പിൽ പോരായ്മകൾ ഉണ്ടായിയെന്നും ചില സ്ഥലങ്ങളിൽ ചോർച്ചയുണ്ടായി എന്നും വ്യക്തമാണെന്ന് കോടതി അറിയിച്ചു. ആകെ 155 വിദ്യാർത്ഥികൾക്ക് മാത്രമാണ് ഇതിന്റെ ഗുണം ലഭിച്ചതെന്നും കോടതി വ്യക്തമാക്കി.

National153 days ago

നീറ്റ്: ഹര്‍ജികള്‍ പരിഗണിക്കുന്നത് ജൂലൈ 18ലേക്ക് മാറ്റി സുപ്രീംകോടതി

പുനപരീക്ഷ ആവശ്യപ്പെട്ടു കൊണ്ടുള്ള ഹര്‍ജികളില്‍ NTAയും കേന്ദ്രസര്‍ക്കാരും സമര്‍പ്പിച്ചിരിക്കുന്ന സത്യവാങ്മൂലം പരിശോധിക്കാന്‍ കേസിലെ കക്ഷികള്‍ക്ക് സമയം ലഭിച്ചിട്ടില്ല. ഇതിനാലാണ് ഹര്‍ജി പരിഗണിക്കുന്നത് ജുലൈ 18 ലേക്ക് മാറ്റുന്നതെന്ന് ചീഫ് ജസ്റ്റിസ് ഡി. വൈ. ചന്ദ്രചൂഡ് അറിയിച്ചു. ചോദ്യപേപ്പര്‍ ചോര്‍ച്ചയുടെയും ക്രമക്കേടുകളുടെയും പശ്ചാത്തലത്തില്‍ മെയ് അഞ്ചിന് നടത്തിയ നീറ്റ് പരീക്ഷ റദ്ദാക്കണമെന്നും പുനപരീക്ഷ നടത്തണമെന്നും ആവശ്യപ്പെട്ടാണ് വിദ്യാര്‍ത്ഥികള്‍ സുപ്രീംകോടതിയെ സമീപിച്ചത്.

National165 days ago

നീറ്റ് ക്രമക്കേട്: NTA സുപ്രീംകോടതിയിൽ സത്യവാങ്മൂലം സമർപ്പിച്ചു

നീറ്റ്-UG 2024 പരീക്ഷയുമായി ബന്ധപ്പെട്ട് നാഷണൽ ടെസ്റ്റിംഗ് ഏജൻസി (NTA) സുപ്രീംകോടതിയിൽ സത്യവാങ്മൂലം സമർപ്പിച്ചു. ചോദ്യപേപ്പർ ചോർച്ച ഒറ്റപ്പെട്ട സംഭവമാണെന്നും ഗോധ്രയിലേയും പട്നയിലേയും ഏതാനും കേന്ദ്രങ്ങളിൽ മാത്രമാണ് ക്രമക്കേടുകൾ നടന്നതെന്നും ചോദ്യപേപ്പർ വ്യാപകമായി ചോർന്നിട്ടില്ലെന്നും NTA സത്യവാങ്മൂലത്തിൽ പറഞ്ഞു. ഈ വിഷയം പരീക്ഷയുടെ പരിശുദ്ധിയെ ബാധിച്ചിട്ടില്ലെന്നും റാങ്ക് ലിസ്റ്റിലും മാർക്ക് നൽകിയതിലും അപാകതയില്ലെന്നും NTA അറിയിച്ചു.

National166 days ago

NEET പരീക്ഷാ ഫലം റദ്ദാക്കുന്നത് പ്രായോഗികമല്ല: സുപ്രീംകോടതിയിൽ കേന്ദ്രം

NEET UG പരീക്ഷാ ഫലം റദ്ദാക്കുന്നത് പ്രായോഗികമല്ലെന്ന് കേന്ദ്രസർക്കാർ സുപ്രീംകോടതിയിൽ സത്യവാങ്മൂലം നൽകി. ചില സംസ്ഥാനങ്ങളിലെ ചില പ്രദേശങ്ങളിൽ മാത്രമാണ് പ്രശ്നമുണ്ടായതെന്നും അതിനാൽ പരീക്ഷ റദ്ദാക്കുന്നത് മുഴുവൻ വിദ്യാർത്ഥികളെയും ബാധിക്കുമെന്നും ഇത് പ്രായോഗികമല്ലെന്നുമാണ് കേന്ദ്രം സത്യവാങ്മൂലത്തിൽ പറഞ്ഞത്. NEET പരീക്ഷ റദ്ദാക്കണമെന്ന ഹർജികൾ ചീഫ് ജസ്റ്റിസ് അധ്യക്ഷനായ സുപ്രീംകോടതി ബെഞ്ച് പരിഗണിക്കാനിരിക്കെയാണ് കേന്ദ്രം നിലപാട് വ്യക്തമാക്കിയത്.

National171 days ago

NEET ക്രമക്കേട്: ചീഫ് ജസ്റ്റിസിന്റെ നേതൃത്വത്തിലുള്ള സുപ്രീംകോടതി ബെഞ്ച് ഹർജികൾ പരിഗണിക്കും

നാഷണൽ ടെസ്റ്റിംഗ് ഏജൻസി (NTA) നടത്തിയ NEET UG 2024 പരീക്ഷയിലെ ക്രമക്കേടുകൾ ചോദ്യം ചെയ്തുള്ള ഹർജികൾ ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ സുപ്രീംകോടതി ബെഞ്ച് ജൂലൈ 8ന് പരിഗണിക്കും. ചീഫ് ജസ്റ്റിസ് ഡി.വൈ. ചന്ദ്രചൂഡ്, ജസ്റ്റിസ് ജെ.ബി. പർദിവാല, ജസ്റ്റിസ് മനോജ് മിശ്ര എന്നിവർ അടങ്ങുന്ന മൂന്നംഗ ബെഞ്ചാണ് ഹർജി പരിഗണിക്കുക. NEET ക്രമക്കേടുമായി ബന്ധപ്പെട്ട് 26 ഹർജികളാണ് സുപ്രീംകോടതിയുടെ പരിഗണനയിലുള്ളത്. സുപ്രീംകോടതിയുടെ അവധിക്കാല ബെഞ്ചാണ് കഴിഞ്ഞ ദിവസങ്ങളിൽ ഹർജി പരിഗണിച്ചിരുന്നത്.

National174 days ago

NTA പരിഷ്കരണം: വിദ്യാർത്ഥികളിൽ നിന്നും രക്ഷിതാക്കളിൽ നിന്നും നിർദേശങ്ങൾ തേടി കേന്ദ്രം

ചോദ്യ പേപ്പർ ചോർച്ചയും മറ്റ് ക്രമക്കേടുകളും സംബന്ധിച്ച് വിമർശനങ്ങൾ നേരിടുന്ന പരീക്ഷാ ബോഡിയായ NTA പരിഷ്‌കരിക്കുന്നതിന് വിദ്യാർത്ഥികളും രക്ഷിതാക്കളും ഉൾപ്പെടെയുള്ളവരിൽ നിന്ന് കേന്ദ്രസർക്കാർ നിയോഗിച്ച ISRO മുൻ മേധാവി കെ. രാധാകൃഷ്ണന്റെ നേതൃത്വത്തിലുള്ള വിദഗ്ധ സമിതി നിർദേശങ്ങൾ തേടി. NEET, NET പരീക്ഷ നടത്തിപ്പിൽ ഉണ്ടായ ക്രമക്കേടുകൾക്കെതിരെ NTA രൂക്ഷ വിമർശനമാണ് നേരിട്ടത്. ജൂലൈ 7 വരെ https://innovateindia.mygov.in/examination-reforms-nta/ എന്ന വെബ്സൈറ്റിലൂടെ പൊതുജനങ്ങൾക്ക് നിർദേശങ്ങൾ അറിയിക്കാം.

National178 days ago

പൊതുപരീക്ഷകളുടെ സുതാര്യത ഉറപ്പാക്കാൻ വിദഗ്ധ സമിതി

നീറ്റ്, UGC നെറ്റ് പരീക്ഷകളിലുണ്ടായ ക്രമക്കേടുകളെ തുടര്‍ന്ന് രാജ്യവ്യാപകമായി പ്രതിഷേധം തുടരുന്ന സാഹചര്യത്തിൽ പൊതുപരീക്ഷകളുടെ സുതാര്യവും സുഗമവും നീതിയുക്തവുമായ നടത്തിപ്പ് ഉറപ്പാക്കുന്നതിനായി കേന്ദ്ര വിദ്യാഭ്യാസ മന്ത്രാലയം വിദഗ്ധരുടെ ഒരു ഉന്നതതല സമിതി രൂപീകരിച്ചു. ISRO മുൻ മേധാവി ഡോ കെ. രാധാകൃഷ്ണനാണ് ഏഴംഗ സമിതിയുടെ അധ്യക്ഷൻ. പരീക്ഷാ പ്രക്രിയയിലെ പരിഷ്‌കാരങ്ങൾ, ഡാറ്റാ സുരക്ഷാ പ്രോട്ടോക്കോളുകൾ മെച്ചപ്പെടുത്തൽ, NTA ഘടനയും പ്രവർത്തനവും മെച്ചപ്പെടുത്തൽ എന്നിവ സംബന്ധിച്ച ശുപാർശകൾ നൽകാനാണ് സമിതിയോട് ആവശ്യപ്പെട്ടിരിക്കുന്നത്.

National184 days ago

പരീക്ഷാത്തട്ടിപ്പ്: കുറ്റക്കാര്‍ക്ക് തടവും ഒരു കോടി വരെ പിഴയും; വിജ്ഞാപനമിറക്കി കേന്ദ്രം

പരീക്ഷാത്തട്ടിപ്പ് തടയാന്‍ ഫെബ്രുവരിയില്‍ പാസാക്കിയ നിയമം ഇന്നലെ മുതല്‍ പ്രാബല്യത്തിലാക്കി കേന്ദ്രസര്‍ക്കാര്‍ വിജ്ഞാപനമിറക്കി. ചോദ്യപ്പേപ്പര്‍ ചോര്‍ത്തിയാല്‍ മൂന്നു മുതല്‍ അഞ്ച് വര്‍ഷം വരെ ജയില്‍ശിക്ഷയും 10 ലക്ഷം രൂപവരെ പിഴയും ലഭിക്കാം. എല്ലാ കുറ്റങ്ങള്‍ക്കും ജാമ്യമില്ലാ വകുപ്പു പ്രകാരമാണ് കേസ് രജിസ്റ്റര്‍ ചെയ്യുക. UPSC, സ്റ്റാഫ് സെലക്ഷന്‍ കമ്മീഷന്‍ നടത്തുന്ന പരീക്ഷകളിലെയും NEET, JEE, CUET തുടങ്ങിയ പ്രവേശന പരീക്ഷകളിലെയും പേപ്പര്‍ ചോര്‍ച്ചയും സംഘടിത ക്രമക്കേടുകള്‍ തടയുകയുമാണ് നിയമത്തിന്റെ ലക്ഷ്യം.

National184 days ago