ഇന്ത്യയിൽ 10,000 കോടി രൂപയുടെ ടെലിവിഷൻ വില്‍പ്പന ലക്ഷ്യമിട്ട് സാംസങ്

പ്രമുഖ ഇലക്ട്രോണിക്‌സ് കമ്പനിയായ സാംസങ് പുതിയ AI ടിവികളുടെ ലോഞ്ചിനൊപ്പം ഇന്ത്യയിൽ 10,000 കോടി രൂപയുടെ ടെലിവിഷൻ വില്പനയാണ് ലക്ഷ്യമിടുന്നത്. AI ഫീച്ചര്‍ ഉളള 8K Neo QLED, 4K Neo QLED, OLED ടിവികള്‍ വിപണിയില്‍ എത്തിക്കുന്നതിലൂടെ ഈ വർഷം ഇന്ത്യൻ വിപണയിൽ മുന്നേറ്റം നടത്താന്‍ കഴിയുമെന്ന് സാംസങ് ഇന്ത്യ വിഷ്വൽ ഡിസ്‌പ്ലേ ബിസിനസ് വിഭാഗം സീനിയർ വൈസ് പ്രസിഡന്റ് മോഹൻദീപ് സിംഗ് പറഞ്ഞു. മികച്ച പിക്ചർ ക്വാളിറ്റിയും പ്രീമിയം ഓഡിയോ ഫീച്ചറും ഉളള Neo QLED 8K AI TV കള്‍ സമാനതകളില്ലാത്ത കാഴ്ചാനുഭവമാണ് ഉപഭോക്താക്കൾക്ക് വാഗ്ദാനം ചെയ്യുന്നതെന്നും അദ്ദേഹം അറിയിച്ചു.

Business233 days ago

ഇന്ത്യയില്‍ പുതിയ സ്മാര്‍ട്ട്ഫോണ്‍ അവതരിപ്പിക്കാനൊരുങ്ങി സാംസങ്

സാംസങ് ഗാലക്സി M55S എന്ന പേരില്‍ M സീരീസിലാണ് പുതിയ സ്മാര്‍ട്ട്‌ഫോണ്‍ അവതരിപ്പിക്കാന്‍ പോകുന്നത്. 120Hz റിഫ്രഷ് റേറ്റ് ഉള്ള 6.7 ഇഞ്ച് ഡിസ്‌പ്ലേ, 50 മെഗാപിക്സല്‍ പ്രൈമറി റിയര്‍ കാമറ എന്നിവയാണ് പ്രധാന ഫീച്ചറുകള്‍. സെപ്റ്റംബര്‍ 23ന് ഇന്ത്യയില്‍ അവതരിപ്പിക്കുമെന്നാണ് കമ്പനി അറിയിച്ചിരിക്കുന്നത്. കോറല്‍ ഗ്രീന്‍, തണ്ടര്‍ ബ്ലാക്ക് എന്നീ കളര്‍ ഓപ്ഷനുകളിലായിരിക്കും ഫോണ്‍ ലഭ്യമാവുക.

Technology95 days ago

വേതന വര്‍ധനവ് ആവശ്യപ്പെട്ട് സാംസങ്ങില്‍ അനിശ്ചിതകാല തൊഴിലാളിസമരം

ദക്ഷിണകൊറിയയിലെ സാംസങ് ഇലക്ട്രോണിക്സിലാണ് തൊഴിലാളികള്‍ വേതന വര്‍ധനവ് ആവശ്യപ്പെട്ട് തിങ്കളാഴ്ച മുതല്‍ അനിശ്ചിതകാല സമരം തുടങ്ങിയത്. മൂന്ന് ദിവസത്തേക്ക് പ്രഖ്യാപിച്ച മരമാണ് അനിശ്ചിതകാലത്തേക്ക് മാറ്റിയിരിക്കുന്നത്. വേതന വര്‍ധനവ്, ജോലിയിലെ കാര്യക്ഷമതയ്ക്ക് അനുസൃതമായ ബോണസ്, യൂണിയന്റെ സ്ഥാപകദിനത്തില്‍ അവധി തുടങ്ങിയവയാണ് സമരം ചെയ്യുന്നവരുടെ ആവശ്യങ്ങള്‍. കമ്പനിയുടെ രണ്ടാംപാദ പ്രവര്‍ത്തന ലാഭത്തില്‍ വലിയ വര്‍ധനവുണ്ടാകുമെന്ന് പ്രവചിക്കപ്പെട്ടതിന് പിന്നാലെയാണ് സമരം പ്രഖ്യാപിച്ചത്.

World166 days ago

സാംസങ് ഗാലക്സി ബുക്ക് 4 എഡ്ജ് പുറത്തിറക്കി

സാംസങ്ങിന്റെ കോപൈലറ്റ് കീയോടുകൂടിയ ആദ്യ AI പേഴ്സണല്‍ കംപ്യൂട്ടറാണിത്. ക്വാല്‍കോമിന്റെ സ്നാപ്ഡ്രാഗണ്‍ എക്സ് എലൈറ്റ് CPU ആണ് ഈ കംപ്യൂട്ടറിന് ശക്തിപകരുന്നത്. ഈ ലാപ്ടോപ്പിനെ ഗാലക്സി ഫോണുമായി ബന്ധിപ്പിച്ചും പ്രവര്‍ത്തിപ്പിക്കാനാവും. ഒപ്പം ലൈവ് ട്രാന്‍സ്ലേറ്റ്, ചാറ്റ് അസിസ്റ്റ്, സര്‍ക്കിള്‍ ടു സെര്‍ച്ച് തുടങ്ങിയ ഗാലക്സി AI ഫീച്ചറുകളും ഉപയോഗിക്കാം. 14 ഇഞ്ച്, 16 ഇഞ്ച് മോഡലുകളാണ് ഇതിനുള്ളത്. ഇതിന് 16 GB റാമും 1 TB എസ്എസ്ഡി സ്റ്റോറേജുമുണ്ട്.

Technology203 days ago

സാംസങ് ഗാലക്‌സി F55 ഇന്ത്യന്‍ വിപണിയില്‍ അവതരിപ്പിക്കാനൊരുങ്ങി കമ്പനി

ക്വാല്‍ക്കം സ്നാപ്ഡ്രാഗണ്‍ 7 Gen 1 ചിപ്‌സെറ്റ്, 12GB വരെയുള്ള റാം, 120Hz AMOLED ഡിസ്‌പ്ലേ, ട്രിപ്പിള്‍ റിയര്‍ ക്യാമറ സജ്ജീകരണം, 45W ഫാസ്റ്റ് ചാര്‍ജിംഗിനുള്ള പിന്തുണ എന്നീ സവിശേഷതകളുമായാണ് സാംസങ് ഗാലക്‌സി F55 5 G വരുന്നത്. ആപ്രിക്കോട്ട് ക്രഷ്, റെയ്‌സിന്‍ ബ്ലാക്ക് എന്നീ രണ്ട് കളര്‍ വേരിയന്റുകളില്‍ ഫോണ്‍ ലഭ്യമാകും. 8 GB റാം + 128 GB സ്റ്റോറേജ് വേരിയന്റിന് 26,999 രൂപയും 8 GB റാം+ 256 GB സ്റ്റോറേജ് വേരിയന്റിന് 29,999 രൂപയും 12 GB റാം + 256 GB സ്റ്റോറേജ് വേരിയന്റിന് 32,999 രൂപയുമാണ് വില.

Technology210 days ago

സാംസങ് ഗാലക്‌സി M34 5G ക്ക് 5000 രൂപ കുറച്ചു

സാംസങ് കഴിഞ്ഞ വർഷം ഇന്ത്യയിൽ അവതരിപ്പിച്ച മിഡ് ബജറ്റ് സ്മാർട്ട്ഫോണായ സാംസങ് ഗാലക്‌സി M34 5G ക്ക് 5000 രൂപ കുറച്ചു. 6GB റാം+ 128GB സ്റ്റോറേജ് വേരിയന്റിന് 17,999 രൂപയും 8GB റാം+ 128GB സ്റ്റോറേജ് വേരിയന്റിന് 18,999 രൂപയുമായിരുന്നു വില. ഇരു മോഡലുകൾക്കും 5000 രൂപ കുറച്ചിട്ടുണ്ട്. ആമസോണിൽ ഡയറക്ട് ഡിസ്‌കൗണ്ടിനു പുറമെ ബാങ്ക് ഡിസ്‌കൗണ്ടും ചേർത്തിട്ടുണ്ട്.

Technology211 days ago

സാംസങ് ഗാലക്‌സി S23 അൾട്രയുടെ വില കുറഞ്ഞു

സാംസങ് S23 സീരീസിൽ കഴിഞ്ഞ വർഷം ലോഞ്ച് ചെയ്‌ത S23 അൾട്രയുടെ വില കുറഞ്ഞു. സാംസങ് ഗാലക്‌സി S23 അൾട്രയുടെ 12GB റാം + 256GB സ്റ്റോറേജുള്ള അടിസ്ഥാന വേരിയന്റ 1,24,999 രൂപയ്ക്കാണ് ലോഞ്ച് ചെയ്തത്. ഇപ്പോൾ ഈ മോഡലിന് 40,000 രൂപ കുറഞ്ഞ് 84,999 രൂപയ്ക്ക് ലഭ്യമാകും. 1,34,999 രൂപയ്ക്ക് ലോഞ്ച് ചെയ്ത 12GB റാം + 256GB സ്റ്റോറേജുള്ള വേരിയന്റിനും 40,000 രൂപ കുറഞ്ഞു.

Technology237 days ago

സാംസങ് ഗാലക്‌സി C55 ലോഞ്ച് ചെയ്തു

ചൈനയിലാണ് സാംസങ് ഗാലക്‌സി C55 അവതരിപ്പിച്ചത്. ഗാലക്‌സി C സീരീസിലെ പുതിയ സ്മാർട്ട്ഫോണിൽ സ്നാപ്ഡ്രാഗൺ 7 Gen 1 SoC ചിപ്‌സെറ്റാണ് ഉപയോഗിച്ചിരിക്കുന്നത്. 45W വയർഡ് ചാർജിംഗ് വേഗതയുള്ള 5,000 mAh ബാറ്ററിയുടെ പിന്തുണയാണ് ഫോണിനുള്ളത്. 8GB + 256GB, 12GB + 256GB എന്നീ രണ്ട് വേരിയന്റുകളിലാണ് സ്മാർട്ട്ഫോൺ എത്തുന്നത്. ആൻഡ്രോയിഡ് 14 അടിസ്ഥാനമാക്കി പ്രവർത്തിക്കുന്ന സ്മാർട്ട്ഫോണിൽ 6.7-ഇഞ്ച് ഫുൾ HD+ അമോലെഡ് പ്ലസ് ഡിസ്‌പ്ലേയാണുള്ളത്.

Technology244 days ago

ഡിസ്‌പ്ലെ പ്രശ്‌നം നേരിട്ട ഫോണുകള്‍ക്ക് സൗജന്യ സ്‌ക്രീന്‍ റീപ്ലെയ്‌സ്‌മെന്റുമായി സാംസങ്

ഗ്രീന്‍ ലൈന്‍ പ്രശ്നം ബാധിച്ച ഗ്യാലക്സി എസ് സീരീസ് ഉപയോക്താക്കള്‍ക്കാണ് സാംസങ് സൗജന്യ സ്‌ക്രീന്‍ റീപ്ലേസ്മെന്റ് വാഗ്ദാനം ചെയ്യുന്നതെന്നാണ് റിപ്പോര്‍ട്ട്. ഇതുപ്രകാരം ഗ്യാലക്സി S20 സീരീസ്, നോട്ട് 20 സീരീസ്, S21 സീരീസ്, S22 അള്‍ട്രാ സ്മാര്‍ട്ട്ഫോണുകളുടെ തിരഞ്ഞെടുത്ത മോഡലുകള്‍ക്ക് ഒറ്റത്തവണ സൗജന്യ സ്‌ക്രീന്‍ റീപ്ലേയ്‌സ്മെന്റ് ഉണ്ടായിരിക്കും. 2024 ഏപ്രില്‍ 30 വരെ മൂന്ന് വര്‍ഷത്തിനുള്ളില്‍ വാങ്ങിയ ഫോണുകള്‍ക്കാകും ഇത്തരത്തില്‍ സ്‌ക്രീന്‍ മാറ്റാനാകുക. സ്‌ക്രീനില്‍ പച്ച നിറത്തിലുള്ള വരകള്‍ ദൃശ്യമാകുന്ന തകരാറിനെയാണ് ഗ്രീന്‍ ലൈന്‍ ഇഷ്യൂ എന്ന് വിളിക്കുന്നത്.

Technology244 days ago

സാംസങ് ഗ്യാലക്സി S22 പാതി വിലയില്‍ വാങ്ങാം; വമ്പന്‍ ഓഫറുമായി ഫ്ലിപ്കാര്‍ട്ട്

സാംസങ് എസ് സീരീസിലെ ജനപ്രിയ മോഡലായ ഗ്യാലക്‌സി S22 വമ്പിച്ച വിലക്കുറവിലാണ് ഫ്ലിപ്കാര്‍ട്ടില്‍ വില്‍പ്പനയ്‌ക്കെത്തിയിരിക്കുന്നത്. 85,999 രൂപ വിലയുണ്ടയിരുന്ന ഫോണ്‍ ഇപ്പോള്‍ 36,999 രൂപയ്ക്ക് ഉപയോക്താക്കള്‍ക്ക് വാങ്ങാം. സ്‌നാപ്ഡ്രാഗണ്‍ 8 ജെന്‍ 1 ചിപ്‌സെറ്റ്, 8GB റാം, 25W ഫാസ്റ്റ് ചാര്‍ജിംഗ് പിന്തുണയുള്ള 3,700mAh ബാറ്ററി, ട്രിപ്പിള്‍ ക്യാമറ എന്നിവയാണ് ഗ്യാലക്‌സി എസ്22 5Gയുടെ കരുത്ത്.

Technology245 days ago

ആപ്പിളിനെ പിന്തള്ളി സ്മാര്‍ട്ട് ഫോണ്‍ വിപണിയില്‍ ഒന്നാം സ്ഥാനം നേടി സാംസങ്

മാര്‍ക്കറ്റ് റിസര്‍ച്ച് സ്ഥാപനമായ ഇന്റര്‍നാഷണല്‍ ഡാറ്റ കോര്‍പ്പറേഷന്റെ (IDC) റിപ്പോര്‍ട്ട് പ്രകാരം ആപ്പിളിനെ പിന്തള്ളിയാണ് സാംസങ് വിപണിയില്‍ ഒന്നാമത് എത്തിയിരിക്കുന്നത്. സാംസങ്ങിന്റെ ആഗോള കയറ്റുമതി 7.8% വര്‍ധിച്ച് 2024ന്റെ ആദ്യ പാദത്തില്‍ 289.4 ദശലക്ഷമായി ഉയര്‍ന്നതായും റിപ്പോര്‍ട്ടില്‍ പറയുന്നു. അതേസമയം ഈ കാലയളവില്‍ ആപ്പിളിന്റെ കയറ്റുമതി 10 ശതമാനം കുറഞ്ഞ് 50.1 ദശലക്ഷമായി. 40 ദശലക്ഷത്തിലധികം യൂണിറ്റുകള്‍ കയറ്റി അയച്ച് 14.1 ശതമാനം വിപണി വിഹിതവുമായി ഷവോമിയാണ് മൂന്നാം സ്ഥാനത്തുളളത്.

Technology252 days ago