ആള്‍ക്കൂട്ട ആക്രമണം; കിര്‍ഗിസ്ഥാനിലെ വിദ്യാര്‍ത്ഥികള്‍ക്ക് നിര്‍ദേശവുമായി ഇന്ത്യന്‍ എംബസി

കിര്‍ഗിസ്ഥാനില്‍ വിദേശ വിദ്യാര്‍ത്ഥികളെ ലക്ഷ്യമിട്ട് ആള്‍ക്കൂട്ട ആക്രമണങ്ങളുണ്ടായ പശ്ചാത്തലത്തില്‍ ഇന്ത്യന്‍ വിദ്യാര്‍ത്ഥികള്‍ തല്‍ക്കാലം വീടിനുള്ളില്‍ തന്നെ തുടരണമെന്നാണ് ഇന്ത്യന്‍ എംബസി നിര്‍ദേശിച്ചിരിക്കുന്നത്. വിദ്യാര്‍ത്ഥികളുമായി സമ്പര്‍ക്കം പുലര്‍ത്തുന്നുണ്ട്. സ്ഥിതിഗതികള്‍ ഇപ്പോള്‍ ശാന്തമാണ്. എങ്കിലും വിദ്യാര്‍ത്ഥികള്‍ വീടിനുള്ളില്‍ തന്നെ തുടരാനും എന്തെങ്കിലും പ്രശ്‌നമുണ്ടായാല്‍ 0555710041 എന്ന നമ്പറില്‍ ബന്ധപ്പെടണമെന്നും എംബസി അറിയിച്ചു.

World221 days ago

ലെബനനിലേക്കുള്ള യാത്ര ഒഴിവാക്കണം: ഇന്ത്യൻ എംബസി

ഇസ്രായേൽ - ലെബനൻ സംഘർഷം രൂക്ഷമായ സാഹചര്യത്തിൽ ലെബനനിലേക്ക് യാത്ര ചെയ്യരുതെന്ന് ബെയ്റൂട്ടിലെ ഇന്ത്യൻ എംബസി നിർദേശം നൽകി. നാലു ദിവസത്തെ വ്യോമാക്രമണത്തിന് പിന്നാലെ ലെബനനിലേക്ക് ഇസ്രായേൽ സൈന്യം കരമാർഗം ആക്രമണം നടത്തിയേക്കുമെന്ന വാർത്തകൾക്കിടയിലാണ് സംഭവം. 2024 ഓഗസ്റ്റ് ഒന്നിന് ഇന്ത്യൻ എംബസി ലെബനനിലേക്ക് യാത്ര ഒഴിവാക്കണമെന്ന് ഇന്ത്യക്കാരോട് ആവശ്യപ്പെട്ടിരുന്നു. ഏതാനും ദിവസങ്ങളായി ലെബനനിൽ സംഘർഷം രൂക്ഷമാകുന്ന സ്ഥിതിയാണ് ഉണ്ടായത്. ലെബനനിലുള്ള ഇന്ത്യക്കാരോട് രാജ്യം വിടണം എന്ന് നേരത്തെ തന്നെ ആവശ്യപ്പെട്ടിരുന്നു.

World89 days ago

യുഎസില്‍ ഇന്ത്യന്‍ എംബസി ഉദ്യോഗസ്ഥനെ മരിച്ച നിലയില്‍ കണ്ടെത്തി

ഇന്ത്യന്‍ എംബസി ഉദ്യോഗസ്ഥനെ വാഷിംഗ്ടണിലെ മിഷന്‍ പരിസരത്ത് ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. കുടുംബത്തിന്റെ സ്വകാര്യതയെ ഓര്‍ത്ത് മരണപ്പെട്ടയാളെ സംബന്ധിച്ച കൂടുതല്‍ വിവരങ്ങള്‍ പുറത്തുവിടുന്നില്ലെന്നും ഭൗതിക ശരീരം ഇന്ത്യയിലേക്ക് എത്തിക്കുന്നതിനായി ബന്ധപ്പെട്ട ഏജന്‍സികളുമായും കുടുംബാംഗങ്ങളുമായും ബന്ധപ്പെടുന്നുണ്ടെന്നും എംബസി ഔദ്യോഗിക പ്രസ്താവനയിലൂടെ അറിയിച്ചു. പോലീസും രഹസ്യാന്വേഷണ വിഭാഗവും സംഭവത്തില്‍ അന്വേഷണം നടത്തുന്നുണ്ട്.

National95 days ago

ഇസ്രായേലിലെ ഇന്ത്യക്കാര്‍ക്ക് മുന്നറിയിപ്പുമായി ഇന്ത്യന്‍ എംബസി

ഇസ്രായേലും ഹമാസും തമ്മിലുള്ള സംഘര്‍ഷം രൂക്ഷമായതോടെയാണ്‌ ഇന്ത്യന്‍ എംബസി പൗരന്മാര്‍ക്ക് മുന്നറിയിപ്പ് നല്‍കിയത്. ജാഗ്രത പാലിക്കാനും അനാവശ്യ യാത്രകള്‍ ഒഴിവാക്കാനുമാണ് എംബസി പൗരന്മാരോട് നിര്‍ദേശിച്ചത്. പ്രാദേശിക അധികാരികളുടെ ഉപദേശപ്രകാരം സുരക്ഷാ പ്രോട്ടോക്കോളുകള്‍ പാലിക്കണമെന്നും എബസി എക്‌സില്‍ പോസ്റ്റ് ചെയ്ത കുറിപ്പില്‍ പറയുന്നു.

World144 days ago

ലെബനിനുള്ള ഇന്ത്യക്കാര്‍ക്കും സന്ദര്‍ശകര്‍ക്കും മുന്നറിയിപ്പുമായി ഇന്ത്യന്‍ എംബസി

ഇസ്രായേലും ഹിസ്ബുള്ളയും തമ്മിലുള്ള സംഘര്‍ഷം ലെബനന്‍ മേഖലയില്‍ രൂക്ഷമാകുന്നതിനെ തുടര്‍ന്നാണ് ബെയ്റൂട്ടിലെ ഇന്ത്യന്‍ എംബസി മുന്നറിയിപ്പ് നല്‍കിയിരിക്കുന്നത്. ലെബനനിലൂടെയുള്ള യാത്രകളില്‍ പൗരന്മാര്‍ ജാഗ്രത പാലിക്കണമെന്നും ബെയ്റൂട്ടിലെ ഇന്ത്യന്‍ എംബസിയുമായി ബന്ധം പുലര്‍ത്തണമെന്നും വിദേശകാര്യ മന്ത്രാലയം ആവശ്യപ്പെട്ടു. ശനിയാഴ്ച ഇസ്രായേലിന്റെ അധീനതയിലുള്ള ഗോലാന്‍ കുന്നുകളില്‍ ഹിസ്ബുള്ള നടത്തിയ റോക്കറ്റ് ആക്രമണത്തില്‍ കുട്ടികളടക്കം 12 കൗമാരക്കാര്‍ കൊല്ലപ്പെട്ടിരുന്നു. ഇതേ തുടര്‍ന്നാണ് സംഘര്‍ഷം വീണ്ടും രൂക്ഷമായത്.

World148 days ago

അമേരിക്കയില്‍ വെള്ളച്ചാട്ടത്തില്‍ വീണ് ഇന്ത്യന്‍ വിദ്യാര്‍ത്ഥി മരിച്ചു

തെലങ്കാന സ്വദേശിയായ സായി സൂര്യ അവിനാഷാണ് മരിച്ചത്. ട്രൈന്‍ സര്‍വകലാശാലയിലെ വിദ്യാര്‍ത്ഥിയായിരുന്നു. അവധിക്കാലം ആഘോഷിക്കാനായി അല്‍ബാനിക്ക് സമീപമുള്ള ബാര്‍ബെ വില്ല വെള്ളച്ചാട്ടത്തിലെത്തിയ സായിയും സുഹൃത്തുമാണ് അപകടത്തില്‍പ്പെട്ടത്. സുഹൃത്തിനെ സ്ഥലത്തുണ്ടായിരുന്നവര്‍ രക്ഷപ്പെടുത്തുകയായിരുന്നു. മുങ്ങല്‍ വിദഗ്ധര്‍ എത്തിയാണ് സായിയുടെ മൃതദേഹം പുറത്തെടുത്തത്.Read More

World168 days ago

ഇന്ത്യന്‍ സ്റ്റുഡന്റ്‌സ് വിസകള്‍ക്ക് മുന്‍ഗണന നല്‍കുന്നതായി ഇന്ത്യയിലെ US അംബാസഡര്‍

ഇന്ത്യന്‍ സ്റ്റുഡന്‍സിന്റെ വിസ കാത്തിരിപ്പ് സമയം കുറയ്ക്കാന്‍ പ്രസിഡന്റ് ജോ ബൈഡന്‍ നിര്‍ദേശം നല്‍കിയതായി ഇന്ത്യയിലെ US അംബാസഡര്‍ എറിക് ഗാര്‍സെറ്റി പറഞ്ഞു. അമേരിക്കന്‍ ചരിത്രത്തില്‍ ആദ്യമായാണ് ഒരു പ്രസിഡന്റ് ഇത്തരത്തില്‍ ഒരു നിര്‍ദേശം നല്‍കുന്നതെന്നും അദ്ദേഹം പറഞ്ഞു. കൂടുതല്‍ ഇന്ത്യന്‍ വിദ്യാര്‍ത്ഥികളെ USല്‍ എത്തിക്കാനാണ് ലക്ഷ്യം. 2022ല്‍ ഇന്ത്യയിലെ US കോണ്‍സുലര്‍ ടീം 1,40,000 സ്റ്റുഡന്റ് വിസകളാണ് അനുവദിച്ചത്.

National238 days ago

US പഠിക്കാന്‍ സുരക്ഷിതമാണെന്ന് ഇന്ത്യയിലെ US അംബാസിഡര്‍ എറിക് ഗാര്‍സെറ്റി

USല്‍ പഠിക്കാനെത്തുന്ന ഇന്ത്യന്‍ വിദ്യാര്‍ത്ഥികള്‍ സുരക്ഷിതരാണെന്നും അവരുടെ ക്ഷേമത്തിനായി US എപ്പോഴും ശ്രദ്ധിക്കാറുണ്ടെന്നും അംബാസിഡര്‍ എറിക് ഗാര്‍സെറ്റി പറഞ്ഞു. USല്‍ ഈ വര്‍ഷം ആറോളം ഇന്ത്യന്‍ വിദ്യാര്‍ത്ഥികള്‍ കൊല്ലപ്പെട്ടതിന്റെ പശ്ചാത്തലത്തിലാണ് അദ്ദേഹത്തിന്റെ പ്രതികരണം. ഇന്ത്യന്‍ വിദ്യാര്‍ത്ഥികള്‍ക്ക് വിസ ലഭിക്കുന്നതിനുള്ള ബുദ്ധിമുട്ട് പ്രസിഡന്റ് ജോ ബൈഡന്റെ നിര്‍ദേശ പ്രകാരം പരിഹരിച്ചിട്ടുണ്ടെന്നും അദ്ദേഹം വ്യക്തമാക്കി.

World242 days ago

പാലസ്തീന്‍ അനുകൂല പ്രതിഷേധം നടത്തി; USല്‍ ഇന്ത്യന്‍ വംശജയായ വിദ്യാര്‍ത്ഥിനി അറസ്റ്റില്‍

USലെ പ്രിന്‍സ്റ്റണ്‍ യൂണിവേഴ്‌സിറ്റിയില്‍ പാലസ്തീനെ അനുകൂലിച്ച് പ്രതിഷേധം നടത്തിയതിനാണ് കോയമ്പത്തൂര്‍ സ്വദേശിയായ അചിന്ത്യ ശിവലിംഗ് അറസ്റ്റിലായത്. വ്യാഴാഴ്ച യൂണിവേഴ്‌സിറ്റിയുടെ മുറ്റത്ത് അധികൃതരുടെ മുന്നറിയിപ്പ് അവഗണിച്ച് ടെന്റ് കെട്ടുകയായിരുന്ന പ്രതിഷേധക്കാരെയാണ് അറസ്റ്റ് ചെയ്ത് നീക്കിയത്. ഗസയില്‍ ഉള്‍പ്പടെ ഇസ്രായേല്‍ നടത്തുന്ന ആക്രമണങ്ങള്‍ക്കെതിരെ USലെ വിവിധ യൂണിവേഴ്‌സിറ്റികളില്‍ വലിയ പ്രതിഷേധമാണ് നടക്കുന്നത്.

World243 days ago

കിര്‍ഗിസ്ഥാനില്‍ മഞ്ഞുറഞ്ഞ വെള്ളച്ചാട്ടത്തില്‍പ്പെട്ട് ഇന്ത്യക്കാരനായ മെഡിക്കല്‍ വിദ്യാര്‍ത്ഥി മരിച്ചു

കിര്‍ഗിസ്ഥാനിലെ ഒരു മെഡിക്കല്‍ കോളേജിലെ രണ്ടാം വര്‍ഷ മെഡിക്കല്‍ വിദ്യാര്‍ത്ഥിയായിരുന്ന ആന്ധ്രാപ്രദേശ് അനകപെല്ല സ്വദേശിയായ ദസരി ചന്ദു(21) ആണ് മരിച്ചത്. ആന്ധ്ര സ്വദേശികളായ മറ്റ് നാല് വിദ്യാര്‍ത്ഥികള്‍ക്കൊപ്പമായിരുന്നു വെള്ളച്ചാട്ടം സന്ദര്‍ശിക്കാനെത്തിയത്. പിന്നാലെ വെള്ളച്ചാട്ടത്തില്‍ കുളിക്കുന്നതിനിടെ ചന്ദു മഞ്ഞുപാളിയില്‍ അകപ്പെടുകയായിരുന്നു.

World245 days ago

ഇസ്രായേല്‍ – ഇറാന്‍ സംഘര്‍ഷം; പൗരന്മാര്‍ക്ക് മുന്നറിയിപ്പ് നല്‍കി ഇന്ത്യന്‍ എംബസി

പ്രാദേശിക അധികാരികള്‍ പുറപ്പെടുവിക്കുന്ന സുരക്ഷാ പ്രോട്ടോക്കോളുകള്‍ പാലിക്കണമെന്നും ശാന്തത പാലിക്കണമെന്നും ഇസ്രായേലിലെ ഇന്ത്യന്‍ എംബസി പൗരന്മാരോട് അഭ്യര്‍ത്ഥിച്ചു. സ്ഥിതിഗതികള്‍ സൂക്ഷ്മമായി നിരീക്ഷിച്ചു വരികയാണെന്നും സുരക്ഷ ഉറപ്പാക്കാന്‍ അധികൃതരുമായി ബന്ധപ്പെട്ടിട്ടുണ്ടെന്നും 24 X 7 എമര്‍ജന്‍സി ഹെല്‍പ്പ്ലൈന്‍ സംവിധാനം ഏര്‍പ്പെടുത്തിയിട്ടുണ്ടെന്നും എംബസി അറിയിച്ചു. ഇനിയും എംബസിയില്‍ രജിസ്റ്റര്‍ ചെയ്തിട്ടില്ലാത്ത ഇന്ത്യന്‍ പൗരന്മാര്‍ എത്രയും വേഗം ചെയ്യണമെന്നും എംബസി നിര്‍ദേശിച്ചു.

World255 days ago