ഡ്രൈവിംഗ് ടെസ്റ്റ് പരിഷ്‌ക്കരണം; ഏകപക്ഷീയമായി തീരുമാനം നടപ്പാക്കരുതെന്ന് CPI(M)

ഏറ്റുമുട്ടല്‍ കൊണ്ട് കാര്യമില്ലെന്നും പ്രശ്‌നം ചര്‍ച്ച ചെയ്ത് പരിഹരിക്കണമെന്നും CPI(M) സംസ്ഥാന സെക്രട്ടറി എം.വി. ഗോവിന്ദന്‍ പറഞ്ഞു. ഡ്രൈവിംഗ് ടെസ്റ്റ് പരിഷ്‌ക്കരണത്തില്‍ ഗതാഗത വകുപ്പ് കടുംപിടുത്തം തുടരുകയാണ്. ഒരാഴ്ചയായി ഡ്രൈവിംഗ് ടെസ്റ്റിന്റെ കാര്യത്തില്‍ പ്രതിസന്ധി തുടരുകയാണ്. ഇന്നും ടെസ്റ്റ് നടന്നില്ല. തിങ്കളാഴ്ച മുതല്‍ സമരം കടുപ്പിക്കാനാണ് യൂണിയന്‍ തീരുമാനം.

Kerala229 days ago

ഡ്രൈവിങ് ടെസ്റ്റ്: അംഗീകൃത പരിശീലകര്‍ ഗ്രൗണ്ടില്‍ നേരിട്ടെത്തണമെന്ന നിബന്ധന പിന്‍വലിച്ചു

ഗതാഗത വകുപ്പ് നിബന്ധന പിന്‍വലിച്ചതോടെ 15 ദിവസമായി ഡ്രൈവിങ് സ്‌കൂളുകാര്‍ നടത്തിയിരുന്ന പ്രതിഷേധം അവസാനിപ്പിച്ചു. എന്നാല്‍ അംഗീകൃത പരിശീലകര്‍ ഡ്രൈവിങ് സ്‌കീളുകളില്‍ ഉണ്ടാകണമെന്ന വ്യവസ്ഥ കര്‍ശനമാക്കും. ഗതാഗത വകുപ്പ് മന്ത്രി കെ. ബി. ഗണേഷ് കുമാറും ഡ്രൈവിങ് സ്‌കൂള്‍ സംഘടനകളുമായി നടത്തിയ ചര്‍ച്ചയിലാണ് വിഷയം ഒത്തുതീര്‍പ്പായത്. സ്‌കൂളുകളില്‍ പരിശോധന ത്വരിതപ്പെടുത്താന്‍ മോട്ടോര്‍ വെഹിക്കിള്‍ ഇന്‍സ്‌പെക്ടര്‍മാര്‍ക്ക് നിര്‍ദേശവും നല്‍കി.

Kerala181 days ago

ഡ്രൈവിംഗ് ടെസ്റ്റ് പരിഷ്‌കരണത്തില്‍ വീണ്ടും ഇളവ് അനുവദിച്ച് സര്‍ക്കാര്‍

ഡ്രൈവിംഗ് സ്‌കൂള്‍ വാഹനങ്ങളുടെ കാലാവധി 18 ല്‍ നിന്ന് 22 വര്‍ഷമായി ഉയര്‍ത്തി. മൂവായിരം അപേക്ഷകളില്‍ കൂടുതല്‍ കെട്ടിക്കിടക്കുന്നിടത്ത് 40 ടെസ്റ്റുകള്‍ അധികമായി നടത്തും. ഡ്രൈവിംഗ് ഇന്‍സ്ട്രക്ടര്‍ ഗ്രൗണ്ടില്‍ ഹാജരാകേണ്ടതില്ല എന്നും പുതിയ ഉത്തരവില്‍ പറയുന്നു. CITU പ്രതിനിധികള്‍ ഗതാഗത മന്ത്രിയുമായി ഇന്നലെ നടത്തിയ ചര്‍ച്ചയിലാണ് തീരുമാനം.

Kerala182 days ago

ഡ്രൈവിംഗ് ടെസ്റ്റിനെത്തുമ്പോള്‍ ഇന്‍സ്ട്രക്ടര്‍മാര്‍ നിര്‍ബന്ധമാണെന്ന നിബന്ധന; പ്രതിഷേധം

ഈ പുതിയ നിബന്ധന വീണ്ടും ഡ്രൈവിംഗ് ടെസ്റ്റില്‍ പ്രതിസന്ധി സൃക്ഷിക്കുകയാണ്. തിരുവനന്തപുരം മുട്ടത്തറയില്‍ പ്രതിഷേധം കാരണം ഡ്രൈവിംഗ് ടെസ്റ്റ് തടസ്സപ്പെട്ടു. ഡ്രൈവിംഗ് സ്‌കൂളിന് ലൈസന്‍സ് നല്‍കുന്നത് നിശ്ചിത യോഗ്യതയുള്ള ഇന്‍സ്ട്രക്ടര്‍മാര്‍ക്കാണ്. എന്നാല്‍ പലയിടത്തും ലൈസന്‍സ് ഒരാള്‍ക്കും ഡ്രൈവിംഗ് പഠിപ്പിക്കുന്നത് മറ്റൊരാളുമാണെന്ന് മോട്ടോര്‍ വാഹന വകുപ്പ് കണ്ടെത്തി. ഇതിനെത്തുടര്‍ന്നാണ് പുതിയ നിബന്ധന.

Kerala205 days ago

ഡ്രൈവിങ് ടെസ്റ്റ് പരിഷ്‌കരണം; പ്രശ്‌നം പരിഹരിച്ചതായി സര്‍ക്കാര്‍

മന്ത്രിയുമായി നടത്തിയ ചര്‍ച്ചയില്‍ സര്‍ക്കുലറുമായി ബന്ധപ്പെട്ട പ്രശ്നങ്ങള്‍ പരിഹരിച്ചതായും സര്‍ക്കുലര്‍ പുതുക്കിയതായും സര്‍ക്കാര്‍ ഹൈക്കോടതിയെ അറിയിച്ചു. പുതുക്കിയ സര്‍ക്കുലര്‍ ഹാജരാക്കാന്‍ ഹൈക്കോടതി സര്‍ക്കാറിനോട് നിര്‍ദേശിച്ചു. ഗതാഗത കമ്മീഷണര്‍ പുറത്തിറക്കിയ സര്‍ക്കുലര്‍ ചോദ്യം ചെയ്ത് ഡ്രൈവിങ് സ്‌കൂള്‍ ഉടമകളും പരിശീലകരുമാണ് ഹൈക്കോടതിയെ സമീപിച്ചത്. കേസ് ഇനി അടുത്ത മാസം 3 ന് പരിഗണിക്കും.

Kerala218 days ago

ഡ്രൈവിങ് ടെസ്റ്റ് പരിഷ്‌കരണം; ഹര്‍ജികള്‍ ഇന്ന് ഹൈക്കോടതി പരിഗണിക്കും

ജസ്റ്റിസ് എന്‍. നഗരേഷിന്റെ ബെഞ്ചാണ് സംസ്ഥാനത്തെ ഡ്രൈവിങ് ടെസ്റ്റ് പരിഷ്‌കരണ സര്‍ക്കുലറിനെതിരെ നല്‍കിയ ഹര്‍ജികള്‍ പരിഗണിക്കുക. ഡ്രൈവിങ് ടെസ്റ്റ് പരിഷ്‌കരിച്ച് ഗതാഗത കമ്മീഷണര്‍ ഇറക്കിയ സര്‍ക്കുലര്‍ സ്റ്റേ ചെയ്യണമെന്ന ഹര്‍ജിക്കാരുടെ ആവശ്യം ഹൈക്കോടതി നേരത്തെ തള്ളിയിരുന്നു. സര്‍ക്കുലര്‍ കേന്ദ്ര മോട്ടോര്‍ വാഹന ചട്ടങ്ങള്‍ക്ക് വിരുദ്ധമല്ലെന്നും അതിനാല്‍ സര്‍ക്കുലറില്‍ ഇടപെടാന്‍ കാരണങ്ങളില്ലെന്നുമായിരുന്നു കോടതി നിലപാടെടുത്തത്.

Kerala218 days ago

ഡ്രൈവിംഗ് ടെസ്റ്റുകൾ പുനരാരംഭിച്ചു

ഒരിടവേളയ്ക്ക് ശേഷം സംസ്ഥാനത്ത് ഡ്രൈവിംഗ് ടെസ്റ്റുകൾ പൂർണമായി പുനരാരംഭിച്ചു. ഗതാഗതമന്ത്രി കെ.ബി. ഗണേഷ്‌കുമാർ ഡ്രൈവിംഗ് സ്‌കൂൾ ഉടമകളുമായി നടത്തിയ ചർച്ച ഒത്തുതീർപ്പായതോടെയാണ് ഡ്രൈവിംഗ് ടെസ്റ്റുകൾ പുനരാരംഭിച്ചത്. ഡ്രൈവിംഗ് പരിഷ്‌കരണ സര്‍ക്കുലറില്‍ മാറ്റം വരുത്താം എന്ന ഉറപ്പ് ലഭിച്ചതോടെയാണ് സമരം അവസാനിപ്പിച്ചത്.

Kerala223 days ago

ഡ്രൈവിംഗ് ടെസ്റ്റ് പരിഷ്‌കരണത്തില്‍ വിട്ടുവീഴ്ച്ച; സമരം പിന്‍വലിച്ച് ഡ്രൈവിംഗ് സ്‌കൂളുകള്‍

ഇന്ന് വൈകിട്ട് നടന്ന ചര്‍ച്ചയില്‍ ഡ്രൈവിംഗ് ലൈസന്‍സ് ടെസ്റ്റ് പരിഷ്‌കരണത്തില്‍ ഗതാഗത വകുപ്പ് മന്ത്രിയും മോട്ടോര്‍ വാഹന വകുപ്പും വിട്ടുവീഴ്ചക്ക് തയ്യാറായതോടെയാണ് സമരം പിന്‍വലിക്കാന്‍ ഡ്രൈവിങ് സ്‌കൂള്‍ യൂണിയന്‍ സമരസമിതി തീരുമാനിച്ചത്. സമരം നടത്തിവന്നിരുന്ന മുഴുവന്‍ യൂണിയനുകളും സമരം പിന്‍വലിച്ചു. ഡ്രൈവിംഗ് പരിഷ്‌കരണ സര്‍ക്കുലര്‍ പിന്‍വലിക്കില്ലെന്നും എന്നാല്‍ സര്‍ക്കുലറില്‍ ആവശ്യമായ മാറ്റങ്ങള്‍ വരുത്തുമെന്നും മന്ത്രി കെ.ബി. ഗണേഷ് കുമാര്‍ വിശദീകരിച്ചു.

Kerala224 days ago

ഡ്രൈവിംഗ് സ്‌കൂൾ സമരം: ഗതാഗതമന്ത്രി ചർച്ചയ്ക്ക് വിളിച്ചു

ഡ്രൈവിംഗ് പരിഷ്കരണത്തിനെതിരെ ഡ്രൈവിംഗ് സ്‌കൂൾ ഉടമകളുടെ സമരം ശക്തമായി തുടരുന്ന സാഹചര്യത്തിൽ ഒത്തുതീർപ്പിന് ഒരുങ്ങി സർക്കാർ. ഗതാഗത മന്ത്രി കെ.ബി. ഗണേഷ് കുമാർ ഡ്രൈവിംഗ് സ്‌കൂൾ ഉടമകളുടെ എല്ലാ സംഘടനകളെയും നാളെ ചർച്ചയ്ക്ക് വിളിച്ചിട്ടുണ്ട്. ഉന്നയിച്ച ആവശ്യങ്ങളിൽ ഉറച്ചു നിൽക്കുകയാണെന്ന് ഡ്രൈവിംഗ് സ്‌കൂൾ ഉടമകൾ പ്രതികരിച്ചു. സമരം ശക്തമായി തുടരുന്നതിനാൽ ഡ്രൈവിംഗ് പരിഷ്കരണത്തിലെ ചില നിർദേശങ്ങൾ പിൻവലിച്ചേക്കും.

Kerala225 days ago

പ്രതിഷേധം ശക്തം; ഡ്രൈവിങ് ലൈസന്‍സ് ടെസ്റ്റുകള്‍ ഇന്നും മുടങ്ങി

സമരസമിതിയുടെ പ്രതിഷേധവും സ്ലോട്ട് ലഭിച്ച അപേക്ഷകര്‍ എത്താതിരുന്നതും കാരണം ഇന്നും ലൈസന്‍സ് ടെസ്റ്റുകള്‍ തടസപ്പെട്ടു. തിരുവനന്തപുരം മുട്ടത്തറയില്‍ ടെസ്റ്റ് ഗ്രൗണ്ട് കവാടത്തിന് മുന്നില്‍ സമരക്കാര്‍ കിടന്ന് പ്രതിഷേധിച്ചു. കോഴിക്കോട് താമരശ്ശേരിയില്‍ കഞ്ഞി വെച്ചായിരുന്നു ഡ്രൈവിങ് സ്‌കൂള്‍ ഉടമകളുടെ പ്രതിഷേധം. പോലീസ് സംരക്ഷണത്തില്‍ ഡ്രൈവിങ് ടെസ്റ്റ് പുനരാരംഭിക്കാനായിരുന്നു ഗതാഗത മന്ത്രി കെ.ബി. ഗണേഷ് കുമാറിന്റെ നിര്‍ദേശം. എന്നാല്‍ പ്രതിഷേധം കനത്തതോടെ ഈ നീക്കവും പരാജയപ്പെടുകയായിരുന്നു.

Kerala229 days ago

സംസ്ഥാനത്ത് ഡ്രൈവിങ് ലൈസന്‍സ് ടെസ്റ്റുകള്‍ ഇന്ന് പുനരാരംഭിക്കും

ഡ്രൈവിങ് ടെസ്റ്റുകള്‍ പോലിസ് സംരക്ഷണത്തോടെ ഇന്ന് മുതല്‍ തുടങ്ങണമെന്നാണ് ഗതാഗത മന്ത്രി കെ.ബി. ഗണേഷ് കുമാറിന്റെ നിര്‍ദേശം. സ്ലോട്ട് ലഭിച്ചവര്‍ സ്വന്തം വാഹനവുമായി ടെസ്റ്റിനെത്തണമെന്നാണ് മോട്ടോര്‍ വാഹനവകുപ്പ് ഉദ്യോഗസ്ഥര്‍ അറിയിച്ചിരിക്കുന്നത്. അതിനാല്‍ തന്നെ സ്ലോട്ട് ലഭിച്ച എല്ലാവരും ഇന്ന് എത്താന്‍ സാധ്യതയില്ലെന്നാണ് വിലയിരുത്തല്‍. ഡ്രൈവിങ് ടെസ്റ്റ് പരിഷ്‌കരണ ഉത്തരവ് പിന്‍വലിക്കണമെന്നാവശ്യപ്പെട്ടുളള സംയുക്ത സമരസസമിതിയുടെ പ്രതിഷേധം കാരണം കഴിഞ്ഞ ആറു ദിവസമായി ടെസ്റ്റ് തടസപ്പെട്ടിരുന്നു.

Kerala229 days ago