NTA പരിഷ്കരണം: വിദ്യാർത്ഥികളിൽ നിന്നും രക്ഷിതാക്കളിൽ നിന്നും നിർദേശങ്ങൾ തേടി കേന്ദ്രം

ചോദ്യ പേപ്പർ ചോർച്ചയും മറ്റ് ക്രമക്കേടുകളും സംബന്ധിച്ച് വിമർശനങ്ങൾ നേരിടുന്ന പരീക്ഷാ ബോഡിയായ NTA പരിഷ്‌കരിക്കുന്നതിന് വിദ്യാർത്ഥികളും രക്ഷിതാക്കളും ഉൾപ്പെടെയുള്ളവരിൽ നിന്ന് കേന്ദ്രസർക്കാർ നിയോഗിച്ച ISRO മുൻ മേധാവി കെ. രാധാകൃഷ്ണന്റെ നേതൃത്വത്തിലുള്ള വിദഗ്ധ സമിതി നിർദേശങ്ങൾ തേടി. NEET, NET പരീക്ഷ നടത്തിപ്പിൽ ഉണ്ടായ ക്രമക്കേടുകൾക്കെതിരെ NTA രൂക്ഷ വിമർശനമാണ് നേരിട്ടത്. ജൂലൈ 7 വരെ https://innovateindia.mygov.in/examination-reforms-nta/ എന്ന വെബ്സൈറ്റിലൂടെ പൊതുജനങ്ങൾക്ക് നിർദേശങ്ങൾ അറിയിക്കാം.

National178 days ago

നീറ്റ്: പുതുക്കിയ പരീക്ഷാ ഫലം പ്രസിദ്ധീകരിച്ചു

നീറ്റ് UG പരീക്ഷയുടെ പുതുക്കിയ റാങ്ക് ലിസ്റ്റ് NTA പ്രസിദ്ധീകരിച്ചു. സുപ്രീംകോടതി നിർദേശത്തെ തുടർന്നാണ് റാങ്ക് ലിസ്റ്റ് പുതുക്കിയത്. കണ്ണൂർ സ്വദേശിയടക്കം 17 പേർക്കാണ് പുതിയ പട്ടികയിൽ ഒന്നാം റാങ്ക്. NTA യുടെ വെബ്സൈറ്റായ eet.ntaonline.in എന്ന വെബ്സൈറ്റിലൂടെ ഫലം അറിയാം. ആദ്യം ഫലം വന്നപ്പോൾ 61 പേർക്കാണ് ഒന്നാം റാങ്ക് ലഭിച്ചത്. ഒരു ചോദ്യത്തിന്റെ രണ്ട് ഉത്തരങ്ങൾ ശരിയായി പരിഗണിച്ച നടപടി റദ്ദാക്കാൻ ആവശ്യപ്പെട്ടതിനെ തുടർന്നാണ് റാങ്ക് ലിസ്റ്റ് പുതുക്കിയത്. പുതിയ പട്ടിക വന്നതോടെ മുൻ പട്ടികയിലെ 16000 വിദ്യാർത്ഥികൾക്ക് മെഡിക്കൽ പ്രവേശനത്തിനുള്ള അവസരം ഇല്ലാതായി.

National150 days ago

നീറ്റ് UG പരീക്ഷയുടെ പുതുക്കിയ റാങ്ക് പട്ടിക പ്രസിദ്ധീകരിച്ചിട്ടില്ലെന്ന് NTA

പുതുക്കിയ റാങ്ക് പട്ടിക പ്രസിദ്ധീകരിച്ചിട്ടില്ലെന്നും വെബ്‌സൈറ്റിലുള്ളത് പഴയ റാങ്ക് പട്ടികയാണെന്നും NTA വ്യക്തമാക്കി. സുപ്രീംകോടതി ഉത്തരവിനു പിന്നാലെ നീറ്റ് UG പരീക്ഷയുടെ പുതുക്കിയ റാങ്ക് പട്ടിക പ്രസിദ്ധീകരിച്ചുവെന്ന തരത്തില്‍ വാര്‍ത്തകള്‍ വന്നതോടെയാണ് വിശദീകരണവുമായി അധികൃതര്‍ രംഗത്തെത്തിയത്. പുതിയ പട്ടിക ഉടന്‍ പുറത്തിറക്കുമെന്നാണ് റിപ്പോര്‍ട്ട്.

National151 days ago

നീറ്റ് UG പരീക്ഷയുടെ പുതുക്കിയ റാങ്ക് പട്ടിക പ്രസിദ്ധീകരിച്ചു

സുപ്രീംകോടതി ഉത്തരവിനെ തുടര്‍ന്നാണ് NTA പുതുക്കിയ റാങ്ക് പട്ടിക പ്രസിദ്ധീകരിച്ചത്. exams.nta.ac.in/NEET എന്ന വെബ്‌സൈറ്റ് വഴി ഫലം അറിയാനാകും. ഒരു ചോദ്യത്തിന് തെറ്റായ ഉത്തരം നല്‍കിയവരുടെ മാര്‍ക്ക് തിരുത്തി റാങ്ക് പട്ടിക പുനപ്രസിദ്ധീകരിക്കാനാണ് കോടതി ഉത്തരവിട്ടത്. ഇതോടെ മുഴുവന്‍ മാര്‍ക്കോടെ ഒന്നാം റാങ്ക് നേടിയവരുടെ എണ്ണം 67ല്‍നിന്ന് 17 ആയി കുറഞ്ഞു.Read More

National151 days ago

നീറ്റിൽ പുനഃപരീക്ഷയില്ല: വ്യാപക ക്രമക്കേട് കണ്ടെത്താനായില്ലെന്ന് സുപ്രീംകോടതി

നീറ്റ് UG പരീക്ഷ റദ്ദാക്കില്ലെന്ന് സുപ്രീംകോടതി. ചോദ്യപേപ്പർ വ്യാപകമായി ചോർന്നെന്ന് കണ്ടെത്താനായില്ലെന്ന് കോടതി നിരീക്ഷിച്ചു. പരീക്ഷ റദ്ദാക്കി വീണ്ടും നടത്തിയാൽ 24 ലക്ഷം വിദ്യാർത്ഥികളെ അത് ബാധിക്കും. നീറ്റ് പരീക്ഷ റദ്ദാക്കണമെന്നും പുനഃപരീക്ഷ നടത്തണമെന്നും ആവശ്യപ്പെട്ടുള്ള ഹർജികളിലാണ് ചീഫ് ജസ്റ്റിസ് ഡി.വൈ. ചന്ദ്രചൂഡിന്റെ അധ്യക്ഷതയിലുള്ള ബെഞ്ചിന്റെ വിധി. എന്നാൽ പരീക്ഷ നടത്തിപ്പിൽ പോരായ്മകൾ ഉണ്ടായിയെന്നും ചില സ്ഥലങ്ങളിൽ ചോർച്ചയുണ്ടായി എന്നും വ്യക്തമാണെന്ന് കോടതി അറിയിച്ചു. ആകെ 155 വിദ്യാർത്ഥികൾക്ക് മാത്രമാണ് ഇതിന്റെ ഗുണം ലഭിച്ചതെന്നും കോടതി വ്യക്തമാക്കി.

National153 days ago

നീറ്റ് യുജി പരീക്ഷയുടെ സെന്റര്‍ തിരിച്ചുളള മാര്‍ക്ക് ലിസ്റ്റ് പ്രസിദ്ധീകരിച്ചു

നീറ്റ് യുജി പരീക്ഷയുടെ സെന്റര്‍ തിരിച്ചുളള മാര്‍ക്ക് ലിസ്റ്റ് നാഷണല്‍ ടെസ്റ്റിങ് ഏജന്‍സി (NTA) പ്രസിദ്ധീകരിച്ചു. ഉദ്യോഗാര്‍ത്ഥികള്‍ക്ക് NTA നീറ്റിന്റെ ഔദ്യോഗിക വെബ്സൈറ്റായ exams.nta.ac.in/NEET/, neet.ntaonline.in എന്നിവയില്‍ ഫലം പരിശോധിക്കാം. ചീഫ് ജസ്റ്റിസ് ഡി.വൈ. ചന്ദ്രചൂഡ്, ജസ്റ്റിസുമാരായ ജെ.ബി. പര്‍ദിവാല, മനോജ് മിശ്ര എന്നിവരടങ്ങിയ ബെഞ്ചാണ് ഇന്ന് ഉച്ചയോടെ സിറ്റിയും സെന്ററും തിരിച്ച് പരീക്ഷാഫലം പ്രസിദ്ധീകരിക്കാന്‍ NTAയോട് ഉത്തരവിട്ടത്.

National156 days ago

നീറ്റ് ചോദ്യപേപ്പർ ചോർച്ച; മുഖ്യസൂത്രധാരനെ CBI പിടികൂടി

UGC നീറ്റ് 2024 ചോദ്യപേപ്പർ ചോർച്ചയുമായി ബന്ധപ്പെട്ട കേസിലെ മുഖ്യപ്രതി എന്ന് കരുതുന്ന വ്യക്തിയെ CBI പിടികൂടി. റോക്കി എന്ന രാകേഷ് രഞ്ജനെയാണ് CBI അറസ്റ്റ് ചെയ്തത്. ഇയാളെ പത്ത് ദിവസത്തേക്ക് CBI കസ്റ്റഡിയിലെടുത്തു. പാട്നയിലും കൊൽക്കത്തയിലുമായി നടത്തിയ റെയ്ഡിന് പിന്നാലെയാണ് രാകേഷ് രഞ്ജനെ അറസ്റ്റ് ചെയ്തത്. കേസുമായി ബന്ധപ്പെട്ട് CBI ഇതുവരെ എട്ട് പേരെയാണ് അറസ്റ്റ് ചെയ്തിട്ടുള്ളത്.

National165 days ago

നീറ്റ്: ഹര്‍ജികള്‍ പരിഗണിക്കുന്നത് ജൂലൈ 18ലേക്ക് മാറ്റി സുപ്രീംകോടതി

പുനപരീക്ഷ ആവശ്യപ്പെട്ടു കൊണ്ടുള്ള ഹര്‍ജികളില്‍ NTAയും കേന്ദ്രസര്‍ക്കാരും സമര്‍പ്പിച്ചിരിക്കുന്ന സത്യവാങ്മൂലം പരിശോധിക്കാന്‍ കേസിലെ കക്ഷികള്‍ക്ക് സമയം ലഭിച്ചിട്ടില്ല. ഇതിനാലാണ് ഹര്‍ജി പരിഗണിക്കുന്നത് ജുലൈ 18 ലേക്ക് മാറ്റുന്നതെന്ന് ചീഫ് ജസ്റ്റിസ് ഡി. വൈ. ചന്ദ്രചൂഡ് അറിയിച്ചു. ചോദ്യപേപ്പര്‍ ചോര്‍ച്ചയുടെയും ക്രമക്കേടുകളുടെയും പശ്ചാത്തലത്തില്‍ മെയ് അഞ്ചിന് നടത്തിയ നീറ്റ് പരീക്ഷ റദ്ദാക്കണമെന്നും പുനപരീക്ഷ നടത്തണമെന്നും ആവശ്യപ്പെട്ടാണ് വിദ്യാര്‍ത്ഥികള്‍ സുപ്രീംകോടതിയെ സമീപിച്ചത്.

National165 days ago

നീറ്റ് പരീക്ഷാ ചോദ്യപേപ്പര്‍ ചോര്‍ന്നിട്ടില്ലെന്ന് ആവര്‍ത്തിച്ച് NTA

നീറ്റ് പരീക്ഷാ ചോദ്യപേപ്പര്‍ ചോര്‍ന്നിട്ടില്ലെന്നും ലോക്ക് പൊട്ടിയിട്ടില്ലെന്നും നാഷണല്‍ ടെസ്റ്റിങ് ഏജന്‍സി (NTA) സുപ്രീംകോടതിയില്‍ നല്‍കിയ സത്യവാങ്മൂലത്തില്‍ വ്യക്തമാക്കി. പാട്‌നയില്‍ ചോദ്യപേപ്പര്‍ ചോര്‍ന്നതായി കണ്ടെത്തിയിട്ടില്ലെന്നാണ് NTAയുടെ വാദം. സമയനഷ്ടം മൂലം ഗ്രേസ് മാര്‍ക്ക് നല്‍കിയതിനാലാണ് ഒരു പരീക്ഷാ കേന്ദ്രത്തിലെ ആറ് പേര്‍ക്ക് മുഴുവന്‍ മാര്‍ക്കും ലഭിച്ചതെന്നും ജൂണ്‍ 23ന് നടത്തിയ പുനപരീക്ഷയില്‍ ഇവര്‍ക്ക് മുഴുവന്‍ മാര്‍ക്കും നേടാനായില്ലെന്നും NTA അറിയിച്ചു. പുനപരീക്ഷ നടത്തിയതോടെ 720ല്‍ 720 മാര്‍ക്കും നേടിയവരുടെ എണ്ണം 67 നിന്ന് 61 ആയി.

National165 days ago

നീറ്റ് ക്രമക്കേട്: NTA സുപ്രീംകോടതിയിൽ സത്യവാങ്മൂലം സമർപ്പിച്ചു

നീറ്റ്-UG 2024 പരീക്ഷയുമായി ബന്ധപ്പെട്ട് നാഷണൽ ടെസ്റ്റിംഗ് ഏജൻസി (NTA) സുപ്രീംകോടതിയിൽ സത്യവാങ്മൂലം സമർപ്പിച്ചു. ചോദ്യപേപ്പർ ചോർച്ച ഒറ്റപ്പെട്ട സംഭവമാണെന്നും ഗോധ്രയിലേയും പട്നയിലേയും ഏതാനും കേന്ദ്രങ്ങളിൽ മാത്രമാണ് ക്രമക്കേടുകൾ നടന്നതെന്നും ചോദ്യപേപ്പർ വ്യാപകമായി ചോർന്നിട്ടില്ലെന്നും NTA സത്യവാങ്മൂലത്തിൽ പറഞ്ഞു. ഈ വിഷയം പരീക്ഷയുടെ പരിശുദ്ധിയെ ബാധിച്ചിട്ടില്ലെന്നും റാങ്ക് ലിസ്റ്റിലും മാർക്ക് നൽകിയതിലും അപാകതയില്ലെന്നും NTA അറിയിച്ചു.

National166 days ago

ഒറ്റപ്പെട്ട പ്രശ്‌നങ്ങളുടെ പേരില്‍ NEET പരീക്ഷ പൂര്‍ണമായും റദ്ദാക്കാനാകില്ല: നാഷണല്‍ ടെസ്റ്റിംഗ് ഏജന്‍സി

നാഷണല്‍ ടെസ്റ്റിംഗ് ഏജന്‍സി NEET പരീക്ഷയുമായി ബന്ധപ്പെട്ട വിഷയത്തില്‍ സുപ്രീം കോടതിയില്‍ സമര്‍പ്പിച്ച സത്യവാങ്മൂലത്തിലാണ് ഇക്കാര്യം വ്യക്തമാക്കിയിരിക്കുന്നത്. സുതാര്യത ഉറപ്പാക്കി തന്നെയാണ് പരീക്ഷ നടത്തിയിട്ടുള്ളതെന്നും സംഭവത്തില്‍ CBI അന്വേഷണം നടത്തുകയാണെന്നും NTA വ്യക്തമാക്കി. പരീക്ഷ റദ്ദാക്കില്ലെന്ന നിലപാട് തന്നെയാണ് കേന്ദ്രസര്‍ക്കാരും സുപ്രിംകോടതിയെ അറിയിച്ചത്. അതേസമയം നീറ്റ് PG പരീക്ഷ ഓഗസ്റ്റ് 11ന് രണ്ടു ഷിഫ്റ്റുകളിലായി നടക്കും.

National170 days ago