വിഴിഞ്ഞം തുറമുഖത്തിന് കസ്റ്റംസ് അംഗീകാരം

വിഴിഞ്ഞം അന്താരാഷ്ട്ര തുറമുഖത്തിന് കസ്റ്റംസ് തുറമുഖമായി അംഗീകാരം ലഭിച്ചതായി തുറമുഖ വകുപ്പ് മന്ത്രി വി.എൻ. വാസവൻ അറിയിച്ചു. സെക്ഷൻ 7 A പ്രകാരമുള്ള അംഗീകാരമാണ് വിഴിഞ്ഞത്തിന് ലഭിച്ചത്. ഇതോടെ കയറ്റുമതിയും ഇറക്കുമതിയും സാധ്യമായ നിയമപരമായി അംഗീകരിക്കപ്പെട്ട തുറമുഖമായി വിഴിഞ്ഞം മാറി. കേന്ദ്ര കസ്റ്റംസ് മന്ത്രാലയത്തിന്‍റെ നിര്‍ദേശങ്ങള്‍ പാലിച്ചതിനെ തുടർന്നാണ് അനുമതി ലഭിച്ചത്.

Kerala193 days ago

വിഴിഞ്ഞത്ത് ഇന്ന് പുതിയ മദർഷിപ്പ് എത്തും

വിഴിഞ്ഞം തീരത്തേക്ക് പുതിയ കപ്പൽ വരുന്നു. ലോകത്തിലെ ഏറ്റവും വലിയ ചരക്ക് കപ്പൽ കമ്പനിയായ മെഡിറ്ററേനിയൻ ഷിപ്പിംഗ് കമ്പനിയുടെ മദർഷിപ്പായ 'ഡെയ്‍ല' എന്ന ഭീമൻ കപ്പലാണ് ഇന്ന് രാവിലെ വിഴിഞ്ഞം അന്താരാഷ്ട്ര തുറമുഖത്തേക്ക് എത്തുക. ഈ കപ്പലിന് 13,988 കണ്ടെയ്നറുകൾ വഹിക്കാനുള്ള ശേഷിയുണ്ട്. സ്പെയിനിലെ മലാഗ തുറമുഖത്ത് നിന്ന് യാത്ര തിരിച്ച കപ്പൽ മുംബൈ തുറമുഖം വഴിയാണ് വിഴിഞ്ഞത്ത് എത്തുന്നത്.

Kerala118 days ago

സാന്‍ ഫെര്‍ണാണ്ടോ ഇന്ന് മടങ്ങും; വിഴിഞ്ഞം തുറമുഖത്തേക്ക് രണ്ടാമത്തെ ചരക്കുകപ്പലെത്തി

വിഴിഞ്ഞം തുറമുഖത്ത് എത്തിയ ആദ്യ മദര്‍ഷിപ്പ് സാന്‍ ഫെര്‍ണാണ്ടോ തുറമുഖം വിടുന്നതിന് തൊട്ടുപിന്നാലെ ചരക്കെടുക്കാന്‍ ആദ്യ ഫീഡര്‍ കപ്പല്‍ മാരിന്‍ ആസൂര്‍ എത്തും. കപ്പല്‍ തുറമുഖത്തിന്റെ പുറംകടലിലെത്തി. സാന്‍ ഫെര്‍ണാണ്ടോ കപ്പല്‍ മടങ്ങിയതിന് ശേഷമായിരിക്കും മറീന്‍ അസറിന് ബര്‍ത്തിങ് അനുവദിക്കുക. സീസ്പന്‍ സാന്‍ഡോസ് എന്ന ഫീഡര്‍ കപ്പലും അടുത്തദിവസം എത്തും.

Kerala163 days ago

‘സാൻ ഫെർണാണ്ടോ’ ഇന്ന് വിഴിഞ്ഞം തീരം വിടും

വിഴിഞ്ഞം അന്താരാഷ്ട്ര തുറമുഖത്തെത്തിയ ആദ്യ മദർ ഷിപ്പായ സാൻ ഫെർണാണ്ടോയുടെ മടക്കയാത്ര ഇന്ന്. 1930 കണ്ടെയ്‌നറുകളാണ് വിഴിഞ്ഞത്ത് ഇറക്കിയത്. മദർ ഷിപ്പ് തീരം വിട്ട ശേഷം കണ്ടെയ്നറുകൾ തുറമുഖത്തുനിന്ന് ചെറുകപ്പലുകളിലേക്ക് മാറ്റുന്ന ഫീഡർ വെസലുകൾ തീരത്തെത്തും. വിഴിഞ്ഞം തീരത്ത് നിന്ന് കപ്പൽ ഇന്നലെ യാത്ര തിരിക്കുമെന്നാണ് അറിയിച്ചിരുന്നത്. എന്നാൽ കണ്ടെയ്നറുകളുടെ പുനഃക്രമീകരണം നടക്കുന്നതിനാലാണ് സാന്‍ ഫെര്‍ണാണ്ടോയുടെ മടക്കയാത്ര വൈകിയത്. വിഴിഞ്ഞത്ത് നിന്ന് കൊളംബോയിലേക്കും തുടർന്ന് യൂറോപ്പിലേക്കുമാണ് സാന്‍ ഫെര്‍ണാണ്ടോ സഞ്ചരിക്കുക.

Kerala164 days ago

സാന്‍ ഫെര്‍ണാണ്ടോ നാളെ വിഴിഞ്ഞം തുറമുഖം വിടും

വിഴിഞ്ഞം രാജ്യാന്തര തുറമുഖത്തെത്തിയ ആദ്യ മദര്‍ഷിപ്പ് സാന്‍ ഫെര്‍ണാണ്ടോ നാളെ രാവിലെ തിരികെ പോകും. കപ്പലില്‍ നിന്ന് കണ്ടെയ്‌നറുകള്‍ ഇറക്കുന്നത് പുരോഗമിക്കുകയാണ്. നിലവില്‍ ആയിരത്തിലധികം കണ്ടെയ്‌നറുകള്‍ യാര്‍ഡില്‍ ഇറക്കിക്കഴിഞ്ഞു. ആകെ 1930 കണ്ടെയ്നറുകളാണ് വിഴിഞ്ഞത്ത് ഇറക്കുക. കൊളംബോ തുറമുഖമാണ് സാന്‍ ഫെര്‍ണാണ്ടോയുടെ അടുത്ത ലക്ഷ്യം.

Kerala165 days ago

വിഴിഞ്ഞം തുറമുഖത്തിലൂടെ ഇന്ത്യ ലോകഭൂപടത്തില്‍ സ്ഥാനം പിടിച്ചു: മുഖ്യമന്ത്രി

വിഴിഞ്ഞം തുറമുഖ വികസനത്തിന് പിന്തുണ നല്‍കിയ എല്ലാവര്‍ക്കും നന്ദിയറിച്ച് മുഖ്യമന്ത്രി പിണറായി വിജയന്‍. രാജ്യത്തിന് തന്നെ അഭിമാന മുഹൂര്‍ത്തമാണിത്. വിഴിഞ്ഞം തുറമുഖം യാഥാര്‍ഥ്യമാകുമ്പോള്‍ കേരളത്തിന്റെ വികസന ചരിത്രത്തിലെ പുതിയ ഏട് ആരംഭിക്കുകയാണ്. ഇത്തരം തുറമുഖങ്ങള്‍ ലോകത്ത് കൈവിരലില്‍ എണ്ണാവുന്നവ മാത്രമേ ഉള്ളൂ. ഇതിലൂടെ ഇന്ത്യ ലോകഭൂപടത്തില്‍ സ്ഥാനം പിടിച്ചുവെന്നും മുഖ്യമന്ത്രി പറഞ്ഞു. വിഴിഞ്ഞം തുറമുഖത്തിന്റെ ട്രയല്‍ റണ്‍ ഉദ്ഘാടനം നിര്‍വഹിച്ചുകൊണ്ട് സംസാരിക്കുകയായിരുന്നു അദ്ദേഹം.

Kerala166 days ago

വിഴിഞ്ഞം തുറമുഖത്തിന്റെ ട്രയല്‍ റണ്‍ മുഖ്യമന്ത്രി ഉദ്ഘാടനം ചെയ്തു

കേരളത്തിന്റെ സ്വപ്‌നപദ്ധതി വിഴിഞ്ഞം തുറമുഖത്തിന്റെ ട്രയല്‍ റണ്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. കേന്ദ്രമന്ത്രി സര്‍ബാനന്ദ സോനോവാള്‍, സ്പീക്കര്‍ എ.എന്‍. ഷംസീര്‍ മന്ത്രിമാരായ ജി.ആര്‍. അനില്‍, വി.ശിവന്‍കുട്ടി, കെ. രാജന്‍, കെ.എന്‍. ബാലഗോപാല്‍, വി.എന്‍. വാസവന്‍ തുടങ്ങി നിരവധി പ്രമുഖര്‍ ഉദ്ഘാടന യോഗത്തില്‍ പങ്കെടുത്തു. ആദ്യ കണ്ടെയ്‌നര്‍ മദര്‍ഷിപ് സാന്‍ ഫെര്‍ണാണ്ടോ ഇന്നലെയാണ് വിഴിഞ്ഞത്ത് എത്തിയത്. രാജ്യത്തെ ഏറ്റവും ആഴമേറിയ ട്രാന്‍സ്ഷിപ്‌മെന്റ് തുറമുഖമായ വിഴിഞ്ഞം സംസ്ഥാനത്തിന്റെ വികസനത്തിന് മുതല്‍ക്കൂട്ടാകുമെന്നാണ് വിലയിരുത്തുന്നത്.

Kerala166 days ago

വിഴിഞ്ഞം തീരത്ത് ആദ്യ ചരക്ക് കപ്പൽ എത്തി; ഇന്ന് ട്രയൽ റൺ

കേരളത്തിൻ്റെ സ്വപ്ന പദ്ധതിയായ വിഴിഞ്ഞം തുറമുഖം യാഥാർത്ഥ്യത്തിലേക്ക്. ചൈനയിലെ ഷിയാമൻ തുറമുഖത്ത് നിന്ന് രണ്ടായിരത്തോളം കണ്ടെയ്നറുകളുമായി ഇന്നലെ എത്തിയ സാൻ ഫെർണാണ്ടോ കപ്പലിനെ മുഖ്യമന്ത്രി പിണറായി വിജയന്‍റെ നേതൃത്വത്തിൽ രാവിലെ 10 മണിക്ക് വാട്ടർ സല്യൂട്ട് നൽകി സ്വീകരിക്കും. തുടര്‍ന്ന് ട്രയൽ റൺ മുഖ്യമന്ത്രി ഉദ്ഘാടനം ചെയ്യും. ചടങ്ങിൽ കേന്ദ്ര ഷിപ്പിംഗ് മന്ത്രിയും പങ്കെടുക്കും.

Kerala167 days ago

ആദ്യ ചരക്ക് കപ്പല്‍ വിഴിഞ്ഞം തീരത്ത്

ലോകത്തെ രണ്ടാമത്തെ വലിയ കപ്പല്‍ കമ്പനിയായ മെസ്‌കിന്റെ സാന്‍ ഫെര്‍ണാണ്ടോയെന്ന കപ്പല്‍ കണ്ടെയ്നറുകളുമായി വിഴിഞ്ഞം തുറമുഖത്തേക്ക് എത്തി. വാട്ടര്‍ സല്യൂട്ട് നല്‍കിയാണ് കപ്പലിനെ സ്വീകരിച്ചത്. ബര്‍ത്തിംഗിന് ശേഷം ക്ലിയറന്‍സ് നടപടികള്‍ നടക്കും. മെഡിക്കല്‍ ക്ലിയറന്‍സിന് ശേഷം കണ്ടെയ്‌നറുകള്‍ ഇറക്കും. നാളെയാണ് വിഴിഞ്ഞത്ത് ട്രയല്‍ റണ്‍ നടക്കുക. ഇതിന്റെ ഭാഗമായി 1930 കണ്ടെയ്‌നറുകളാണ് വിഴിഞ്ഞത്ത് ഇറക്കുന്നത്.

Kerala167 days ago

വിഴിഞ്ഞം തുറമുഖം ട്രയല്‍ റണ്‍ 12ന്; മദര്‍ഷിപ്പ് നാളെയെത്തും

കേരളത്തിന്റെ സ്വപ്ന പദ്ധതിയായ വിഴിഞ്ഞം അന്താരാഷ്ട്ര തുറമുഖത്തിന്റെ ട്രയല്‍ ഓപ്പറേഷന്‍ 12ന് ആരംഭിക്കും. ആദ്യത്തെ കണ്ടെയ്നര്‍ കപ്പലായ സാന്‍ ഫെര്‍ണാണ്ടോ ഇന്ന് അര്‍ദ്ധരാത്രിയോടെ പുറംകടലില്‍ എത്തും. രാവിലെ ആറുമണിയോടെ ബര്‍ത്തില്‍ അടുക്കും. ഒരു ദിവസത്തെ വിശ്രമത്തിന് ശേഷം വെള്ളിയാഴ്ച രാവിലെ 10 മണിക്ക് മദര്‍ഷിപ്പിന് മുഖ്യമന്ത്രിയുടെ നേതൃത്വത്തില്‍ വന്‍ സ്വീകരണം നല്‍കും. ഇന്ത്യയിലെ തന്നെ ആദ്യ സെമി ഓട്ടോമേറ്റഡ് തുറമുഖമായ വിഴിഞ്ഞം സെപ്തംബര്‍-ഒക്ടോബര്‍ മാസത്തില്‍ കമ്മീഷന്‍ ചെയ്യും.

Kerala168 days ago

വിഴിഞ്ഞം തുറമുഖം സ്വപ്നസാക്ഷാത്കാരത്തിലേക്ക്; ആദ്യ മദര്‍ഷിപ്പ് വെള്ളിയാഴ്ചയെത്തും

ട്രയല്‍ റണ്ണിന് സജ്ജമായി വിഴിഞ്ഞം തുറമുഖം. ആദ്യ മദര്‍ഷിപ്പ് വെള്ളിയാഴ്ച്ച വിഴിഞ്ഞം തീരത്ത് നങ്കൂരമിടും. രാജ്യത്തെ ആദ്യത്തെ ഓട്ടോമാറ്റിക് ട്രാന്‍സ്ഷിപ്മെന്റ് തുറമുഖമാണ് വിഴിഞ്ഞത്ത് പ്രവര്‍ത്തനസജ്ജമാകുന്നത്. രാജ്യാന്തര ചരക്ക് നീക്കത്തിന്റെ നിര്‍ണായ കേന്ദ്രമായി വിഴിഞ്ഞം മാറുകയാണ്. വര്‍ഷം പത്തു ലക്ഷം കണ്ടയ്നറുകള്‍ കൈകാര്യം ചെയ്യാനാകുന്ന വിഴിഞ്ഞം തുറമുഖം സംസ്ഥാനത്തിന്റെ മുഖച്ഛായ തന്നെ മാറ്റുമെന്നും ധനമന്ത്രി കെ.എന്‍ ബാലഗോപാല്‍ അറിയിച്ചു.

Kerala169 days ago