രാജസ്ഥാനില്‍ ശിവരാത്രി ആഘോഷങ്ങള്‍ക്കിടെ 15 കുട്ടികള്‍ക്ക് ഷോക്കേറ്റു; മൂന്ന് പേരുടെ നില ഗുരുതരം

കോട്ടയില്‍ മഹാശിവരാത്രിയോട് അനുബന്ധിച്ച് നടന്ന ശിവഘോഷ യാത്രക്കിടെയാണ് കുട്ടികള്‍ക്ക് ഷോക്കേറ്റത്. ഗുരുതരമായി പരിക്കേറ്റ മൂന്ന് കുട്ടികളെയും MBS ആശുപത്രിയില്‍ പ്രവേശിപ്പിച്ചു. വൈദ്യുത വകുപ്പിന്റെ അനാസ്ഥയെ തുടര്‍ന്നാണ് അപകടമുണ്ടായതെന്നാണ് നാട്ടുകാരുടെ ആരോപണം.

National409 days ago

വൈദ്യുതി കമ്പി പൊട്ടിവീണ് മരിച്ച യുവാവിന്റെ കുടുംബത്തിന് 16 ലക്ഷം രൂപ ധനസഹായം നല്‍കും

വയനാട്ടില്‍ വൈദ്യുതി കമ്പി പൊട്ടിവീണ് മരിച്ച സുധന്റെ കുടുംബത്തിന് സര്‍ക്കാര്‍ 16 ലക്ഷം രൂപ ധനസഹായം പ്രഖ്യാപിച്ചു. KSEB 10 ലക്ഷവും റവന്യൂ വകുപ്പ് 4 ലക്ഷവും പട്ടികവര്‍ഗ വകുപ്പ് 2 ലക്ഷം രൂപ വീതവുമാണ് നഷ്ടപരിഹാരം നല്‍കുക. സുധന്റെ ഭാര്യയ്ക്കു ജോലി നല്‍കുന്നതുമായി ബന്ധപ്പെട്ട് സര്‍ക്കാരിന് ശുപാര്‍ശ നല്‍കുമെന്നു തഹസില്‍ദാര്‍ അറിയിച്ചിട്ടുണ്ട്. ചൊവ്വാഴ്ച്ച ഉച്ചതിരിഞ്ഞാണ് വയനാട് പുല്‍പ്പള്ളിയില്‍ ചീയമ്പം 73 കോളനി സ്വദേശിയായ സുധന്‍ (32) വയലിലൂടെ നടന്നുവരുന്നതിനിടെ വൈദ്യുത കമ്പിയില്‍ നിന്ന് ഷോക്കേറ്റ് മരിച്ചത്.

Kerala278 days ago

കിഡ്നി മാറി ശസ്ത്രക്രിയ ചെയ്ത സംഭവം: രാജസ്ഥാൻ പോലീസ് കേസെടുത്തു

മെയ് 15-ന് ജുൻജുനുവിലെ ഒരു സ്വകാര്യ ആശുപത്രിയിൽ വൃക്ക തകരാറിലായതിനെ തുടർന്ന് ചികിത്സയ്ക്കെത്തിയ യുവതിയുടെ വൃക്ക മാറി നീക്കം ചെയ്ത സംഭവത്തിൽ പോലീസ് മെഡിക്കൽ അശ്രദ്ധയ്ക്ക് കേസെടുത്തു. തകരാറുള്ള ഇടത് വൃക്കയ്ക്ക് പകരം വലത് വൃക്കയാണ് ശസ്ത്രക്രിയയിലൂടെ നീക്കം ചെയ്തത്. ആരോപണവിധേയനായ ഡോക്ടർ സഞ്ജയ് ധങ്കറിനെതിരെ കോട്വാലി പോലീസ് സ്റ്റേഷനിൽ FIR ഫയൽ ചെയ്തു.

National323 days ago

രാജസ്ഥാനില്‍ ഉഷ്ണതരംഗം തുടരുന്നു; ജയ്പൂരില്‍ മൂന്ന് മരണം

രാജസ്ഥാനില്‍ തുടര്‍ച്ചയായ 17ാം ദിവസവും ഉഷ്ണതരംഗം തുടരുകയാണെന്ന് അധികൃതര്‍ അറിയിച്ചു. 3965 സൂര്യാതപ കേസുകളാണ് തിങ്കളാഴ്ച വരെ റിപ്പോര്‍ട്ട് ചെയ്തത്. ഇതില്‍ 25 ശതമാനത്തിലധികം സൂര്യാതപ കേസുകളും കഴിഞ്ഞ രണ്ട് ദിവസങ്ങളിലായി റിപ്പോര്‍ട്ട് ചെയ്തതാണെന്നാണ് ആരോഗ്യ വകുപ്പ് പറയുന്നത്. ഉഷ്ണതരംഗ സാഹചര്യം തുടരുന്ന പശ്ചാത്തലത്തില്‍ ആരോഗ്യമന്ത്രി ഗജേന്ദ്ര സിങ് ഖിന്‍വ്സര്‍ ഡോക്ടര്‍മാരുമായി കൂടിക്കാഴ്ച നടത്തി.

National327 days ago

രാജസ്ഥാനില്‍ ഖനിയിലെ ലിഫ്റ്റ് തകര്‍ന്ന് അപകടം; കുടുങ്ങിക്കിടന്ന 14 പേരെയും രക്ഷപ്പെടുത്തി

രാജസ്ഥാനിലെ ജുന്‍ജുനു ജില്ലയിലെ ഹിന്ദുസ്ഥാന്‍ കോപ്പര്‍ ലിമിറ്റഡിന്റെ കോലിഹാന്‍ ഖനിയില്‍ ഇന്നലെ രാത്രിയോടെയാണ് ലിഫ്റ്റ് തകര്‍ന്ന് അപകടമുണ്ടായത്. തുടര്‍ന്ന് നടത്തിയ രക്ഷാപ്രവര്‍ത്തനത്തില്‍ കൊല്‍ക്കത്ത വിജിലന്‍സ് ടീം അംഗങ്ങള്‍ ഉള്‍പ്പെടെ ഖനിയില്‍ കുടുങ്ങിയ 14 പേരെ രക്ഷപ്പെടുത്തി. അപകടത്തില്‍ ഗുരുതരമായി പരിക്കേറ്റ മൂന്ന് പേരെ ജയ്പൂരിലെ ആശുപത്രിയില്‍ പ്രവേശിപ്പിച്ചു.

National341 days ago

ആന്ധ്രാപ്രദേശില്‍ രഥയാത്രയ്ക്കിടെ വൈദ്യുതാഘാതമേറ്റ് 13 കുട്ടികള്‍ക്ക് പരിക്ക്

ആന്ധ്രാപ്രദേശിലെ കുര്‍ണൂല്‍ ജില്ലയിലെ തേക്കൂര്‍ ഗ്രാമത്തില്‍ ഉഗാദി ഘോഷയാത്രയുടെ ഭാഗമായുള്ള രഥ പ്രദക്ഷണത്തിനിടെയാണ് അപകടമുണ്ടായത്. ഘോഷയാത്രയ്ക്കിടെ രഥം ഹൈ-വോള്‍ട്ടേജ് ഇലക്ട്രിക് വയറില്‍ കൂട്ടിമുട്ടിയാണ് 13 കുട്ടികള്‍ക്ക് പരിക്കേറ്റത്. വൈദ്യുതാഘാതമേറ്റ കുട്ടികളെ ഉടന്‍ തന്നെ കുര്‍ണൂലിലെ ആശുപത്രിയില്‍ പ്രവേശിപ്പിച്ചു. നിലവില്‍ കുട്ടികളുടെ ജീവന് ഭീഷണിയില്ലെന്ന് ഡോക്ടര്‍മാര്‍ സ്ഥിരീകരിച്ചു. തെലുങ്ക് കലണ്ടറിലെ പുതുവര്‍ഷത്തിന്റെ തുടക്കമാണ് ഉഗാദി.

National375 days ago

രാജസ്ഥാനില്‍ ഗർഭിണിയെ ആശുപത്രിയിൽ പ്രവേശിപ്പിക്കാത്തതിനെ തുടര്‍ന്ന് 3 ഡോക്ടർമാരെ പിരിച്ചുവിട്ടു

ജയ്പുർ കാൺവടിയ സര്‍ക്കാര്‍ ആശുപത്രിയിൽ പ്രസവ വേദനയെ തുടർന്ന് എത്തിയ യുവതിയെ പ്രവേശിപ്പിക്കാൻ ഡോക്ടർമാര്‍ വിസമ്മതിച്ചതിനെ തുടര്‍ന്നാണ് ഇവരെ പിരിച്ചുവിട്ടത്. തുടർന്ന് മടങ്ങിപ്പോകുന്നതിനിടെ യുവതി പ്രസവവേദന മൂർച്ഛിച്ച് ആശുപത്രി ഗേറ്റിൽ പെൺകുഞ്ഞിന് ജന്മം നൽകി. ആംബുലൻസ് ചോദിച്ചു എങ്കിലും അതും നല്‍കാന്‍ തയ്യാറായില്ല. സംഭവത്തില്‍ ആശുപത്രി സൂപ്രണ്ടിന് ആരോഗ്യ വകുപ്പ് കാരണം കാണിക്കൽ നോട്ടീസ് നല്‍കിയിട്ടുണ്ട്.

National381 days ago

രാജസ്ഥാനില്‍ ട്രെയിന്‍ പാളം തെറ്റി; അപകടത്തില്‍ ആളപായമില്ല

ഇന്ന് പുലര്‍ച്ചെ ഒരു മണിയോടെ അജ്മീറിലെ മദാര്‍ റെയില്‍വേ സ്റ്റേഷന് സമീപമായിരുന്നു അപകടം. സബര്‍മതി-ആഗ്ര കന്റോണ്‍മെന്റ് സൂപ്പര്‍ ഫാസ്റ്റ് ട്രെയിനിന്റെ എഞ്ചിനും നാല് കോച്ചുകളുമാണ് പാളം തെറ്റിയത്. ഇതേ തുടര്‍ന്ന് മറ്റു ട്രെയിനുകള്‍ വഴിതിരിച്ചു വിട്ടു. റെയില്‍വേ അധികൃതര്‍ തകര്‍ന്ന പാളം പുനസ്ഥാപിക്കാന്‍ ശ്രമിക്കുകയാണ്.

National399 days ago

രാജസ്ഥാനിലെ BJP എംപി കോണ്‍ഗ്രസില്‍ ചേര്‍ന്നു

രാജസ്ഥാനിലെ ചുരുവില്‍ നിന്നുള്ള BJP എംപി രാഹുല്‍ കസ്വാനാണ് പാര്‍ട്ടി അധ്യക്ഷന്‍ മല്ലികാര്‍ജുന്‍ ഖാര്‍ഗെയുടെ സാന്നിധ്യത്തില്‍ കോണ്‍ഗ്രസില്‍ ചേര്‍ന്നത്. വരാനിരിക്കുന്ന ലോക്സഭാ തിരഞ്ഞെടുപ്പില്‍ രാഹുല്‍ കസ്വാന് BJP സീറ്റ് നിഷേധിച്ചിരുന്നു. ഇതിന് പിന്നാലെയാണ് അദ്ദേഹം BJP പ്രാഥമിക അംഗത്വത്തില്‍ നിന്നും MP സ്ഥാനത്ത് നിന്നും രാജി പ്രഖ്യാപിച്ചത്.

National406 days ago

രാജസ്ഥാനില്‍ കേരള പോലീസ് സംഘത്തിന് നേരെ വെടിവെപ്പ്

സ്വര്‍ണ കവര്‍ച്ചാ സംഘത്തെ പിടികൂടാന്‍ എറണാകുളത്ത് നിന്നെത്തിയ പോലീസ് സംഘത്തിനു നേരെ അജ്മീര്‍ ദര്‍ഗ പോലീസ് സ്റ്റേഷന്‍ പരിധിയിലാണ് വെടിവെപ്പുണ്ടായത്. അക്രമികള്‍ പൊലീസുകാര്‍ക്ക് നേരെ മൂന്ന് റൗണ്ട് വെടിവെച്ചു. അതേസമയം ഉദ്യോഗസ്ഥര്‍ക്ക് പരിക്കേറ്റിട്ടില്ലെന്ന് ആലുവ റൂറല്‍ SP അറിയിച്ചു. സംഭവത്തില്‍ ഉത്തരാഖണ്ഡ് സ്വദേശികളായ ഷെഹ്സാദ്, സാജിദ് എന്നിവരെ അറസ്റ്റ് ചെയ്തു.

Kerala425 days ago

സ്‌കൂളുകളില്‍ സൂര്യ നമസ്‌കാരം നിര്‍ബന്ധമാക്കി രാജസ്ഥാന്‍; തീരുമാനത്തിനെതിരെ വിവധ സംഘടനകള്‍

സൂര്യസപ്തി ദിവസമായ ഫെബ്രുവരി 15 മുതല്‍ സംസ്ഥാനത്തെ എല്ലാ സ്‌കൂളുകളിലും സൂര്യനമസ്‌കാരം നിര്‍ബന്ധമാക്കി മുഖ്യമന്ത്രി ഭജന്‍ ലാല്‍ ശര്‍മ്മയാണ് ഉത്തരവിറക്കിയത്. തീരുമാനം നടപ്പാക്കാത്ത സ്‌കൂളുകള്‍ക്കെതിരെ നടപടി എടുക്കുമെന്നും മുന്നറിയിപ്പ് നല്‍കിയിട്ടുണ്ട്. സര്‍ക്കാര്‍ ഉത്തരവ് റദ്ദാക്കണമെന്ന് ആവശ്യപ്പെട്ട് മുസ്ലീം സംഘടനകള്‍ ഉള്‍പ്പടെ വിവിധ സംഘടനകള്‍ ഹൈക്കോടതിയില്‍ പൊതു താല്‍പ്പര്യ ഹര്‍ജി ഫയല്‍ ചെയ്തിട്ടുണ്ട്.

National432 days ago