മണിപ്പൂരില്‍ വീണ്ടും സംഘര്‍ഷം; സുരക്ഷ ശക്തമാക്കി

മണിപ്പൂരിലെ ജിരിബാം ജില്ലയില്‍ മെയ്‌തേയ് സമുദായത്തില്‍പ്പെട്ട 59 കാരനായ കര്‍ഷകനെ അക്രമികള്‍ കൊലപ്പെടുത്തിയതിനെ തുടര്‍ന്നാണ് വീണ്ടും സംഘര്‍ഷം ഉടലെടുത്തത്. സംഭവത്തെത്തുടര്‍ന്ന് സ്ത്രീകളും കുട്ടികളുമുള്‍പ്പെടെയുളള ഗ്രാമവാസികള്‍ സുരക്ഷിത സ്ഥാനങ്ങളിലേക്ക് മാറി. കൊലപാതകത്തില്‍ പ്രതിഷേധിച്ച നാട്ടുകാര്‍ ഉപേക്ഷിക്കപ്പെട്ട ഒരു കെട്ടിടത്തിന് തീയിട്ടതായി പോലീസ് പറഞ്ഞു. അക്രമ സംഭവങ്ങള്‍ തടയുന്നതിനായി ജിരിബാമിലെ ജില്ലാ മജിസ്ട്രേറ്റ് പ്രദേശത്ത് കര്‍ഫ്യൂ ഏര്‍പ്പെടുത്തി.

National199 days ago

മണിപ്പൂര്‍ സംഘര്‍ഷം; അമിത് ഷായ്ക്ക് കത്തയച്ച് കോണ്‍ഗ്രസ് MP

മണിപ്പൂരില്‍ വീണ്ടും സംഘര്‍ഷം തുടരുന്ന പശ്ചാത്തലത്തില്‍ അക്രമം നിയന്ത്രിക്കാന്‍ നടപടികള്‍ സ്വീകരിക്കണമെന്നാവശ്യപ്പെട്ട് ഇന്നര്‍ മണിപ്പൂരില്‍ നിന്നുള്ള കോണ്‍ഗ്രസ് MP എ ബിമോള്‍ അക്കോയിജം കേന്ദ്ര ആഭ്യന്തര മന്ത്രി അമിത് ഷായ്ക്ക് കത്തയച്ചു. അക്രമത്തില്‍ നൂറുകണക്കിനാളുകളുടെ ജീവന്‍ നഷ്ടമായി. ഏകദേശം 60,000 ആളുകള്‍ ഭവനരഹിതരാക്കപ്പെട്ടു. ജനങ്ങളുടെ ഉപജീവനമാര്‍ഗത്തെയും സംസ്ഥാനത്തിന്റെ സമ്പദ്‌വ്യവസ്ഥയെയും സാരമായി ബാധിച്ചു. ആയതിനാല്‍ സംസ്ഥാനത്ത് സമാധാനം പുനഃസ്ഥാപിക്കുന്നതിന് അടിയന്തര നടപടികള്‍ സ്വീകരിക്കണമെന്ന് അദ്ദേഹം ഷായോട് അഭ്യര്‍ത്ഥിച്ചു.

National104 days ago

സംഘര്‍ഷം; മണിപ്പൂരില്‍ 5 ദിവസത്തേയ്ക്ക് ഇന്റർനെറ്റിന് വിലക്ക്

മണിപ്പൂരിൽ വീണ്ടും സംഘർഷം രൂക്ഷമായതോടെ ഇന്റർനെറ്റ് സേവനങ്ങൾ താൽക്കാലികമായി റദ്ദാക്കി. ഇന്നു മുതൽ സെപ്റ്റംബർ 15 വൈകിട്ട് മൂന്ന് മണി വരെയാണ് ഇന്‍റർനെറ്റ് വിലക്കിക്കൊണ്ട് സർക്കാർ ഉത്തരവിറക്കിയത്. വിദ്വേഷ പരാമര്‍ശങ്ങളും വീഡിയോകളും സമൂഹമാധ്യമത്തിലൂടെ പ്രചരിപ്പിക്കുന്നത് ക്രമസമാധാന പ്രശ്‌നങ്ങള്‍ക്ക് കാരണമാകുന്നു എന്ന് ചൂണ്ടിക്കാട്ടിയാണ് നടപടി. സംസ്ഥാനത്തെ സംഘര്‍ഷാവസ്ഥ കാരണം വ്യാഴാഴ്ച വരെ സ്കൂളുകൾ പ്രവർത്തിക്കില്ല. സംഘര്‍ഷം കണക്കിലെടുത്ത് പോലീസ് സുരക്ഷ ശക്തമാക്കിയിട്ടുണ്ട്.

National105 days ago

സംഘര്‍ഷം; മണിപ്പൂരില്‍ മൂന്ന് ജില്ലകളില്‍ നിരോധനാജ്ഞ

മണിപ്പുരില്‍ ഇരുവിഭാഗങ്ങള്‍ തമ്മിലുള്ള സംഘര്‍ഷം രൂക്ഷമാകുന്ന സാഹചര്യത്തെ തുടര്‍ന്ന് മൂന്ന് ജില്ലകളില്‍ അനിശ്ചിതകാലത്തേക്ക് നിരോധനാജ്ഞ പ്രഖ്യാപിച്ചു. ഇംഫാല്‍ വെസ്റ്റ്, ഇംഫാല്‍ ഈസ്റ്റ്, തൗബാല്‍ ജില്ലകളിലാണ് നിരോധനാജ്ഞ പുറപ്പെടുവിച്ചിരിക്കുന്നത്. രാവിലെ 11 മണി മുതല്‍ നിരോധനാജ്ഞ നിലവില്‍ വന്നു. കങ്പോക്പി ജില്ലയിലുണ്ടായ സംഘര്‍ഷത്തില്‍ ഒരു സ്ത്രീ കൊല്ലപ്പെട്ടിരുന്നു. ഗ്രാമത്തിലെ വീടുകള്‍ അകേരമികള്‍ തീവെച്ച് നശിപ്പിക്കുകയുണ്ടായി.

National105 days ago

മണിപ്പൂരില്‍ വീണ്ടും വെടിവെയ്പ്പ്; അഞ്ച് പേര്‍ കൊല്ലപ്പെട്ടു

മണിപ്പൂരിലെ ജിരിബാം ജില്ലയില്‍ ഇന്ന് രാവിലെയാണ് വെടിവെയ്പ്പുണ്ടായത്. ആക്രമണത്തില്‍ അഞ്ച് പേര്‍ കൊല്ലപ്പെട്ടതായി പോലീസ് അറിയിച്ചു. ഓഗസ്റ്റ് ഒന്നിന് അസമിലെ കച്ചാറിനോട് ചേര്‍ന്നുള്ള CRPF കേന്ദ്രത്തില്‍ നടന്ന യോഗത്തില്‍ വംശീയ ഗ്രൂപ്പുകളുടെ പ്രതിനിധികള്‍ സംസ്ഥാനത്ത് സമാധാനം പുനഃസ്ഥാപിക്കുന്നതിനായി ധാരണയിലെത്തിയിരുന്നു. ഇതിന് പിന്നാലെയാണ് സംസ്ഥാനം വീണ്ടും അക്രമങ്ങള്‍ക്ക് സാക്ഷ്യം വഹിക്കുന്നത്. കഴിഞ്ഞ വര്‍ഷം മെയ് മുതല്‍ ആരംഭിച്ച വംശീയ സംഘര്‍ഷത്തില്‍ മണിപ്പൂരില്‍ 200ലധികം ആളുകള്‍ കൊല്ലപ്പെടുകയും ആയിരക്കണക്കിന് ആളുകള്‍ ഭവനരഹിതരാകുകയും ചെയ്തു.

National108 days ago

മണിപ്പൂരിൽ അക്രമകാരികളുടെ വെടിയേറ്റ് CRPF ജവാൻ കൊല്ലപ്പെട്ടു

മണിപ്പുരിലെ ജിരിബാം ജില്ലയിലുണ്ടായ സംഘർഷത്തിലാണ് കലാപകാരികളുടെ വെടിയേറ്റ് CRPF ജവാൻ കൊല്ലപ്പെട്ടത്. മറ്റൊരു CRPF ജവാനും മണിപ്പുർ പോലീസിലെ രണ്ട് കമാൻഡോകൾക്കും ഗുരുതരമായി പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു. ജിരിബാമിലെ മോങ് ബംഗ് ഗ്രാമത്തിലാണ് ആക്രമണം നടന്നത്. കുക്കി സായുധ സംഘമാണ് ആക്രമണത്തിന് പിന്നിലെന്നാണ് സൂചന.

National163 days ago

മണിപ്പൂരിലെ കലാപബാധിത പ്രദേശങ്ങള്‍ സന്ദര്‍ശിച്ച് രാഹുല്‍ ഗാന്ധി

ഈ അടുത്ത് സംഘര്‍ഷം നടന്ന ജിരിബാമിലെ ക്യാമ്പാണ് രാഹുല്‍ ഗാന്ധി ആദ്യം സന്ദര്‍ശിച്ചത്. ഇന്ന് പുലര്‍ച്ചെയും ജിരിബാമില്‍ അക്രമികള്‍ സുരക്ഷാ സേനയ്ക്ക് നേരെ വെടിയുതിര്‍ത്തിരുന്നു. നേരത്തെ പ്രശ്‌നങ്ങളില്ലാതിരുന്ന ജിരിബാം മേഖലയിലേക്ക് ഈയിടെയാണ് സംഘര്‍ഷം വ്യാപിച്ചത്. ചുരാചന്ദ്പൂര്‍, മൊയ്‌റാങ് എന്നിവിടങ്ങളിലെ ക്യാമ്പുകളും സന്ദര്‍ശിക്കുന്ന രാഹുല്‍ ഗാന്ധി വൈകീട്ട് ആറ് മണിക്ക് ഗവര്‍ണര്‍ അനസൂയ ഉയിക്കയെ കാണും. അസമിലെ കാച്ചാര്‍, സില്‍ച്ചര്‍ എന്നിവിടങ്ങളിലെ പ്രളയ ബാധിതരെ കണ്ട ശേഷമാണ് രാഹുല്‍ ഗാന്ധി ജിരിബാമിലെത്തിയത്.

National169 days ago

മണിപ്പൂര്‍ സന്ദര്‍ശിക്കാനൊരുങ്ങി പ്രതിപക്ഷ നേതാവ് രാഹുല്‍ ഗാന്ധി

ജൂലൈ 8ന് മണിപ്പൂരിലെ കലാപബാധിത പ്രദേശങ്ങളിലെ ക്യാമ്പുകളില്‍ രാഹുല്‍ ഗാന്ധി സന്ദര്‍ശനം നടത്തും. ഇതാദ്യമായല്ല രാഹുല്‍ മണിപ്പൂര്‍ സന്ദര്‍ശനം നടത്തുന്നതെങ്കിലും പ്രതിപക്ഷ നേതാവായ ശേഷം ആദ്യമായാണ് രാഹുല്‍ മണിപ്പൂരിലെത്തുന്നത്. ആദ്യ ലോക്‌സഭാ പ്രസംഗത്തിലും രാഹുല്‍ മണിപ്പൂര്‍ വിഷയം പാര്‍ലമെന്റില്‍ ഉന്നയിച്ചിരുന്നു. മണിപ്പൂരിലെത്തുന്ന രാഹുല്‍ ഗാന്ധി പിസിസി നേതാക്കളുമായും കൂടിക്കാഴ്ച നടത്തും.

National171 days ago

മണിപ്പൂർ കലാപത്തിന് ഇന്ന് ഒരു വർഷം

മണിപ്പൂരിലെ മെയ്തി-കുക്കി സംഘർഷം ഒരു വർഷം തികയുന്ന ഇന്ന് കുക്കി സംഘടനയായ ഇൻഡിജിനസ് ട്രൈബൽ ലീഡേഴ്‌സ് ഫോറം (IDLF) സമ്പൂർണ അടച്ചുപൂട്ടലിന് ആഹ്വാനം ചെയ്തു. കൂടാതെ മരിച്ചവരോടുള്ള ആദരസൂചകമായി കരിങ്കൊടി ഉയർത്താനും ആവശ്യപ്പെട്ടു. സംഘർഷത്തിൽ മരിച്ച കുക്കി വിഭാഗത്തിലുള്ളവരെ അനുസ്മരിക്കാനായി കാങ്‌പോക്പി ജില്ലയിലെ ഫൈജാങ് ഗ്രാമത്തിലെ രക്തസാക്ഷികളുടെ സെമിത്തേരിയിൽ ഒത്തു കൂടാനും കുക്കി സംഘടന ആഹ്വാനം ചെയ്തു. ഇന്ന് അർധരാത്രി വരെയാണ് അടച്ചിടലിന് ആഹ്വാനം ചെയ്തിട്ടുള്ളത്.

National236 days ago

മണിപ്പൂര്‍ കലാപത്തില്‍ പോലീസിന് ഗുരുതര വീഴ്ച സംഭവിച്ചതായി CBI

ചുരാചന്ദ് പൂരിൽ കുക്കി വിഭാഗത്തിൽപ്പെട്ട രണ്ട് സ്ത്രീകളെ അക്രമികള്‍ നഗ്നരാക്കി റോഡിലൂടെ നടത്തിക്കുകയും ലൈംഗികമായി പീഡിപ്പിക്കുകയും ചെയ്യുന്നതിന് തൊട്ടുമുമ്പ് ഇവര്‍ അവിടെ ഉണ്ടായിരുന്ന ഒരു പോലീസ് വാഹനത്തില്‍ കയറി സഹായം അഭ്യര്‍ത്ഥിച്ചിരുന്നു. പോലീസിന്‍റെ ജിപ്‌സി വാഹനത്തില്‍ കയറിയ സ്ത്രീകൾ അക്രമികളില്‍ നിന്ന് രക്ഷിക്കൂ എന്ന് കരഞ്ഞ് പറഞ്ഞിട്ടും വാഹനത്തിന്റെ താക്കോൽ കളഞ്ഞുപോയി എന്നാണ് പോലീസുകാര്‍ മറുപടി നല്‍‌കിയതെന്ന് CBI കുറ്റപത്രത്തില്‍ പറയുന്നു.Read More

National238 days ago

മണിപ്പൂരിൽ വീണ്ടും സംഘർഷം: ഒരാൾ കൊല്ലപ്പെട്ടു

മണിപ്പൂരിലെ കാങ്‌പോക്പി ജില്ലയിൽ രണ്ട് സായുധ സംഘങ്ങൾ തമ്മിലുണ്ടായ വെടിവെപ്പിൽ ഒരാൾ കൊല്ലപ്പെടുകയും മൂന്ന് പേർക്ക് പരിക്കേൽക്കുകയും ചെയ്തതായി പോലീസ് അറിയിച്ചു. കുന്നിൻ മുകളിൽ നിന്ന് താഴെയുള്ള ഗ്രാമത്തിലേക്ക് നടത്തിയ വെടിവെപ്പിൽ ഗ്രാമത്തിന് കാവല്‍ നിന്നിരുന്ന കുക്കി വിഭാഗത്തിലുയാളാണ് കൊല്ലപ്പെട്ടത്. തുടർന്ന് ഇരു കൂട്ടരും തമ്മിൽ സംഘർഷം ഉണ്ടാവുകയായിരുന്നു.

National240 days ago