ലെബനിനുള്ള ഇന്ത്യക്കാര്‍ക്കും സന്ദര്‍ശകര്‍ക്കും മുന്നറിയിപ്പുമായി ഇന്ത്യന്‍ എംബസി

ഇസ്രായേലും ഹിസ്ബുള്ളയും തമ്മിലുള്ള സംഘര്‍ഷം ലെബനന്‍ മേഖലയില്‍ രൂക്ഷമാകുന്നതിനെ തുടര്‍ന്നാണ് ബെയ്റൂട്ടിലെ ഇന്ത്യന്‍ എംബസി മുന്നറിയിപ്പ് നല്‍കിയിരിക്കുന്നത്. ലെബനനിലൂടെയുള്ള യാത്രകളില്‍ പൗരന്മാര്‍ ജാഗ്രത പാലിക്കണമെന്നും ബെയ്റൂട്ടിലെ ഇന്ത്യന്‍ എംബസിയുമായി ബന്ധം പുലര്‍ത്തണമെന്നും വിദേശകാര്യ മന്ത്രാലയം ആവശ്യപ്പെട്ടു. ശനിയാഴ്ച ഇസ്രായേലിന്റെ അധീനതയിലുള്ള ഗോലാന്‍ കുന്നുകളില്‍ ഹിസ്ബുള്ള നടത്തിയ റോക്കറ്റ് ആക്രമണത്തില്‍ കുട്ടികളടക്കം 12 കൗമാരക്കാര്‍ കൊല്ലപ്പെട്ടിരുന്നു. ഇതേ തുടര്‍ന്നാണ് സംഘര്‍ഷം വീണ്ടും രൂക്ഷമായത്.

World148 days ago

ലെബനനില്‍ വീണ്ടും ആക്രമണം; വെടിനിര്‍ത്തല്‍ പദ്ധതി നിരസിച്ച് ഇസ്രായേല്‍

ഇന്നലെ ഹിസ്ബുള്ളയുമായുള്ള വെടിനിര്‍ത്തലിനുള്ള ആഗോള ആഹ്വാനങ്ങള്‍ നിരസിച്ച് ഇസ്രായേല്‍ വീണ്ടും ആക്രമണം നടത്തി. ആക്രമണത്തില്‍ ലെബനനില്‍ നൂറുകണക്കിന് ആളുകള്‍ കൊല്ലപ്പെട്ടു. ബെയ്‌റൂത്തില്‍ ഇസ്രായേല്‍ നടത്തിയ വ്യോമാക്രമണത്തില്‍ ഹിസ്ബുള്ളയുടെ മറ്റൊരു കമാന്‍ഡര്‍ കൂടി കൊല്ലപ്പെട്ടു. ഡ്രോണ്‍ വിഭാഗം തലവന്‍ മുഹമ്മദ് ഹുസൈന്‍ സ്രോര്‍ ആണ് കൊല്ലപ്പെട്ടതെന്നാണ് റിപ്പോര്‍ട്ട്.

World88 days ago

ലെബനനിലേക്കുള്ള യാത്ര ഒഴിവാക്കണം: ഇന്ത്യൻ എംബസി

ഇസ്രായേൽ - ലെബനൻ സംഘർഷം രൂക്ഷമായ സാഹചര്യത്തിൽ ലെബനനിലേക്ക് യാത്ര ചെയ്യരുതെന്ന് ബെയ്റൂട്ടിലെ ഇന്ത്യൻ എംബസി നിർദേശം നൽകി. നാലു ദിവസത്തെ വ്യോമാക്രമണത്തിന് പിന്നാലെ ലെബനനിലേക്ക് ഇസ്രായേൽ സൈന്യം കരമാർഗം ആക്രമണം നടത്തിയേക്കുമെന്ന വാർത്തകൾക്കിടയിലാണ് സംഭവം. 2024 ഓഗസ്റ്റ് ഒന്നിന് ഇന്ത്യൻ എംബസി ലെബനനിലേക്ക് യാത്ര ഒഴിവാക്കണമെന്ന് ഇന്ത്യക്കാരോട് ആവശ്യപ്പെട്ടിരുന്നു. ഏതാനും ദിവസങ്ങളായി ലെബനനിൽ സംഘർഷം രൂക്ഷമാകുന്ന സ്ഥിതിയാണ് ഉണ്ടായത്. ലെബനനിലുള്ള ഇന്ത്യക്കാരോട് രാജ്യം വിടണം എന്ന് നേരത്തെ തന്നെ ആവശ്യപ്പെട്ടിരുന്നു.

World88 days ago

ഇസ്രായേലിലേക്ക് മിസൈല്‍ ആക്രമണം നടത്തി ഹിസ്ബുള്ള

ടെല്‍ അവീവിനെ ലക്ഷ്യമാക്കിയാണ് ഹിസ്ബുള്ള മിസൈലാക്രമണം നടത്തിയിരിക്കുന്നത്. ഇതിന് തിരിച്ചടിയായി ലെബനനിലെ ഹിസ്ബുള്ളയ്ക്കെതിരെ പുതിയ ആക്രമണങ്ങള്‍ ആരംഭിച്ചതായും തെക്കന്‍ ലെബനനിലും ബെക്കാ താഴ്‌വരയിലും ആക്രമണങ്ങള്‍ ശക്തമാക്കുമെന്നും ഇസ്രായേല്‍ സൈന്യം അറിയിച്ചു. ഇന്ന് ലെബനനിലുടനീളം ഇസ്രായേല്‍ നടത്തിയ ആക്രമണത്തില്‍ 22 പോര്‍ മരിച്ചതായി ആരോഗ്യമന്ത്രാലയം അറിയിച്ചു.

World89 days ago

ലെബനനില്‍ വ്യോമാക്രമണം തുടര്‍ന്ന് ഇസ്രായേല്‍; ഹിസ്ബുളള കമാന്‍ഡര്‍ കൊല്ലപ്പെട്ടു

ലെബനന്‍ തലസ്ഥാനമായ ബെയ്‌റൂട്ടില്‍ ഇസ്രായേല്‍ നടത്തിയ വ്യോമാക്രമണത്തില്‍ ഹിസ്ബുളള കമാന്‍ഡര്‍ കൊല്ലപ്പെട്ടു. ഇബ്രാഹിം മുഹമ്മദ് ഖുബൈസി എന്നായാളാണ് കൊല്ലപ്പെട്ടത്. കമാന്‍ഡറുടെ മരണം ഹിസ്ബുളള സ്ഥിരീകരിക്കുകയും ചെയ്തിട്ടുണ്ട്. കഴിഞ്ഞ കുറച്ച് ദിവസങ്ങളായി തുടരുന്ന ഇസ്രായേല്‍ ആക്രമണത്തില്‍ ലെബനനില്‍ 500 ഓളം പേര്‍ കൊല്ലപ്പെട്ടതായാണ് റിപ്പോര്‍ട്ട്. ആക്രമണം ശക്തമായതോടെ അമേരിക്ക, ഫ്രാന്‍സ്, ജര്‍മനി എന്നീ രാജ്യങ്ങള്‍ ബെയ്‌റൂട്ടിലേക്കുള്ള വിമാന സര്‍വീസുകള്‍ റദ്ദാക്കി.

World90 days ago

ലെബനനിൽ ഇസ്രയേൽ ആക്രമണം കടുപ്പിച്ചതോടെ ബെയ്റൂട്ടിലേക്കുള്ള വിമാനങ്ങൾ റദ്ദാക്കി വിവിധ രാജ്യങ്ങൾ

അമേരിക്ക, ഫ്രാൻസ്, ജർമനി എന്നീ രാജ്യങ്ങളാണ് ബെയ്റൂട്ടിലേക്കുള്ള വിമാന സർവീസുകൾ റദ്ദാക്കിയത്. ലെബനനിലുള്ള പൗരന്മാരോട് രാജ്യം വിടാൻ അമേരിക്ക നിർദേശം നൽകി. ബെയ്റൂട്ട് ലക്ഷ്യമിട്ട് ഇസ്രയേൽ വ്യോമാക്രമണം തുടരുകയാണ്. ഇന്ന് നടത്തിയ ആക്രമണത്തിൽ ആറ് പേർ കൊല്ലപ്പെടുകയും നിരവധിപ്പേർക്ക് പരിക്കേൽക്കുകയും ചെയ്തു. മരിച്ചവരിൽ ഹിസ്‌ബുള്ള കമാൻഡറുമുണ്ടെന്നാണ് റിപ്പോർട്ട്. ഹിസ്‌ബുള്ളയുടെ കേന്ദ്രങ്ങൾ ലക്ഷ്യമിട്ട് ഇസ്രായേൽ ഇന്നലെ നടത്തിയ വ്യോമാക്രമണത്തിൽ 558 പേർ കൊല്ലപ്പെടുകയും 1600 ഓളം പേർക്ക് പരിക്കേൽക്കുകയും ചെയ്തിരുന്നു. യുദ്ധം അവസാനിപ്പിക്കണമെന്ന് UNICEF ആവശ്യപ്പെട്ടു.

World90 days ago

ലെബനനില്‍ ഇസ്രായേല്‍ വ്യോമാക്രമണം; 492 പേര്‍ കൊല്ലപ്പെട്ടു

ഇന്നലെ പുലര്‍ച്ചയോടെയാണ് ലെബനനില്‍ ഇസ്രായേല്‍ വ്യോമാക്രമണം നടത്തിയത്. വ്യോമാക്രമണത്തില്‍ 35 കുട്ടികളടക്കം 492 പേര്‍ കൊല്ലപ്പെടുകയും 1,240 പേര്‍ക്ക് പരിക്കേല്‍ക്കുകയും ചെയ്തു. ആക്രമണത്തെ തുടര്‍ന്ന് 24 മണിക്കൂറിനുള്ളില്‍ തെക്കന്‍ ലെബനനില്‍ നിന്ന് ആയിരക്കണക്കിന് ആളുകളാണ് പലായനം ചെയ്തത്. അതേസമയം ഹിസ്ബുള്ള ആയുധങ്ങള്‍ സൂക്ഷിക്കുന്നുണ്ടെന്ന് അവകാശപ്പെടുന്ന സ്ഥലങ്ങളില്‍ നിന്ന് ജനങ്ങളോട് ഒഴിഞ്ഞു പേകാന്‍ ഇസ്രായേല്‍ സൈന്യം ആവശ്യപ്പെട്ടിട്ടുണ്ട്.

World91 days ago

ലെബനനിൽ ഇസ്രായേൽ നടത്തിയ ആക്രമണത്തിൽ 100 പേർ കൊല്ലപ്പെട്ടു

തെക്കൻ ലെബനനിൽ ഇന്ന് ഇസ്രായേൽ നടത്തിയ ആക്രമണത്തിൽ കുട്ടികളും സ്ത്രീകളും ഉൾപ്പെടെ 100 പേർ കൊല്ലപ്പെടുകയും 400 ലധികം പേർക്ക് പരിക്കേൽക്കുകയും ചെയ്തതായി ലെബനൻ ആരോഗ്യ മന്ത്രാലയം അറിയിച്ചു. ഇറാൻ പിന്തുണയുള്ള ലെബനൻ ആസ്ഥാനമായുള്ള ഹിസ്ബുള്ള സംഘടനയുടെ കേന്ദ്രങ്ങൾ ലക്ഷ്യമിട്ടാണ് ഇസ്രായേൽ ആക്രമണം നടത്തിയത്. ഹിസ്ബുള്ള സംഘടന ആയുധങ്ങൾ സൂക്ഷിട്ടുള്ള വീടുകളും, സ്ഥലങ്ങളും വിട്ടുപോകാൻ ലെബനൻ പൗരന്മാർക്ക് ഇസ്രായേൽ മുന്നറിയിപ്പ് നൽകി.

World91 days ago

യുഎസില്‍ ഇന്ത്യന്‍ എംബസി ഉദ്യോഗസ്ഥനെ മരിച്ച നിലയില്‍ കണ്ടെത്തി

ഇന്ത്യന്‍ എംബസി ഉദ്യോഗസ്ഥനെ വാഷിംഗ്ടണിലെ മിഷന്‍ പരിസരത്ത് ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. കുടുംബത്തിന്റെ സ്വകാര്യതയെ ഓര്‍ത്ത് മരണപ്പെട്ടയാളെ സംബന്ധിച്ച കൂടുതല്‍ വിവരങ്ങള്‍ പുറത്തുവിടുന്നില്ലെന്നും ഭൗതിക ശരീരം ഇന്ത്യയിലേക്ക് എത്തിക്കുന്നതിനായി ബന്ധപ്പെട്ട ഏജന്‍സികളുമായും കുടുംബാംഗങ്ങളുമായും ബന്ധപ്പെടുന്നുണ്ടെന്നും എംബസി ഔദ്യോഗിക പ്രസ്താവനയിലൂടെ അറിയിച്ചു. പോലീസും രഹസ്യാന്വേഷണ വിഭാഗവും സംഭവത്തില്‍ അന്വേഷണം നടത്തുന്നുണ്ട്.

National94 days ago

ലെബനനിലെ സ്‌ഫോടന പരമ്പര; അടിയന്തിര യോഗം വിളിച്ച് UN രക്ഷാസമിതി

ലെബനനിലെ ഇലക്ട്രോണിക് സ്‌ഫോടന പരമ്പരയെ തുടര്‍ന്ന് ഈ ആഴ്ച യോഗം ചേരാനാണ് UN തീരുമാനിച്ചിരിക്കുന്നത്. സാധാരണക്കാര്‍ ഉപയോഗിക്കുന്ന വസ്തുക്കള്‍ യുദ്ധോപകരണം ആക്കരുതെന്ന് UN സെക്രട്ടറി ജനറല്‍ അന്റോണിയോ ഗുട്ടറസ് പറഞ്ഞു. ലെബനനിലെ ഇന്നത്തെ വോക്കി ടോക്കി സ്‌ഫോടന പരമ്പരയില്‍ 9 പേര്‍ കൊല്ലപ്പെട്ടു. 300 പേര്‍ക്ക് ആക്രമണത്തില്‍ പരിക്കേറ്റിട്ടുണ്ട്.

World96 days ago

പേജറിന് പിന്നാലെ ലെബനനില്‍ വാക്കി ടോക്കികള്‍ പൊട്ടിത്തെറിച്ച് ഒമ്പത് മരണം

ലെബനനില്‍ ഹിസ്ബുല്ലയുടെ ശക്തികേന്ദ്രങ്ങളില്‍ വാക്കി ടോക്കികളും ഇലക്ട്രോണിക് ഉപകരണങ്ങളും പൊട്ടിത്തെറിച്ച് ഒമ്പത് പേര്‍ മരിച്ചു. സ്‌ഫോടനത്തില്‍ മുന്നൂറോളം പേര്‍ക്ക് പരിക്കേല്‍ക്കുകയും ചെയ്തു. അതേസമയം എത്ര വാക്കി ടോക്കികള്‍ പൊട്ടിത്തെറിച്ചുവെന്ന് വ്യക്തമല്ല. കിഴക്കന്‍ ലെബനനിലെ വിവിധ സ്ഥലങ്ങളില്‍ ലാന്‍ഡ്ലൈന്‍ ടെലിഫോണുകളും പൊട്ടിത്തെറിക്കുന്നതായി റിപ്പോര്‍ട്ടുകളുണ്ട്. കഴിഞ്ഞ ദിവസം പേജറുകള്‍ പൊട്ടിത്തെറിച്ച് പന്ത്രണ്ട് പേര്‍ കൊല്ലപ്പെടുകയും 2,800 ഓളം പേര്‍ക്ക് പരിക്കേല്‍ക്കുകയും ചെയ്തതിന് പിന്നാലെയാണ് ഇന്ന് വീണ്ടും സ്‌ഫോടനം ഉണ്ടായിരിക്കുന്നത്.

World96 days ago