കിഡ്നി മാറി ശസ്ത്രക്രിയ ചെയ്ത സംഭവം: രാജസ്ഥാൻ പോലീസ് കേസെടുത്തു

മെയ് 15-ന് ജുൻജുനുവിലെ ഒരു സ്വകാര്യ ആശുപത്രിയിൽ വൃക്ക തകരാറിലായതിനെ തുടർന്ന് ചികിത്സയ്ക്കെത്തിയ യുവതിയുടെ വൃക്ക മാറി നീക്കം ചെയ്ത സംഭവത്തിൽ പോലീസ് മെഡിക്കൽ അശ്രദ്ധയ്ക്ക് കേസെടുത്തു. തകരാറുള്ള ഇടത് വൃക്കയ്ക്ക് പകരം വലത് വൃക്കയാണ് ശസ്ത്രക്രിയയിലൂടെ നീക്കം ചെയ്തത്. ആരോപണവിധേയനായ ഡോക്ടർ സഞ്ജയ് ധങ്കറിനെതിരെ കോട്വാലി പോലീസ് സ്റ്റേഷനിൽ FIR ഫയൽ ചെയ്തു.

National207 days ago

കുട്ടിയുടെ തുടയിൽ സൂചി തുളച്ചു കയറിയ സംഭവം; 9 ആശുപത്രി ജീവനക്കാരെ സ്ഥലം മാറ്റി

കായംകുളം താലൂക്ക് ആശുപത്രിയിൽ കുട്ടിയുടെ തുടയിൽ സൂചി തുളച്ചു കയറിയ സംഭവത്തിൽ കൂട്ടനടപടി. സംഭവ സമയത്ത് ഡ്യൂട്ടിയിൽ ഉണ്ടായിരുന്ന ഏഴ് നഴ്‌സുമാരെയും, ഒരു നഴ്‌സിംഗ് അസിസ്റ്റന്റിനെയും, ഒരു ലാസ്റ്റ് ഗ്രേഡ് ജീവനക്കാരിയെയും ഉൾപ്പെടെ 9 ജീവനക്കാരെ ജില്ലയുടെ വിവിധ ഭാഗങ്ങളിലേക്ക് സ്ഥലം മാറ്റി. സംഭവത്തിൽ ആശുപത്രി ജീവനക്കാർക്ക് വീഴ്ച സംഭവിച്ചുവെന്നായിരുന്നു DMO റിപ്പോർട്ട്. ജീവനക്കാർക്കെതിരെ നടപടി സ്വീകരിക്കാനും റിപ്പോർട്ടിൽ ശുപാർശ ചെയ്തിരുന്നു. ഉപയോഗിച്ച ശേഷം അത്യാഹിത വിഭാഗത്തിലെ കിടക്കയിൽ അലക്ഷ്യമായിട്ട സൂചി കുട്ടിയുടെ കാലിൽ കുത്തി കയറുകയായിരുന്നു.

Kerala117 days ago

കുട്ടിയുടെ തുടയിൽ സൂചി തുളച്ചു കയറിയ സംഭവം; ആശുപത്രി ജീവനക്കാർക്ക് വീഴ്ച സംഭവിച്ചെന്ന് റിപ്പോർട്ട്

കായംകുളം താലൂക്ക് ആശുപത്രിയിൽ കുട്ടിയുടെ തുടയിൽ സൂചി തുളച്ചു കയറിയ സംഭവത്തിൽ ആശുപത്രി ജീവനക്കാർക്ക് വീഴ്ച സംഭവിച്ചെന്ന് DMO യുടെ റിപ്പോർട്ട്. ജീവനക്കാർക്കെതിരെ കൂട്ട നടപടിക്കും റിപ്പോർട്ടിൽ ശുപാർശയുണ്ട്. ഉപയോഗിച്ച ശേഷം അത്യാഹിത വിഭാഗത്തിലെ കിടക്കയിൽ അലക്ഷ്യമായിട്ട സൂചി കുട്ടിയുടെ കാലിൽ കുത്തി കയറുകയായിരുന്നു. സംഭവദിവസം ഡ്യൂട്ടിയിൽ ഉണ്ടായിരുന്ന നഴ്സിംഗ് ജീവനക്കാർ, അസിസ്റ്റന്റ്മാർ, ശുചീകരണ തൊഴിലാളികൾ തുടങ്ങിയവർക്കെതിരെയാണ് നടപടി ഉണ്ടാവുക. കഴിഞ്ഞ ജൂലൈ 19 നായിരുന്നു സംഭവം.

Kerala123 days ago

നെയ്യാറ്റിൻകരയിൽ ചികിത്സാ പിഴവിനെ തുടർന്ന് യുവതി മരിച്ചെന്ന് പരാതി

തിരുവന്തപുരം നെയ്യാറ്റിന്‍കരയില്‍ ചികിത്സാ പിഴവ് കാരണം യുവതി മരിച്ചെന്ന ആരോപണവുമായി ബന്ധുക്കള്‍. മലയിന്‍കീഴ് സ്വദേശി കൃഷ്ണപ്രിയയാണ് മരിച്ചത്. തിരുവനന്തപുരം മെഡിക്കല്‍ കോളേജില്‍ ഗുരുതരാവസ്ഥയില്‍ ചികിത്സയിലിരിക്കെയാണ് മരണം. സംഭവത്തില്‍ തിരുവനന്തപുരം ജില്ലാ മെഡിക്കൽ ഓഫീസർ അന്വേഷണത്തിന് ഉത്തരവിട്ടു. നെയ്യാറ്റിന്‍കര ജനറല്‍ ആശുപത്രിയില്‍ എത്തിയ കൃഷ്ണപ്രിയക്ക് ഇഞ്ചക്ഷന്‍ നല്‍കിയതിനെ തുടർന്ന് അബോധാവസ്ഥയിലാവുകയായിരുന്നു. Read More

Kerala157 days ago

രാജസ്ഥാനില്‍ ഉഷ്ണതരംഗം തുടരുന്നു; ജയ്പൂരില്‍ മൂന്ന് മരണം

രാജസ്ഥാനില്‍ തുടര്‍ച്ചയായ 17ാം ദിവസവും ഉഷ്ണതരംഗം തുടരുകയാണെന്ന് അധികൃതര്‍ അറിയിച്ചു. 3965 സൂര്യാതപ കേസുകളാണ് തിങ്കളാഴ്ച വരെ റിപ്പോര്‍ട്ട് ചെയ്തത്. ഇതില്‍ 25 ശതമാനത്തിലധികം സൂര്യാതപ കേസുകളും കഴിഞ്ഞ രണ്ട് ദിവസങ്ങളിലായി റിപ്പോര്‍ട്ട് ചെയ്തതാണെന്നാണ് ആരോഗ്യ വകുപ്പ് പറയുന്നത്. ഉഷ്ണതരംഗ സാഹചര്യം തുടരുന്ന പശ്ചാത്തലത്തില്‍ ആരോഗ്യമന്ത്രി ഗജേന്ദ്ര സിങ് ഖിന്‍വ്സര്‍ ഡോക്ടര്‍മാരുമായി കൂടിക്കാഴ്ച നടത്തി.

National210 days ago

ഗർഭിണിക്ക് ചികിത്സ നിഷേധിച്ചു: കുഞ്ഞ് മരിച്ചതായി പരാതി

തൈക്കാട് സര്‍ക്കാര്‍ ആശുപത്രിയിൽ അർധരാത്രിയിൽ ചികിത്സ തേടി എത്തിയ എട്ടു മാസം പ്രായമായ ഗർഭിണിക്ക് ചികിത്സ നിഷേധിച്ചതിനെ തുടർന്ന് കുഞ്ഞ് മരിച്ചതായി പരാതി. കഴക്കൂട്ടം സ്വദേശി പവിത്രയും കുടുംബവുമാണ് പരാതിയുമായി രംഗത്തെത്തിയത്. കുഞ്ഞിന് അനക്കമില്ലെന്ന് കണ്ടതോടെയാണ് ഇവർ തൈക്കാട് സര്‍ക്കാര്‍ ആശുപത്രിയിലെത്തിയത്. കാര്യമായ പരിശോധനകൾ നടത്താതെ കുഞ്ഞ് ഉറങ്ങുകയാണെന്ന് പറഞ്ഞ് ഡ്യൂട്ടി ഡോക്ടര്‍ തിരിച്ചയച്ചു എന്നാണ് ബന്ധുക്കൾ പറയുന്നത്. പിറ്റേന്ന് സ്വകാര്യ ലാബില്‍ നടത്തിയ പരിശോധനയിലാണ് കുഞ്ഞ് മരിച്ചെന്ന് മനസിലാക്കുന്നത്. തുടർന്ന് SAT ആശുപത്രിയിൽ ശസ്ത്രക്രിയ നടത്തി കുഞ്ഞിനെ പുറത്തെടുക്കുകയായിരുന്നു.

Kerala220 days ago

രാജസ്ഥാനില്‍ ഖനിയിലെ ലിഫ്റ്റ് തകര്‍ന്ന് അപകടം; കുടുങ്ങിക്കിടന്ന 14 പേരെയും രക്ഷപ്പെടുത്തി

രാജസ്ഥാനിലെ ജുന്‍ജുനു ജില്ലയിലെ ഹിന്ദുസ്ഥാന്‍ കോപ്പര്‍ ലിമിറ്റഡിന്റെ കോലിഹാന്‍ ഖനിയില്‍ ഇന്നലെ രാത്രിയോടെയാണ് ലിഫ്റ്റ് തകര്‍ന്ന് അപകടമുണ്ടായത്. തുടര്‍ന്ന് നടത്തിയ രക്ഷാപ്രവര്‍ത്തനത്തില്‍ കൊല്‍ക്കത്ത വിജിലന്‍സ് ടീം അംഗങ്ങള്‍ ഉള്‍പ്പെടെ ഖനിയില്‍ കുടുങ്ങിയ 14 പേരെ രക്ഷപ്പെടുത്തി. അപകടത്തില്‍ ഗുരുതരമായി പരിക്കേറ്റ മൂന്ന് പേരെ ജയ്പൂരിലെ ആശുപത്രിയില്‍ പ്രവേശിപ്പിച്ചു.

National224 days ago

രാജസ്ഥാനില്‍ ഗർഭിണിയെ ആശുപത്രിയിൽ പ്രവേശിപ്പിക്കാത്തതിനെ തുടര്‍ന്ന് 3 ഡോക്ടർമാരെ പിരിച്ചുവിട്ടു

ജയ്പുർ കാൺവടിയ സര്‍ക്കാര്‍ ആശുപത്രിയിൽ പ്രസവ വേദനയെ തുടർന്ന് എത്തിയ യുവതിയെ പ്രവേശിപ്പിക്കാൻ ഡോക്ടർമാര്‍ വിസമ്മതിച്ചതിനെ തുടര്‍ന്നാണ് ഇവരെ പിരിച്ചുവിട്ടത്. തുടർന്ന് മടങ്ങിപ്പോകുന്നതിനിടെ യുവതി പ്രസവവേദന മൂർച്ഛിച്ച് ആശുപത്രി ഗേറ്റിൽ പെൺകുഞ്ഞിന് ജന്മം നൽകി. ആംബുലൻസ് ചോദിച്ചു എങ്കിലും അതും നല്‍കാന്‍ തയ്യാറായില്ല. സംഭവത്തില്‍ ആശുപത്രി സൂപ്രണ്ടിന് ആരോഗ്യ വകുപ്പ് കാരണം കാണിക്കൽ നോട്ടീസ് നല്‍കിയിട്ടുണ്ട്.

National264 days ago

രാജസ്ഥാനില്‍ ട്രെയിന്‍ പാളം തെറ്റി; അപകടത്തില്‍ ആളപായമില്ല

ഇന്ന് പുലര്‍ച്ചെ ഒരു മണിയോടെ അജ്മീറിലെ മദാര്‍ റെയില്‍വേ സ്റ്റേഷന് സമീപമായിരുന്നു അപകടം. സബര്‍മതി-ആഗ്ര കന്റോണ്‍മെന്റ് സൂപ്പര്‍ ഫാസ്റ്റ് ട്രെയിനിന്റെ എഞ്ചിനും നാല് കോച്ചുകളുമാണ് പാളം തെറ്റിയത്. ഇതേ തുടര്‍ന്ന് മറ്റു ട്രെയിനുകള്‍ വഴിതിരിച്ചു വിട്ടു. റെയില്‍വേ അധികൃതര്‍ തകര്‍ന്ന പാളം പുനസ്ഥാപിക്കാന്‍ ശ്രമിക്കുകയാണ്.

National282 days ago

രാജസ്ഥാനിലെ BJP എംപി കോണ്‍ഗ്രസില്‍ ചേര്‍ന്നു

രാജസ്ഥാനിലെ ചുരുവില്‍ നിന്നുള്ള BJP എംപി രാഹുല്‍ കസ്വാനാണ് പാര്‍ട്ടി അധ്യക്ഷന്‍ മല്ലികാര്‍ജുന്‍ ഖാര്‍ഗെയുടെ സാന്നിധ്യത്തില്‍ കോണ്‍ഗ്രസില്‍ ചേര്‍ന്നത്. വരാനിരിക്കുന്ന ലോക്സഭാ തിരഞ്ഞെടുപ്പില്‍ രാഹുല്‍ കസ്വാന് BJP സീറ്റ് നിഷേധിച്ചിരുന്നു. ഇതിന് പിന്നാലെയാണ് അദ്ദേഹം BJP പ്രാഥമിക അംഗത്വത്തില്‍ നിന്നും MP സ്ഥാനത്ത് നിന്നും രാജി പ്രഖ്യാപിച്ചത്.

National289 days ago

രാജസ്ഥാനില്‍ ശിവരാത്രി ആഘോഷങ്ങള്‍ക്കിടെ 15 കുട്ടികള്‍ക്ക് ഷോക്കേറ്റു; മൂന്ന് പേരുടെ നില ഗുരുതരം

കോട്ടയില്‍ മഹാശിവരാത്രിയോട് അനുബന്ധിച്ച് നടന്ന ശിവഘോഷ യാത്രക്കിടെയാണ് കുട്ടികള്‍ക്ക് ഷോക്കേറ്റത്. ഗുരുതരമായി പരിക്കേറ്റ മൂന്ന് കുട്ടികളെയും MBS ആശുപത്രിയില്‍ പ്രവേശിപ്പിച്ചു. വൈദ്യുത വകുപ്പിന്റെ അനാസ്ഥയെ തുടര്‍ന്നാണ് അപകടമുണ്ടായതെന്നാണ് നാട്ടുകാരുടെ ആരോപണം.

National292 days ago