രാജസ്ഥാനില്‍ ഉഷ്ണതരംഗം തുടരുന്നു; ജയ്പൂരില്‍ മൂന്ന് മരണം

രാജസ്ഥാനില്‍ തുടര്‍ച്ചയായ 17ാം ദിവസവും ഉഷ്ണതരംഗം തുടരുകയാണെന്ന് അധികൃതര്‍ അറിയിച്ചു. 3965 സൂര്യാതപ കേസുകളാണ് തിങ്കളാഴ്ച വരെ റിപ്പോര്‍ട്ട് ചെയ്തത്. ഇതില്‍ 25 ശതമാനത്തിലധികം സൂര്യാതപ കേസുകളും കഴിഞ്ഞ രണ്ട് ദിവസങ്ങളിലായി റിപ്പോര്‍ട്ട് ചെയ്തതാണെന്നാണ് ആരോഗ്യ വകുപ്പ് പറയുന്നത്. ഉഷ്ണതരംഗ സാഹചര്യം തുടരുന്ന പശ്ചാത്തലത്തില്‍ ആരോഗ്യമന്ത്രി ഗജേന്ദ്ര സിങ് ഖിന്‍വ്സര്‍ ഡോക്ടര്‍മാരുമായി കൂടിക്കാഴ്ച നടത്തി.

National210 days ago

കശ്മീരില്‍ ഉഷ്ണതരംഗം; ശ്രീനഗറില്‍ 25 വര്‍ഷത്തിനിടയിലെ ഏറ്റവും ഉയര്‍ന്ന ചൂട്

ശ്രീനഗറില്‍ വ്യാഴാഴ്ച 35.7 ഡിഗ്രി സെല്‍ഷ്യസ് താപനിലയാണ് രേഖപ്പെടുത്തിയത്. സാധാരണ ചൂടിനേക്കാള്‍ ആറ് ഡിഗ്രി കൂടുതലാണ് അനുഭവപ്പെട്ടത്. 1999 ജൂലൈയില്‍ രേഖപ്പെടുത്തിയ 37 ഡിഗ്രി സെല്‍ഷ്യസ് ആണ് ഇതിന് മുമ്പത്തെ ഏറ്റവും ഉയര്‍ന്ന ചൂട്. നിലവില്‍ ഡല്‍ഹിയേക്കാള്‍ ഉയര്‍ന്ന ചൂട് ശ്രീനഗറിലാണ്. കശ്മീര്‍ താഴ്‌വരയുടെ മറ്റുഭാഗങ്ങളിലും കനത്ത ചൂട് അനുഭവപ്പെടുന്നുണ്ട്. ഉഷ്ണതരംഗത്തെ തുടര്‍ന്ന് താഴ്‌വരയുടെ പല ഭാഗങ്ങളും ജലക്ഷാമവും നേരിടുന്നുണ്ട്.

Weather173 days ago

UAE ഉള്‍പ്പെടെയുള്ള മേഖലയിലെ ചൂട് ഇനിയും ഉയരും

തെക്കുകിഴക്കന്‍ കാറ്റ്, ഇന്ത്യയിലെ ന്യൂനമര്‍ദം എന്നിവ ചൂട് ഇനിയും ഉയരാന്‍ കാരണമാകുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. പൊടിക്കാറ്റിന്റെ ശക്തിയും വര്‍ധിച്ചേക്കും. പുലര്‍ച്ചെ മൂടല്‍മഞ്ഞും അനുഭവപ്പെടും. എന്നാല്‍ ചിലയിടങ്ങളില്‍ മഴ ലഭിക്കുമെന്നും നിഗമനമുണ്ട്. ഈ സാഹചര്യത്തില്‍ രാവിലെ 10നും വൈകിട്ട് 4നും ഇടയ്ക്കുള്ള സമയങ്ങളില്‍ പുറത്തിറങ്ങുന്നവര്‍ മതിയായ മുന്‍കരുതല്‍ എടുക്കണമെന്ന് ആരോഗ്യവിദഗ്ധര്‍ അറിയിച്ചു.

Weather174 days ago

ഉത്തരേന്ത്യയിലെ ഉഷ്ണതരംഗം; രണ്ട് ദിവസത്തിനിടെ രാജ്യ തലസ്ഥാനത്ത് മരിച്ചത് 34 പേര്‍

ഈ സാഹചര്യത്തില്‍ കേന്ദ്രം ആരോഗ്യ മന്ത്രി ജെപി നദ്ദയുടെ അധ്യക്ഷതയില്‍ ഉഷ്ണതരംഗം വിലയിരുത്താന്‍ അടിയന്തര യോഗം ചേര്‍ന്നു. യോഗത്തില്‍ സംസ്ഥാനങ്ങള്‍ക്കായി പ്രത്യേക മാര്‍ഗ്ഗനിര്‍ദ്ദേശങ്ങള്‍ പുറത്തിറക്കി. 6 പതിറ്റാണ്ടിനിടെയുള്ള ഏറ്റവും ഉയര്‍ന്ന താപനിലയാണ് ഉത്തരേന്ത്യന്‍ സംസ്ഥാനങ്ങളില്‍ രേഖപ്പെടുത്തിയത്. ഡല്‍ഹിയിലെ ചൂട് 52 ഡിഗ്രി സെല്‍ഷ്യസ് കടന്നു. അതേസമയം രാജ്യത്തിന്റെ വടക്ക് കിഴക്കന്‍ സംസ്ഥാനങ്ങള്‍ പ്രളയ ഭീതിയിലാണ്.

National188 days ago

ഉഷ്ണതരംഗം; ഡല്‍ഹിയില്‍ അഞ്ച് മരണം

ഉഷ്ണ തരംഗത്തെ തുടര്‍ന്ന് കഴിഞ്ഞ രണ്ട് ദിവസത്തിനിടെ ഡല്‍ഹിയില്‍ അഞ്ച് പേര്‍ മരിച്ചു. 12ഓളം പേര്‍ വെന്റിലേറ്ററിന്റെ സഹായത്തോടെയാണ് ജീവന്‍ നിലനിര്‍ത്തുന്നത്. ഡല്‍ഹിയിലെ മിക്ക ആശുപത്രികളിലും സൂര്യാഘാതമേറ്റ് നിരവധി പേര്‍ ചികിത്സയിലാണ്. അതേസമയം ഉത്തരേന്ത്യയുടെ മിക്ക ഭാഗങ്ങളിലും ഒരു ദിവസം കൂടി ഉഷ്ണ തരംഗം തുടരുമെന്നും അതിന് ശേഷം ശമനമുണ്ടാകുമെന്നുമാണ് കാലാവസ്ഥാ നിരീക്ഷണ കേന്ദ്രം അറിയിച്ചിരിക്കുന്നത്.

Weather189 days ago

ഉഷ്ണതരംഗം: ഹജ്ജ് തീര്‍ത്ഥാടനത്തിനെത്തിയ 14 പേര്‍ മരിച്ചു

ഹജ്ജ് തീര്‍ത്ഥാടനത്തിനിടെ ജോര്‍ദാന്‍ പൗരന്മാരായ 14 പേര്‍ മരിച്ചതായാണ് റിപ്പോര്‍ട്ട്. 17 പേരെ കാണാതായതായി ജോര്‍ദാന്‍ വിദേശകാര്യ മന്ത്രാലയം അറിയിച്ചു. കാണാതായവര്‍ക്കായി തിരച്ചില്‍ തുടരുകയാണെന്ന് ജോര്‍ദാന്‍ അധികൃതര്‍ വ്യക്തമാക്കി. അതിശക്തമായ ഉഷ്ണതരംഗം മൂലമുണ്ടായ സൂര്യാഘാതമാണ് മരണത്തിന് കാരണം. മരിച്ചവരുടെ മൃതദേഹങ്ങള്‍ സംസ്‌കരിക്കുന്നതിനോ കൊണ്ടുപോകുന്നതിനോ ഉള്ള നടപടിക്രമങ്ങള്‍ സൗദി അധികാരികളുമായി ഏകോപിപ്പിക്കുകയാണെന്ന് മന്ത്രാലയം പുറത്തിറക്കിയ പ്രസ്താവനയില്‍ പറയുന്നു.

World191 days ago

ഉഷ്ണതരംഗം; ഗാസിയാബാദില്‍ പൊട്ടിത്തെറിച്ച് AC യൂണിറ്റ്

ഉത്തര്‍പ്രദേശിലെ ഗാസിയാബാദിലെ സെക്ടര്‍ 1ലാണ് അഗ്‌നിബാധ ഉണ്ടായത്. മണിക്കൂറുകളോളം പ്രവര്‍ത്തിച്ചിരുന്ന എസി പൊട്ടിത്തെറിക്കുകയായിരുന്നു. കെട്ടിട സമുച്ചയത്തിന്റ ഒന്നാം നിലയിലുണ്ടായിരുന്ന AC യുണിറ്റാണ് പൊട്ടിത്തെറിച്ചത്. വീട്ടുകാര്‍ വിവരമറിയിച്ചതിനെ തുടര്‍ന്ന് സ്ഥലത്തെത്തിയ അഗ്‌നിരക്ഷാ സേന കെട്ടിടത്തിലേക്കുള്ള പാചക വാതക ഗ്യാസ് ബന്ധം അടക്കം വിച്ഛേദിച്ച് തീ നിയന്ത്രണ വിധേയമാക്കി.

National202 days ago

കൊടുംചൂട്: ഉച്ചകഴിഞ്ഞ സമയങ്ങളില്‍ ഭക്ഷണം ഓര്‍ഡര്‍ ചെയ്യുന്നത് ഒഴിവാക്കണമെന്ന് സൊമാറ്റോ

തീര്‍ത്തും ആവശ്യമില്ലെങ്കില്‍ ഉച്ചകഴിഞ്ഞുള്ള സമയത്ത് ഭക്ഷണം ഓര്‍ഡര്‍ ചെയ്യുന്നത് ഒഴിവാക്കുക എന്നാണ് സൊമാറ്റോ എക്‌സില്‍ പോസ്റ്റ് ചെയ്തിരിക്കുന്നത്. കടുത്ത ചൂട് കാരണം പല സംസ്ഥാനങ്ങളിലും മുന്‍ വര്‍ഷങ്ങളെ അപേക്ഷിച്ച് സൂര്യാതപ കേസുകള്‍ വര്‍ധിച്ചതിനെ തുടര്‍ന്നാണ് കമ്പനിയുടെ തീരുമാനം. ഡെലിവറി ജീവനക്കാരുടെ സാഹചര്യങ്ങളെ ചിലര്‍ അംഗീകരിച്ചെങ്കിലും ചിലര്‍ കമ്പിനിക്കെതിരെ വിമര്‍ശനവുമായി രംഗത്തെത്തി.

National206 days ago

ഉത്തരേന്ത്യൻ സംസ്ഥാനങ്ങളിലെ ഉഷ്‌ണതരംഗം; പ്രധാനമന്ത്രി യോഗം വിളിച്ചു

ഉത്തരേന്ത്യൻ സംസ്ഥാനങ്ങളിൽ ഉഷ്‌ണതരംഗം തുടരുന്ന സാഹചര്യത്തിൽ സ്ഥിതിഗതികൾ ചർച്ച ചെയ്യാൻ പ്രധാനമന്ത്രി നരേന്ദ്ര മോദി ഉന്നത തല യോഗം വിളിച്ചു. റിമാൽ ചുഴലിക്കാറ്റിനെ തുടർന്നുണ്ടായ നാശനഷ്ടങ്ങളും പ്രധാനമന്ത്രിയുടെ വസതിയിൽ ചേരുന്ന യോഗത്തിൽ ചർച്ച ചെയ്യും. മധ്യപ്രദേശ്, രാജസ്ഥാൻ, ബിഹാർ, ഹരിയാന, ഉത്തർപ്രദേശ്, ഡൽഹി എന്നിവിടങ്ങളിൽ ജാഗ്രതാ നിർദേശം തുടരുകയാണ്. ഉഷ്ണതരംഗത്തെ തുടർന്ന് വിവിധ സംസ്ഥാനങ്ങളിലായി 150 ഓളം പേരാണ് മരിച്ചത്.

National206 days ago

ഉത്തരേന്ത്യയിലെ ഉഷ്ണ തരംഗം; കൊടും ചൂടിൽ ഇന്നലെ ഉത്തർപ്രദേശിൽ 33 പോളിംഗ് ഉദ്യോഗസ്ഥർ മരിച്ചു

ലോക്സഭാ തിരഞ്ഞെടുപ്പിന്റെ അവസാന ഘട്ടമായ ഇന്നലെ ഉത്തർപ്രദേശിൽ 33 തിരഞ്ഞെടുപ്പ് ഉദ്യോഗസ്ഥർ ഉഷ്ണ തരംഗത്തെ തുടർന്ന് മരിച്ചതായി ഉത്തർപ്രദേശ് ചീഫ് ഇലക്ടറൽ ഓഫീസർ നവ്ദീപ് റിൻവ പറഞ്ഞു. മരിച്ചവരിൽ ഹോം ഗാർഡുകൾ, ശുചീകരണ തൊഴിലാളികൾ, മറ്റ് തിരഞ്ഞെടുപ്പ് ഉദ്യോഗസ്ഥർ എന്നിവരും ഉൾപ്പെടുന്നു. ബല്ലിയ ലോക്‌സഭാ മണ്ഡലത്തിലെ സിക്കന്ദർപൂർ പ്രദേശത്തെ ഒരു ബൂത്തിലാണ് വോട്ടർ മരിച്ചത്. ജില്ലാ മജിസ്‌ട്രേറ്റുമാർ തിരഞ്ഞെടുപ്പ് ഉദ്യോഗസ്ഥരുടെ മരണത്തിൽ റിപ്പോർട്ട് തേടി.

National206 days ago

കിഡ്നി മാറി ശസ്ത്രക്രിയ ചെയ്ത സംഭവം: രാജസ്ഥാൻ പോലീസ് കേസെടുത്തു

മെയ് 15-ന് ജുൻജുനുവിലെ ഒരു സ്വകാര്യ ആശുപത്രിയിൽ വൃക്ക തകരാറിലായതിനെ തുടർന്ന് ചികിത്സയ്ക്കെത്തിയ യുവതിയുടെ വൃക്ക മാറി നീക്കം ചെയ്ത സംഭവത്തിൽ പോലീസ് മെഡിക്കൽ അശ്രദ്ധയ്ക്ക് കേസെടുത്തു. തകരാറുള്ള ഇടത് വൃക്കയ്ക്ക് പകരം വലത് വൃക്കയാണ് ശസ്ത്രക്രിയയിലൂടെ നീക്കം ചെയ്തത്. ആരോപണവിധേയനായ ഡോക്ടർ സഞ്ജയ് ധങ്കറിനെതിരെ കോട്വാലി പോലീസ് സ്റ്റേഷനിൽ FIR ഫയൽ ചെയ്തു.

National207 days ago