ഝാര്‍ഖണ്ഡില്‍ ഏറ്റുമുട്ടല്‍; നാല് മാവോയിസ്റ്റുകള്‍ കൊല്ലപ്പെട്ടു

ഝാര്‍ഖണ്ഡിലെ വെസ്റ്റ് സിംഗ്ഭും ജില്ലയില്‍ ഇന്ന് രാവിലെയാണ് പോലീസും മാവോയിസ്റ്റുകളും തമ്മില്‍ ഏറ്റുമുട്ടലുണ്ടായത്. ഒരു സ്ത്രീ ഉള്‍പ്പെടെ നാല് പേര്‍ കൊല്ലപ്പെട്ടതായി അധികൃതര്‍ അറിയിച്ചു. ഏരിയ കമാന്‍ഡര്‍ ഉള്‍പ്പെടെ രണ്ട് പേരെ അറസ്റ്റ് ചെയ്തിട്ടുണ്ടെന്ന് പോലീസ് അറിയിച്ചു. സ്ഥലത്ത് നിന്ന് വ്യത്യസ്ത കാലിബറുകളുടെ റൈഫിളുകള്‍ കണ്ടെടുത്തിട്ടുണ്ട്. മാവോയിസ്റ്റുകളുടെ സാന്നിധ്യത്തെക്കുറിച്ചുള്ള രഹസ്യാന്വേഷണ വിവരങ്ങളുടെ അടിസ്ഥാനത്തില്‍ ടോന്റോ, ഗോയില്‍കേര മേഖലകളിലാണ് ഓപ്പറേഷന്‍ നടന്നത്.

National191 days ago

പോലീസിന് വിവരങ്ങൾ നൽകി എന്നാരോപിച്ച് ഛത്തീസ്ഗഢിൽ മാവോയിസ്റ്റുകൾ രണ്ട് പേരെ കൊലപ്പെടുത്തി

ഛത്തീസ്ഗഡിലെ ബിജാപൂർ ജില്ലയിലുള്ള ഒരു ഉൾ ഗ്രാമത്തിലാണ് സംഭവം. പോലീസിന് വിവരം നൽകുന്നവർ എന്നാരോപിച്ചാണ് മാവോയിസ്റ്റുകൾ രണ്ടുപേരെ കൊലപ്പെടുത്തിയത്. സംഭവത്തെക്കുറിച്ചുള്ള വിവരങ്ങൾ പോലീസിന് ലഭിച്ചിട്ടുണ്ടെന്നും ഇത് സംബന്ധിച്ച വിശദാംശങ്ങൾ ശേഖരിച്ചുവരികയാണെന്നും മുതിർന്ന പോലീസ് ഉദ്യോഗസ്ഥൻ പറഞ്ഞു. പ്രാഥമിക വിവരമനുസരിച്ച് മിർതൂർ പോലീസ് സ്റ്റേഷൻ പരിധിയിലെ ജപ്പേമർക ഗ്രാമത്തിൽ നിന്ന് ഒരു സ്കൂൾ വിദ്യാർത്ഥി ഉൾപ്പെടെ മൂന്ന് ഗ്രാമീണരെ മാവോയിസ്റ്റുകൾ തട്ടിക്കൊണ്ടുപോകുകയും പിന്നീട് സ്‌കൂൾ വിദ്യാർത്ഥിയെ മോചിപ്പിക്കുകയും മറ്റ് രണ്ട് പേരെ കൊല്ലുകയുമായിരുന്നു. കൊലപാതകത്തിൻ്റെ ഉത്തരവാദിത്തം മാവോയിസ്റ്റുകളുടെ ഭൈരംഗഡ് ഏരിയ കമ്മിറ്റി ഏറ്റെടുത്തു.

National104 days ago

ജാർഖണ്ഡ് മുൻ മുഖ്യമന്ത്രി ചംപായ് സോറൻ BJP യിൽ ചേർന്നു

ഈ വർഷം നിയമസഭാ തിരഞ്ഞെടുപ്പ് നടക്കാനിരിക്കെയാണ് JMM നേതാവായിരുന്ന ചംപായ് സോറന്റെ കൂറുമാറ്റം. കേന്ദ്രമന്ത്രി ശിവരാജ് സിങ് ചൗഹാൻ, അസം മുഖ്യമന്ത്രി ഹിമന്ത ബിശ്വ ശർമ, ജാർഖണ്ഡ് BJP അധ്യക്ഷൻ ബാബുലാൽ മറാണ്ടി എന്നിവരുടെ സാന്നിധ്യത്തിലാണ് ചംപായ് സോറൻ BJP യിൽ അംഗത്വം എടുത്തത്. അഴിമതിക്കേസിൽ ജാർഖണ്ഡ് മുഖ്യമന്ത്രി ഹേമന്ത് സോറാൻ ജയിലിൽ ആയിരുന്നപ്പോൾ ചംപായ് സോറനാണ് മുഖ്യമന്ത്രിയായി സേവനമനുഷ്ഠിച്ചിരുന്നത്. എന്നാൽ ജാമ്യം ലഭിച്ച് ജയിലിൽ നിന്ന് ഹേമന്ത് സോറൻ തിരിച്ചെത്തിയപ്പോൾ ചംപായ് സോറന് മുഖ്യമന്ത്രി പദവി ഒഴിയേണ്ടി വന്നു. ഇതോടെയാണ് രാജിവച്ച് BJP യിലേക്ക് ചേക്കേറിയത്. മന്ത്രി സ്ഥാനവും MLA സ്ഥാനവുമുൾപ്പെടെയാണ് രാജിവെച്ചത്.

National117 days ago

നിരാഹാര സമരം: ജയിലിൽ കഴിയുന്ന മാവോയിസ്റ്റ് നേതാവ് സോമൻ്റെ ആരോഗ്യസ്ഥിതി മോശമായി

ജയിലിൽ നിരാഹാര സമരം നടത്തി ആരോഗ്യസ്ഥിതി മോശമായതിനെ തുടർന്ന് മാവോയിസ്റ്റ് നേതാവ് സോമനെ തൃശൂർ മെഡിക്കൽ കോളേജിൽ എത്തിച്ച് ചികിത്സ നൽകി. നിരാഹാര സമരം നടത്തിയതിന് പിന്നാലെ നെഞ്ചുവേദനയും ശരീരത്തിൽ പഞ്ചസാരയുടെ അളവ് കുറഞ്ഞതുമാണ് ആരോഗ്യസ്ഥിതി മോശമാകാൻ കാരണമായത്. കാർഡിയോളജി വിഭാഗത്തിലെ ഡോക്ടർമാർ സോമനെ പരിശോധിച്ച് ചികിത്സ നൽകിയതിനു ശേഷം സോമനെ അതിസുരക്ഷാ ജയിലിലേക്ക് മാറ്റി. കോടതികളില്‍ കൊണ്ടു പോയി തിരികെ കൊണ്ടുവരുമ്പോള്‍ ദേഹപരിശോധനകള്‍ നടത്തുന്നത് നിര്‍ത്തണമെന്നാവശ്യപ്പെട്ടാണ് സോമൻ നിരാഹാരം കിടന്നത്.

Kerala143 days ago

കൊച്ചിയില്‍ അറസ്റ്റിലായ മാവോയിസ്റ്റ് പ്രവര്‍ത്തകനെ റിമാന്‍ഡ് ചെയ്തു

സംസ്ഥാന ഭീകര വിരുദ്ധ സേനയുടെ വാണ്ടഡ് ലിസ്റ്റില്‍ ഉണ്ടായിരുന്ന മാവോയിസ്റ്റ് പ്രവര്‍ത്തകന്‍ മനോജിനെ ഇന്നലെ എറണാകുളം സൗത്ത് റെയില്‍വേ സ്റ്റേഷനില്‍ നിന്നായിരുന്നു പിടികൂടിയത്. ഇന്ന് കോടതിയില്‍ ഹാജരാക്കിയപ്പോഴും ഇയാള്‍ മാവോയിസ്റ്റ് അനുകൂല മുദ്രാവാക്യങ്ങള്‍ വിളിച്ചു. വയനാട്ടില്‍ മാവോയിസ്റ്റുകള്‍ കുഴിബോംബ് സ്ഥാപിച്ചത് കണ്ടെത്തിയതിന് പിന്നാലെ മനോജ് അടക്കമുള്ള വാണ്ടഡ് ലിസ്റ്റിലുള്ളവര്‍ക്കായി നിരീക്ഷണം ശക്തമാക്കിയിരുന്നു. ഇതിന് പിന്നാലെ മനോജ് കൊച്ചിയിലെത്തിയെന്ന വിവരം പിന്തുടര്‍ന്നായിരുന്നു അറസ്റ്റ്.

Kerala159 days ago

എറണാകുളത്ത് മാവോയിസ്റ്റ് പ്രവർത്തകൻ പിടിയിൽ

എറണാകുളം സൗത്ത് റെയിൽവേ സ്റ്റേഷനിൽ നിന്ന് ഭീകരവിരുദ്ധ സ്ക്വാഡാണ് മാവോയിസ്റ്റ് ബന്ധമുള്ളയാളെ പിടികൂടിയത്. വയനാട് സ്വദേശി മനോജാണ് പിടിയിലായത്. വയനാട്ടിലെ കുഴിബോംബ് സംഭവത്തിന് ശേഷം ഭീകരവിരുദ്ധ സ്‌ക്വാഡ് മനോജിനെ നിരീക്ഷിക്കുന്നുണ്ടായിരുന്നു. ഇതിന് പിന്നാലെയാണ് ഇയാളെ കസ്റ്റഡിയിലെടുത്തത്. സംഘടനാ പ്രവർത്തനത്തിന് പണം വാങ്ങുന്നതുമായി ബന്ധപ്പെട്ടാണ് ഇയാൾ കൊച്ചിയിൽ എത്തിയത് എന്നാണ് പോലീസ് വൃത്തങ്ങൾ നിന്ന് ലഭിക്കുന്ന പ്രാഥമിക വിവരം.

Kerala160 days ago

മഹാരാഷ്ട്രയില്‍ ഏറ്റുമുട്ടല്‍; 12 മാവോയിസ്റ്റുകളെ വധിച്ചു

മഹാരാഷ്ട്രയിലെ ഗഡ്ചിരോളി ജില്ലയിലാണ് ആറ് മണിക്കൂറോളം നീണ്ടുനിന്ന ഏറ്റുമുട്ടലുണ്ടായത്. ഛത്തീസ്ഗഢ് അതിര്‍ത്തിയോട് ചേര്‍ന്ന വന്ദോലി ഗ്രാമത്തിന് സമീപം പതിനഞ്ചോളം മാവോയിസ്റ്റുകള്‍ ക്യാമ്പ് ചെയ്യുന്നതായി വിവരം ലഭിച്ചതിനെ തുടര്‍ന്നാണ് മഹാരാഷ്ട്ര പോലീസ് രാവിലെ മുതല്‍ തിരച്ചില്‍ നടത്തിയത്. തുടര്‍ന്ന് നടന്ന ഏറ്റുമുട്ടലില്‍ 12 മാവോയിസ്റ്റുകളെ വധിക്കുകയും നിരവധി ആയുധങ്ങള്‍ കണ്ടെടുക്കുകയും ചെയ്തു. വെടിവെയ്പില്‍ രണ്ട് ഉദ്യോഗസ്ഥര്‍ക്കും പരിക്കേറ്റിട്ടുണ്ട്.

National160 days ago

വിശ്വാസവോട്ടെടുപ്പില്‍ വിജയിച്ച് ഹേമന്ത് സോറന്‍

81 അംഗ സഭയില്‍ 45 MLAമാരുടെ പിന്തുണ നേടി കൊണ്ടാണ് ഹേമന്ത് സോറന്‍ വിശ്വാസവോട്ടെടുപ്പില്‍ വിജയിച്ചത്. ഹേമന്ത് സോറനെ വീണ്ടും മുഖ്യമന്ത്രിയാക്കണമെന്ന ഇന്‍ഡ്യ മുന്നണി MLAമാരുടെ യോഗം തീരുമാനിച്ചതിന് പിന്നാലെ മുഖ്യമന്ത്രി ചംപയ് സോറന്‍ ഗവര്‍ണര്‍ക്ക് രാജിക്കത്ത് നല്‍കുകയായിരുന്നു. പിന്നാലെ സര്‍ക്കാര്‍ രൂപീകരിക്കാനുള്ള അവകാശവാദം ഉന്നയിച്ച് ഹേമന്ത് സോറന്‍ ഗവര്‍ണര്‍ക്ക് കത്ത് നല്‍കി. ഭൂമി കുംഭകോണവുമായി ബന്ധപ്പെട്ട കള്ളപ്പണം വെളുപ്പിക്കല്‍ കേസില്‍ ഝാര്‍ഖണ്ഡ് മുഖ്യമന്ത്രി ഹേമന്ത് സോറനെ ED അറസ്റ്റ് ചെയ്തിരുന്നു.Read More

National170 days ago

ജാർഖണ്ഡിൽ ഇരുനില കെട്ടിടം തകർന്ന് മൂന്ന് മരണം

ജാർഖണ്ഡിലെ ദിയോഘറിൽ ഇരുനില കെട്ടിടം തകർന്ന് വീണ് മൂന്ന് പേർ മരിക്കുകയും ഒരു കുട്ടിയടക്കം മൂന്ന് പേർക്ക് പരിക്കേൽക്കുകയും ചെയ്തു. കൂടുതൽ ആളുകൾ കെട്ടിടത്തിന്റെ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായി സംശയിക്കുന്നു. ഇന്ന് രാവിലെയാണ് കെട്ടിടം തകർന്നത്. സംഭവസ്ഥലത്ത് രക്ഷാപ്രവർത്തനം പുരോഗമിക്കുകയാണ്.

National171 days ago

ഝാര്‍ഖണ്ഡ് മുഖ്യമന്ത്രിയായി ഹേമന്ത് സോറന്‍ സത്യപ്രതിജ്ഞ ചെയ്തു

രാജ്ഭവനില്‍ നടന്ന ചടങ്ങില്‍ ഗവര്‍ണര്‍ സി.പി. രാധാകൃഷ്ണന്‍ സത്യവാചകം ചൊല്ലിക്കൊടുത്തു. ഇന്നലെ ചംപെയ് സോറന്‍ ഗവര്‍ണര്‍ക്ക് രാജിക്കത്ത് നല്‍കിയതിന് പിന്നാലെയാണ് ഹേമന്ത് സോറര്‍ സര്‍ക്കാര്‍ രൂപീകരിക്കാന്‍ അവകാശവാദം ഉന്നയിച്ചത്. ചംപെയ് സോറന്റെ വീട്ടില്‍ നടന്ന ഇന്ത്യ സഖ്യ യോഗത്തിലാണ് ഹേമന്ത് സോറനെ പാര്‍ലമെന്ററി പാര്‍ട്ടി നേതാവായി തിരഞ്ഞെടുത്തത്.

National174 days ago

ഝാര്‍ഖണ്ഡ് മുഖ്യമന്ത്രി സ്ഥാനത്തു നിന്ന് ചംപെയ് സോറന്‍ രാജിവെച്ചു

ചംപെയ് സോറന്‍ ഹേമന്ത് സോറനും മറ്റ് നേതാക്കള്‍ക്കുമൊപ്പം റാഞ്ചിയില്‍ രാജ്ഭവനിലെത്തി ഗവര്‍ണര്‍ സി.പി. രാധാകൃഷ്ണന് രാജിക്കത്ത് കൈമാറി. സര്‍ക്കാരുണ്ടാക്കാന്‍ ഹേമന്ത് സോറന്‍ അവകാശവാദം ഉന്നയിച്ചിട്ടുണ്ട്. നേരത്തെ ചംപെയ് സോറന്റെ വസതിയില്‍ ചേര്‍ന്ന ഇന്ത്യ സഖ്യയോഗത്തില്‍ ഹേമന്ത് സോറനെ സഭാകക്ഷിനേതാവായി തിരഞ്ഞെടുത്തിരുന്നു. JMMന്റെ എക്‌സിക്യൂട്ടീവ് പ്രസിഡന്റാണ് നിലവില്‍ ഹേമന്ത് സോറന്‍.

National174 days ago