പരോളിൽ പുറത്തിറങ്ങിയ അമൃത്പാൽ സിംങ്, എഞ്ചിനീയർ റഷീദ് എന്നിവർ ലോക്‌സഭാ MP മാരായി സത്യപ്രതിജ്ഞ ചെയ്തു

ലോക്സഭാ തിരഞ്ഞെടുപ്പിൽ ജയിലിൽ നിന്ന് മത്സരിച്ച ഖാലിസ്ഥാൻ അനുകൂല മതപ്രഭാഷകൻ അമൃത്പാൽ സിങ്ങും കശ്മീരി നേതാവ് എൻജിനീയർ റഷീദ് എന്നറിയപ്പെടുന്ന ഷെയ്ഖ് അബ്ദുൽ റഷീദും പരോളിൽ പുറത്തിറങ്ങി MP മാരായി സത്യപ്രതിജ്ഞ ചെയ്തു. പഞ്ചാബിലെ ഖാദൂർ സാഹിബ് മണ്ഡലത്തിൽ നിന്നാണ് അമൃത്പാൽ സിംങ് സ്വതന്ത്ര സ്ഥാനാർത്ഥിയായി വിജയിച്ചത്. ജമ്മുകശ്മീരിലെ ബാരാമുള്ളയിൽ നിന്നാണ് എഞ്ചിനീയർ റഷീദ് സ്വതന്ത്രനായി മത്സരിച്ച് ജയിച്ചത്. കനത്ത സുരക്ഷയിലാണ് ഇരുവരെയും പാർലമെന്റ് സമുച്ചയത്തിൽ എത്തിച്ചത്. സ്പീക്കറുടെ ചേംബറിൽ എത്തിച്ച് സത്യപ്രതിജ്ഞ ചെയ്ത് മറ്റു നടപടിക്രമങ്ങൾ പൂർത്തിയാക്കിയ ശേഷം ഇതുവരെയും തിരികെ ജയിലിലേക്ക് കൊണ്ടുപോയി.

National173 days ago

ലോക്‌സഭയില്‍ സാമ്പത്തിക സര്‍വേ അവതരിപ്പിച്ച് നിര്‍മല സീതാരാമന്‍

രാജ്യത്തെ സമ്പദ് വ്യവസ്ഥ ശക്തമെന്ന് ധനമന്ത്രാലയം പുറത്തിറക്കിയ സാമ്പത്തിക സര്‍വേ. 2024-25 സാമ്പത്തിക വര്‍ഷത്തില്‍ 6.5 മുതല്‍ 7 ശതമാനം വരെ GDP വളര്‍ച്ചയാണ് പ്രതീക്ഷിക്കുന്നത്. നാണ്യപ്പെരുപ്പം നിയന്ത്രിക്കാനായെന്നും ധനമന്ത്രി നിര്‍മ്മല സീതാരാമന്‍ ലോക്‌സഭയില്‍ അവതരിപ്പിച്ച സാമ്പത്തിക സര്‍വേ അവകാശപ്പെടുന്നു. അതേസമയം തുടര്‍ച്ചയായ മൂന്നാം തവണയും തിരഞ്ഞെടുക്കപ്പെട്ട ശേഷമുളള NDA സര്‍ക്കാരിന്റെ ആദ്യത്തെ സമ്പൂര്‍ണ കേന്ദ്ര ബജറ്റ് നാളെ അവതരിപ്പിക്കും.

National156 days ago

മോദി പ്രസംഗിക്കവെ പാർലമെൻ്റിൽ പ്രതിപക്ഷ ബഹളം

രാഷ്ട്രപതിയുടെ നയപ്രഖ്യാപന പ്രസംഗത്തെ അഭിസംബോധന ചെയ്തുള്ള നന്ദി പ്രമേയ ചർച്ചയിൽ പ്രധാനമന്ത്രി നാരേന്ദ്ര മോദിയുടെ പ്രസംഗത്തിനിടെ ലോക്സഭയിൽ പ്രതിപക്ഷ പ്രതിഷേധം. മണിപ്പൂരിൽ നിന്നുള്ള അംഗങ്ങൾക്ക് സംസാരിക്കാൻ അനുവാദം നൽകിയില്ലെന്ന് പറഞ്ഞായിരുന്നു പ്രതിഷേധം. പ്രതിപക്ഷ നേതാവ് രാഹുൽ ഗാന്ധിയുടെ നേതൃത്വത്തിൽ പ്രതിപക്ഷ അംഗങ്ങൾ പാർലമെന്റിന് നടുത്തളത്തിൽ ഇറങ്ങി പ്രതിഷേധിക്കുകയും മുദ്രാവാക്യങ്ങൾ മുഴക്കുകയും ചെയ്തു. പ്രതിപക്ഷത്തിന്റെ നടപടി ലോക്സഭയുടെ മര്യാദയ്ക്ക് ചേർന്നതല്ലെന്ന് ലോക്സഭ സ്പീക്കർ ഓം ബിർള വിമർശിച്ചു.

National176 days ago

‘എന്നെ നിശബ്ദയാക്കാൻ നോക്കി, നിങ്ങളുടെ 63 MP മാർ നിശബ്ദരായി’; മഹുവ മൊയ്ത്ര

ലോക്സഭയിൽ കേന്ദ്രസർക്കാരിനെ രൂക്ഷമായി വിമർശിച്ചും പരിഹസിച്ചും തൃണമൂൽ കോൺഗ്രസ് MP മഹുവ മൊയ്ത്ര. 17-ാം ലോക്സഭയിൽ നിന്ന് വ്യത്യസ്തമായി 18-ാം ലോക്സഭയിൽ BJP എംപിമാരുടെ എണ്ണം കുറഞ്ഞതിൽ മഹുവ മോയ്ത്ര BJP യെ പരിഹസിച്ചു. കഴിഞ്ഞ തവണത്തേത് പോലെ ഇപ്രാവശ്യം പ്രതിപക്ഷത്തെ വിലകുറച്ച് കാണാൻ സാധിക്കില്ല. കഴിഞ്ഞ തവണ ഞാൻ ഇവിടെ നിന്നപ്പോൾ എന്നെ സംസാരിക്കാൻ അനുവദിച്ചില്ല. എന്നാൽ ഒരു MP യുടെ ശബ്ദത്തെ അടിച്ചമർത്താൻ ശ്രമിച്ചതിന് BJP ക്ക് വലിയ വില കൊടുക്കേണ്ടി വന്നുവെന്നും BJP യുടെ 63 അംഗങ്ങളെ ജനങ്ങൾ എന്നെന്നേക്കുമായി നിശബ്ദരാക്കി എന്നും മഹുവ പറഞ്ഞു.

National177 days ago

‘ആരെയും ഭയക്കുന്നില്ല’; പരമശിവന്റെ ചിത്രം സഭയിൽ ഉയർത്തി രാഹുൽ ഗാന്ധി

പരമശിവന്റെ ചിത്രം ലോക്സഭയിൽ ഉയർത്തിക്കാട്ടിയ പ്രതിപക്ഷ നേതാവ് രാഹുൽ ഗാന്ധി പ്രതിപക്ഷം ആരെയും ഭയക്കുന്നില്ല എന്നും സത്യമാണ് തങ്ങളുടെ ആയുധം എന്നും പറഞ്ഞു. ഹിന്ദുക്കൾക്ക് ഭയമോ വിദ്വേഷമോ പ്രചരിപ്പിക്കാൻ ആവില്ലെന്ന് ശിവന്റെ ചിത്രത്തിലേക്ക് നോക്കിയാൽ നിങ്ങൾക്കറിയാമെന്നും എന്നാൽ BJP മുഴുവൻ സമയവും വിദ്വേഷമാണ് പ്രചരിപ്പിക്കുന്നതെന്നും രാഹുൽ പറഞ്ഞു. എന്നാൽ ശിവന്റെ ചിത്രം ഉയർത്തിയതിനെ സ്പീക്കർ ഓം ബിർള എതിർത്തു.Read More

National177 days ago

ലോക്‌സഭയില്‍ നീറ്റ് വിഷയം ഉന്നയിച്ച് രാഹുല്‍ ഗാന്ധി

ലോക്‌സഭയില്‍ നീറ്റ് ചോദ്യപേപ്പര്‍ ചോര്‍ച്ചയില്‍ ഏകദിന ചര്‍ച്ച വേണമെന്ന ആവശ്യമുന്നയിച്ച് പ്രതിപക്ഷ നേതാവ് രാഹുല്‍ ഗാന്ധി. ഇത് ഒരു പ്രധാനപ്പെട്ട വിഷയമാണെന്നും രണ്ട് കോടിയിലധികം വിദ്യാര്‍ത്ഥികളെ ചോദ്യപേപ്പര്‍ ചോര്‍ച്ച ബാധിച്ചുവെന്നും രാഹുല്‍ പറഞ്ഞു. അതേസമയം രാഹുല്‍ ഗാന്ധിയുടെ ആവശ്യം സ്പീക്കര്‍ ഓം ബിര്‍ള തള്ളി. പിന്നാലെ പ്രതിപക്ഷ നേതാക്കള്‍ ലോക്സഭയില്‍ നിന്ന് ഇറങ്ങിപ്പോയി.

National177 days ago

ലോക്സഭയില്‍ രാഹുല്‍ ഗാന്ധിയുടെ മൈക്ക് മ്യൂട്ട് ചെയ്തു; ആരോപണവുമായി കോണ്‍ഗ്രസ്

ലോക്സഭയില്‍ നീറ്റ് ചോദ്യപേപ്പര്‍ ചോര്‍ച്ച വിഷയം ഉന്നയിച്ച പ്രതിപക്ഷ നേതാവ് രാഹുല്‍ ഗാന്ധിയുടെ മൈക്ക് ഓഫ് ചെയ്തതായാണ് കോണ്‍ഗ്രസ് ആരോപിക്കുന്നത്. നീറ്റ് വിവാദത്തില്‍ സംവാദം വേണമെന്നും സര്‍ക്കാരിനോട് പ്രസ്താവന വേണമെന്നും രാഹുല്‍ ഗാന്ധി ആവശ്യപ്പെട്ടിരുന്നു. നരേന്ദ്രമോദി നീറ്റിനെക്കുറിച്ച് ഒന്നും പറയുന്നില്ല. മൈക്ക് ഓഫ് ചെയ്യുന്നതിലൂടെ, ഇത്രയും ഗുരുതരമായ വിഷയത്തില്‍ യുവാക്കളുടെ ശബ്ദം അടിച്ചമര്‍ത്താനുള്ള ഗൂഢാലോചനയാണ് നടത്തുന്നതെന്നും കോണ്‍ഗ്രസ് ആരോപിച്ചു.

National180 days ago

രാഹുൽ ഗാന്ധി പ്രതിപക്ഷ നേതാവ്

കോൺഗ്രസ് നേതാവ് രാഹുൽ ഗാന്ധി ലോക്സഭയിലെ പ്രതിപക്ഷ നേതാവാകും. ഡൽഹിയിൽ ചേർന്ന ഇന്ത്യ മുന്നണിയുടെ യോഗത്തിലാണ് രാഹുൽ ഗാന്ധിയെ പ്രതിപക്ഷ നേതാവായി നിയമിക്കാൻ തീരുമാനിച്ചത്. രാഹുൽ ഗാന്ധിയെ ലോക്സഭാ പ്രതിപക്ഷ നേതാവായി തിരഞ്ഞെടുത്ത തീരുമാനം അറിയിച്ച് പാർലമെന്ററി പാർട്ടി നേതാവ് സോണിയ ഗാന്ധി പ്രോടേം സ്പീക്കർ ഭർതൃഹരി മഹ്താബിന് കത്തയച്ചു. തിരഞ്ഞെടുപ്പിൽ വയനാട്, റായ്ബറേലി മണ്ഡലങ്ങളിൽ നിന്ന് വിജയിച്ച രാഹുൽ ഗാന്ധി പിന്നീട് വയനാട് മണ്ഡലം ഒഴിയുകയും റായ്ബറേലി നിലനിർത്തുകയുമായിരുന്നു.

National183 days ago

ലോക്‌സഭാ സ്പീക്കര്‍ക്കായി സമവായ ചര്‍ച്ചയുമായി BJP

കേന്ദ്രമന്ത്രി രാജ്നാഥ് സിങ് പ്രതിപക്ഷ സഖ്യമായ ഇന്ത്യാ മുന്നണി നേതാക്കളായ മല്ലികാര്‍ജുന്‍ ഖാര്‍ഗെ, DMK അധ്യക്ഷന്‍ എം. കെ. സ്റ്റാലിന്‍, തൃണമൂല്‍ കോണ്‍ഗ്രസ് അധ്യക്ഷ മമത ബാനര്‍ജി തുടങ്ങിയവരുമായി ചര്‍ച്ച നടത്തിയതായാണ് റിപ്പോര്‍ട്ട്. NDA കക്ഷികളായ JDUവിന്റെയും TDPയുടെയും നേതൃത്വവുമായും ചര്‍ച്ച നടത്തി. ചര്‍ച്ചയില്‍ ഡെപ്യൂട്ടി സ്പീക്കര്‍ സ്ഥാനം ഖാര്‍ഗെ ആവശ്യപ്പെട്ടതായാണ് റിപ്പോര്‍ട്ട്. പ്രതിപക്ഷത്തിന്റെ അംഗബലം കൂടിയ സാഹചര്യത്തില്‍ ഇത്തവണ സീറ്റ് നിഷേധിക്കുകയാണെങ്കില്‍ മത്സരിക്കുമെന്നാണ് കോണ്‍ഗ്രസ് നേതാക്കള്‍ പറയുന്നത്.

National183 days ago

പ്രതിപക്ഷ ബഹളത്തോടെ 18-ാം ലോക്സഭയുടെ ആദ്യ സമ്മേളനത്തിന് തുടക്കമായി

പ്രധാനമന്ത്രി നരേന്ദ്ര മോദി ഉൾപ്പെടെ പുതുതായി തിരഞ്ഞെടുക്കപ്പെട്ട അംഗങ്ങളുടെ സത്യപ്രതിജ്ഞയോടെ 18-ാം ലോക്‌സഭയുടെ ആദ്യ സമ്മേളനം ആരംഭിച്ചു. കൊടിക്കുന്നിൽ സുരേഷിനെ പ്രോടേം സ്പീക്കറാക്കാത്തതിലും, NEET, NET എന്നിവയുൾപ്പെടെ പരീക്ഷാ നടത്തിപ്പിലെ സമീപകാല ക്രമക്കേടുകൾ, വിലക്കയറ്റം തുടങ്ങി നിരവധി വിഷയങ്ങളിൽ NDA സർക്കാരിനെതിരെ പ്രതിപക്ഷം പ്രതിഷേധം ഉയർത്തി. സോണിയ ഗാന്ധിയുടെയും രാഹുൽ ഗാന്ധിയുടെയും നേതൃത്ത്വത്തിൽ ഭരണഘടനയുടെ പകർപ്പ് കൈയിലേന്തി ഗാന്ധി പ്രതിമയിരുന്ന സ്ഥലത്തുനിന്നും പ്രതിപക്ഷം സഭയിലേക്ക് മാർച്ച് നടത്തി.

National184 days ago

എല്ലാവരേയും ഒരുമിച്ച് ചേര്‍ത്തുകൊണ്ട് ജനങ്ങളുടെ അഭിലാഷങ്ങള്‍ നിറവേറ്റാന്‍ ശ്രമിക്കും: പ്രധാനമന്ത്രി

പുതിയതായി തെരഞ്ഞെടുക്കപ്പെട്ട MPമാരെ പാര്‍ലമെന്റിലേക്ക് സ്വാഗതം ചെയ്ത് പ്രധാനമന്ത്രി നരേന്ദ്രമോദി. ഭരണഘടനയുടെ പവിത്രത കാത്തുസൂക്ഷിച്ചുകൊണ്ട് തീരുമാനങ്ങള്‍ വേഗത്തിലാക്കാനാണ് ഈ സര്‍ക്കാര്‍ ആഗ്രഹിക്കുന്നത്. പ്രതിപക്ഷത്തിന്റെ ഭാഗത്തുനിന്ന് നല്ല ചുവടുവെപ്പുകള്‍ ഉണ്ടാകുമെന്നാണ് ജനങ്ങള്‍ പ്രതീക്ഷിക്കുന്നത്. ജൂണ്‍ 25ന് അടിയന്തരാവസ്ഥ എന്ന ജനാധിപത്യത്തിന് മുകളില്‍ വീണ കളങ്കത്തിന് 50 വര്‍ഷം തികയുകയാണ്. അതിനി ആവര്‍ത്തിക്കപ്പെടില്ലെന്നും മോദി തന്റെ പ്രസംഗത്തില്‍ പറഞ്ഞു.

National184 days ago