പ്രതിരോധ സേനയ്ക്ക് കരുത്തേകാന്‍ ഹെര്‍മിസ്-900 സ്റ്റാര്‍ലൈനര്‍ ഡ്രോണ്‍

പാകിസ്ഥാന്‍ അതിര്‍ത്തിയില്‍ നിരീക്ഷണം ശക്തമാക്കാനാണ് ദൃഷ്ടി -10 എന്നറിയപ്പെടുന്ന ഡ്രോണ്‍ ഇന്ത്യന്‍ സൈന്യത്തിന് നല്‍കുക. അദാനി ഡിഫന്‍സ് സിസ്റ്റംസ് ആണ് ഡ്രോണ്‍ വിതരണം ചെയ്യുക. ഹെര്‍മിസ്-900 സ്റ്റാര്‍ലൈനര്‍ ഡ്രോണുകളില്‍ ആദ്യത്തേത് മെയ് 18ന് ഹൈദരാബാദില്‍ വെച്ച് നടക്കുന്ന ചടങ്ങില്‍ ഡ്രോണ്‍ ഇന്ത്യന്‍ സൈന്യത്തിന് കൈമാറും. തദ്ദേശീയമായി വികസിപ്പിച്ച രണ്ട് ഡ്രോണുകളാണ് സൈന്യത്തിന് നല്‍കുക. പഞ്ചാബിലെ ഭട്ടിന്‍ഡ താവളത്തിലാകും ഇത് വിന്യസിക്കുക.

National344 days ago

നുഴഞ്ഞുകയറ്റ ശ്രമം; ജമ്മുകശ്മീരില്‍ രണ്ട് ഭീകരരെ വധിച്ചു

ജമ്മുകശ്മീരിലെ രജൗരിയില്‍ ഇന്ത്യന്‍ സൈന്യം രണ്ട് ഭീകരരെ വധിച്ചു. ഇന്ത്യ-പാക് അതിര്‍ത്തിയില്‍ നുഴഞ്ഞുകയറ്റത്തിനു ശ്രമിച്ച രണ്ടു ഭീകരരെയാണ് വധിച്ചത്. അതിര്‍ത്തി ജില്ലയിലെ നൗഷേര സെക്ടറില്‍ സൈന്യം ഭീകരവിരുദ്ധ ഓപ്പറേഷന്‍ നടത്തിവരികയായിരുന്നു. ഭീകരരില്‍നിന്നു എകെ47 തോക്കുകള്‍ ഉള്‍പ്പെടെയുളള ആയുധശേഖരം പിടിച്ചെടുത്തു. പ്രദേശത്തു തിരച്ചില്‍ പുരോഗമിക്കുകയാണെന്നും സൈന്യം അറിയിച്ചു.

National223 days ago

കൊച്ചി വിമാനത്താവളത്തിന്റെ ആകാശ ദൃശ്യങ്ങള്‍ പകര്‍ത്തിയ വ്‌ളോഗര്‍ക്കെതിരെ കേസ്

ഡ്രോണ്‍ ഉപയോഗിച്ച് കൊച്ചി അന്താരാഷ്ട്ര വിമാനത്താവളത്തിന്റെ ആകാശദൃശ്യങ്ങള്‍ സാമൂഹിക മാധ്യമത്തില്‍ പങ്കുവെച്ച വ്‌ളോഗര്‍ക്കെതിരെ കേസ്. കോഴിക്കോട് എടച്ചേരി സ്വദേശി അര്‍ജുന്‍ സാബിനെതിരെയാണ് കേസ്. മല്ലു ഡോറ എന്ന ഇന്‍സ്റ്റഗ്രാം പേജിലാണ് അര്‍ജുന്‍ വീഡിയോകള്‍ പങ്കുവച്ചത്. തുടര്‍ന്ന് നടത്തിയ അന്വേഷണത്തില്‍ എയര്‍പോര്‍ട്ട് അധികൃതരുടെ അനുമതിയില്ലാതെയാണ് ഡ്രോണ്‍ പറത്തിയതെന്ന് കണ്ടെത്തി. കേസ് എടുത്ത യുവാവിനെ ജാമ്യത്തില്‍ വിട്ടയച്ചതായും പോലീസ് പറഞ്ഞു. ഡ്രോണുകളുടെ നിരോധിത മേഖലാണ് കൊച്ചി വിമാനത്താവളം.

Kerala226 days ago

ജമ്മുകശ്മീരില്‍ ഏറ്റുമുട്ടല്‍; ഒരു ഭീകരന്‍ കൊല്ലപ്പെട്ടു

ഞായറാഴ്ച ജമ്മു കശ്മീരിലെ ബാരാമുള്ള ജില്ലയിലെ റാഫിയാബാദ് മേഖലയില്‍ സോപോര്‍ പോലീസും രാഷ്ട്രീയ റൈഫിള്‍സും സംയുക്തമായി നടത്തിയ ഏറ്റുമുട്ടലില്‍ ഒരു ഭീകരന്‍ കൊല്ലപ്പെട്ടു. ലോക്കല്‍ പോലീസും CRPഉം ഉള്‍പ്പെടുന്ന പട്രോളിംഗ് സംഘത്തിന് നേരെയാണ് ആദ്യം ഭീകരരുടെ വെടിവയ്പ്പുണ്ടായത്. ഇതേതുടര്‍ന്ന് സേന തിരിച്ചടിക്കുകയായിരുന്നു. സൈന്യം ഉടന്‍ തിരിച്ചടിച്ചതോടെ സുരക്ഷാ സേനയും ഭീകരരും തമ്മില്‍ ശക്തമായ വെടിവെയ്പ്പുണ്ടായി.

National239 days ago

സ്വാതന്ത്ര ദിനത്തോട് അനുബന്ധിച്ചുള്ള സൈനിക ബഹുമതികള്‍ പ്രഖ്യാപിച്ചു

ഭീകരരുമായുള്ള ഏറ്റുമുട്ടലില്‍ വീരമൃത്യു വരിച്ച കേണല്‍ മന്‍പ്രീത് സിങ് ഉള്‍പ്പെടെ നാല് സൈനികര്‍ക്കാണ് കീര്‍ത്തിചക്ര പുരസ്‌കാരം. കേണല്‍ മന്‍പ്രീത് സിങ് രാഷ്ട്രീയ റൈഫിള്‍സിന്റെ കമാന്‍ഡിങ് ഓഫീസറായിരുന്നു. കേണല്‍ മന്‍പ്രീത് സിങ്ങിന് പുറമെ കരസേനയില്‍ നിന്നുള്ള സൈനികനായ രവി കുമാര്‍, മേജര്‍ എം. നായിഡു എന്നിവരാണ് കീര്‍ത്തിചക്രയ്ക്ക് അര്‍ഹരായവര്‍.

National249 days ago

ജമ്മുകശ്മീരില്‍ ഭീകരരുമായുണ്ടായ ഏറ്റുമുട്ടലില്‍ സൈനികന് വീരമൃത്യു

48 രാഷ്ട്രീയ റൈഫിള്‍സിലെ ക്യാപ്റ്റന്‍ ദീപക് സിങ് ആണ് വീരമൃത്യുവരിച്ചത്. കശ്മീരിലെ ദോഡയിലെ ശിവ്ഘട്ട്-അസ്സര്‍ മേഖലയിലാണ് ഭീകരരുമായി ഏറ്റുമുട്ടലുണ്ടായത്. ഭീകരരുടെ ആക്രമണത്തില്‍ നാട്ടുകാരനായ ഒരാള്‍ക്കും പരുക്കേറ്റിട്ടുണ്ട്. ആക്രമണം നടത്തിയ നാല് ഭീകരരെ സൈന്യം വധിച്ചു. ചൊവ്വാഴ്ച വൈകീട്ട് ഉദ്ദംപുരിന് സമീപം പട്നിടോപിലും ഭീകരരും സൈന്യവും തമ്മില്‍ ഏറ്റുമുട്ടല്‍ നടന്നിരുന്നു.

National249 days ago

ജമ്മു കശ്മീരില്‍ വീണ്ടും ഏറ്റുമുട്ടല്‍; ഒരു സൈനികന് പരിക്ക്

കശ്മീരിലെ ദോഡയിലാണ് സൈനികരും ഭീകരരും തമ്മില്‍ ഏറ്റുമുട്ടല്‍ നടക്കുന്നത്. ഈ പ്രദേശത്ത് നാല് ഭീകരര്‍ ഒളിച്ചിരിക്കുന്നതായാണ് വിവരം. ജമ്മുകശ്മീരില്‍ തീവ്രവാദ ആക്രമണം തുടരുന്ന പശ്ചാത്തലത്തില്‍ സുരക്ഷാ സാഹചര്യം വിലയിരുത്താന്‍ ഉന്നത തല യോഗം ചേരും. കേന്ദ്ര പ്രതിരോധ മന്ത്രി രാജ്‌നാഥ് സിംഗ് വിളിച്ചു ചേര്‍ത്ത യോഗത്തില്‍ ദേശീയ സുരക്ഷാ ഉപദേഷ്ടാവ് അജിത് ഡോവലും മൂന്ന് സൈനിക മേധാവികളും പങ്കെടുക്കുന്നുണ്ട്.

National249 days ago

ലഡാക്കിൽ സൈനിക വാഹനം അപകടത്തിൽപ്പെട്ടു

ലഡാക്കിലെ ന്യോമ ഗ്രാമത്തിലാണ് സൈനികർ സഞ്ചരിച്ച വാഹനം അപകടത്തിൽപ്പെട്ടത്. ലഡാക്കിൽ നിന്നും മറ്റൊരു മേഖലയിലേക്ക് പോകുന്നതിനിടെയാണ് അപകടമുണ്ടായത്. വാഹനത്തിൽ 14 സൈനികർ ഉണ്ടായിരുതായാണ് റിപ്പോർട്ട്. ആളപായം റിപ്പോർട്ട് ചെയ്തിട്ടില്ല. ഏത് തരത്തിലുള്ള അപകടമാണെന്നത് സംബന്ധിച്ച ഔദ്യോഗിക വിവരങ്ങൾ സൈന്യം ഇതുവരെ പുറത്തുവിട്ടില്ല. രണ്ടാഴ്ചക്ക് മുമ്പും ലഡാക്കില്‍ സൈനികര്‍ സഞ്ചരിച്ചിരുന്ന വാഹനം അപകടത്തില്‍പ്പെട്ടിരുന്നു. സൈനിക പരീശീലനത്തിനിടെയാണ് സൈനിക വാഹനവും ടാങ്കറും ഉള്‍പ്പെടെ അപകടത്തില്‍പ്പെട്ടത്.

National252 days ago

വയനാട് ഉരുള്‍പൊട്ടല്‍; ദുരന്തമേഖലയില്‍ നിന്നും സൈന്യം മടങ്ങുന്നു

വയനാട് ഉരുള്‍പൊട്ടല്‍ മേഖലയില്‍ തിരച്ചില്‍ അവസാനിപ്പിച്ച് സൈന്യം മടങ്ങുന്നു. സൈന്യത്തിന്റെ 500 അംഗ സംഘമാണ് മടങ്ങുന്നത്. ഇനിയുള്ള തിരച്ചില്‍ NDRF, SDRF, ഫയര്‍ഫോഴ്‌സ്, പോലീസ് സേനകളുടെ നേതൃത്വത്തില്‍ നടക്കും. അതേസമയം ബെയ്‌ലി പാലം മെയ്ന്റനന്‍സ് ടീമും ഹെലികോപ്റ്റര്‍ സെര്‍ച്ച് ടീമും അടുത്ത നിര്‍ദേശം വരുന്നത് വരെ പ്രദേശത്ത് തുടരും. പത്തുനാള്‍ നീണ്ട രക്ഷാദൗത്യത്തില്‍ പങ്കെടുത്ത് മടങ്ങുന്ന സൈന്യത്തിന് സര്‍ക്കാരും ജില്ലാ ഭരണകൂടവും യാത്രയയപ്പ് നല്‍കും.

Kerala255 days ago

സ്ഥിരം പാലം വരുന്നതു വരെ ബെയ്‌ലി പാലം നിലനിര്‍ത്തുമെന്ന് സൈന്യം

ഉരുള്‍പൊട്ടലില്‍ തകര്‍ന്ന മുണ്ടക്കൈയിലേക്ക് കടക്കാനായി നിര്‍മാണം പൂര്‍ത്തിയാക്കുന്ന ബെയ്‌ലി പാലം പുതിയ പാലം വരുന്നതുവരെ ഇവിടെ നിലനിര്‍ത്തുമെന്നാണ് സൈന്യം അറിയിച്ചിരിക്കുന്നത്. ഭാരമുള്ള വാഹനങ്ങള്‍ക്കും പാലത്തിലൂടെ കടന്നുപോകാമെന്ന് രക്ഷദൗത്യത്തിന് നേതൃത്വം നല്‍കുന്ന ജനറല്‍ ഓഫീസര്‍ കമാന്‍ഡിങ് മേജര്‍ ജനറല്‍ വിനോദ് ടി. മാത്യു പറഞ്ഞു. ഇന്ന് ഉച്ചയോട് കൂടി പാലം പണി പൂര്‍ത്തിയാകും. ഇതോടെ രക്ഷാപ്രവര്‍ത്തനം രണ്ടാംഘട്ടത്തിലെത്തുമെന്നും അദ്ദേഹം പറഞ്ഞു.

Kerala262 days ago

ഉരുള്‍പൊട്ടല്‍: രക്ഷാപ്രവര്‍ത്തനത്തിനായി നാവികസേനയും കരസേനയും

വയനാട് മുണ്ടക്കൈ, ചൂരല്‍മല പ്രദേശങ്ങളിലെ രക്ഷാപ്രവര്‍ത്തനത്തിനായി സെന്യത്തിന്റെ മദ്രാസ് എന്‍ജിനിയറിങ് ഗ്രൂപ്പ് എത്തും. ഉരുള്‍പൊട്ടലില്‍ പാലം തകര്‍ന്ന സാഹചര്യത്തില്‍ ബദല്‍ സംവിധാനം അടക്കമുള്ളവ സൈന്യത്തിന്റെ എന്‍ജിനിയറിങ് വിഭാഗം നടപ്പാക്കും. മുഖ്യമന്ത്രിയുടെ നിര്‍ദേശ പ്രകാരം ഏഴിമലയില്‍ നിന്ന് നാവികസേനാ സംഘവും എത്തും. തിരിച്ചലിനായി പോലീസിന്റെ ഡോഗ് സ്‌ക്വാഡും രംഗത്തിറങ്ങും. ഡ്രോണ്‍ ഉപയോഗിച്ചും തിരച്ചില്‍ നടത്താന്‍ നിര്‍ദേശം നല്‍കിയിട്ടുണ്ട്.

Kerala264 days ago