ഡിസ്‌പ്ലെ പ്രശ്‌നം നേരിട്ട ഫോണുകള്‍ക്ക് സൗജന്യ സ്‌ക്രീന്‍ റീപ്ലെയ്‌സ്‌മെന്റുമായി സാംസങ്

ഗ്രീന്‍ ലൈന്‍ പ്രശ്നം ബാധിച്ച ഗ്യാലക്സി എസ് സീരീസ് ഉപയോക്താക്കള്‍ക്കാണ് സാംസങ് സൗജന്യ സ്‌ക്രീന്‍ റീപ്ലേസ്മെന്റ് വാഗ്ദാനം ചെയ്യുന്നതെന്നാണ് റിപ്പോര്‍ട്ട്. ഇതുപ്രകാരം ഗ്യാലക്സി S20 സീരീസ്, നോട്ട് 20 സീരീസ്, S21 സീരീസ്, S22 അള്‍ട്രാ സ്മാര്‍ട്ട്ഫോണുകളുടെ തിരഞ്ഞെടുത്ത മോഡലുകള്‍ക്ക് ഒറ്റത്തവണ സൗജന്യ സ്‌ക്രീന്‍ റീപ്ലേയ്‌സ്മെന്റ് ഉണ്ടായിരിക്കും. 2024 ഏപ്രില്‍ 30 വരെ മൂന്ന് വര്‍ഷത്തിനുള്ളില്‍ വാങ്ങിയ ഫോണുകള്‍ക്കാകും ഇത്തരത്തില്‍ സ്‌ക്രീന്‍ മാറ്റാനാകുക. സ്‌ക്രീനില്‍ പച്ച നിറത്തിലുള്ള വരകള്‍ ദൃശ്യമാകുന്ന തകരാറിനെയാണ് ഗ്രീന്‍ ലൈന്‍ ഇഷ്യൂ എന്ന് വിളിക്കുന്നത്.

Technology244 days ago

വിവോ V40e ഇന്ത്യയില്‍ അവതരിപ്പിച്ചു

വിവോ V40, V40 പ്രോ എന്നീ ഫോണുകളുടെ ശ്രേണിയിലേക്കാണ് വിവോ V40e അവതരിപ്പിച്ചിരിക്കുന്നത്. മീഡിയടെക് ഡൈമെന്‍സിറ്റി 7300 ചിപ്‌സെറ്റ്, 6.77 ഇഞ്ച് ഫുള്‍ എച്ച്ഡി+ 3D കര്‍വ്ഡ് അമോലെഡ് സ്‌ക്രീന്‍, 80W ചാര്‍ജിംഗ് പിന്തുണയുള്ള 5,500mAh ബാറ്ററി, 50-മെഗാപിക്‌സല്‍ ക്യാമറ എന്നിവയാണ് ഫോണിന്റെ പ്രധാന ആകര്‍ഷണങ്ങള്‍. ഫോണിന്റെ 8GB +128GB വേരിയന്റിന് 28,999 രൂപയും 8GB+ 256GB വേരിയന്റിന് 30,999 രൂപയുമാണ് വില. ഒക്ടോബര്‍ 2 മുതല്‍ ഉപയോക്താക്കള്‍ക്ക് ഈ ഫോണ്‍ വാങ്ങാനാകും.

Technology89 days ago

ഫോള്‍ഡബില്‍ മോട്ടോറോള റേസര്‍ 50 ഇന്ത്യന്‍ വിപണിയില്‍ അവതരിപ്പിച്ചു

മോട്ടോ AI എന്നറിയപ്പെടുന്ന മോട്ടോറോളയുടെ AI അധിഷ്ഠിത ഫീച്ചറുകളോടെയാണ് സ്മാര്‍ട്ട്‌ഫോണ്‍ വിപണിയില്‍ എത്തുന്നത്. 8 GB റാം + 256 GB റാം സ്റ്റോറേജ് വേരിയന്റുകള്‍ ലഭ്യമാണ്. സ്പ്രിറ്റ്സ് ഓറഞ്ച്, സാന്‍ഡ് ബീച്ച് എന്നിങ്ങനെ മൂന്ന് കളര്‍ ഓപ്ഷനുകളാണ് ഉള്ളത്. നിരവധി ലോഞ്ച് ഓഫറുകളോടെയാണ് ഇന്ത്യയിലെത്തുന്നത്. മോട്ടോറോള റേസര്‍ 50ന്റെ വില 64,999 രൂപയാണ്.

Technology92 days ago

ഐഫോണ്‍ 16 സീരീസ് ഇന്ത്യന്‍ വിപണിയിലെത്തി

രാജ്യത്ത് ഐഫോണ്‍ 16 മോഡലുകളുടെ വില്‍പന ആരംഭിച്ചു. ഐഫോണ്‍ 16, ഐഫോണ്‍ 16 പ്ലസ്, ഐഫോണ്‍ 16 പ്രോ, ഐഫോണ്‍ 16 പ്രോ മാക്സ് എന്നീ നാല് മോഡലുകളാണ് ആപ്പിള്‍ 16 സീരീസില്‍ അവതരിപ്പിച്ചിരിക്കുന്നത്. ആപ്പിള്‍ ഇന്റലിജന്‍സ് ഫീച്ചറുകളുമായെത്തുന്ന ആദ്യ ഐഫോണുകളാണിവ. വില്‍പ്പന ആരംഭിച്ചത് മുതല്‍ ഡല്‍ഹിയിലും മുംബൈയിലുമുള്ള ആപ്പിളിന്റെ ഔദ്യോഗിക വില്‍പന കേന്ദ്രങ്ങളില്‍ വന്‍ തിരക്കാണ് അനുഭവപ്പെടുന്നത്.

Technology95 days ago

ഇന്ത്യയില്‍ പുതിയ സ്മാര്‍ട്ട്ഫോണ്‍ അവതരിപ്പിക്കാനൊരുങ്ങി സാംസങ്

സാംസങ് ഗാലക്സി M55S എന്ന പേരില്‍ M സീരീസിലാണ് പുതിയ സ്മാര്‍ട്ട്‌ഫോണ്‍ അവതരിപ്പിക്കാന്‍ പോകുന്നത്. 120Hz റിഫ്രഷ് റേറ്റ് ഉള്ള 6.7 ഇഞ്ച് ഡിസ്‌പ്ലേ, 50 മെഗാപിക്സല്‍ പ്രൈമറി റിയര്‍ കാമറ എന്നിവയാണ് പ്രധാന ഫീച്ചറുകള്‍. സെപ്റ്റംബര്‍ 23ന് ഇന്ത്യയില്‍ അവതരിപ്പിക്കുമെന്നാണ് കമ്പനി അറിയിച്ചിരിക്കുന്നത്. കോറല്‍ ഗ്രീന്‍, തണ്ടര്‍ ബ്ലാക്ക് എന്നീ കളര്‍ ഓപ്ഷനുകളിലായിരിക്കും ഫോണ്‍ ലഭ്യമാവുക.

Technology95 days ago

ഇന്‍ഫിനിക്സ് സീറോ 40 5G ഇന്ത്യയില്‍ അവതരിപ്പിച്ചു

ഇന്‍ഫിനിക്സ് AI ഫീച്ചറുകളോട് കൂടി എത്തുന്ന ആദ്യ ഫോണാണിത്. 6.78 ഇഞ്ച് ഫുള്‍ HD + (1,080 x 2,436 പിക്‌സല്‍) അമോലെഡ് സ്‌ക്രീന്‍, മീഡിയടെക് ഡൈമെന്‍സിറ്റി 8200 അള്‍ട്ടിമേറ്റ് SoC, 108 മെഗാപിക്‌സല്‍ ട്രിപ്പിള്‍ റിയര്‍ ക്യാമറ യൂണിറ്റ് എന്നിവയാണ് ഫോണിന്റെ പ്രധാന സവിശേഷതകള്‍. 12 GB+ 256 GB വേരിയന്റിന് 27,999 രൂപയും 12 GB + 512 GB വേരിയന്റിന് 30,000 രൂപയുമാണ് വില. സെപ്തംബര്‍ 21 വൈകുന്നേരം 7 മണി മുതല്‍ ഫ്‌ലിപ്പ്കാര്‍ട്ട് വഴി ഉപഭോക്താക്കള്‍ക്ക് ഫോണ്‍ വാങ്ങാനാകും.

Technology96 days ago

റെഡ്മി 14 R ചൈനയില്‍ അവതരിപ്പിച്ചു

സ്‌നാപ്ഡ്രാഗണ്‍ 4 Gen 2 ചിപ്സെറ്റ്, 6.68 ഇഞ്ച് HD + LCD സ്‌ക്രീന്‍, 18W ചാര്‍ജിംഗ് പിന്തുണയുള്ള 5,160mAh ബാറ്ററി, 13 മെഗാപിക്‌സല്‍ ക്യാമറ എന്നിവയാണ് ഫോണിന്റെ പ്രധാന സവിശേഷതകള്‍. 4 ജിബി റാമും 128 ജിബി സ്റ്റോറേജുമുള്ള റെഡ്മി 14 R ന്റെ അടിസ്ഥാന മോഡലിന് ഏകദേശം 13,000 രൂപയാകും വില. കൂടാതെ 6GB+128GB, 8GB+128GB, 8GB+256GB എന്നീ വേരിയന്റുകള്‍ക്ക് യഥാക്രമം 17,700, 20,100, 22,500 എന്നിങ്ങനെയാകും വില.

Technology100 days ago

ടെക്‌നോ പോവ 6 നിയോ 5G ഇന്ത്യയില്‍ അവതരിപ്പിച്ചു

108 മെഗാപിക്‌സല്‍ ക്യാമറ, 6.67-ഇഞ്ച് HD+ (720X1,600 പിക്‌സല്‍) IPS LCD ഡിസ്‌പ്ലേ, 18W ചാര്‍ജിംഗ് പിന്തുണയുള്ള 5,000mAh ബാറ്ററി, മീഡിയടെക് ഡൈമെന്‍സിറ്റി 6300 SoC ചിപ്‌സെറ്റ് എന്നിവയാണ് ഫോണിന്റെ പ്രധാന ആകര്‍ഷണങ്ങള്‍. ഇതില്‍ 6GB + 128GB വേരിയന്റിന് 13,999 രൂപയും 8GB + 256GB ഓപ്ഷന് 14,999 രൂപയുമാണ് വില. അഞ്ച് വര്‍ഷത്തേക്ക് ലാഗ് ഫ്രീ പെര്‍ഫോമന്‍സും കമ്പനി വാഗ്ദാനം ചെയ്യുന്നുണ്ട്. സെപ്റ്റംബര്‍ 14 മുതല്‍ ഫോണ്‍ വില്‍പ്പനയ്‌ക്കെത്തും.

Technology103 days ago

വിവോ Y37 പ്രോ ചൈനയില്‍ അവതരിപ്പിച്ചു

6.68 ഇഞ്ച് HD+ LCD സ്‌ക്രീന്‍, 8GB റാം, സ്നാപ്ഡ്രാഗണ്‍ 4 ജെന്‍ 2 ചിപ്സെറ്റ്, 50 മെഗാപിക്‌സല്‍ ഡ്യുവല്‍ റിയര്‍ ക്യാമറ സംവിധാനം, ഡ്യുവല്‍ സ്റ്റീരിയോ സ്പീക്കര്‍ യൂണിറ്റ് എന്നിവയാണ് ഫോണിന്റെ പ്രധാന പ്രത്യേകതകള്‍. കൂടാതെ 44W വയേര്‍ഡ് ഫാസ്റ്റ് ചാര്‍ജിംഗ് പിന്തുണയുളള 6,000 mAh ബാറ്ററിയും ഫോണിന് കരുത്ത് പകരുന്നു. ചൈനയില്‍ 1799 ചൈനീസ് യുവാന്‍ വിലയുള്ള ഫോണിന് ഇന്ത്യയില്‍ ഏകദേശം 21,300 രൂപയാകും വില.

Technology107 days ago

റിയല്‍മി P2 പ്രോ 5G സെപ്റ്റംബര്‍ 13ന് ഇന്ത്യയിലെത്തും

റിയല്‍മി P1 പ്രോ 5Gയുടെ പിന്‍ഗാമിയായെത്തുന്ന P2 പ്രോ 5G സെപ്റ്റംബര്‍ 13ന് ഇന്ത്യയില്‍ അവതരിപ്പിക്കുമെന്ന് കമ്പനി അറിയിച്ചു. കര്‍വ്ഡ് ഡിസ്‌പ്ലേ, 80W വയേര്‍ഡ് ഫാസ്റ്റ് ചാര്‍ജിംഗ് ബാറ്ററി, സ്‌നാപ്ഡ്രാഗണ്‍ ചിപ്‌സെറ്റ് എന്നിവയാണ് ഫോണിന്റെ പ്രധാന സവിശേഷതകള്‍. ഇതില്‍ 8GB + 128GB വേരിയന്റിന് 19,999 രൂപയും 8GB + 256GB വേരിയന്റിന് 20,999 രൂപയുമാണ് വില. പാരറ്റ് ബ്ലൂ, ഫീനിക്‌സ് റെഡ് എന്നീ നിറങ്ങളിലാകും ഈ ഫോണ്‍ ലഭ്യമാകുക.

Technology110 days ago

റിയല്‍മി നാര്‍സോ 70 ടര്‍ബോ 5G സെപ്റ്റംബര്‍ 9ന് ഇന്ത്യയിലെത്തും

റിയല്‍മി നാര്‍സോ സീരീസിലെ ഏറ്റവും പുതിയ മോഡല്‍ റിയല്‍മി നാര്‍സോ 70 ടര്‍ബോ 5G സെപ്തംബര്‍ 9 ന് ഉച്ചയ്ക്ക് 12 മണിക്ക് ഇന്ത്യയില്‍ ലോഞ്ച് ചെയ്യുമെന്ന് കമ്പനി അറിയിച്ചു. മീഡിയടെക് ഡൈമെന്‍സിറ്റി 7300 5G ചിപ്‌സെറ്റാണ് ഫോണില്‍ സജ്ജീകരിച്ചിരിക്കുന്നത്. ഇലക്ട്രോണിക് ഇമേജ് സ്റ്റെബിലൈസേഷന്‍ പിന്തുണയുള്ള 50 മെഗാപിക്‌സല്‍ ക്യാമറയുളള ഫോണ്‍ 5G 6GB + 128GB, 8GB + 128GB, 8GB + 256GB, 12GB + 256GB എന്നീ സ്റ്റോറേജ് ഓപ്ഷനുകളിലാകും ലഭ്യമാകുക.

Technology112 days ago